ნანი ბრეგვაძე, ეკა მამალაძე და ნატალია ქუთათელაძე

ნანი ბრეგვაძის შვილიშვილით პრესტიჟული საერთაშორისო სააგენტო Askonas Holt-ი დაინტერესდა

245
ნატალია ქუთათელაძის დებიუტი ამ სეზონზე შედგება - ის სანტიაგოს მუნიციპალურ თეატრში განთქმული კარმენის როლით წარდგება

თბილისი, 16 დეკემბერი – Sputnik. ქართველმა მეცო-სოპრანომ, ცნობილი მომღერლის ნანი ბრეგვაძის შვილიშვილმა ნატალია ქუთათელაძემ მსოფლიოში ერთ-ერთ ყველაზე გავლენიან სააგენტო Askonas Holt-თან კონტრაქტი გააფორმა.

Askonas Holt-ი კლასიკური მუსიკის სფეროში „ოპერირებს“. სააგენტო მუშაობს მთელი მსოფლიოს მასშტაბით და ავითარებს როგორც უკვე შემდგარ, ისე ახალ ნიჭიერ არტისტებს. სააგენტო ასევე აწყობს საერთაშორისო ტურებს წამყვანი მსოფლიო ორკესტრებისა და ცეკვის კომპანიებისთვის.

სააგენტოს ოფიციალურ ვებგვერდზე ნათქვამია, რომ ნატალია ქუთათელაძის დებიუტი ამ სეზონზე შედგება - ის სანტიაგოს მუნიციპალურ თეატრში კარმენის როლით წარდგება.

„არასდროს არ მქონია ისეთი გრძნობა, თითქოს საკონცერტო სცენა ჩემთვის რაიმე სიახლე იყო. გარდა ამისა, ადრეული ასაკიდან არტისტის დისციპლინისა და ცხოვრების სტილის დაკვირვება დამეხმარა იმ პრობლემებთან გამკლავებაში, რომლებსაც განსაკუთრებით დამწყები არტისტები აწყდებიან“, - ციტირებენ ვებგვერდზე შემსრულებელს.

ნატალია ქუთათელაძე ცნობილი მომღერლის, ეკა მამალაძის ქალიშვილი და ლეგენდარული ნანი ბრეგვაძის შვილიშვილია. ოჯახური ტრადიციის მიუხედავად, ნატალიამ უარი თქვა ესტრადაზე და კლასიკური მუსიკა აირჩია. მან თბილისის კონსერვატორია დაამთავრა, შემდეგ კი ვოკალური ხელოვნების შესწავლა გააგრძელა აშშ-ში, სადაც ერთი წლის შემდეგ მაგისტრის ხარისხი მოიპოვა.

2020 წელს ნატალიამ საპრიზო ადგილი მოიპოვა ცნობილი ოპერის მომღერლის, ფრანსისკო ვინიასის სახელობის 57-ე საერთაშორისო ვოკალურ კონკურსზე, რომელიც ბარსელონაში ლისეოს დიდ თეატრში იმართება.

245
თემები:
საქართველო და კულტურა (1139)
წიგნები

პრემია „ლიტერადან“ გელა ჩარკვიანის და სხვა ავტორების წიგნები მოიხსნა

49
ბოლო დღეებში კონკურსი პროტესტის ნიშნად დატოვა ჟიურის ოთხმა წევრმა და მიმდინარე წლის პრემიის ნომინანტების ნაწილმაც. თავიდან კონკურსზე ექვს ნომინაციაში 110 წიგნი იყო წარდგენილი.

თბილისი, 31 ივლისი – Sputnik. ლიტერატურული პრემია „ლიტერას“ ირგვლივ სკანდალი გრძელდება – დღეს გელა ჩარკვიანმა თავისი წიგნი კონკურსიდან მოხსნა.

ბოლო დღეებში კონკურსი პროტესტის ნიშნად დატოვა ჟიურის ოთხმა წევრმა, შესაბამისად, დარჩა მხოლოდ კულტურის, სპორტისა და ახალგაზრდობის სამინისტროს მიერ დანიშნული ერთი წევრი. კონკურსი ასევე დატოვა მიმდინარე წლის პრემიის ნომინანტების ნაწილმაც, რომლებმაც თავიანთი ნამუშევრები უკან გაიწვიეს.

„გელა ჩარკვიანთან შეთანხმებით, გამომცემლობა „არტანუჯი” მის წიგნს – „English – როგორ ვისწავლე და როგორ ვასწავლიდი” პრემია „ლიტერადან” ხსნის“, - ნათქვამია გამომცემლობა „არტანუჯის“ განცხადებაში.

გარდა ამისა, კონკურსიდან გამომცემლობა „ინტელექტის“ ყველა წიგნი მოიხსნა.

„ჩვენი ავტორებისა და დიზაინერების გადაწყვეტილებით, გამომცემლობა „ინტელექტმა“ პრემია „ლიტერადან“ ყველა წიგნი მოხსნა!“ - ნათქვამია გამომცემლობის განცხადებაში, სადაც მოყვანილია ავტორების და წიგნების ჩამონათვალი - სულ 44 წიგნი.

ბოიკოტის ძირითადი მიზეზი ჟიურის შემადგენლობაში სამინისტროს მიერ დანიშნული იოსებ ჭუმბურიძის ყოფნა გახდა. კონკურსზე ექვს ნომინაციაში 110 წიგნი იყო წარდგენილი.

ლიტერატურული კონკურსი დატოვეს ჟიურის წევრებმა ბელა წიფურიამ, ოქტაი კაზუმოვმა, რეზო თაბუკაშვილმა და ლელა კოდალაშვილმა. ბელა წიფურიას თქმით, საქმე ჟიურის არა კონკრეტულ წევრში, არამედ კულტურის სამინისტროს მხრიდან გამოჩენილ უნდობლობაშია.

ამასთან, კულტურის, სპორტისა და ახალგაზრდობის სამინისტრო საკუთარ განცხადებაში აღნიშნავს, რომ იგი კონკურსში არ ერევა და კონკურსთან უწყებას მხოლოდ ის აკავშირებს, რომ ჟიურის შემადგენლობაში მეხუთე პირი სამინისტროს წარმომადგენელია.

ლიტერატურილი პრემია „ლიტერა“ 2015 წელს დაწესდა. მას შემდეგ პრემია ყოველწლიურად გაიცემა. პროექტის მიზანი თანამედროვე ქართული ლიტერატურის განვითარება და ახალგაზრდა ავტორების წახალისებაა. „საბასთან“ ერთად „ლიტერა“ საქართველოში მთავარი ლიტერატურული პრემიაა.

49
დიჯეის „პულტი“

თბილისში კლუბური კულტურის თემაზე გამოფენა გაიხსნა

36
გამოფენის პარალელურად, თბილისის კლუბური კულტურის სცენაზე ხუთი მუსიკოსი თავის შემოქმედებას წარადგენს.

თბილისი, 31 ივლისი – Sputnik. თბილისში, ფიქრის გორაზე, NINO GOGE GALLERY-ში გაიხსნა გამოფენა Unspoken: Words of Silence and Noise, რომელიც კლუბურ კულტურებს სოციალურ და პოლიტიკურ კონტექსტში წარმოადგენს. ნათქვამია ღონისძიების ანონსში.

გამოფენაზე ნაჩვენები იქნება მხატვრულ-ესთეტიკური შეხედულებები თბილისის ახალგაზრდულ, სუბ- და კლუბური კულტურების შესახებ.

გამოფენა დღეს, 31 ივლისს 19:00 საათზე გაიხსნა და 31 აგვისტომდე გაგრძელდება. გამოფენის ორგანიზატორია NINO GOGE GALLERY, კურატორი - ვახტანგ ჭეიშვილი.

გამოფენის პარალელურად, თბილისის კლუბური კულტურის სცენაზე ხუთი მუსიკოსი თავის შემოქმედებას წარადგენს.

მათ შორის არიან შემდეგი მუსიკოსები და თემები:

31 ივლისი - ნატალია ბერიძე (სიმამაცე)

6 აგვისტო - რეზო ღლონტი (ვნება)

12 აგვისტო - თამადა (გართობა)

24 აგვისტო - ზესკნელ (ბრაზი)

29 აგვისტო - საფილეუმი (ცნობისმოყვარეობა)

„რა აღქმადი, სოციალური და პოლიტიკური შესაძლებლობები გააჩნია ახალგაზრდულ, სუბ- და კლუბურ კულტურებს და როგორ შეიძლება მათი მხატვრული განხილვა საგამოფენო კონტექსტში? გამოფენის ძირითადი კონცეფცია და იდეები სწორედ ამ კითხვების გარშემო ერთიანდება“, - ნათქვამია განცხადებაში.

ორგანიზატორების თქმით, გამოფენა ასახავს ისტორიულ, სოციალურ და პოლიტიკურ თემებს, რომლებიც 1918 წლიდან დღემდე თან ახლავს საქართველოს ახალგაზრდულ, სუბ- და საკლუბო კულტურას. მხატვრულ-ესთეტიკური თვალსაზრისით, გამოფენა სწორედ იმ ისტორიულ, სოციალურ და პოლიტიკურ საკითხებსაც ეხება, რომლებიც, ზემოთ აღნიშნული კულტურებისთვისაა დამახასიათებელი. ამავე დროს, ის ცდილობს გამაერთიანებელი, გლობალური ნიშან-თვისებების პოვნას, აღნიშნულია განცხადებაში.

გამოფენაზე იქნება წარდგენილი გურამ წიბახაშვილის და ომარ გოგიჩაიშვილის (Hitori Ni) ფოტონამუშევრები. დამთვალიერებელი ასევე ნახავს ვიდეონამუშევარს, რომელშიც გამოყენებულია საქართველოს ეროვნული არქივის, საქართველოს „პირველი არხის“ არქივისა და პირადი წყაროების მასალები. როგორც განცხადებაშია აღნიშნული, ეს ვიდეონამუშევარი წარმოადგენს მხატვრულ და დოკუმენტურ რეტროსპექტულ განმარტებას საქართველოს ახალგაზრდულ, სუბ- და კლუბურ კულტურებზე.

36
სუს–ის უფროსი და სპეცრაზმი

საქართველოს სახელმწიფო უსაფრთხოების სამსახურმა დაბადების დღე აღნიშნა

0
(განახლებულია 19:52 01.08.2021)
სახელმწიფო უსაფრთხოების სამსახური 13 სტრუქტურული ერთეულისგან შედგება, რომელთა შორისაა კონტრტერორისტული ცენტრი, ანტიკორუფციული სამსახური, გენინსპექცია, კონტრდაზვერვა

თბილისი, 1 აგვისტო – Sputnik.  საქართველოს სახელმწიფო უსაფრთხოების სამსახური (სუს–ი) ექვსი წლის გახდა – ის 2015 წლის პირველ აგვისტოს დაარსდა – შესაბამისი საკანონმდებლო ცვლილებების შედეგად, შინაგან საქმეთა სამინისტროს გამოეყო და ცალკე სტრუქტურულ ერთეულად ჩამოყალიბდა.

სუს–ი აღმასრულებელი ხელისუფლების სპეციალიზებული დაწესებულებების სისტემას წარმოადგენს, რომელიც პირდაპირ ემორჩილება საქართველოს მთავრობას და რომელიც თავისი კომპეტენციის ფარგლებში სახელმწიფოს უშიშროებას უზრუნველყოფს.

სამსახურის საქმიანობის მიმართულებებია: საკონსტიტუციო წყობის, სუვერენიტეტის, ტერიტორიული მთლიანობისა და სამხედრო პოტენციალის დაცვა უცხოური სპეცსამსახურებისა და ცალკეული პირების არასამართლებრივი ქმედებებისგან, ქვეყნის ეკონომიკური უსაფრთხოების უზრუნველყოფა, ბრძოლა ტრანსნაციონალურ ორგანიზებულ დანაშაულთან და საერთაშორისო დანაშაულთან, რომელიც საფრთხეს უქმნის სახელმწიფო უშიშროებას, კორუფციის შესახებ გამაფრთხილებელი, მისი გამოვლენისა და აღკვეთის ზომების მიღება.

სუს–ი შედგება 13 სტრუქტურული ერთეულისგან, რომელთა შორისაა კონტრტერორისტული ცენტრი, ანტიკორუფციული სამსახური, გენინსპექცია, კონტრდაზვერვა.

პროფესიულ დღესასწაულთან დაკავშირებით სამსახურის სპეცრაზმმა ჩაატარა საჩვენებელი წვრთნები, რომელსაც თვალს ადევნებდნენ პრემიერ–მინისტრი ირაკლი ღარიბაშვილი, სუს–ის უფროსი გრიგოლ ლილუაშვილი, პარლამენტის თავმჯდომარე კახა კუჭავა, შინაგან საქმეთა მინისტრი ვახტანგ გომელაური, თავდაცვის მინისტრი ჯუანშერ ბურჭულაძე.

„ისინი ყოველდღიურ რეჟიმში ემსახურებიან ჩვენ ქვეყანას, ჩვენ მოქალაქეებს, მოსახლეობას, იცავენ და აძლიერებენ ჩვენ სახელმწიფოს. კიდევ ერთხელ ვულოცავ და ვუსურვებ წარმატებებს“, –განაცხადა ღარიბაშვილმა.

ღარიბაშვილი სახელმწიფო უსაფრთხოების სამსახურის თანამშრომლებს მადლობას უხდის>>

როგორც მთავრობის მეთაურმა განაცხადა, სახელმწიფო უსაფრთხოების სამსახურის თანამშრომლები ყოველდღიურ რეჟიმში ემსახურებიან მოქალაქეებს.

0