დარეჯან დედოფლის სამკაული

მაჰარაჯას ზურმუხტები: საქართველოს ხელოვნების სასახლემ დარეჯან დედოფლის სამკაული მოიპოვა

119
(განახლებულია 19:43 20.11.2020)
ეს კულონი, მეორე ვერსიით – საყურე, დარეჯან დედოფალმა რუსეთში გამგზავრების წინ საქართველოში დარჩენილ თავის ფრეილინას დაუტოვა.

თბილისი, 20 ნოემბერი — Sputnik. საქართველოს ხელოვნების სასახლემ – კულტურის ისტორიის მუზეუმმა ერეკლე მეორის მეუღლის, ქართლ–კახეთის დედოფალ დარეჯან დადიანის ძვირფასი სამკაული შეიძინა.

მუზეუმის ხელმძღვანელის გიორგი კალანდიას თქმით, ხელოვნების სასახლე მთელი წლის განმავლობაში ყველა ღონეს ხმარობდა, რომ დარეჯან დედოფლის სამკაული საქართველოს კუთვნილება გამხდარიყო. 

საუბარია გულსაკიდზე (მეორე ვერსიით - საყურეზე). სამკაული დარეჯან დედოფალს ეკუთვნოდა, რომელმაც რუსეთში გამგზავრების წინ სამკაული მოიხსნა და საქართველოში დარჩენილ თავის ფრეილინას დაუტოვა.

კალანდიას ვარაუდით, ეს ზურმუხტები მეფე ერეკლეს სალაროში პატარა კახის ინდოეთში ლაშქრობის შემდეგ მოხვდა.

„სამკაული უნიკალურია, მას ამშვენებს ვარდისფერი ალმასი, ლალი და დიდი ინდური ზურმუხტები (თითო დაახლოებით 6 კარატი). დანამდვილებით კი ის ვიცით, რომ ზურმუხტები რამდენიმე წლის წინ სოტბის აუქციონზე გაყიდული მაჰარაჯების კუთვნილი ზურმუხტების იდენტურია“, – წერს კალანდია Facebook-გვერდზე.

მუზეუმის დირექტორის განმარტებით, აღნიშნული სამკაულის შეძენა შესაძლებელი გახდა ცნობილი ქართველი ექიმის ზაზა ჭანტურაიას წყალობით. სწორედ მისმა ფინანსურმა თანადგომამ გადაარჩინა ხელოვნების ნიმუში უცხოეთში გაყიდვას, აცხადებს გიორგი კალანდია. 

სამკაულის ღირებულება არ დასახელებულა, მაგრამ კალანდია აღნიშნავს, რომ თანხის გადახდა წლის განმავლობაში ეტაპობრივად ხდებოდა.

სამეგრელოს მთავრის კაცია I დადიანის ასული დარეჯანი დაახლოებით 1734 წელს (ზოგიერთი ცნობით 1726 წელს) დაიბადა. 1750 წელს გახდა ერეკლე მეორის მესამე ცოლი და ქართლ–კახეთის დედოფალი. მან ბაგრატიონთა სამეფო ოჯახს 14 შვილი აჩუქა – რვა ვაჟი და ექვსი ქალი.

დედოფალი დარეჯანი მეუღლის მმართველობის ბოლო წლებში მნიშვნელოვან ზეგავლენას ახდენდა სახელმწიფო პოლიტიკასა და სასამართლო საქმეებზე. ისტორიკოსები საუბრობენ, რომ დარეჯანი სკეპტიკურად იყო განწყობილი ერეკლე მეორისა და მისი მემკვიდრის, მეფე გიორგი XII-ის (ერეკლეს უფროსი ვაჟი მეორე ცოლისგან) პრორუსული პოლიტიკისადმი.

1803 წელს, რუსეთის მიერ ქართლ–კახეთის ანექსიის შემდეგ ქვრივი დარეჯან დედოფალი რუსეთში გადაასახლეს. იგი სანქტ–პეტერბურგში გარდაიცვალა და დაკრძალულია ნევის მონასტრის ეზოში მდებარე ხარების ეკლესიაში.

119
თემები:
საქართველო და კულტურა (1120)
ბავშვთა გუნდი

„მომავლის ხმები“: გურიაში საბავშვო ფესტივალი ჩატარდება

16
(განახლებულია 15:28 24.06.2021)
ღონისძიების მიზანია საქართველოს სხვადასხვა კუთხის ტრადიციული სიმღერა-გალობის უკეთ წარმოჩენა მომავალი თაობებისთვის.

თბილისი, 24 ივნისი – Sputnik. ფოლკლორის ცენტრის სალოტბარო სკოლების ყოველწლიური ფესტივალი „მომავლის ხმები“ გურიაში 25–27 ივნისს გაიმართება, იუწყებიან ორგანიზატორები. 

სამდღიან ფესტივალში სხვადასხვა რაიონებიდან სალოტბარო სკოლების 200-მდე მოსწავლე მიიღებს მონაწილეობას, რომლებიც საკუთარი კუთხის ტრადიციულ სიმღერებს შეასრულებენ. კონცერტები ოზურგეთის ფოლკლორის ცენტრში გაიმართება.

ფესტივალის ფარგლებში ასევე დაგეგმილია შეკვეთილში ბავშვებისთვის სხვადასხვა აქტივობები – გასართობ ღონისძიებებთან ერთად მოეწყობა ფილმების ჩვენება-გარჩევა.

„მომავლის ხმები“ პირველად 2019 წელს ჩატარდა გურიაში. ფესტივალში მონაწილეობდა 11 სალოტბარო სკოლის 400-მდე ბავშვი. ამჟამად საქართველოს მასშტაბით სხვადასხვა რაიონში 27 სალოტბარო სკოლა ფუნქციონირებს, სადაც ქართული ტრადიციული სიმღერის შეწავლა ყველა მსურველს შეუძლია.

 

16
თემები:
საქართველო და კულტურა (1120)
ღვინის რესტორანი

მთაწმინდის პარკში ფესტივალი „ღვინის სოფელი“ გაიმართება

34
ფესტივალზე ღვინოს ის მარნები წარმოადგენენ, რომლებიც საბოლოოდ შეირჩა „ღვინის სოფლის“ პროექტში. ფესტივალზე დასწრება ფასიანია.

თბილისი, 23 ივნისი - Sputnik. ფესტივალზე „ღვინის სოფელი“, რომელიც მთაწმინდის პარკში გაიმართება, იმერულ, რაჭულ და ლეჩხუმურ ღვინოებს წარმოადგენენ, ნათქვამია ფესტივალის ორგანიზატორების მიერ გავრცელებულ განცხადებაში.

ფესტივალი მთაწმინდის პარკში 3 ივლისს, 11:00-დან 18:00-მდე გაიმართება. ის ერთ სივრცეში მეღვინეებსა და ღვინის მოყვარულებს გააერთიანებს.

ფესტივალი „ღვინის სოფლის“ მიზანი რეგიონებში ღვინის ტურიზმის განვითარება, ქართული ტრადიციული ქვევრის ღვინის პოპულარიზაცია, საქართველოში ღვინის განათლების დონის ამაღლება და სამომხმარებლო კულტურის გაზრდაა.

„პროექტი გულისხმობდა ღვინისა და გასტრონომიული ტურიზმის თვალსაზრისით დიდი პოტენციალის მქონე სოფლებში მევენახე-მეღვინეებისა და დამწყები მცირე და საშუალო მარნების მოძიებასა და მათთვის საკონსულტაციო სამუშაოების ჩატარებას“, - აღნიშნულია განცხადებაში.

ორგანიზატორების ინფორმაციით, „ღვინის კლუბი“ „USAID–ის ეკონომიკური უსაფრთხოების პროგრამის“ (The USAID Economic Security Program) ფინანსური მხარდაჭერით ერთი წლის მანძილზე ახორციელებდა საგანმანათლებლო პროექტს მცირე მარნებისა და რეგიონული ღვინის ტურიზმის განვითარებისთვის. პროექტი ერთწლიანი იყო და ამჯერად იგი იმერეთის, რაჭისა და ლეჩხუმის რეგიონებს მოიცავდა.

„ღვინის კლუბის“ ფესტივალის „ღვინის სოფლის“ პარტნიორები არიან - The USAID Economic Security Program, g.Vino, Mtatsminda Park, Tchrebalo Wine Cellar, Sapere/საფერე.

ფესტივალზე მისულმა სტუმრებმა უნდა გაიარონ რეგისტრაცია „ღვინის კლუბის" მაგიდასთან.

 

 

34
გიორგი ვაშაძე

ოპოზიციამ 2021 წლის ადგილობრივი არჩევნების სავარაუდო თარიღი დაასახელა

0
საქართველოში ადგილობრივი ხელისუფლების ორგანოების არჩევნები უნდა გაიმართოს ოქტომბერში, მაგრამ კონკრეტული თარიღი - 2 ოქტომბერი - პირველად გაჟღერდა.

თბილისი, 24 ივნისი – Sputnik. საქართველოს მმართველ პარტიას „ქართული ოცნება - დემოკრატიული საქართველო“ არჩევნების ჩატარება 2 ოქტომბერს სურს, განუცხადა ჟურნალისტებს დეპუტატმა გიორგი ვაშაძემ.

საქართველოში ადგილობრივი ხელისუფლების ორგანოების არჩევნები, სადაც მოსახლეობა მუნიციპალიტეტების მერებსა და საკრებულოების დეპუტატებს აირჩევს, 2021 წლის ოქტომბერში უნდა გაიმართოს.

ვაშაძის თქმით, „ქართულ ოცნებას“ სურს და მან დაუდასტურა ეს ოპოზიციას, რომ არჩევნები 2 ოქტომბერს შედგეს. ოპოზიციამ საპასუხოდ წამოაყენა წინადადება, კანონში გაიწეროს წესი, რომელმაც არჩევნების ჩატარების თარიღთან დაკავშირებით ყოველგვარი სპეკულაციები უნდა გამორიცხოს.

ამასთან მან აღნიშნა, რომ ოპოზიციის სურვილია არჩევნები უფრო გვიან ჩატარდეს, მაგრამ მმართველი პარტია დაჟინებით მოითხოვს ამ თარიღს.

ადგილობრივი თვითმმართველობის არჩევნები განსაზღვრავს არა მხოლოდ თვითმმართველობის ორგანოების შემადგენლობას, არამედ, შესაძლოა, ის რიგგარეშე საპარლამენტო არჩევნების საბაბიც გახდეს. ეს იმ შემთხვევაში მოხდება, თუ მმართველი პარტია „ქართული ოცნება“ არჩევნებზე პროპორციული ხმების 43%-ზე ნაკლებს მიიღებს.

0