საკულტო კორეელი კინორეჟისორი კიმ კი-დუკი

კორონავირუსით გარდაიცვალა საკულტო კორეელი კინორეჟისორი კიმ კი-დუკი

125
(განახლებულია 22:36 11.12.2020)
კიმ კი-დუკის შემოქმედების ორიგინალური სტილი თავისი სიღრმით და ხასიათით აოცებდა კინოკრიტიკოსებსა და მაყურებლებს

თბილისი, 12 დეკემბერი – Sputnik. გარდაიცვალა კიმ კი-დუკი - საკულტო კორეელი კინორეჟისორი ლატვიაში კორონავირუსით გამოწვეული გართულებების გამო გარდაიცვალა, იუწყება პორტალი Delfi. ის 59 წლის იყო.

გავრცელებული ინფორმაციით, ის იურმალაში უძრავი ქონების შეძენას და ბინადრობის ნებართვის აღებას აპირებდა, თუმცა დაგეგმილ შეხვედრაზე არ მივიდა. კოლეგებმა მისი ძებნა დაიწყეს, მაგრამ პირადი მონაცემების დაცვის წესების გამო პროცესი გართულდა.

კიმ კი-დუკი - ვენეციის კინოფესტივალის „ოქროს ლომის“ მფლობელია ფილმებისთვის „პიეტა“ და „ცარიელი სახლი“, ასევე კანის ფესტივალის ჯილდოს ფილმისთვის „არირანგი“.

ოსტატი 1960 წელს სამხრეთკორეულ პროვინცია კენსან-პუქტოში დაიბადა, მალე კი ოჯახი საცხოვრებლად სეულში გადავიდა. 17 წლის ასაკში ის ქარხანაში მუშად მოეწყო, სამი წლის შემდეგ კი ჯარში წავიდა. ამის შემდეგ სურდა გამხდარიყო სასულიერო პირი, მაგრამ ფერწერამ გაიტაცა და ის პარიზში ხელოვნების შესასწავლად გაემგზავრა.

გარკვეული პერიოდის განმავლობაში კიმ კი-დუკმა ევროპა თავისი ნახატების გამოფენებით შემოიარა. 2993 წელს დაიმსახურა სცენარისტთა ინსტიტუტის ჯილდო ფილმისთვის „სიკვდილმისჯილი მხატვარი და დამნაშავე“. ამას მოყვა რამდენიმე სხვა სცენარი, შემდეგ მან საკუთარი თავის რეჟისორის ამპლუაში მოსინჯა და ფილმი „ნიანგი“ გადაიღო. შემდეგ იყო „გარეული ცხოველები“, „სასტუმრო“ „ჩიტის გალია“, „რეალური ფანტასტიკა“ და სხვ.

გარდაიცვალა დიდი ქართველი კინემატოგრაფისტი ალექსანდრე რეხვიაშვილი >>

2019 წელს კიმ კი-დუკი მოსკოვის საერთაშორისი კინოფესტივალის ძირითადი კონკურსის ჟიურის თავმჯდომარე იყო. იქ „ოსტატის“ პროგრამაში მან წარადგინა ფილმი „ადამიანი, სივრცე, დრო და ისევ ადამიანი“ (Human, Space, Time and Human).

125
თემები:
COVID-19-ის პანდემია მსოფლიოში (1300)

ენტონი ბურდენის თვალით დანახული საქართველო - CNN სტუმრად ქართულ სუფრაზე

79
ენტონი ბურდენი — ამერიკელი ტელეწამყვანი, მწერალი და შეფ-მზარეული. ის Travel Channel-ის თანამშრომელია და მთელ მსოფლიოში მოგზაურობს ადგილობრივი სამზარეულოების გაცნობის მიზნით

ერთ დღეს საქართველოსაც ეწვია და ქართულ სუფრას, მის ტრადიციებს სოფლად, უშანგი და მაყვალა ქოქაშვილების ოჯახში გაეცნო.

ვიდეორგოლში ბურდენი მაყურებელს მოუთხრობს, როგორ იწვება ღორის მწვადი, როგორ ცხვება სამი სახის ხაჭაპური (სხვადასხვა გულსართით), ამბობს, რომ ქართული სუფრისთვის აუცილებელია მწვანილი და სახლში დაწურული ღვინო.

ამერიკელ სტუმარს უკვირს, როცა ეუბნებიან, რომ ქართული ტრადიციით, სუფრაზე შვიდი სადღეგრძელო მაინც ითქმება: უფლისა, ოჯახისა და ა.შ.

აღნიშნული ვიდეოსიუჟეტი CNN-ით გავიდა, „იუთუბითაც“ გავრცელდა და უამრავი დადებითი კომენტარიც მოჰყვა.

უყურეთ ვიდეოს და ნახეთ ამერიკელი სახელგანთქმული შეფ-მზარეულის ქართული სუფრით აღძრული ემოციები.

 

79
ძველი კინოფირი

„დასაწყისი“ - დეა კულუმბეგაშვილის ფილმს როტერდამის ფესტივალზე აჩვენებენ

76
ფილმი ფესტივალის ვებგვერდზე ხელმისაწვდომი იქნება 72 საათის განმავლობაში, მისი ნახვა ბილეთის ონლაინ შეძენის შემდეგ იქნება შესაძლებელი

თბილისი, 24 იანვარი – Sputnik. ქართველი რეჟისორის, დეა კულუმბეგაშვილის ფილმს „დასაწყისი”. როტერდამის საერთაშორისო კინოფესტივალზე აჩვენებენ, იუწყება საქართველოს კინემატოგრაფიის ეროვნული ცენტრი.

ფილმი წარმოდგენილია სექციაში Limelight, რომელიც გამორჩეულ, საერთაშორისო ჯილდოების მფლობელ ფილმებს აერთიანებს.

ფილმ „დასაწყისის” ჩვენება 4 თებერვალს შედგება და იგი ონლაინ ხელმისაწვდომი იქნება 72 საათის მანძილზე. როტერდამის კინოფესტივალის ვებგვერდზე შესაძლებელია ბილეთის შეძენან ონლაინ.

ფილმს 2020 წელს საერთაშორისო კინოფესტივალებზე დიდი გამოხმაურება მოჰყვა.

დეა კულუმბეგაშვილის სრულმეტრაჟიანმა სადებიუტო მხატვრულმა ფილმმა ერთბაშად ოთხი მთავარი ჯილდო დაიმსახურა პრესტიჟულ სან-სებასტიანის საერთაშორისო კინოფესტივალზე, მიიღო ტორონტოს კინოკრიტიკოსთა საერთაშორისო ასოციაციის პრიზი, თავად რეჟისორი კი Special Cannes 2020-ის ჟიურის წევრად გამოცხადდა.

დრამა „დასაწყისი“ - საქართველოსა და საფრანგეთის ერთობლივი ნამუშევარია. ფილმი მოგვითხრობს იეღოვას მიმდევართა ერთი ჯგუფის ისტორიას, რომელიც პროვინციულ ქალაქში ექსტრემისტული დაჯგუფების მხრიდან თავდასხმას განიცდის. მთავარი გმირი იანა ერთ-ერთი იეღოველის მეუღლეა. მისთვის ნაცნობი სამყარო კონფლიქტის შედეგად ნელ-ნელა იმსხვრევა. იანას შინაგანი მღელვარება ძლიერდება, როდესაც იგი საკუთარი სურვილების გაანალიზებას იწყებს. 

ფილმში როლებს ასრულებენ ია სუხიტაშვილი, კახა კინწურაშვილი და ლაშა ონელი.

„დასაწყისი” გადაღებულია ლაგოდეხის მუნიციპალიტეტში – ლაგოდეხსა და გარშემო სოფლებში და შექმნილია ეროვნული კინოცენტრის მხარდაჭერით.

როტერდამის საერთაშორისო კინოფესტივალის 2021 წლის გამოშვება ორ ნაწილად გაიმართება: 1-7 თებერვალსა და 2-6 ივნისს. ფორმატი შერეული იქნება, რაც ონლაინ ღონისძიებების გარდა, კინოჩვენებებზე ფიზიკურ დასწრებასაც გულისხმობს. როტერდამის საერთაშორისო კინოფესტივალი 1972 წელს დაარსდა. იგი მაყურებელს საავტორო და ექსპერიმენტულ კინოს სთავაზობს და ფოკუსირებულია ახალი ტალანტების აღმოჩენაზე.

76
ვალუტის გაცვლის პუნქტი

ლარის კურსი 26 იანვარს

0
(განახლებულია 17:53 25.01.2021)
წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0001 ლარით გამყარდა.

თბილისი, 26 იანვარი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3043 GEL/$1 ნიშნულზე დაადგინა.

წინა ნიშნულთან შედარებით, ქართული ეროვნული ვალუტის კურსი აშშ დოლარის მიმართ 0,0001 ლარით გამყარდა.

ლარის კურსი 26 იანვარს
ლარის კურსი 26 იანვარს
0
თემები:
ლარის კურსი დღეს