ფრანკფურტის წიგნის ბაზრობა

საქართველო ფრანკფურტის წიგნის ფესტივალში მონაწილეობს

33
(განახლებულია 15:15 15.10.2020)
წელს ფრანკფურტის ფესტივალზე, რომელიც ვირტუალურ სივრცეში გაიმართება, საქართველო ორი ღონისძიებით იქნება წარმოდგენილი.

თბილისი, 15 ოქტომბერი – Sputnik. ფრანკფურტში წიგნის საერთაშორისო ფესტივალი გაიხსნა, რომელშიც საქართველოც მონაწილეობს, იუწყება ტელეკომპანია Rustavi 2.

კორონავირუსის პანდემიის გამო ფრანკფურტის წიგნის ბაზრობა უჩვეულო ციფრულ ფორმატში გაიმართება. გერმანიის სხვადასხვა ქალაქში ღონისძიებების ნაწილი პროექტ Bookfest City-ს ფარგლებში, ნაწილი კი Bookfest Digital-ის ფორმატში ონლაინ–რეჟიმში ჩატარდება.  

17 ოქტომბერს Bookfest Digital-ის ფორმატში ქართული ლიტერატურის შესახებ ქართველი მწერლების მონაწილეობით გადაღებული მოკლემეტრაჟიანი ფილმის ჩვენება გაიმართება ონლაინ–რეჟიმში.

ფილმში მონაწილეობენ ავტორები – ზურაბ ქარუმიძე, სალომე ბენიძე, დინა ოგანოვა, დავით გაბუნია და არჩილ ქიქოძე. ავტორების თქმით, ფილმი ერთგვარი მცდელობაა – უფრო მეტი ითქვას თბილისზე, საქართველოზე, მის ეთნო-რელიგიურ-კულტურულ მრავალფეროვნებაზე.

2018 წელს საქართველო ფრანკფურტის წიგნის ფესტივალზე საპატიო სტუმრის სტატუსით მონაწილეობდა.

33
თემები:
საქართველო და კულტურა (974)
დიზაინერი Salome. მოდის კვირეული Mercedes-Benz Fashion Week Tbilisi

Mercedes-Benz Fashion Week Tbilisi მოდის მოყვარულებს ონლაინ–ჩვენებას სთავაზობს

27
(განახლებულია 18:25 29.10.2020)
თავიანთ ახალ კოლექციებს მთელ მსოფლიოს ვირტუალურ სივრცეში საქართველოს ყველაზე საინტერესო დიზაინერები და ბრენდები აჩვენებენ.

თბილისი, 29 ოქტომბერი – Sputnik. დედაქალაქის ერთ-ერთი ყველაზე დიდი მოვლენა მოდის სამყაროში Mercedes-Benz Fashion Week Tbilisi ონლაინ–ფორმატში 19–22 ნოემბერს გაიმართება, წერს Hammock Magazine.

კვირეულში მონაწილეობისთვის უკვე შერჩეულია ოცი დიზაინერი, რომლებიც მსოფლიო აუდიტორიას თავიანთ ბოლო კოლექციებს შესთავაზებენ. ონლაინ–პლატფორმა Mercedes-Benz Fashion Week Tbilisi-ს ჩატარების დღეებში იქნება ხელმისაწვდომი და მასზე ნებისმიერი მსურველი შეძლებს მთელი მულტიმედიური კონტენტის, დიზაინერების ბლოგების, ინტერვიუებისა და კულისებს მიღმა მომენტების ნახვას.

გარდა ამისა, COVID-19-ით გამოწვეული ეკონომიკური კრიზისის გამო Mercedes-Benz Fashion Week Tbilisi-მ Georgia Fashion Foundation-თან თანამშრომლობით დააფუძნა Factory – Art & Culture Center, რომელიც ხელოვნებისა და კულტურის მთავარი ცენტრი გახდება.

ახალი სივრცე Coca-Cola-ს ყოფილ ფაბრიკაში მოეწყობა. ამ კონცეფციის მონაწილეები იქნებიან დიზაინერები, ფოტოგრაფები და მხატვრები. ყველა შეძლებს საკუთარი ნამუშევრების გამოფენას გალერეაში, საგამოფენო პროექტების ორგანიზებას, სახელოსნოებში მუშაობას. პროექტის მიზანია საქართველოში შემოქმედებითი ინდუსტრიის დახმარება.

პროექტის ფარგლებში შეიქმნა საკონსულტაციო საბჭო დარგის გავლენიანი წარმომადგენლების შემადგენლობით, რომელიც ადგილობრივ ბრენდებს ეკონომიკური არასტაბილურობის პერიოდში განვითარებაში დაეხმარება. ამ საბჭოს წევრებს შორის არის ქართული წარმოშობის ცნობილი დიზაინერი David Koma (დავით კომახიძე).

დავეხმაროთ ხელოვნებას: საქართველო შეუერთდა კამპანიას Culture is not cancelled>>

Mercedes-Benz Fashion Week – ესაა მოდის საერთაშორისო კვირეულების სერია, რომელიც Mercedes-Benz-მა დააარსა. ის ყოველწლიურად ტარდება მსოფლიოს სხვადასხვა ქვეყანაში, მათ შორის – რუსეთში, გერმანიაში, აშშ-ში, თურქეთში, ავსტრალიაში და სხვ.

27
თემები:
საქართველო და კულტურა (974)
საავტორო კინოს საერთაშორისო ფესტივალი BIAFF

ბათუმის საავტორო კინოს ფესტივალი BIAFF ონლაინ–რეჟიმში მიმდინარეობს

21
(განახლებულია 15:56 29.10.2020)
ფესტივალის მონაწილეები შეიმუშავებენ საკუთარ სცენარებს და კონსულტაციებს მიიღებენ სხვადასხვა ქვეყნის კინოსფეროს წამყვანი ექსპერტებისგან.

თბილისი, 29 ოქტომბერი – Sputnik. ბათუმის საავტორო კინოს საერთაშორისო ფესტივალი BIAFF, რომელიც COVID-19-ის პანდემიის გამო ტრადიციულ დროს არ ჩატარდა, მაინც გაიმართება, მაგრამ ონლაინ–რეჟიმში, ნათქვამია საქართველოს კინემატოგრაფიის ეროვნული ცენტრის განცხადებაში.

დასახელდა ქართული ფილმი, რომელიც „ოსკარისთვის“ იბრძოლებს>>

ფესტივალი გამართავს BIAFF-ის ერთ-ერთ ინდუსტრიულ პლატფორმას „ალტერნატიული ტალღა 2020“. პროგრამის ძირითადი მიზანია დაბალბიუჯეტიანი პროექტების, სრულმეტრაჟიანი ფილმების განვითარება კინოს უცხოელი და ქართველი პროფესიონალების მოზიდვით. პლატფორმა ძირითადად ორიენტირებულია ქართულ კინოპროექტებზე, თუმცა რამდენიმე წლის წინ მას შავი ზღვის რეგიონი შეუერთდა (თურქეთი, უკრაინა, ბულგარეთი).

29 ოქტომბრიდან 1 ნოემბრის ჩათვლით მოწვეულ სპიკერებს კონტაქტი პლატფორმის მონაწილეებთან ონლაინ–რეჟიმში ექნებათ. მონაწილეები კონსულტაციებს მიიღებენ რამდენიმე მიმართულებებით: სცენარის შემუშავება, დაფინანსების სტრატეგია, საერთაშორისო ფონდები, ერთობლივი წარმოება, პროექტების შემუშავება, საერთაშორისო ფესტივალები.

შერჩეული პროექტები მოგვიანებით სხვადასხვა საერთაშორისო კინოფესტივალზე წარდგენის შანსს მიიღებენ. პროექტს კოორდინაციას უწევენ პროდიუსერი ლაშა ხალვაში და რეჟისორი თინათინ ყაჯრიშვილი. მოწვეულ ექსპერტებს შორის დასახელებული არიან ნიკოს პანაოთოპულოსი საბერძნეთიდან, ლორან დანილო საფრანგეთიდან და სხვ.

21
თემები:
საქართველო და კულტურა (974)
სიტუაცია ნიცაში თავდასხმის შემდეგ

საქართველოს პრეზიდენტი საფრანგეთში დაღუპულთა ოჯახებს უსამძიმრებს

0
პრეზიდენტმა დაგმო სიძულვილით ჩადენილი თავდასხმა და განაცხადა, რომ ლოცულობს დაშავებულებისა და დაღუპულთა ოჯახებისათვის.

თბილისი, 29 ოქტომბერი — Sputnik. საქართველოს პრეზიდენტმა სალომე ზურაბიშვილმა ნიცაში მომხდარი თავდასხმის დროს დაღუპულთა ოჯახებს სამძიმარი გამოუცხადა.

„ჩემი ფიქრები ფრანგ ხალხთანაა. ვგმობ ამ სიძულვილით გამოწვეულ თავდასხმას. ვლოცულობ დაშავებულთა და დაღუპულთა ოჯახის წევრებისთვის“, – დაწერა ზურაბიშვილმა თავის Twitter-ში.

ხუთშაბათს დილით ნიცაში დანით შეიარაღებული უცნობი პირი თავს დაესხა ადამიანებს ნოტრ-დამის ეკლესიაში, დაიღუპა სამი ადამიანი, რამდენიმე დაიჭრა. რამდენიმე მედია იუწყება, რომ თავდამსხმელმა ორ ადამიანს თავები მოკვეთა.

საფრანგეთის პრეზიდენტმა ემანუელ მაკრონმა ნიცაში განაცხადა, რომ ქვეყანაზე „ისლამური ტერორისტული შეტევა“ განხორციელდა.

0
თემები:
საქართველოს პრეზიდენტი