კინოფირი

თბილისი საერთაშორისო სტუდენტურ კინოფესტივალს მასპინძლობს

45
(განახლებულია 19:31 04.11.2020)
კინოფესტივალის ფარგლებში აგრეთვე გაიმართება სრულმეტრაჟიანი მხატვრული ფილმის პროექტის განვითარების კონკურსი.

თბილისი, 4 ნოემბერი — Sputnik. საქართველოში საერთაშორისო სტუდენტური კინოფესტივალი კორონავირუსის პანდემიის გამო ონლაინ–რეჟიმში ტარდება, ნათქვამია ფესტივალის Facebook-გვერდზე გავრცელებულ განცხადებაში.

2020 წელს ფესტივალმა ხუთი ქვეყნიდან ხუთი საუკეთესო კინოსკოლა გააერთიანა. გერმანიის, პოლონეთის, ისრაელის, არგენტინისა და საქართველოს კინოსკოლებიდან 120-წუთიან კინოპროგრამებს სხვადასხვა სოციალური ქსელის მეშვეობით პირდაპირ ეთერში აჩვენებენ.

გამარჯვებულებს ჟიური გამოაცხადებს, რომლის შემადგენლობაშიც შედიან კინორეჟისორი თამარ შავგულიძე და კინომცოდნეები ნენო ქავთარაძე და გიორგი რაზმაძე. 

კინოფესტივალის ფარგლებში გაიმართება სრულმეტრაჟიანი მხატვრული ფილმის პროექტის განვითარების კონკურსი. გარდა ამისა, რეჟისორი ქეთი მაჭავარიანი ფორუმის მონაწილეებისთვის ფიჩინგის (პროექტის ზეპირი ან ვიზუალური პრეზენტაცია ინვესტორების მოძიების მიზნით) ტრენინგს გამართავს.

ჟიურის წევრები დავით ჯანელიძე, მწერალი, სცენარისტი ნესტან კვინიკაძე და კინოოპერატორი გიორგი შველიძე სამ გამარჯვებულს გამოავლენენ, რომლებიც შესაბამისი ფულადი პრიზებით დაჯილდოვდებიან.

ფესტივალის გამარჯვებულთა დაჯილდოების ცერემონია კინოსა და თეატრის უნივერსიტეტში 6 ნოემბერს გაიმართება, სადაც გამოავლენენ I, II და III ადგილების პრიზიორებს. ამასთან, დასახელდებიან გამარჯვებულები სამ ნომინაციაში: საუკეთესო მოკლემეტრაჟიანი, დოკუმენტური და ანიმაციური ფილმი.

ფესტივალის ორგანიზატორია თბილისის შოთა რუსთაველის თეატრისა და კინოს სახელმწიფო უნივერსიტეტი, საქართველოს განათლების, მეცნიერების, კულტურისა და სპორტის სამინისტროს და საქართველოს კინემატოგრაფიის ეროვნული ცენტრის მხარდაჭერით.

45
თემები:
საქართველო და კულტურა (986)
ბრედ პიტი

ბრედ პიტმა შესაძლოა ქართულ ფილმში ითამაშოს

60
(განახლებულია 19:06 23.11.2020)
ცნობილი ჰოლივუდელი მსახიობი შესაძლოა მაყურებელმა ქართულ ფილმში იხილოს. ნახეთ ფილმის დეტალები სტატიაში.

თბილისი, 23 ნოემბერი – Sputnik. ჰოლივუდის ვარსკვლავმა, 56 წლის ბრედ პიტმა შესაძლოა ქართულ ფილმში მიიღოს მონაწილეობა, განაცხადა ცნობილმა მუსიკოსმა დათო ევგენიძემ რადიო „ფორტუნას“ ეთერში.

როგორც კომპოზიტორი აცხადებს, ფილმის გადაღებას საკუთარი სცენარით გეგმავს, რომელიც რამდენიმე ქვეყნის კოპროდუქცია იქნება და მისი დაფინანსებაც სხვადასხვა ქვეყნებიდან, მათ შორის რუსეთიდან მოხდება.

„ორგზის ოსკაროსან პროდიუსერთან გრეი ფრედრიქსონთან მაქვს მოლაპარაკებები. სხვათა შორის, ამერიკელებმა შემომთავაზეს – ფილმში მთავარ როლზე ბრედ პიტი დავამტკიცო. მოკლედ, სცენარი დაწერილია, დაფინანსება მაქვს, მხოლოდ ქართული ფული მაკლია“, – განაცხადა ევგენიძემ რადიო „ფორტუნას“ ეთერში.

ამერიკელი მსახიობი და პროდიუსერი ბრედ პიტი პოპულარული გახდა 1990-იან წლებში, როდესაც რამდენიმე ჰოლივუდურ ფილმში მიიღო მონაწილეობა.

ბრედ პიტს 1995 წელს შესრულებული მეორეხარისხოვანი როლისთვის ფილმში „თორმეტი მაიმუნი“ მიეკუთვნა ოქროს გლობუსის ჯილდო და ოსკარის ნომინაცია. პიტი მასმედიის მიერ აღიარებულია, როგორც ერთ-ერთი ყველაზე მიმზიდველი მამაკაცი. მისი პირადი ცხოვრება მსოფლიოს მედიის მიერ ფართოდ შუქდება.

პიტს ანჯელინა ჯოლისთან ჰყავს ექვსი შვილი, აქედან სამი ბიოლოგიური. ჯოლისთან ურთიერთობის შემდეგ, რომელიც ცნობილია თავისი ქველმოქმედებით, პიტი უფრო მეტად ჩაერთო სოციალურ აქტივობებში.

60
თემები:
სელებრითების ცხოვრება
თამარ მეფის ძეგლი მესტიაში

დევიდ კომას პირველი ციფრული Koma girl-ი თამარ მეფის სახელს ატარებს: ვიდეო

95
(განახლებულია 23:00 20.11.2020)
დევიდ კომას ციფრულ ფორმატში ფანტასტიკური სამყაროს შექმნის იდეა პანდემიის გამო დაწესებულ გლობალურ შეზღუდვებთან შეჯახების შემდეგ გაუჩნდა

თბილისი, 20 ნოემბერი — Sputnik. ქართული წარმოშობის სახელგანთქმულმა დიზაინერმა დევიდ კომამ ახალი კოლექცია წარმოადგინა 3D-ფორმატში, რომლის მთავარ გმირსაც, პირველ ციფრულ Koma girl–ს, თამარ M უწოდა თამარ მეფის საპატივცემულოდ.

„ეს პირველი ქალია, რომელიც დევიდის სამშობლოს მართავდა. თამარი ცნობილია თავისი ძალითა და ინტელექტით, რითაც ქვეყანა შუა საუკუნეებში ზენიტში აიყვანა“, — ნათქვამია დიზაინერის ოფიციალურ YouTube-არხზე.

აღნიშნული ნამუშევრით დევიდ კომამ პანდემიის პირობებში თავისი წარმოსახვითი სამყარო, გამოგონილი პოდიუმი შექმნა სამგანზომილებიან სამყაროში.

 

95
მიკროფონი

ლევან გოფოძე: ჰოსპიტალიზაციაზე მოთხოვნა გაიზარდა

0
(განახლებულია 22:44 23.11.2020)
კორონავირუსის გამოვლენის შემთხვევაში ძალიან ნიშვნელოვანია, რომ ადამიანებმა პირველ რიგში პირველადი ჯანდაცვის ექიმებს მიმართონ, მიიჩნევს რესპუბლიკური საავადმყოფოს დირექტორი ლევან გოფოძე
ლევან გოფოძე: ჰოსპიტალიზაციაზე მოთხოვნა გაიზარდა
„რესპუბლიკური საავადმყოფო მთლიანად დატვირთულია, მიუხედადად იმისა რომ ბრუნვა მაღალი გავქვს.  ჩვენ ყოველდღიურად ვწერთ გამოჯანმრთელებულ პაციენებს და მომენტალკურად ვიღებთ ახალ ნაკადს, იმიტომ რომ ჰოსპიტალიზაციაზე გაიზარდა მოთხოვნა. შექმნილ სიტუაციაში პირველადი ჯანდაცვის რგოლების მუშაობა ძალიან მნიშვნელოვანია და ძალიან მნიშვნელოვანია რომ ადამაინებმა მიმართონ პირველ რიგში მათ და არა კლინიკებს“, - განაცხადა ლევან გოფოძემ ტელეკომპანია „ფორმულას“ ეთერში.

საქართველოში ახალი კორონავირუსით ინფიცირებულთა რაოდენობა გასულ დღე–ღამეში  3958–ით გაიზარდა და 108.690-ს მიაღწია. აქედან გამოჯანმრთელებულთა რიცხვმა კი  89.170 შეადგინა.

0