Europe Shine A Light

ორგანიზატორები „ევროვიზია 2021“-ის ჩატარების წესების ვარიანტებს განიხილავენ

43
(განახლებულია 13:38 19.11.2020)
ამ მომენტისთვის „ევროვიზია 2021“-ის ჩატარების შესაძლო ოთხი სცენარი განიხილება. საბოლოო გადაწყვეტილება მომავალი წლის დასაწყისში გახდება ცნობილი.

თბილისი, 19 ნოემბერი – Sputnik. სიმღერის საერთაშორისო კონკურსი „ევროვიზია 2021“-სთვის მისი მონაწილეები საკუთარ სიმღერას ჩაწერენ ფორსმაჟორული ვითარებისთვის, რათა თუ კორონავირუსის პანდემიიდან გამომდინარე ისინი ვერ შეძლებენ როტერდამში ჩასვლას, კონკურსში საკუთარი მონაწილეობა გარანტირებული ჰქონდეთ, ნათქვამია კონკურსის ოფიციალურ გვერდზე.

„ევროვიზია 2021“-ის ორგანიზატორებმა ადრე განაცხადეს, რომ კორონავირუსის პანდემიის გამო გაუქმებული ნახევარფინალების წილისყრის შედეგებს შეინარჩუნებენ.

„კონკურსის მოახლოებასთან ერთად ჩვენ შეგვიძლია გაგიზიაროთ დეტალები იმასთან დაკავშირებით, თუ როგორ მიიღებენ მონაწილეობას მომავალი წლის კონკურსში მონაწილეები. თითოეული ქვეყნის მაუწყებელი საკუთარი ქვეყნის წარმომადგენლის ცოცხალ შესრულებას გადაიღებს იმ შემთხვევისთვის, თუ იგი კორონავირუსის გამო ვერ შეძლებს როტერდამში ჩამოსვლას ან მას საკარანტინო სივრცეში მოათავსებენ“, – ნათქვამია განცხადებაში. 

აღინიშნება, რომ კონკურსში მონაწილე ყველა მაუწყებელს შესთავაზებენ – საკუთარი ქვეყნის წარმომადგენლის ცოცხლად შესრულება სტუდიაში ჩაწერონ. ჩანაწერი კონკურსის დაწყებამდე გაიგზავნება. ამასთან, ორგანიზატორები აღნიშნავენ, რომ ჩანაწერი უნდა იყოს უნიკალური, მაყურებლის გარეშე და 2021 წლის მაისში დაგეგმილ კონკურსამდე არსად არ უნდა იყოს გამოქვეყნებული.

ორგანიზატორების თქმით, გამოსვლის ძველ ფორმატთან ერთად, კონკურსანტებს შესაძლებლობა ექნებათ სრულად წარმოაჩინონ საკუთარი ქვეყნის მხატვრული თავისუფლება, შემოქმედება, ამბიცია და სტილი. თუმცა, გადაღებისას ვირტუალური რეალობის, დრონებისა და სხვა ვიზუალური ეფექტების გამოყენება აკრძალულია.

ჩანაწერის გაკეთება ნებადართულია სამ დუბლად, ამისთვის 60 წუთია განსაზღვრული, რის შემდეგაც დელეგაციის ხელმძღვანელი მიიღებს გადაწყვეტილებას, თუ რომელი ვარიანტი გაიგზავნოს კონკურსზე. ამასთან, გადაღების პროცესს პირდაპირი კავშირით თვალი უნდა ადევნონ კონკურსის ორგანიზატორების წარმომადგენლებმა.

როგორც ადრე ორგანიზატორები აცხადებდნენ, ამ მომენტისთვის „ევროვიზია 2021“-ის გამართვისთვის შესაძლო ოთხი სცენარი განიხილება – როგორც ჩვეულებრივი ფორმატით, ისე შეზღუდვების სხვადასხვა ვარიანტები. გადაწყვეტილება იმის შესახებ, თუ რომელი ვარიანტით ჩატარდება კონკურსი, მომავალი წლის დასაწყისში გახდება ცნობილი.

43
ნიკოლაი სვენტიცკი

გრიბოედოველებმა დანიურ-რუსულ თეატრ „დიალოგს“ იუბილე მიულოცეს

20
დანიურ-რუსული თეატრი „დიალოგი“ 2000 წელს დაფუძნდა და კოპენჰაგენში მეცნიერებისა და კულტურის რუსული ცენტრის სცენაზე ორ ენაზე - დანიურსა და რუსულზე - მუშაობს

თბილისი, 30 ნოემბერი - Sputnik. თბილისის გრიბოედოვის სახ. რუსულმა დრამატულმა თეატრმა დანიურ-რუსულ თეატრ „დიალოგს“ იუბილე მიულოცა - თეატრის დასი 1 დეკემბერს 20 წლის იუბილეს აღნიშნავს.

მისალოცი სიტყვით თეატრის სამხატვრო ხელმძღვანელს ტატიანა დერბენევას და „დიალოგის“ მთელ დასს გრიბოედოვის თეატრის დირექტორმა და საზღვარგარეთ რუსული თეატრების მოღვაწეთა ასოციაციის გამგეობის თავმჯდომარე ნიკოლაი სვენტიცკიმ მიმართა.

„მთელი გულით გილოცავთ შესანიშნავ საიუბილეო თარიღს! ამ საზეიმო დღეებში თქვენ მიიღებთ ყველაზე გულწრფელ და კეთილ სურვილებს მეგობრებისგან, კოლეგებისა და პარტნიორებისგან - ასეთები კი მთელ მსოფლიოში მრავლად გყავთ. და ეს არც არის გასაკვირი, არსებობის 20 წლის განმავლობაში თეატრი „დიალოგი“ ხომ ღირსეულად ემსახურებოდა საზღვარგარეთ რუსულ თეატრალურ ხელოვნებას. გრიბოედოველები ძალიან აფასებენ თქვენთან მეგობრობას და შემოქმედებით თანამშრომლობას“, - წერს სვენტიცკი.

მისი თქმით, გრიბოედოველები ყოველთვის დიდი მადლიერებითა და სიამოვნებით იხსენებენ გრიბოედოვის სახელობის თეატრის 170 წლისთავის იუბილეში, თბილისში საზღვარგარეთ მოქმედი რუსული თეატრების I კონგრესსა და კოპენჰაგენში დასის გასტროლებში „დიალოგის“ მონაწილეობას.

„ეს ძალიან საინტერესო იყო! ვუსურვებთ თქვენს თეატრს აყვავებას, ახალ გამარჯვებებს! გვჯერა, ვიმედოვნებთ, რომ წინ კიდევ ბევრი ბედნიერი შეხვედრა გველოდება!“ - აღნიშნავს სვენტიცკი.

დანიურ-რუსული თეატრი „დიალოგი“ 2000 წლის 1 დეკემბერს დაარსდა. მუშაობს კოპენჰაგენში მეცნიერებისა და კულტურის რუსული ცენტრის სცენაზე. სპექტაკლებს დგამს რუსულ და დანიურ ენებზე. „დიალოგს“ აქვს ორი სტუდია: საბავშვო და ახალგაზრდული. თეატრი უპირატესობას ანიჭებს მაღალპროფესიონალურ დრამატურგიას და რეჟისურას, ატარებს ფესტივალს „თეატრალური დუეტები“.

20
თემები:
საქართველო და კულტურა
მაია მახათელი

ქართველი ბალერინა წლის საუკეთესო მოცეკვავედ დაასახელეს

45
(განახლებულია 18:53 30.11.2020)
ქართველი ბალერინის კონკურენტები „დიდი თეატრის“ რუსი მოცეკვავეები – მარია ალექსანდროვა და ვლადისლავ ლანტრატოვი იყვნენ.

თბილისი, 30 ნოემბერი – Sputnik. ქართველი ბალერინა მაია მახათელი, საერთაშორისო ჟურნალ Dance Europe-ის ვერსიით, რომელიც 1995 წლიდან ლონდონში გამოდის, წლის საუკეთესო მოცეკვავედ დასახელდა.

რადგან ქართველმა ბალერინამ ყველაზე მეტი ხმა მიიღო, ჟურნალმა Dance Europe მისი ფოტო დეკემბერ/იანვრის ნომრის გარეკანზე გამოაქვეყნა.

თავის Facebook-გვერდზე ბალერინამ მხარდაჭერისთვის ყველას მადლობა გადაუხადა და აღნიშნა, რომ ბედნიერია, რომ მისი ფოტო Dance Europe-ის გარეკანზეა განთავსებული.

პრეტენდენტისთვის ხმის მიცემა ოქტომბრის ბოლომდე იყო შესაძლებელი. ქართველ ბალერინასთან ერთად საუკეთესოს წოდებისთვის „დიდი თეატრის“ რუსი მოცეკვავეები – მარია ალექსანდროვა და ვლადისლავ ლანტრატოვი იბრძოდნენ.

მაია მახათელი თბილისში დაიბადა, ცეკვა ვახტანგ ჭაბუკიანის სახელობის თბილისის ქორეოგრაფიულ სასწავლებელში დაიწყო. 2002 წელს სწავლა დაამთავრა გერმანიის საერთაშორისო საბალეტო სკოლა (International Ballet School).

2002 წელს მახათელი კოლორადოს ბალეტში მიიღეს, 2006 წელს გადავიდა ბირმინგემის სამეფო ბალეტში სოლისტის რანგში. 2007 წლიდან ის ნიდერლანდების ეროვნულ ბალეტში მუშაობს, ხოლო 2010 წლიდან თეატრის პრიმა–ბალერინაა.

მაია მახათელს მონაწილეობა აქვს მიღებული არაერთ საერთაშორისო საბალეტო გალა–კონცერტში, მიწვეული ბალერინის სტატუსით გამოდიოდა აშშ-ის, იაპონიის, ჩეხეთისა და რუსეთის თეატრების სპექტაკლებში. არის საქართველოში, რუსეთსა და აშშ-ში გამართული საერთაშორისო კონკურსების ლაურეატი.

45
თემები:
საქართველო და კულტურა
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 1 დეკემბერს

0
(განახლებულია 22:25 30.11.2020)
გეგმიური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 1 დეკემბერი – Sputnik. სააქციო საზოგადოება „თელასი" იუწყება, რომ 1 დეკემბერს გეგმიური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

ჩუღურეთის რაიონი

11:00 საათიდან 17:00 საათამდე შეზღუდვა შეეხება: მახათას მთის, არსენალის მთის, ლამის II ქუჩის, ცაიშის, ახალი არსენალის, ეკატერინე ჭავჭავაძის, დავით ბერიაშვილის, დავითაშვილის, ასპინძის, ძეგამის, თამარაშენის, მნათობის, ხრამჰესის, ლამის, ტერენტი გრანელის, ბოდავის, გუმათის, ზეგანის, ჯაბაურის, ჩეჩელაშვილის, ბელა მირიანაშვილის, ახუთის, დოდო ჭიჭინაძის, პეტრე ბაგრატიონის, სიღნაღის, ნინო და კალისტრატე სალიების, დიღომბარის, პაატა სააკაძის და ქვალონის ქუჩების მოსახლეობას.

12:00 საათიდან 16:00 საათამდე შეზღუდვა შეეხება: უზნაძის ქუჩის მოსახლეობას.

ისნის რაიონი

10:00 საათიდან 16:00 საათამდე შეზღუდვა შეეხება: წმინდა ქეთევან დედოფლის გამზირის, ლეხ კაჩინსკის, კასპის, ვაჟა ივერიელის და წინანდლის ქუჩების მოსახლეობას.

 

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს