პიანინო

ქართული ფესტივალი „საახალწლო მუსიკალური შეხვედრები" ონლაინ-კონცერტებს ამზადებს

66
ფესტივალს გახსნის კამერული ორკესტრი „საქართველოს სიმფონიეტა“, რომელიც დიდი მაესტროს, გია ყანჩელის ნაწარმოებებს შეასრულებს

თბილისი, 15 დეკემბერი – Sputnik. რიგით 23-ე ქართული საერთაშორისო ფესტივალი „საახალწლო მუსიკალური შეხვედრები" მსმენელებს უმზადებს ონლაინ-კონცერტების სერიას, რომლებიც 15,19 და 23 დეკემბერს გაიმართება.

როგორც ორგანიზატორები აღნიშნავენ, იმის გამო, რომ COVID-19-ის პანდემიის გამო ფესტივალის ჩვეულ რეჟიმში გამართვა ვერ მოხერხდა, მასში უცხოელმა ვარსკვლავებმა მონაწილეობა ვერ მიიღეს. თუმცა ღონისძიება მაინც ჩატარდება, თუნდაც ვირტუალურად. ყველა კონცერტის ნახვა შესაძლებელი იქნება სარაჯიშვილის სახელობის თბილისის სახელმწიფო კონსერვატორიის Facebook-გვერდზე.

ფესტივალი გაიხსნება 15 დეკემბერს კონცერტით, რომელიც ლეგენდარული ქართველი კომპოზიტორის, გია ყანჩელის 85 წლის იუბილეს მიეძღვნება. სცენაზე წარდგება თბილისის სახელმწიფო კამერული ორკესტრი „საქართველოს სიმფონიეტა“ მირიან ხუხუნაიშვილის დირიჟორობით. საღამოს პროგრამაშია მინიატურები ორკესტრისთვის.

მეორე კონცერტი 19 დეკემბერს შედგება - მაყურებელი დაესწრება ვოკალური მუსიკის ონლაინ-საღამოს . კონცერტზე წარდგებიან ისეთი არტისტები, როგორებიცაა სალომე ჯიქია (სოპრანო), ირინა ალექსიძე (მეცო-სოპრანო), არმაზ დარაშვილი (ტენორი), ნიკოლოზ ლაგვილავა (ბარიტონი). საღამოს პროგრამაშია პუჩინის, ოფენბახის, ბიზეს და ვერდის მუსიკა.

ფესტივალის ბოლო დღეს - 23 დეკემბერს ორგანიზატორები წარადგენენ ჯაზის საღამოს. დაუკრავენ პიანისტი ზურა რამიშვილი, კახა ჯაგაშვილი (საქსოფონი), პავლე კვაჭაძე (კონტრაბასი), ზაზა ცერცვაძე (დრამი).

საერთაშორისო ფესტივალი „საახალწლო მუსიკალური შეხვედრები" ტარდება 1997 წლიდან საქართველოს სახალხო არტისტის, სარაჯიშვილის სახელობის თბილისის სახელმწიფო კონსერვატორიის რექტორის, პიანისტ მანანა დოიჯაშვილის ინიციატივით.

66
თემები:
საქართველო და კულტურა (1027)
არიადნა შენგელაია და მერაბ ელიოზიშვილი ფილმში „თეთრი ქარავანი“

შენგელაია-88: კინოცენტრი „თეთრი ქარავანის“ განახლებულ ვერსიას აჩვენებს

35
ეს საკულტო ფილმი აღდგენილია კანის ფესტივალზე წარსადგენად, სადაც ფილმი პირველი წარმატებული ჩვენებიდან 55 წლის შემდეგ აჩვენეს

თბილისი, 26 იანვარი – Sputnik. ეროვნული კინოცენტრი ფილმ „თეთრი ქარავანის" (1963) აღდგენილი ვერსიის ჩვენებას ფილმის ავტორის - ლეგენდარული რეჟისორის, ელდარ შენგელაიას 88 წლის იუბილეს აღსანიშნავად გამართავს.

ფილმი Facebook-ის პირდაპირ ეთერში კინოცენტრის ოფიციალურ ვებგვერდზე შაბათს, 30 იანვარს, 22:00 საათზე იქნება ნაჩვენები. ფილმის ლინკი ხელმისაწვდომი იქნება ასევე ეროვნული კინოცენტრის კინოკლუბის ვებგვერდზე.

ელდარ შენგელაიას და თამაზ მელიავას ფილმი „თეთრი ქარავანი" 1964 წელს პირველად აჩვენეს კანის საერთაშორისო კინოფესტივალის საკონკურსო პროგრამაში. 2019 წელს, 55 წლის შემდეგ, იგი კანში კვლავ დაბრუნდა სექციაში „კანის კლასიკა".

სწორედ 2019 წელს, კანის საერთაშორისო კინოფესტივალზე კვლავ წარსადგენად, ეროვნულ არქივთან თანამშრომლობით გაკეთდა ფილმის ფერის, გამოსახულებისა და ხმის კორექცია.

„თეთრ ქარავანს" სამი წლის განმავლობაში იღებდნენ. სცენარზე მერაბ ელიოზიშვილი მუშაობდა, ხოლო ოპერატორი ტიტო კალატოზიშვილი იყო. ფილმში მთავარ როლებს ასრულებენ სპარტაკ ბაღაშვილი, დოდო აბაშიძე, არიადნა შენგელაია და იმედო კახიანი.

ელდარ შენგელაია დაიბადა თბილისში 1933 წელს. 1958 წელს დაამთავრა კინემატოგრაფიის საკავშირო სახელმწიფო ინსტიტუტის („ვგიკის“) კინოსარეჟისორო ფაკულტეტი (სერგეი იუტკევიჩის და სერგეი სკვორცოვის სახელოსნო). მან გადაიღო ისეთი საკულტო ფილმები, როგორებიცაა „თოვლის ზღაპარი“, „თეთრი ქარავანი“, „არაჩვეულებრივი გამოფენა“, სამანიშვილის დედინაცვალი“, „ცისფერი მთები ანუ დაუჯერებელი ამბავი“ და სხვ.

35
„ოსკარის“ ქანდაკება

ქართულ დრამას „დასაწყისი“ „ოსკარის“ ნომინაციაზე წარდგენას უწინასწარმეტყველებენ

30
(განახლებულია 21:44 26.01.2021)
მოხვდება თუ არა ქართული ფილმი იეღოვას მოწმეების დევნის შესახებ პრესტიჟული კინოპრემიის ნომინანტებს შორის, 9 თებერვალს გახდება ცნობილი.

თბილისი, 26 იანვარი – Sputnik. ავტორიტეტულმა პორტალმა IndieWire ქართველი რეჟისორის დეა კულუმბეგაშვილის ფილმი „დასაწყისი“ იმ 15 საუკეთესო საერთაშორისო კინოსურათს შორის დაასახელა, რომლებიც შეიძლება „ოსკარის“ ნომინანტები გახდნენ.

IndieWire – ესაა ვებ-გვერდი, რომელიც 1996 წელს შეიქმნა და კინოინდუსტრიასა და კინომიმოხილვას ეძღვნება. განსაკუთრებული ყურადღება ვებ-გვერდზე დამოუკიდებელ კინოს ექცევა.

IndieWire-ის მიერ შერჩეულ ფილმებს შორის მოხვდა სხვადასხვა ქვეყნის კინოსურათები – საბერძნეთის, ჩეხეთის, ნორვეგიის, შვეიცარიისა და სხვ.

დრამა „დასაწყისი“ საქართველოსა და საფრანგეთის ერთობლივი ნამუშევარია. ფილმი მოგვითხრობს იეღოვას მიმდევართა ერთი ჯგუფის ისტორიას, რომელიც პროვინციულ ქალაქში ექსტრემისტული დაჯგუფების მხრიდან თავდასხმას განიცდის.

მთავარი გმირი იანა ერთ-ერთი იეღოველის მეუღლეა. მისთვის ნაცნობი სამყარო კონფლიქტის შედეგად ნელ-ნელა იმსხვრევა. იანას შინაგანი მღელვარება ძლიერდება, როდესაც იგი საკუთარი სურვილების გაანალიზებას იწყებს.

დეა კულუმბეგაშვილის სრულმეტრაჟიანმა სადებიუტო მხატვრულმა ფილმმა ერთბაშად ოთხი მთავარი ჯილდო დაიმსახურა პრესტიჟულ სან-სებასტიანის საერთაშორისო კინოფესტივალზე, მიიღო ტორონტოს კინოკრიტიკოსთა საერთაშორისო ასოციაციის პრიზი, თავად რეჟისორი კი Special Cannes 2020-ის ჟიურის წევრად გამოცხადდა.

„დასაწყისი” გადაღებულია ლაგოდეხის მუნიციპალიტეტში – ლაგოდეხსა და მის ირგვლივ სოფლებში და შექმნილია ეროვნული კინოცენტრის მხარდაჭერით.

ამერიკული „ოსკარის“ პრემიის ნომინანტებს 9 თებერვალს დაასახელებენ.

30
თემები:
საქართველო და კულტურა (1027)
ტესტირება კორონავირუსზე

COVID-19 საქართველოში 27 იანვრის მონაცემები

0
(განახლებულია 10:55 27.01.2021)
ამ დროისათვის სულ გამოჯანმრთელდა 245.527 ადამიანი, გარდაიცვალა – 3.108, კარანტინის რეჟიმშია 497, სტაციონარებში ექიმების დაკვირვების ქვეშ 2.842 პაციენტი, ხოლო კოვიდ–სასტუმროებში 347 ადამიანი იმყოფება

თბილისი, 27 იანვარი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 742-ით გაიზარდა და ინფიცირებულთა საერთო რიცხვმა 255.564-ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 245.527 ადამიანი (ბოლო 24 საათში – 1.081), გარდაიცვალა – 3.108 (ბოლო 24 საათში – 12), კარანტინის რეჟიმშია 497, სტაციონარებში ექიმების დაკვირვების ქვეშ 2.842 პაციენტი, ხოლო კოვიდ–სასტუმროებში 347 ადამიანი იმყოფება. 

ბოლო 24 საათში ჩატარდა 18.007 კვლევა ტესტით, მათ შორის ანტიგენის სწრაფი ტესტით – 10.627, PCR ტესტით – 7.380.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

0
თემები:
კორონავირუსი საქართველოში: ბოლო ცნობები