ანიტა რაჭველიშვილი

პანდემიის მიუხედავად: საქართველოს კულტურული მიღწევები 2020 წელს ტოპ–ათეული

85
(განახლებულია 14:09 09.01.2021)
გასული 2020 წელი მძიმე იყო მსოფლიოსა და მათ შორის, საქართველოსთვის, მაგრამ ზოგიერთი კულტურის მოღვაწისთვის ის საკმაოდ ნაყოფიერი აღმოჩნდა

Sputnik–საქართველო 2020 წლის მთავარ კულტურულ მიღწევებზე და გმირებზე გესაუბრებათ.

წლის საუკეთესო ბალერინა

ქართველი ბალერინა მაია მახათელი, საერთაშორისო ჟურნალ Dance Europe-ის ვერსიით, რომელიც 1995 წლიდან ლონდონში გამოდის, წლის საუკეთესო მოცეკვავედ დასახელდა.

Майя Махатели
მაია მახათელი

სწორედ ქართველმა ბალერინამ მიიღო ყველაზე მეტი ხმა, ჟურნალმა Dance Europe მისი ფოტო დეკემბერ/იანვრის ნომრის გარეკანზე გამოაქვეყნა.

ქართველ ბალერინასთან ერთად საუკეთესოს წოდებისთვის „დიდი თეატრის“ რუსი მოცეკვავეები – მარია ალექსანდროვა და ვლადისლავ ლანტრატოვი იბრძოდნენ.

ქართველი – საუკეთესო მომღერალი გერმანიაში

ქართველი მეცო-სოპრანო ანიტა რაჭველიშვილი გერმანული პრესტიჟული ჟურნალის Оper! Magazin დეკემბრის გარეკანზე მოხვდა – საოპერო მომღერალი 2020 წლის საუკეთესო მომღერლად დასახელდა.

Анита Рачвелишвили
ანიტა რაჭველიშვილი

Оper! საერთაშორისო გამოცემაა, რომელიც საოპერო ხელოვნებითაა დაინტერესებული. დაარსდა 2015 წელს და ყოველთვიურად გამოდის. გამოცემა ხელმისაწვდომია გერმანიაში, ავსტრიასა და შვეიცარიაში, ასევე ხელმომწერებისთვის მთელ მსოფლიოში. აქვს ციფრული ვერსიაც.

ქართველი ფოტოგრაფი ბრიტანულმა მოდის საბჭომ შეაფასა

ქართველი ფოტოგრაფი დავით გიორგაძე, რომლის ობიექტივში გასულ წელს ბევრი მსოფლიოში აღიარებული მოდელი თუ პოპულარული მსახიობი მოხვდა, ბრიტანეთის მოდის საბჭოს ვერსიით 2020 წლის საუკეთესო შემოქმედთა სიაში მოხვდა, თანაც უკვე მეორედ.

Фотограф Давид Гиоргадзе
დავით გიორგაძე

ბრიტანეთის მოდის საბჭო 2018 წლიდან წარმოადგენს ახალგაზრდა ნიჭიერ შემოქმედ ადამიანებს სხვადასხვა სფეროდან. დავით გიორგაძე ამ სიაში პირველად გასულ წელს, 100 ყველაზე ნოვატორულ და შთამაგონებელ ახალგაზრდას შორის მოხვდა. წელს მან საპატიო ადგილი უკვე 50 საუკეთესოს შორის დაიკავა.

მერაბ ნინიძე ბრიტანული დამოუკიდებელი კინოს პრემიაზე

ცნობილი ქართველი მსახიობი მეორეხარისხოვანი როლის საუკეთესო შესრულებისთვის ბრიტანული დამოუკიდებელი კინოს (British Independent Film Awards, BIFA) პრესტიჟულ პრემიაზეა წარდგენილი.

Мераб Нинидзе в сериале МакМафия
მერაბ ნინიძე

ასეთი ყურადღება ქართველმა მსახიობმა ბრიტანელი რეჟისორის დომინიკ კუკის ფილმ „კურიერში“ შესრულები როლისთვის მიიპყრო, სადაც ნინიძემ მსოფლიოში ცნობილი მსახიობ ბენედიქტ კემბერბეტჩთან ითამაშა. British Independent Film Awards–ის გამარჯვებულებს 17 ნომინაციაში 2021 წლის თებერვალში გამოაცხადებენ.

გამარჯვება 2020 წლის მთავარ მტერზე

ცნობილმა ქართველმა მსახიობმა, 85 წლის კახი კავსაძემ კორონავირუსი დაამარცხა.

Грузинский советский актёр театра и кино Кахи Давидович Кавсадзе
© photo: Sputnik
კახი კავსაძე

კავსაძე პირველ საუნივერსიტეტო კლინიკაში კორონავირუსის დიაგნოზით 28 ნოემბერს მოათავსეს. საბედნიეროდ, კავსაძემ ამ ვერაგი მტრის დამარცხება შეძლო.

კინო თითოეულ სახლში

კინოთეატრების მუშაობა შეჩერებულია, ფილმის ნახვა კი ბევრს უნდა. საქართველოს კინემატოგრაფიის ეროვნულ ცენტრს პანდემიამ შესანიშნავი იდეა მიაწოდა – ვირტუალური კინოკლუბის შექმნა. ასეც მოხდა.

Фильм Преступный человек Дмитрия Мамулия
კადრი დიმიტრი მამულიას ფილმიდან „ბოროტმოქმედი"

ახლა ონლაინ–კინოკლუბში შესაძლებელია ახალი ფილმების ნახვა, კადრების ხილვა ქართული ფილმების გადაღებებიდან, ასევე კინემატოგრაფის სიახლეების გაცნობა.

The Guardian–მა ქართული კინო შეაფასა

ქართული წარმოშობის შვედი რეჟისორის ლევან აკინის ფილმი „და ჩვენ ვიცეკვეთ“ ბრიტანული გამოცემა The Guardian–ის ვერსიით 2020 წლის 50 საუკეთესო ფილმის ჩამონათვალში შევიდა.

Кадр из фильма А потом мы танцевали
კადრი ფილმიდან „და ჩვენ ვიცეკვეთ"

ქართული დრამა, რომელიც უკვე მსოფლიოს არაერთ ქვეყანაში გახდა ცნობილი, 26–ე ადგილზეა. რეცენზიაში აღნიშნულია, რომ ფილმმა გასულ წელს კანის ფესტივალზე ფურორი მოახდინა.

ნარიყალას გადარჩენა

დედაქალაქში უნიკალური ციხესიმაგრე ნარიყალას გადარჩენას შეუდგნენ. ნარიყალა Europa Nostra–ს კულტურული მემკვიდრეობის ობიექტთა ნუსხაშია შეტანილი და მას ამჟამად საფრთხე ემუქრება.

Ночной вид на город Тбилиси - район Калаубани и Нарикала, набережная реки Кура
© Sputnik / Alexander Imedashvili
ხედი ნარიყალაზე

ქართული კულტურის ძეგლი „განსაკუთრებული საფრთხის ქვეშ მყოფი შვიდი ძეგლის პროგრამაში“ მოხვდა 12 ფინალისტს შორის.

პროგრამის გამარჯვებული მიიღებს არა მხოლოდ მსოფლიოს კულტურული მემკვიდრეობის დაცვის წამყვანი სპეციალისტების მხარდაჭერას, არამედ ფინანსურ დახმარებასაც ძეგლის შენარჩუნებისთვის სხვადასხვა საქველმოქმედო ფონდიდან.

ქართული ფილმის ტრიუმფი

ქართულმა დრამამ „დასაწყისი“ გასულ წელს ნამდვილი ფურორი მოახდინა. ახალგაზრდა რეჟისორის დეა კულუმბეგაშვილის სურათმა პრესტიჟულ კინოფესტივალზე სან–სებასტიანში ერთდროულად ოთხი მთავარი ჯილდო დაიმსახურა.

Кадр из фильма Начало Дэи Кулумбегашвили
photo : courtesy of Georgian National Film Center
კადრი ფილმიდან „დასაწყისი"

ფილმი საუკეთესოდ დასახელდა და მიიღო მთავარი პრიზი „ოქროს ნიჟარა“; რეჟისორი „ვერცხლის ნიჟარის“ მფლობელი გახდა საუკეთესო რეჟისურისთვის. მთავარი როლის შემსრულებელმა ია სუხიტაშვილმა „ვერცხლის ნიჟარა“ მოიპოვა ქალის როლის საუკეთესო შესრულებისთვის, ხოლო პრიზი საუკეთესო სცენარისათვის დეა კულუმბეგაშვილმა და რატი ონელმა გაინაწილეს.

დევიდ დეფის პოემა ამერიკული პოეზიის ანთოლოგიაში შევიდა

ქართველი პოეტისა და რომანისტის დავით დეფის (გოგიბედაშვილი) ნაწარმოები ამერიკული პოეზიის გამომცემლობა Adelaide Books–ის ანთოლოგიაში შევიდა.

Грузинский поэт Давид Дэфи
დავით დეფი

პოემა The Dust of the Garden („ბაღის მტვერი“), რომლის მთავარი მოტივია მსჯელობა ადამიანზე, ცხოვრების აზრზე, ღმერთზე, ომზე – გამომცემლობის საუკეთესო ლექსებს შორის დასახელდა.

85
თემები:
საქართველო და კულტურა (1025)
გიორგი ოთხმეზური

გარდაიცვალა ცნობილი ქართველი ისტორიკოსი გიორგი ოთხმეზური

106
ცნობილი მეცნიერის გარდაცვალებასთან დაკავშირებით მწუხარება უკვე გამოხატეს განათლების, მეცნიერების, კულტურისა და სპორტის მინისტრმა მიხეილ ჩხენკელმა და თბილისის მერმა კახა კალაძემ

თბილისი, 20 იანვარი - Sputnik. გამოჩენილი ქართველი ისტორიკოსი გიორგი ოთხმეზური 66 წლის ასაკში გარდაიცვალა. ამის შესახებ ცნობა თბილისის ივ. ჯავახიშვილის სახ. სახელმწიფო უნივერსიტეტის Facebook-გვერდზე გამოქვეყნდა. ისტორიკოსი უნივერსიტეტში მრავალი წლის განმავლობაში მუშაობდა.

განათლების, მეცნიერების, კულტურისა და სპორტის მინისტრმა მიხეილ ჩხენკელმა გიორგი ოთხმეზურის გარდაცვალებასთან დაკავშირებით სამძიმარი გამოხატა. მინისტრმა აღნიშნა, რომ სამეცნიერო საზოგადოებამ ღირსეული ადამიანი და მეცნიერი დაკარგა.

„სამეცნიერო საზოგადოებამ დაკარგა ღირსეული პიროვნება, მეცნიერი, რომელმაც მთელი ცხოვრება საქართველოს ისტორიის, ქართული ეპიგრაფიკისა და პალეოგრაფიის კვლევას დაუთმო და არაერთი ღირებული და მნიშვნელოვანი ნაშრომი დაგვიტოვა“, - აღნიშნა ჩხენკელმა.

მინისტრმა მიუთითა ასევე, რომ ოთხმეზური ისტორიის მეცნიერებათა დოქტორი და თსუ-ს ჰუმანიტარულ მეცნიერებათა ფაკულტეტის დოცენტი იყო და თავისი ცოდნა და გამოცდილება სტუდენტების უამრავ თაობას გაუზიარა, აღზარდა არაერთი შესანიშნავი ისტორიკოსი.

მეცნიერის გარდაცვალების გამო სინანული გამოხატა ასევე თბილისის მერმა კახა კალაძემ.

„მინდა მწუხარება გამოვთქვა ცნობილი ქართველი მეცნიერის, ისტორიკოსის, გიორგი ოთხმეზურის გარდაცვალების გამო. დიდია მისი წვლილი საქართველოს ისტორიისა და წყაროთმცოდნეობის კვლევებში. ვიზიარებ გიორგი ოთხმეზურის ოჯახის წევრების, მისი ახლობლების, აკადემიური და სამეცნიერო წრეების დიდ გულისტკივილს“, - დაწერა მერმა თავის Facebook-გვერდზე.

გიორგი ოთხმეზური ისტორიის მეცნიერებათა დოქტორი, თსუ-ს ჰუმანიტარული ფაკულტეტის დოცენტი იყო. მისი კვლევების ძირითადი მიმართულებები იყო საქართველოს ისტორიის, წყაროთმცოდნეობის, ქართული ეპიგრაფიკისა და პალეოგრაფიის შესწავლა და განვითარება.

106

ქუჩის მუსიკოსების კონცერტი ორბელიანის სასახლესთან - ვიდეო

145
ქუჩის მუსიკოსების კონცერტი ორბელიანის სასახლეში საქართველოს პრეზიდენტ სალომე ზურაბიშვილის გადაწყვეტილებით გაიმართა. იხილეთ Sputnik-საქართველოს ვიდეოში კადრები შოუდან

ორბელიანის სასახლე, სადაც ახლა პრეზიდენტის რეზიდენციაა განთავსებული, XIX საუკუნეში საზოგადოებრივი თავშეყრის ადგილი იყო. იქ ასევე იკრიბებოდნენ კულტურის სფეროს მოღვაწეები, იმართებოდა კონცერტები და შეხვედრები.

პრეზიდენტის პრეს-სამსახურის ინფორმაციით, კონცერტი ახალგაზრდა მუსიკოსების პოპულარიზაციის მიზნით გაიმართა. შესაძლოა, მსგავსი ღონისძიებები აქ ტრადიციადაც იქცეს.

145
პლიტვიცეს ჩანჩქერი

მერწყული რთული, ორიგინალური, თავისუფლებისმოყვარე ზოგადი დახასიათება

0
(განახლებულია 10:42 20.01.2021)
მერწყული ერთ–ერთი ყველაზე რთული და წინააღმდეგობებით აღსავსე ნიშანია, რომლის წარმომადგენლებიც მუდამ ახალი შეგრძნებების ძიებაშია არიან

მერწყულის ნიშნით იბადებიან 21 იანვარი – 19 თებერვლის პერიოდში.

ზოდიაქოს ხუთი ყველაზე კაშკაშა ნიშანი, რომელთა შეყვარება ძალიან ადვილია>>

მერწყული (Aquarius) – ჰაერის სტიქიის ნიშანია, რომელსაც ერთდროულად ორი პლანეტა – ურანი და სატურნი მართავს. ის ზოდიაქოს თანავარსკვლავედის ერთ–ერთი ყველაზე რთული და წინააღმდეგობებით აღსავსე ნიშანია, რომლის წარმომადგენლები მუდამ ახალი შეგრძნებების ძიებაშია არიან. თავად მერწყულის ნიშანშია ჩადებული შინაგანი კონფლიქტი – ისინი მუდმივად ისწრაფვიან თავისუფლებისკენ, ახალი გამოცდილების, ახალი ინფორმაციის მიღებისკენ. ამ ნიშნის წარმომადგენლები იდეური ადამიანები არიან, რომლებიც თავისი იდეალიზმის პრიზმაში ატარებენ ამორალურ საქციელსაც, ან ყველაზე წარმოუდგენელი სექსუალური გამოცდილების ფორმებსაც კი. სხვათა შორის, სწორედ ამ ნიშის წარმომადგენლები ადვილად მეგობრობენ ყოფილ საყვარლებთან, რადგან სექსს ურთიერთობების ბუნებრივად ბაზად მიიჩნევენ.

მერწყულები, ერთი შეხედვით, კეთილი, რბილი და მერყევი ადამიანები ჩანან. ისინი ყოველთვის მზად არიან დახმარებისთვის, დიდად აფასებენ მეგობრობას და ძალიან უყვართ ყოფის, ადამიანის არსებობის საიდუმლოებების შესწავლა – მათი ნატურის ფილოსოფიური შემადგენელი სამყაროზე მათ არასტანდარტულ შეხედულებას განსაზღვრავს. მერწყულები, გამოხატავენ რა სიძულვილს მატერიალური ფასეულობების, პათოსისა და ფუფუნების მიმართ, გულის სიღრმეში ძალზე დამოკიდებული არიან კონფორტსა და ფულზე, თუმცა, მათი ძირითადი იდეოლოგია ეხება ადამიანთა თანასწორობისა და დემოკრატიის იდეას, როგორც უმაღლეს ფასეულობას.

მერწყულები ყოველთვის ორიგინალობისკენ ისწრაფვიან, რომელიც, პირდაპირი მნიშვნელობით, ყველაფერში გამოიხატება – აზროვნების სტილიდან დაწყებული, ცხოვრების სტილამდე დამთავრებული. მათ თავიანთი მიღწევების სახალხოდ ჩვენება არ უყვართ, თუმცა ძალიან უყვართ, როცა მათი ინდივიდუალობა ღირსეულად ფასდება. ამ ნიშნის წარმომადგენლების მთავარი სულიერი პრობლემაა მთელი ინფორმაციის „შესრუტვა“ და ამის აღქმა, როგორც უმაღლესი ფასეულობისა, მაგრამ ამ ინფორმაციას ყოველთვის არა აქვს სათანადო და ღირსეული გამოყენება. ხშირად, ეზოთერულისა და ირაციონალურისადმი მიდრეკილებას მერწყულები მიჰყავს ისეთ პროფესიებთან, როგორიცაა ფოკუსების ოსტატი და მსახიობი. ამას გარდა, ისინი ძალიან კარგად შეიგრძნობენ ხელოვნებას და ხასიათის რომანტიკული წყობით გამოირჩევიან.

ზოდიაქოს ამ სამი ნიშნით ყველაზე ცოტა ადამიანი იბადება>>

მერწყულების სუსტი მხარეებია: ინფანტილიზმი, ჩანაფიქრის ბოლომდე მიყვანის უუნარობა, ნებისმიერი სოციალური ზღუდისა და ჩარჩოს უარყოფის სურვილი, სასოწარკვეთილების დროს და მაშინ, როდესაც ვერ უგებენ, დემონსტრირება იმისა, რომ ისინი უარყოფილნი არიან და სხვებს არ ჰგვანან.

მერწყული მამაკაცი

მამაკაცი მერწყულები ზეპასუხისმგებლიანი ადამიანები არიან, ამავდროლად, არასტანდარტული აზროვნებით გამოირჩევიან. მათ უყვართ გარისკვა, ექსპერიმენტები, გამოირჩევიან იუმორის ორიგინალური გრძნობით.

ურთიერთობებში მერწყული ზედაპირული ჩანს, თუმცა ხანდახან მისი ექსტრავაგანტულობა და რევოლუციონერობა არ გამორიცხავს წყნარი ნავსაყუდელისკენ სწრაფვას. ლამაზი ქალის დაპყრობის ფაქტი ხანდახან მისთვის ფიზიკურ ტკბობაზე მნიშვნელოვანია.

მერწყული მამაკაცი სამუშაოს თავდადებით ეკიდება, სანამ ის მისი თავისუფლების შეზღუდვას არ იწყებს – მერწყული თავს თავდაჯერებულად და კომფორტულად გრძნობს, როდესაც თავს არ ახვევენ პირობითობებსა და სტანდარტულ სქემებს.

ზოდიაქოს ყველაზე გულწრფელი ნიშნები>>

მერწყული ქალი

ქალი მერწყულები უშუალო, კომუნიკაბელური არიან, შეუძლიათ შთაბეჭდილების მოხდენა და სიმყუდროვის ატმოსფეროს შექმნა. კარგად ეხერხებათ მრავაფეროვნების შეტანა ინტიმურ ცხოვრებაში, ძნელია მათი შოკირება უხამსი წინადადებებით ან გამოუვალ სიტუაციაში ჩაყენება – მერწყული ქალები, არიან რა ყოველდღიურობაში მშვიდი და ყურადღებიანი, ძალზე კრეატიულნი არიან ეროტიკული თვალსაზრისით.

ქალი მერწყულები იცვამენ ორიგინალურად და ექსტრავაგანტულად და მოდას ძალზე მწვავედ შეგრძნობენ – ეს მათი ერთ–ერთი ძლიერი მხარეა. მათ უყვართ ხმაურიანი კომპანიები, ყურადღება, განსაკუთრებული ადგილები მოცალეობის ჟამს და იმ ადამიანების გარემოცვაში ყოფნა, ვისთანაც დროს მხიარულად და საინტერესოდ გაატარებენ.

სიყვარულში მერწყული ქალი მთლიანად იხარჯება, თავგანწირვით ხატავს იდეალისტურ სურათს. ამავდროულად, ძალზე მომთხოვნია და გულწრფელობასა და ერთგულებას მოითხოვს. ის ძალზე გულნატკენი რჩება საყვარელი მამაკაცის უყურადღებით მაშინ, როცა თვითონ, თუნდაც ყურებამდე იყოს შეყვარებული, ინტრიგაზე უარს არ ამბობს. მერწყულ ქალებს ბრუტალური, უხეში მამაკაცები არ იზიდავს, ჩვეულებრივ, მათთვის მნიშნელოვანია სულიერი კავშირი საყვარელ ადამიანთან.

2021 წლის ჰოროსკოპი: მერწყული – ფინანსები, სიყვარული, ჯანმრთელობა>>

მერწყულის შეთავსება სხვა ნიშნებთან

მერწყულისთვის საუკეთესო იქნება კავშირი კირჩხიბთან, ტყუპთან და სასწორთან – ამ ნიშნების წარმომადგენლები ურთიერთობებში ასევე აფასებენ დახვეწილობასა და დეტალებს.

რთული, მაგრამ ცეცხლოვანი კავშირია მოსალოდნელი ვერძებთან და თავისივე ნიშნის წარმომადგენლებთან.

ასტროლოგების მოსაზრებით, ცუდია მერწყულის კავშირი მორიელთან და ლომთან, რომელთა საქმიანობა და აქტიურობა რამდენადმე მისტიკურ და იდუმალ მერწყულში გამოძახილს ვერ ჰპოვებს.

მერწყულის ნიშნით დაიბადნენ გამოჩენილი ადამიანები:

ვოლფგანგ ამადეუს მოცარტი, ჩარლზ დიკენსი, ვირჯინია ვულფი, აბრაამ ლინკოლნი, ანტონ ჩეხოვი, ანა პავლოვა, კრისტიან დიორი, პაკო რაბანი, კლარკ გეიბლი, ანჯელა დევისი, იოკო ონო, ჯონ ტრავოლტა, ჯასტინ ტიმბერლეიკი, ეშტონ კატჩერი, ჯენიფერ ენისტონი და სხვა.

0