შოუ „გოლოსი“

მომღერალი ელენე ნინიძე რუსულ შოუ „გოლოს-9“-ს გამოეთიშა

136
ელენე ნინიძემ შეასრულა ნორა ჯონსის კომპოზიცია Sunrise, თუმცა შემდეგ ეტაპზე გადასვლა ვერ შეძლო, რადგან მისმა მენტორმა ვალერი სიუტკინმა არჩევანი სხვა მონაწილის სასარგებლოდ გააკეთა

თბილისი, 12 დეკემბერი - Sputnik. ქართველმა მომღერალმა ელენე ნინიძემ ვერ გაიარა ნოკაუტების“ ტური პოპულარულ რუსულ ვოკალურ შოუზე „გოლოს 9“ და დატოვა პროექტი.

გუშინ ეთერში გავიდა ვოკალური შოუ „გოლოსის“ მორიგი გამოშვება, რომელმაც ნოკაუტების ეტაპი დახურა. ის ასევე გახდა სეზონის ბოლო ეთერი, რომლის ტრანსლაცია ჩაწერის შემდეგ გადიოდა. 18 დეკემბრიდან პროექტი გავა პირდაპირ ეთერში, ხოლო შეჯიბრების შედეგს მენტორებთან ერთად მაყურებლებიც განსაზღვრავენ.

ამჯერად თითოეული მენტორის გუნდში დარჩა სამ-სამი მონაწილე, რომლებიც ერთმანეთს მუსიკალურ რინგზე დაუპირისპირდნენ.

ელენე ნინიძემ შეასრულა ნორა ჯონსის კომპოზიცია Sunrise, თუმცა შემდეგ ეტაპზე გადასვლა ვერ შეძლო, რადგან მისმა მენტორმა ვალერი სიუტკინმა არჩევანი გააკეთა ოლეგ აკურატოვის სასარგებლოდ, რომელმაც ედუარდ ჰილის რეტრო-ჰიტი შეასრულა.

ელენე ნინიძე 25 წლისაა და წარმოშობით თბილისიდანაა. „გავიზარდე საქართველოში. მთელი ჩემი ოჯახი შესანიშნავად მღერის. მამაჩემი ცნობილ ქართულ გუნდში მღეროდა. როდესაც ჩემმა მშობლებმა გაიგონეს, როგორ ვმღერი, მაშინვე მიხვდნენ, რომ მომღერალი უნდა გამოვიდე. ბავშვობიდან ვოცნებობ სცენის სურნელი და ოვაციების ხმა შევიგრძნო - ეს ჩემთვის ადრენალინია“, - ყვება გოგონა.

საქართველოში ელენემ დაამთავრა მუსიკალური სკოლა და უმაღლეს განათლებას ჟურნალისტიკის ფაკულტეტზე დაუფლა, თუმცა სპეციალობით არ უმუშავია. მოსკოვში გადასვლის შემდეგ დაამთავრა გნესინის მუსიკალური სასწავლებელი და ისწავლა რუსული ენა. შემდეგ კი ძირითად პროფესიად უკვე ესტრადა გახადა.

ნინიძე ჯგუფ Georgianos Band-ის სოლისტია, წარსულში X-Factor-ის ქართული ვერსიის მონაწილე იყო.

136
თემები:
საქართველო და კულტურა (1025)

პრეზიდენტმა მოსახლეობას სახელმწიფო დროშის დღე მიულოცა ვიდეო

54
(განახლებულია 21:19 14.01.2021)
საქართველოს პრეზიდენტმა სალომე ზურაბიშვილმა ქვეყნის მოსახლეობას სახელმწიფო დროშის დღე მიულოცა, რომელიც 2004 წლის 14 იანვარს დამტკიცდა.

სახელმწიფო დროშის დღე 2012 წლიდან აღინიშნება. საქართველოს ამჟამინდელი სახელმწიფო ხუთჯვრიანი დროშა „ვარდების რევოლუციის" შემდეგ, 2004 წლის 14 იანვარს დამტკიცდა. იმავე დღეს აღმართეს ის პარლამენტის შენობის თავზე და ჩამოხსნეს პირველი ქართული რესპუბლიკის შინდისფერი დროშა თეთრი და შავი ზოლებით, ხოლო 14 იანვარი სახელმწიფო დროშის დღედ გამოცხადდა.

„მინდა ეს დღე მივულოცო ახალგაზრდებს, ბავშვებს, ყველას, ვინც უკვე 30 წელია, ჩვენი ქვეყნის სახელმწიფო დროშის ქვეშ ცხოვრობს. ვისაც არ ახსოვს ის დრო, როცა ამ ქვეყანაში სხვა ქვეყნის დროშა ფრიალებდა — ეს უდიდესი ბედნიერებაა“, — განაცხადა ზურაბიშვილმა.

სხვადასხვა ისტორიულ წყაროში ქართული დროშა მე-12 საუკუნიდან ძირითადად თეთრ-წითელ ფერებში არის მოხსენებული. ქართული თეთრი დროშა წითელი ჯვრებით შეტანილია მე-14 საუკუნის „მსოფლიო ატლასში", რომელიც ფრანცისკანელმა ბერმა (მისი სახელი უცნობია) შეადგინა. ასეთივე დროშა იყო გამოსახული იმ წლების იტალიურ და ესპანურ რუკებზე.

უწინდელი დროშა, რომელსაც პირველი ქართული რესპუბლიკის დროშას უწოდებენ, სახელმწიფო სიმბოლოდ 1990 წლის 14 ნოემბერს დამტკიცდა.

54
ნანა ექვთიმიშვილი

ქართველი მწერლის რომანი ევროპულ ტოპ-10-ში შევიდა: The Calvert Journal სიას აქვეყნებს

37
(განახლებულია 15:05 14.01.2021)
ნანა ექვთიმიშვილის რომანი „მსხლების მინდორი“ მანამდე არაერთი ლიტერატურული პრემიით აღინიშნა და ითარგმნა ინგლისურ და გერმანულ ენებზე.

თბილისი, 14 იანვარი — Sputnik. ქართველი რეჟისორისა და მწერლის ნანა ექვთიმიშვილის სადებიუტო რომანი „მსხლების მინდორი“ ჟურნალმა The Calvert Journal-მა აღმოსავლეთ ევროპაში გამოცემული საუკეთესო წიგნების ათეულში შეიყვანა.

​Calvert Journal – ეს არის ონლაინ-ჟურნალი, რომელიც ახალი აღმოსავლეთის თანამედროვე კულტურასა და შემოქმედებას ეძღვნება: აღმოსავლეთ ევროპას, ბალკანეთს, რუსეთსა და ცენტრალურ აზიას.

რეგიონის საუკეთესო ლიტერატურული გამოცემების 2020 წლის სიაში ნანა ექვთიმიშვილის ინგლისურ ენაზე თარგმნილი „მსხლების მინდორიც“ შევიდა, რომელიც დიდ ბრიტანეთში გასული წლის ნოემბერში გახდა ხელმისაწვდომი.

„რეჟისორ ნანა ექვთიმიშვილის რომანი, რომელშიც მოქმედება 90-იანი წლების თბილისის გარეუბანში, შეზღუდული შესაძლებლობების მქონე და მიტოვებული ბავშვთა სკოლა–ინტერნატში ხდება, არის ამბავი ცოცხლად გადარჩენისა“, — წერს The Calvert Journal.

„მსხლების მინდორი“ პირველად 2015 წელს გამოიცა. ავტორს რომანისთვის 2016 წელს პრემია „საბა“ გადაეცა ნომინაციაში „წლის დებიუტი“. იმავე წელს მიიღო „ილიაუნის ლიტერატურული პრიზი", როგორც 2014-2015 წლების საუკეთესო ქართულმა რომანმა. რომანი ასევე აღინიშნა პრემია „ლიტერათი“ წლის საუკეთესო დებიუტისთვის, და ასევე სხვა ლიტერატურული პრემიებით.

37
თემები:
საქართველო და კულტურა (1025)
ვაქცინაცია კორონავირუსზე მოსკოვში

კორონავირუსის საწინააღმდეგო რუსული ვაქცინა პარაგვაიში დაარეგისტრირეს

0
სამხრეთ ამერიკაში კორონავირუსის საწინააღმდეგო პრეოპარატით უკვე იცრება არგენტინის, ბოლივიის, ვენესუელისა და ბრაზილიის მოსახლეობა

თბილისი, 15 იანვარი — Sputnik. პარაგვაის ჯანდაცვის სამინისტრომ COVID-19-ის საწინააღმდეგო ვაქცინა „სპუტნიკV" დაარეგისტრირა, იუწყება რუსეთის პირდაპირი ინვესტიციების ფონდი.

ვაქცინა დაარეგისტრირეს დაჩქარებული წესით, სახელმწიფოს ტერიტორიაზე დამატებითი კლინიკური კვლევების ჩატარების გარეშე. ანალოგიურად დაარეგისტრირეს პრეპარატი არგენტინაში, ბოლივიაში, ვენესუელაში, სერბეთში, ალჟირსა და პალესტინაში.

პარაგვაიში პრეპარატის მიწოდებას უზრუნველყოფენ ფონდის საერთაშორისო პარტნიორები ინდოეთში, ჩინეთში, სამხრეთ კორეაში და სხვა ქვეყნებში.

ფონდის გენერალური დირექტორის, კირილ დმიტრიევის თქმით, ლათინური ამერიკის მრავალი ქვეყანა დაინტერესებულია რუსული ვაქცინით. მას იმედი აქვს, რომ უახლოეს დროს „სპუტნიკV" რეგიონის სხვა ქვეყნებშიც გაივლის რეგისტრაციას.

რუსეთის ჯანდაცვის სამინისტრომ აგვისტოში დაარეგისტრირა მსოფლიოში პირველი COVID-19-ის საწინააღმდეგო ვაქცინა, რომელიც გამალეის ცენტრშია შექმნილი. ცენტრის დირექტორმა ალექსანდრ გინცბურგმა განაცხადა, რომ ვაქცინის უსაფრთხოება სრულად არის დამტკიცებული, ხოლო მისმა ეფექტურობამ 91,4% შეადგინა.

0