„საბავშვო ევროვიზია-2020“-ის გამარჯვებული საფრანგეთი გახდა: საქართველო მეექვსეა

© photo: Sputnik / Alexey Vitvitsky / გადასვლა მედიაბანკშისაბავშვო ევროვიზია
საბავშვო ევროვიზია - Sputnik საქართველო
გამოწერა
მე-18 საერთაშორისო კონკურს „საბავშვო ევროვიზია-2020“-ის ფინალი პოლონეთში ტელეხიდის ფორმატში გაიმართა

თბილისი, 29 ნოემბერი – Sputnik. საერთაშორისო კონკურს „საბავშვო ევროვიზია-2020“-ის გამარჯვებული საფრანგეთის წარმომადგენელი ვალენტინა ტრონელი გახდა.

მაყურებელთა და ჟიურის კენჭისყრის შედეგების მიხედვით, გამარჯვებული გახდა 11 წლის ვალენტინა ტრონელი სიმღერით „მე წარმოვიდგენ“ (J"imagine).

ეპიდემიური ვითარების გამო „საბავშვო ევროვიზია 2020“-ის ფინალი პოლონეთში ტელეხიდის ფორმატში გაიმართა. პროფესიული გუნდი და წამყვანები ვარშავის სტუდიაში განთავსდნენ, ხოლო ყოველი მონაწილე თავისი ქვეყნის სტუდიიდან მღეროდა.

საქართველოს წარმომადგენელი სანდრა გადელია სიმღერით You Are Not Alone საუკეთესოთა ათეულში შევიდა და მე-6 ადგილი დაიკავა.

2019 წელს პოლონეთის ქალაქ გლივიცაში გამართულ „საბავშვო ევროვიზია 2019“-ზე საქართველო წარადგინა 13 წლის გიორგი როსტიაშვილმა სიმღერით „გვინდა გვიყვარდეს“ (We need love) და კონკურსში მე-14 ადგილი დაიკავა. კონკურსის გამარჯვებული პოლონელი ვიკი გაბორი გახდა.

მე-18 ფესტივალის სლოგანი იყო Move the world! („აამოძრავე მსოფლიო“). კონკურსის ფინალში მონაწილეობას იღებდნენ შემსრულებლები 12 ქვეყნიდან: საქართველოდან, რუსეთიდან, ბელარუსიდან, გერმანიიდან, ესპანეთიდან, ყაზახეთიდან, მალტიდან, ნიდერლანდებიდან, პოლონეთიდან, სერბეთიდან, უკრაინიდან და საფრანგეთიდან.

ყველა ახალი ამბავი
0