კინოფირი

„მაია წყნეთელის“ აღდგენილ ვერსიას მაყურებელი ფეისბუქ-ლაივის ფორმატში იხილავს

48
(განახლებულია 20:45 11.11.2020)
ფილმზე მუშაობისას რესტავრატორებმა უზარმაზარი სამუშაო ჩაატარეს: გაასუფთავეს ხმა, დაამუშავეს გამოსახულება და შეიტანეს ფერის კორექტივები.

თბილისი, 11 ნოემბერი – Sputnik. საქართველოს კინემატოგრაფიის ეროვნული ცენტრი „მაია წყნეთელის“ აღდგენილი ვერსიის ონლაინ-ჩვენებას გამართავს, ნათქვამია ცენტრის მიერ გავრცელებულ განცხადებაში.

ფილმის ჩვენება მეფე ერეკლე II-ის დაბადებიდან 300 წლისთავთან დაკავშირებით გაიმართება.

„ონლაინ-ჩვენება გაიმართება 13, 14 და 15 ნოემბერს, 22:00 საათზე ეროვნული კინოცენტრის ოფიციალურ ფეისბუქ-გვერდზე (ფეისბუქ-ლაივის ფორმატში)“, – აღნიშნულია ცენტრის განცხადებაში.

1959 წელს გადაღებული „მაია წყნეთელი” რეზო ჩხეიძის ერთ-ერთი საკულტო ფილმია. ფილმმა ახალი სიცოცხლე 2020 წლის ზაფხულში დაიწყო, როცა დასრულდა მისი რესტავრაცია ციფრულ 2K ფორმატში. ექსპერტებმა უზარმაზარი სამუშაო შეასრულეს: გაწმინდეს ხმა, დაამუშავეს გამოსახულება და გააკეთეს ფერის კორექტივები.

ფილმის რესტავრაცია მეფე ერეკლე მეორის დაბადებიდან 300 წლისთავს მიეძღვნა. ფილმში მოვლენები სწორედ პატარა კახის მეფობის დროს ვითარდება.

48
თემები:
ქართული კინო (109)

საბავშვო ევროვიზია 2020: ფინალამდე რჩება ორი დღე - ვიდეო

16
წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone

საერთაშორისო სიმღერის კონკურს „საბავშვო ევროვიზია 2020“-ის ოფიციალურ ვებ-გვერდზე მაყურებლის ონლაინ–კენჭისყრამ სტარტი პარასკევს, 27 ნოემბერს, 23:00 საათიდან აიღო.

ხმის მიცემა შესაძლებელია ვებ-გვერდზე junioreurovision.tv. მაყურებელს ყველა კონკურსანტის გამოსვლის ნახვის შემდეგ შესაძლებლობა ექნება ხმა მისცეს სამ კონკურსანტს, მათ შორის – საკუთარი ქვეყნის წარმომადგენელს.

წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone. გადელიას საკონკურსო სიმღერაზე იმუშავა კომპოზიტორმა გიორგი კუხიანიძემ, ტექსტი კი თემო საჯაიას ეკუთვნის. საქართველოს წარმომადგენელი კონკურსზე მეშვიდე ნომრად გამოვა.

კონკურსის ფინალს ქართველი მაყურებელი საზოგადოებრივი მაუწყებლის „პირველ არხზე“ კვირას, 29 ნოემბერს, 20:00 საათიდან იხილავს.

 

16
საბავშვო ევროვიზია

„საბავშვო ევროვიზიის“ ვებ-გვერდზე ხმის მიცემა 27 ნოემბრიდან იწყება

39
(განახლებულია 13:55 27.11.2020)
წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone.

თბილისი, 27 ნოემბერი – Sputnik. საერთაშორისო სიმღერის კონკურს „საბავშვო ევროვიზია 2020“-ის ოფიციალურ ვებ-გვერდზე მაყურებლის ონლაინ–კენჭისყრა სტარტს პარასკევს, 27 ნოემბერს, 23:00 საათიდან აიღებს.

ხმის მიცემა შესაძლებელია ვებ-გვერდზე junioreurovision.tv. მაყურებელს ყველა კონკურსანტის გამოსვლის ნახვის შემდეგ შესაძლებლობა ექნება ხმა მისცეს სამ კონკურსანტს, მათ შორის – საკუთარი ქვეყნის წარმომადგენელს. 

კენჭისყრა 29 ნოემბერს, შოუს დაწყების წინ შეჩერდება და ყველა კონკურსანტის გამოსვლის შემდეგ 15 წუთით განახლდება.

შოუს წესებით, კონკურსანტის საბოლოო შეფასებისას მაყურებლისა და პროფესიონალების ხმები განაწილდება თანაბრად – 50/50-ზე. ჟიურის წევრები საკუთარ შეფასებებს 28 ნოემბერს, კონკურსანტების გამოსვლების ნახვის შემდეგ გამოაცხადებენ. ამავე დღეს გაიმართება პრესკონფერენცია, რომელშიც ყველა კონკურსანტი მიიღებს მონაწილეობას. იგი კონკურსის ოფიციალურ ვებ-გვერდზე ონლაინ–ფორმატში ჩატარდება.

ეპიდემიური ვითარების გამო „საბავშვო ევროვიზია 2020“-ის ფინალი პოლონეთში 29 ნოემბერს ტელეხიდის ფორმატში გაიმართება. პროფესიული გუნდი და წამყვანები ვარშავის სტუდიაში განთავსდებიან, ხოლო ყოველი მონაწილე თავისი ქვეყნის სტუდიიდან იმღერებს.

კონკურსის სამართლიანობისა და ყველა არტისტის ღირსეული წარდგენის მიზნით ევროპის სამაუწყებლო კავშირის (EBU) წევრები ყველა მოედანზე სცენის ერთნაირ გეგმარებას და ტექნიკურ განათებას გამოიყენებენ. 

მე-18 ფესტივალის სლოგანია Move the world! („აამოძრავე მსოფლიო“). კონკურსის ფინალში მონაწილეობას მიიღებენ შემსრულებლები 12 ქვეყნიდან: საქართველოდან, რუსეთიდან, ბელარუსიდან, გერმანიიდან, ესპანეთიდან, ყაზახეთიდან, მალტიდან, ნიდერლანდებიდან, პოლონეთიდან, სერბეთიდან, უკრაინიდან და საფრანგეთიდან.

წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone. გადელიას საკონკურსო სიმღერაზე იმუშავა კომპოზიტორმა გიორგი კუხიანიძემ, ტექსტი კი თემო საჯაიას ეკუთვნის. საქართველოს წარმომადგენელი კონკურსზე მეშვიდე ნომრად გამოვა.

კონკურსის ფინალს ქართველი მაყურებელი საზოგადოებრივი მაუწყებლის „პირველ არხზე“ კვირას, 29 ნოემბერს, 20:00 საათიდან იხილავს.

2019 წელს პოლონეთის ქალაქ გლივიცაში გამართულ „საბავშვო ევროვიზია 2019“-ზე საქართველო წარადგინა 13 წლის გიორგი როსტიაშვილმა სიმღერით „გვინდა გვიყვარდეს“ (We need love) და კონკურსში მე-14 ადგილი დაიკავა. კონკურსის გამარჯვებული პოლონელი ვიკი გაბორი გახდა.

საქართველო „საბავშვო ევროვიზიის“ გამარჯვებული სამჯერ გახდა – 2008, 2011 და 2016 წლებში.

39
გაზქურა

აჭარისა და გურიის რეგიონებს ბუნებრივი გაზის მიწოდება შეუწყდათ

0
(განახლებულია 11:37 28.11.2020)
დაზიანების აღსადგენად ადგილზე ყველა შესაბამისი სამსახურის ტექნიკური ჯგუფები მაქსიმალურად არიან მობილიზებული, აცხადებენ სამინისტროში

თბილისი, 28 ნოემბერი - Sputnik. ბუნებრივი გაზის მიწოდება შეუწყდათ აჭარისა და გურიის რეგიონებს, ინფორმაციას საქართველოს გაზის ტრანსპორტირების კომპანია ავრცელებს.

უწყების ინფორმაციით, დაზიანება „ქუთაისი-სოხუმის“ მაგისტრალური გაზსადენის ქობულეთის 500 მმ განშტოებაზე მოხდა.

ინფორმაციაში ნათქვამია, რომ დაზიანების აღსადგენად ადგილზე მობილიზებულია ტექნიკური ჯგუფები და მიმდინარეობს გადაუდებელი სამუშაოები.

სამუშაოებს საქართველოს გაზის ტრანსპორტირების კომპანია ახორციელებს.

 

0
თემები:
შემთხვევები საქართველოში