ხატია ბუნიათიშვილი

ხატია ბუნიათიშვილი Cartier-ის ამბასადორი გახდა

50
(განახლებულია 16:47 08.10.2020)
შემსრულებელმა სიახლე გულშემატკივრებს სოციალური ქსელის საშუალებით ამცნო და შემოქმედებით ჯგუფს მადლობა გადაუხადა.

თბილისი, 8 ოქტომბერი – Sputnik. ცნობილი ქართველი პიანისტი ხატია ბუნიათიშვილი ცნობილი ბრენდის Cartier-ის ამბასადორი გახდა. შემსრულებელმა სიახლე გულშემატკივრებს სოციალური ქსელის საშუალებით ამცნო და შემოქმედებით ჯგუფს მადლობა გადაუხადა.

ხატია წერს, რომ ძალიან გახარებულია და მადლობას უხდის ბრენდს ამისთვის.

„ძალიან ბედნიერი ვარ და გახარებული, რადგან ლეგენდარული Cartier-ის ამბასადორი გავხდი. ჩემთვის დიდი პატივია ვიყო თქვენი ოჯახის წევრი, რათა მომავალში თქვენთან ერთად ბევრი შესანიშნავი რამ შევქმნა თქვენთვის დამახასიათებელი ხიბლითა და გლამურით ხელოვნებისა და კულტურისთვის“, – წერს პიანისტი.

View this post on Instagram

Escapade 💋🍀 #khatiabuniatishvili #escapade #love #life #music #newalbum #Labyrinth #comingsoon

A post shared by Khatia Buniatishvili (@khatiabuniatishvili) on

ამჟამად ბუნიათიშვილი პარიზში ცხოვრობს, არის საქართველოსა და საფრანგეთის მოქალაქე. ის ორჯერ გახდა ერთ-ერთი პრესტიჟული ჯილდოს Echo Klassik ლაურეატი – 2012 წელს ფერენც ლისტის ალბომისთვის და 2016 წელს ალბომისთვის „კალეიდოსკოპი", რომელშიც შევიდა მუსორგსკის, რაველისა და სტრავინსკის ნაწარმოებები.

View this post on Instagram

Photo shoot with @estherhaasephotography 💓 💍 @cartier 🙏 #photoshoot #estherhaase #khatiabuniatishvili

A post shared by Khatia Buniatishvili (@khatiabuniatishvili) on

ბუნიათიშვილმა სხვადასხვა ქვეყნის მრავალი დიდი სცენა დაიპყრო, არაერთი კონცერტი გაუმართავს ავსტრიაში, შვეიცარიაში, საფრანგეთში, იტალიაში, გერმანიაში, ბელგიაში, პოლონეთში, ჩეხეთში, დანიაში, უკრაინაში, ისრაელსა და აშშ-ში.

View this post on Instagram

Beautiful week-end to all☂️🌈🌸💜 #khatiabuniatishvili #weekend

A post shared by Khatia Buniatishvili (@khatiabuniatishvili) on

ხატია ბუნიათიშვილი დაიბადა თბილისში 1987 წელს. ფორტეპიანოზე დაკვრა უფროს და გვანცასთან ერთად სამი წლის ასაკიდან დედის ხელმძღვანელობით დაიწყო. ექვსი წლის იყო, როდესაც თბილისში მისი პირველი კონცერტი გაიმართა კამერული ორკესტრის თანხლებით.

View this post on Instagram

La vie en rouge 💋 Sending you love ❤️ #khatiabuniatishvili #love #life #music #newalbum #labyrinth #comingsoon

A post shared by Khatia Buniatishvili (@khatiabuniatishvili) on

კონსერვატორიის სტუდენტობისას, 2003 წელს ხატიამ კიევში ვლადიმირ ჰოროვიცის სახელობის ახალგაზრდა პიანისტთა საერთაშორისო კონკურსზე სპეციალური პრიზი მიიღო, ხოლო ახალგაზრდა ქართველი მუსიკოსების მხარდასაჭერად გამართულ კონკურსზე – პირველი პრიზი. ბუნიათიშვილი ასევე Borletti-BuitoniTrustAward (2010) პრემიის ლაურეატია, EchoKlassikAwards-ზე (2012) „წლის საუკეთესო ახალბედას" წოდება მიიღო.

50
თემები:
სელებრითების ცხოვრება (2213)
ქარვასლა

თბილისის სცენოგრაფიის მესამე საერთაშორისო ბიენალე ჰიბრიდულ ფორმატში ჩატარდება

31
(განახლებულია 20:50 19.10.2020)
საერთაშორისო გამოფენა თბილისის ისტორიულ მუზეუმში, ბიენალეს საგანმანათლებლო პროგრამა და საერთაშორისო სიმპოზიუმი კი ონლაინ–რეჟიმში ჩატარდება.

თბილისი, 19 ოქტომბერი – Sputnik. ერთ-ერთი ყველაზე მასშტაბური კულტურული ღონისძიება – სცენოგრაფიის მესამე საერთაშორისო ბიენალე თბილისში 28 ოქტომბრამდე გაგრძელდება, იუწყება საქართველოს განათლების, მეცნიერების, კულტურისა და სპორტის სამინისტრო.

ფესტივალის მიზანი ახალგაზრდა სცენოგრაფთა პროფესიული განვითარების ხელშეწყობა, გამოცდილების გაზიარება, თეატრალურ და გამომსახველობით ხელოვნებაში თანამედროვე ტენდენციების შესახებ ინფორმაციის გაცვლაა. 

ორგანიზატორებმა ქვეყანაში შექმნილი ეპიდვითარება გაითვალისწინეს, რის გამოც ღონისძიება შერეულ ფორმატში ტარდება. საერთაშორისო გამოფენა თბილისის ისტორიულ მუზეუმში, ბიენალეს საგანმანათლებლო პროგრამა და საერთაშორისო სიმპოზიუმი კი ონლაინ–რეჟიმში ჩატარდება.

ბიენალეში დისტანციურ რეჟიმში მონაწილეობენ ხელოვანები და სტუდენტები საქართველოდან, რუსეთიდან, სომხეთიდან, ბელარუსიდან, უკრაინიდან, კანადიდან, სებეთიდან, პოლონეთიდან, ყაზახეთიდან, ჩინეთიდან, უნგრეთიდან და იტალიიდან.

მოსალოდნელია, რომ პროგრამა Masters Lab-ის ფარგლებში საერთაშორისო ექსპერტები თეატრისა და კინოს სცენოგრაფიის, ასევე საკურატორო საქმის, ხმის დიზაინისა და მულტიმედიური ხელოვნების და სხვა თემებზე ონლაინ–ლექციებსა და მასტერ-კლასებს ჩაატარებენ.

რაც შეეხება საერთაშორისო სიმპოზიუმს, იგი სამი დღის განმავლობაში სცენოგრაფიის დარგში პრაქტიკოსებსა და თეორეტიკოსებს გააერთიანებს მსოფლიოს სხვადასხვა ქვეყნებიდან. სიმპოზიუმს სცენოგრაფთა საერთაშორისო ქსელის OISTAT-ის კვლევითი კომისიის თავმჯდომარე, ბრიტანელი პროფესორი ქეით ბარნეტი უხელმძღვანელებს.

თბილისის სცენოგრაფიის მესამე საერთაშორისო ბიენალე ვალერიან გუნიას სახელობის თეატრალურ ხელოვანთა, ახალგაზრდული კავშირის, საქართველოს OISTAT ნაციონალური ცენტრის ორგანიზებით იმართება.

31
თემები:
საქართველო და კულტურა

ქართველმა მარიამ ბონდარენკომ Ты супер!-ის ჟიური აღაფრთოვანა და შემდეგ ტურში გადავიდა

89
(განახლებულია 15:23 19.10.2020)
საქართველოს წარმომადგენელმა, 15 წლის მარიამ ბონდარენკომ პროექტში Ты супер! კონკურსის მომდევნო ტურში გადასვლის შემდეგ იტირა. იხილეთ „Sputnik-საქართველოს“ ვიდეო, რატომ ვერ შეიკავა ახალგაზრდა მომღერალმა ცრემლები და რაზე ისაუბრა მან შოუს დასრულების შემდეგ.

გოგონამ თქვა, რომ ის კონკურსის სხვა მონაწილეებსაც გულშემატკივრობდა. მარიამმა პროექტში შეასრულა რიანას სიმღერა Diamonds, ჟიურის ყველა წევრმა კი მწვანე ღილაკს დააჭირა ხელი.

მარიამის თქმით, ის სცენაზე გასვლამდე ძალიან ნერვიულობდა – ეს მისი პირველი გამოსვლა იყო. კულისებში გოგონას ელოდა დედა, რომელმაც ასევე ვერ შეიკავა ემოციები, როდესაც ცნობილმა რუსმა პროდიუსერმა იგორ კრუტოიმ მარიამ ბონდარენკო დაასახელა და კონკურსის მეორე ტურში გადაიყვანა.

ტელეარხზე НТВ საერთაშორისო ვოკალური პროექტის Ты супер! მეოთხე სეზონი მიმდინარეობს, რომელიც მხარს უჭერს მშობლების მზრუნველობამოკლებულ ნიჭიერ ახალგაზრდებს და მათი შემოქმედებითი პოტენციალის განვითარებას.

საქართველო ამ პროექტში მესამედ მონაწილეობს, პირველ სეზონში საქართველოს წარმოადგენდა ნანა ვარძელაშვილი ქარელიდან, მესამეში კი – თეკლა ეკალაძე თბილისიდან.

საერთაშორისო კონკურსს Ты супер! მართავენ ტელეკომპანია НТВ და საერთაშორისო საინფორმაციო სააგენტო და რადიო Sputnik რუსეთის ფედერაციის განათლების სამინისტროს მხარდაჭერით.

 

89
ნახევარმთვარე

მთვარის კალენდარი: 20 ოქტომბერი რისი გაკეთება შეიძლება და რისი არა

0
(განახლებულია 09:45 19.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

  • 20 ოქტომბერი, სამშაბათი. ამ დღეს მარსი მართავს. მზარდი მთვარე მშვილდოსნის ნიშანშია.

ყველაფერი გამოგივათ, თუ შემოქმედებით აქტიურობას გამოიჩენთ და მიზნისკენ ივლით. უნდა დაიცვათ საკუთარი პრინციპები, გამოამჟღავნოთ ემოციები, გრძნობები.

იზრდება აქტიურობა, სიცოცხლის ხალისი. ადამიანებში ჩნდება სტაბილურობისა და წესრიგის თვისებები. განწყობაში სიმშვიდე დომინირებს. ამ დღეს კარგია შეთანხმებების დადება. იღვიძებს საზოგადოებრივი საქმის კეთების ინტერესი. კარგი დღეა სამართლებრივი საკითხების გადაჭრისთვის. შეიძლება ახალი საქმეების დაწყება, შორეულ ადგილებში გამგზავრება. არ ღირს მიწის ყიდვა და მშენებლობის დაწყება.

ამ დღეს კარგად გამოდის ერთობლივი რომანტიკული მოგზაურობა, ან რამე სახის ღონისძიებაზე ერთად დასწრება, ასევე ხელსაყრელი დროა მეგობრული საღამოებისა და ოჯახური წვეულებების მოწყობისთვის.

ასეთ პერიოდში დაწყებული რომანი რომანტიკული, მგზნებარე იქნება, რომელიც მრავალ კმაყოფილებასა და იმედს მოიტანს. მსოფლმხედველობის, ვნების, აზარტისა და ორმხრივი კმაყოფილების თანხვედრა განამტკიცებს ურთიერთობებს, შედეგად დგება მსუბუქი და ოპტიმისტური კავშირი. თუ რომელიმე წყვილში მეორის ცხოვრების მასწავლებელი ან მისი წამოწყებების მფარველი გახდება, ეს ძალიან წაადგება ამ კავშირს. თუმცა, სწრაფად გაჩენილი მგზნებარება შეიძლება ასევე სწრაფად ჩაქრეს.

ასეთ დღეს, ძირითადად, ხანმოკლე, მაგრამ ინტენსიური და კაშკაშა ურთიერთობები იბადება.

რეკომენდებულია ვალის დაბრუნება, დაწყებული საქმეების დამთავრება, სამუშაო ადგილზე ცვლილებები, ახალი ნაბიჯების გადადგმა საქმეების წარმოების მეთოდების მხრივ.

არარეკომენდებულია ფინანსური საქმეების წარმოება, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მშვილდოსნის დღე არ მიიჩნევა ხელსაყრელ დროდ თმის შეჭრის ან შეღებვისთვის. მანიკურისთვის ნეიტრალური დღეა.

მებაღეობა: მშვილდოსანი დღე კარგია ხილის დარგვისთვის, ასევე იმ ხეების, რომლებიც მალე უნდა გაიზარდოს. შეიძლება ხილის ხეებისა და ბუჩქების გასხვლა, მავნებლებთან ბრძოლა.

ამ დღეს არ შეიძლება ნიადაგის გაფხვიერება.

0