ფეხბურთი

ფილმი „ქართული ფეხბურთის ტრიო“ მილანის ფესტივალის გამარჯვებულია

57
(განახლებულია 16:53 18.11.2020)
ესაა ისტორია ფეხბურთელი ძმების ქართულ ტრიოზე – რევაზ, შოთა და არჩილ არველაძეებზე, რომლებმაც საქართველოს ნაკრების შემადგენლობაში ჯამში 104 მატჩი ითამაშეს.

თბილისი, 18 ნოემბერი – Sputnik. გოგი თორაძის დოკუმენტური ფილმი „ქართული ფეხბურთის ტრიო“ მილანის სპორტული კინოს საერთაშორისო ფესტივალის გამარჯვებულია.

ფესტივალი საერთაშორისო ოლიმპიური კომიტეტის მიერ აღიარებული სპორტული კინოსა და ტელევიზიის საერთაშორისო ფედერაციის მიერ არის ორგანიზებული.

კინოფესტივალის ჟიური განსაზღვრავს გამარჯვებულებს ნომინაციებში: ოლიმპიური თამაშები, დოკუმენტური ფილმები, ტელეგადაცემები და ახალი ტექნოლოგიები, სპორტი და საზოგადოება, მხატვრული ფილმები, სპორტული რეკლამა, ფილმები და ტელეგადაცემები ფეხბურთზე.

ფილმში „ქართული ფეხბურთის ტრიო“ მოთხრობილია მსოფლიოში ცნობილი ძმები არველაძეების ისტორია, რომლებიც ერთდროულად თამაშობდნენ ერთ გუნდში. რევაზ, შოთა და არჩილ არველაძეებმა საქართველოს ნაკრებში ჯამში 104 მატჩში ითამაშეს, ხოლო შოთა კვლავ ნაკრების ყველა დროის საუკეთესო ბომბარდირია 26 გოლით.

ფესტივალში 123 ქვეყანა მონაწილეობდა. თორაძის ნამუშევარი მილანის ფესტივალზე მეორედ იყო წარდგენილი. პირველ წარმატებას ქართველმა რეჟისორმა 2013 წელს მიაღწია ფილმით, რომელშიც ქართული ფეხბურთის ისტორიაა ასახული.

57
თემები:
ქართული კინო (109)
სანდრა გადელია

სანდრა გადელია საბავშვო ევროვიზიაზე მეშვიდე ნომრად წარდგება

38
სანდრა გადელია კონკურსზე წარადგენს გიორგი კუხიანიძის სიმღერას „შენ მარტო არ ხარ“ და, როგორც ყველა მონაწილე, სამშობლოდან იმღერებს

თბილისი, 23 ნოემბერი - Sputnik. საქართველოს წარმომადგენელი „საბავშვო ევროვიზია-2020-ზე“ სანდრა გადელია კონკურსზე მეშვიდე ნომრად გამოვა, აღნიშნულია ღონისძიების ოფიციალურ ვებგვერდზე.

როგორი იქნება ევროვიზიის საიმიჯო კლიპი – ვიდეო >>

მე-18 საერთაშორისო კონკურსის - „საბავშვო ევროვიზია-2020-ის“ ფინალი მსოფლიოში არსებული ეპიდემიოლოგიური სიტუაციის გამო 29 ნოემბერს პოლონეთში ვიდეოხიდის ფორმატით გაიმართება. საორგანიზაციო ჯგუფი და წამყვანები ღონისძიებას ვარშავის სტუდიიდან გაუძღვებიან, ყოველი მონაწილე კი სიმღერას თავის სამშობლოში შეასრულებს.

კონკურსის სამართლიანობისა და ყველა არტისტის ღირსეული წარდგენისთვის, ევროპის სამაუწყებლო კავშირის (EBU) წევრები ყველა მოედანზე სცენის ანალოგიურ გეგმარებას და ტექნიკურ განათებას გამოიყენებენ.

კონკურსანტი საქართველოდან შეასრულებს სიმღერას You Are Not Alone. გადელიას საკონკურსო სიმღერაზე იმუშავა კომპოზიტორმა გიორგი კუხიანიძემ, ტექსტი კი თემო საჯაიას ეკუთვნის.

მე-18 საერთაშორისო ფესტივალის სლოგანია Move the world! („აამოძრავე მსოფლიო“). ფინალში მონაწილეობას მიიღებენ შემსრულებლები 12 ქვეყნიდან: საქართველოდან, რუსეთიდან, ბელარუსიდან, საფრანგეთიდან, ყაზახეთიდან, მალტიდან, ნიდერლანდებიდან, სერბეთიდან, ესპანეთიდან, უკრაინიდან, პოლონეთიდან და გერმანიიდან.

2019 წელს პოლონეთის ქალაქ გლივიცაში გამართულ  „საბავშვო ევროვიზია 2019“-ზე საქართველო წარადგინა 13 წლის გიორგი როსტიაშვილმა სიმღერით „გვინდა გვიყვარდეს“ (We need love) და კონკურსში მე-14 ადგილი დაიკავა. კონკურსის გამარჯვებული პოლონელი ვიკი გაბორი გახდა.

საქართველო საბავშვო ევროვიზიის გამარჯვებული სამჯერ (2008, 2011 და 2016 წლებში) გახდა.

38
თემები:
საქართველო და კულტურა
ბრედ პიტი

ბრედ პიტმა შესაძლოა ქართულ ფილმში ითამაშოს

73
(განახლებულია 09:14 24.11.2020)
ცნობილი ჰოლივუდელი მსახიობი შესაძლოა მაყურებელმა ქართულ ფილმში იხილოს. ნახეთ ფილმის დეტალები სტატიაში.

თბილისი, 23 ნოემბერი – Sputnik. ჰოლივუდის ვარსკვლავმა, 56 წლის ბრედ პიტმა შესაძლოა ქართულ ფილმში მიიღოს მონაწილეობა, განაცხადა ცნობილმა მუსიკოსმა დათო ევგენიძემ რადიო „ფორტუნას“ ეთერში.

როგორც კომპოზიტორი აცხადებს, ფილმის გადაღებას საკუთარი სცენარით გეგმავს, რომელიც რამდენიმე ქვეყნის კოპროდუქცია იქნება და მისი დაფინანსებაც სხვადასხვა ქვეყნებიდან, მათ შორის რუსეთიდან მოხდება.

„ორგზის ოსკაროსან პროდიუსერთან გრეი ფრედრიქსონთან მაქვს მოლაპარაკებები. სხვათა შორის, ამერიკელებმა შემომთავაზეს – ფილმში მთავარ როლზე ბრედ პიტი დავამტკიცო. მოკლედ, სცენარი დაწერილია, დაფინანსება მაქვს, მხოლოდ ქართული ფული მაკლია“, – განაცხადა ევგენიძემ რადიო „ფორტუნას“ ეთერში.

ამერიკელი მსახიობი და პროდიუსერი ბრედ პიტი პოპულარული გახდა 1990-იან წლებში, როდესაც რამდენიმე ჰოლივუდურ ფილმში მიიღო მონაწილეობა.

ბრედ პიტს 1995 წელს შესრულებული მეორეხარისხოვანი როლისთვის ფილმში „თორმეტი მაიმუნი“ მიეკუთვნა ოქროს გლობუსის ჯილდო და ოსკარის ნომინაცია. პიტი მასმედიის მიერ აღიარებულია, როგორც ერთ-ერთი ყველაზე მიმზიდველი მამაკაცი. მისი პირადი ცხოვრება მსოფლიოს მედიის მიერ ფართოდ შუქდება.

პიტს ანჯელინა ჯოლისთან ჰყავს ექვსი შვილი, აქედან სამი ბიოლოგიური. ჯოლისთან ურთიერთობის შემდეგ, რომელიც ცნობილია თავისი ქველმოქმედებით, პიტი უფრო მეტად ჩაერთო სოციალურ აქტივობებში.

73
თემები:
სელებრითების ცხოვრება
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 24 ნოემბერს

0
(განახლებულია 14:25 21.11.2020)
გეგმიური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 24 ნოემბერი – Sputnik. სააქციო საზოგადოება „თელასი" იუწყება, რომ 24 ნოემბერს გეგმიური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

სამგორის რაიონი

10:00 საათიდან 16:00 საათამდე შეზღუდვა შეეხება: თბილისის ზღვის მიმდებარე ტერიტორიის, კახეთის გზატკეცილის, ვარკეთილის მეურნეობის, მშვიდობის, უცნობის და თვალჭრელიძის ქუჩების მოსახლეობას.

ისნის რაიონი

10:00 საათიდან 18:00 საათამდე შეზღუდვა შეეხება: ქეთევან დედოფლის გამზირის, ფაღავას, ალიხანიანის, ხერხეულიძის, ლაგოდეხის, ირბახის, მესხიშვილის, წინანდლის, გონაშვილის, იორის, შავიშვილის და სართიჭალის ქუჩების მოსახლეობას.

10:00 საათიდან 12:00 საათამდე შეზღუდვა შეეხება: გურჯაანის, მარტყოფის, ნასაკირალის, ჩუბინიძის, ირბახის, წურწუმიას, მახათას, მთავარანგელოზის, დმანისის, ალადაშვილის, აბულაძის, ერისთავის, ობსერვატორიის, ერევნის, ხივინის, ქურხულის, იზაშვილის, ბადიაურის, კვეზერელის, დედოფლისწყაროს და ახმეტის ქუჩების მოსახლეობას.

საბურთალოს რაიონი

10:00 საათიდან 16:00 საათამდე შეზღუდვა შეეხება: ყაზბეგის გამზირის (ნაწილობრივ) მოსახლეობას.

გლდანის რაიონი

11:00 საათიდან 14:00 საათამდე შეზღუდვა შეეხება: გლდანის მასივის I მიკრორაიონის მოსახლეობას.

ვაკის რაიონი

11:00 საათიდან 15:00 საათამდე შეზღუდვა შეეხება: ილია ჭავჭავაძის გამზირის მოსახლეობას.

კრწანისის რაიონი

10:00 საათიდან 18:00 საათამდე შეზღუდვა შეეხება: სოფელი ფონიჭალის და მარნეულის ქუჩის მოსახლეობას.

დიდუბის რაიონი

12:00 საათიდან 17:00 საათამდე შეზღუდვა შეეხება: დიღმის მასივის VI კვარტლის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს