BATUMI MUSIC FEST

ბათუმში კლასიკური მუსიკის საერთაშორისო ფესტივალი გაიმართება

65
(განახლებულია 20:40 05.10.2020)
ფესტივალი აჭარაში, რომელიც, სამწუხაროდ, კორონავირუსით ინფიცირების თვალსაზრისით ქვეყნის „ეპიცენტრი“ გახდა, ვირტუალურ ფორმატში ჩატარდება

თბილისი, 5 ოქტომბერი – Sputnik. ბათუმის კლასიკური მუსიკისა და ხელოვნების მერვე საერთაშორისო ფესტივალი Batumi Black Sea Music and Art Festival 16–18 ოქტომბერს გაიმართება, აღნიშნულია ორგანიზატორების განცხადებაში.

ფესტივალში, რომელიც ორგანიზებულია გამოჩენილი ქართველი პიანისტის, იუნესკოს მშვიდობის ელჩის ელისო ბოლქვაძის მიერ, ტრადიციულად, ცნობილი მუსიკოსები მიიღებენ მონაწილეობას.

ფესტივალის ფარგლებში ასევე გაიმართება ახალგაზრდა ნიჭიერი პიანისტების მოსმენა და მასტერ–კლასები.

კორონავირუსის პანდემიასთან დაკავშირებით და ჯანდაცვის სამინისტროს შეზღუდვების თანახმად, ფესტივალი ონლაინ–ფორმატში, მაყურებლის დასწრების გარეშე გაიმართება.

ქვეყანაში კორონავირუსით ინფიცირების ყველაზე მეტი შემთხვევები ბოლო დროს აჭარაზე მოდის. იქ უკვე შეწყვიტა მუშაობა ქალაქთაშორისმა და საზოგადოებრივმა ტრანსპორტმა, დაწესებულია შეზღუდვებით ღამით რესტორნების მუშაობაზე.

ბოლქვაძემ ფესტივალი 2013 წელს დააარსა. ფესტივალი იმართება იუნესკოსა და საქართველოს მთავრობის პატრონაჟით.

65
თემები:
საქართველო და კულტურა (1025)
ანუშკა ჩხეიძე

ქართველი მუსიკოსის წარმატება: ანუშკა ჩხეიძის ალბომი პრესტიჟულ ჯილდოზეა წარდგენილი

44
(განახლებულია 13:45 21.01.2021)
ევროპის დამოუკიდებელი მუსიკალური კომპანიების ასოციაციამ, 22 წლის ქართველი მუსიკოსის ალბომი გასული წლის 25 ფავორიტ ნამუშევარს შორის შეიყვანა

თბილისი, 21 იანვარი – Sputnik. ქართველი მუსიკოსის, დიჯეის ანუშკა ჩხეიძის 2020 წლის ალბომი Halfie, რომელიც CES Records-ზე გამოვიდა, IMPALA-ს მუსიკალური დაჯილდოების ნომინანტია. მისი სახელი 25 მუსიკოსთა შორის მოხვდა.

ევროპის დამოუკიდებელი მუსიკალური კომპანიების ასოციაციამ, 22 წლის ქართველი მუსიკოსის ალბომი გასული წლის 25 ფავორიტ ნამუშევარს შორის შეიყვანა. არსებული სია მუსიკალურად მრავალფეროვანია და ფინური პოპიდან დაწყებული, ფრანგული ელექტრონული მუსიკით დამთავრებული ყველა სახისა და ქვეყნის მუსიკალურ მიმართულებას მოიცავს.

გასულ წელს აღნიშნული ჯილდო ცნობილ გერმანელ მუსიკოსს, Apparat-ის ალბომს ერგო – ამ წლის გამარჯვებული კი თებერვალში გამოვლინდება.

IMPALA – ევროპის მასშტაბით, დამოუკიდებელი მუსიკალური კომპანიების ასოციაციაა რომელიც 2000 წელს დაარსდა და მუსიკალურ ბიზნესში 5000-მდე მცირე ზომის ლეიბლსა და არტისტებს აერთიანებს.

ასოციაცია უკვე მეთერთმეტე წელია ატარებს „წლის ალბომის“ დაჯილდოვებას, სადაც დამოუკიდებელი ევროპული ლეიბლებიდან საუკეთესო ნამუშევარს არჩევს. გასულ წლებში აღნიშნული კონკურსის გამარჯვებულები იყვნენ ისეთ მუსიკოსები, როგორებიც არიან Apparat, Agnes Obel, José Gonzalez, Caribou, Guadalupe Plata, The xx, Adele, და Efterklang.

44
თემები:
სელებრითების ცხოვრება
გიორგი ოთხმეზური

გარდაიცვალა ცნობილი ქართველი ისტორიკოსი გიორგი ოთხმეზური

130
ცნობილი მეცნიერის გარდაცვალებასთან დაკავშირებით მწუხარება უკვე გამოხატეს განათლების, მეცნიერების, კულტურისა და სპორტის მინისტრმა მიხეილ ჩხენკელმა და თბილისის მერმა კახა კალაძემ

თბილისი, 20 იანვარი - Sputnik. გამოჩენილი ქართველი ისტორიკოსი გიორგი ოთხმეზური 66 წლის ასაკში გარდაიცვალა. ამის შესახებ ცნობა თბილისის ივ. ჯავახიშვილის სახ. სახელმწიფო უნივერსიტეტის Facebook-გვერდზე გამოქვეყნდა. ისტორიკოსი უნივერსიტეტში მრავალი წლის განმავლობაში მუშაობდა.

განათლების, მეცნიერების, კულტურისა და სპორტის მინისტრმა მიხეილ ჩხენკელმა გიორგი ოთხმეზურის გარდაცვალებასთან დაკავშირებით სამძიმარი გამოხატა. მინისტრმა აღნიშნა, რომ სამეცნიერო საზოგადოებამ ღირსეული ადამიანი და მეცნიერი დაკარგა.

„სამეცნიერო საზოგადოებამ დაკარგა ღირსეული პიროვნება, მეცნიერი, რომელმაც მთელი ცხოვრება საქართველოს ისტორიის, ქართული ეპიგრაფიკისა და პალეოგრაფიის კვლევას დაუთმო და არაერთი ღირებული და მნიშვნელოვანი ნაშრომი დაგვიტოვა“, - აღნიშნა ჩხენკელმა.

მინისტრმა მიუთითა ასევე, რომ ოთხმეზური ისტორიის მეცნიერებათა დოქტორი და თსუ-ს ჰუმანიტარულ მეცნიერებათა ფაკულტეტის დოცენტი იყო და თავისი ცოდნა და გამოცდილება სტუდენტების უამრავ თაობას გაუზიარა, აღზარდა არაერთი შესანიშნავი ისტორიკოსი.

მეცნიერის გარდაცვალების გამო სინანული გამოხატა ასევე თბილისის მერმა კახა კალაძემ.

„მინდა მწუხარება გამოვთქვა ცნობილი ქართველი მეცნიერის, ისტორიკოსის, გიორგი ოთხმეზურის გარდაცვალების გამო. დიდია მისი წვლილი საქართველოს ისტორიისა და წყაროთმცოდნეობის კვლევებში. ვიზიარებ გიორგი ოთხმეზურის ოჯახის წევრების, მისი ახლობლების, აკადემიური და სამეცნიერო წრეების დიდ გულისტკივილს“, - დაწერა მერმა თავის Facebook-გვერდზე.

გიორგი ოთხმეზური ისტორიის მეცნიერებათა დოქტორი, თსუ-ს ჰუმანიტარული ფაკულტეტის დოცენტი იყო. მისი კვლევების ძირითადი მიმართულებები იყო საქართველოს ისტორიის, წყაროთმცოდნეობის, ქართული ეპიგრაფიკისა და პალეოგრაფიის შესწავლა და განვითარება.

130
ბანგურიანი

დღის ასტროპროგნოზი ზოდიაქოს ნიშნებისთვის: 22 იანვარი

0
(განახლებულია 13:11 21.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 22 იანვარია, პარასკევი. მზარდი მთვარე კუროს ნიშანშია. ამ დღეს პლანეტა ვენერა მფარველობს.

იღბლიანი დღეა, აქტიურობისა და მკაფიო აზრების დრო. თუმცა, თვალი მიადევნეთ, რომ თქვენი თავდაჯერებულობა ზედმეტ სიამაყესა და ამპარტავნებაში არ გადაიზარდოს. დღე ხელსაყრელია ახალი წამოწყებებისთვის. ასევე ურიგო პერიოდი არაა ჯანმრთელობის თვალსაზრისით, მაგრამ ყურადღება მაინც გმართებთ – იგივე ზედმეტმა თავდაჯერებულობამ, შესაძლოა, სარისკო ნაბიჯებისკენ გიბიძგოთ და ჯანმრთელობის პრობლემები შეიქმნათ.

ზოდიაქოს რომელ ნიშნებს ელოდება მატერიალური კეთილდღეობა 2021 წელს>>

ვერძი: დღეს თქვენში წინა პლანზე გამოვა ისეთი თვისებები, როგორიცაა სიმტკიცე, მიზანსწრაფულობა და გამჭრიახობა. ამის წყალობით რთულ საქმეებსაც კი იოლად გაუმკლავდებით. არაა გამორიცხული, რომ ჩახლართული პრობლემიდან გამოსავალი იპოვოთ. თქვენი გეგმა მკაფიო იქნება, ხოლო მოქმედებები – ეფექტური. ეს მხოლოდ თქვენ საქმიანობას არ ეხება – პარასკევს ირგვლივ მყოფებსაც დაეხმარებით, ვინც ამის თხოვნით მოგმართავთ.

კურო: დღეს უზარმაზარი, პრაქტიკულად, უკიდეგანო პოტენციალით დასაჩუქრდებით. მთავარია, მომენტი ხელიდან არ გაუშვათ და ყველა მოცემული შესაძლებლობა გამოიყენოთ. ვარსკვლავები მოგიწოდებენ, სახლში არ დასხდეთ და ეცადოთ, მოვლენების ცენტრში აღმოჩნდეთ. თუ ასე მოიქცევით, ბევრი რამის მიღწევას შეძლებთ, გექნებათ შესაძლებლოა, რომ ცხოვრება უკეთესობისკენ შეცვალოთ. თუ ასე არ მოიქცევით, როგორც ამბობენ, „არ მინდა“ მიზეზია, ხოლო „არ შემიძლია“ – საბაბი.

ტყუპი: ასტროლოგები გირჩევენ, ეს დღე სიჩუმეში გაატაროთ. დროა, მოწყდეთ მოვლენებს, ღათა ამ ყველაფერს გარედან შეხედოთ. ამისთვის საკმარისია, მოერიდოთ აქტიურ ურთიერთობებს და ქვეცნობიერის ხმას მოუსმინოთ. აუჩქარებელი ფიქრი, აბაზანა მოდუნებისთვის, არომატული სანთლები, ან, სულაც, უსაქმოდ წამოწოლა დივანზე დაგეხმარებათ, რომ საკუთარ თავს ჩაუღმავდეთ და იპოვოთ პასუხები იმ კითხვებზე, რომლებიც გაღელვებთ.

კირჩხიბი: შესანიშნავი დღეა. თქვენი გრძნობები გაწონასოწრებული და ჰარმონიული იქნება იქნება როგორც სამყაროსთან, ისე საკუთარ თავთან. ამას თქვენ გვერდით მყოფი ადამიანებიც იგრძნობენ. პოზიტიური ემოციების წყალობით ადვილად მოიპოვებთ ადამიანების სიმპათიას, მათ მხარდაჭერას. იდეალური დღეა ახალი ნაცნობობის, ურთიერთობების, რომანტიკის, მოგზაურობის, შემოქმედებისთვის. გაატარეთ დრო თქვენთვის ძვირფასი ადამიანის გვერდით – გელოდებათ დიდი სიხარული, სიყვარული და წრფელი გული.

ლომი: შესანიშნავი დღეა კარიერის საკითხების ან სხვა ამბიციური მიზნების გადაწყვეტისთვის. იქნებით ორგანიზებული, გაძლიერდება ნებისყოფა და მიზნისკენ სვლის უნარი. ვარსკვლავები ამბობენ, რომ თუ ენერგიას სწორ კალაპოტში მიმართავს, უზარმაზარი ნაბიჯის გადადგმას შეძლებთ წინ. ერთადერთი „მაგრამ“ ისაა, რომ ყველაფერში გარშემომყოფებზე დაყრდნობა არ ღირს – პასუხისმგებლობისა და დისციპლინის თვალსაზრისით, თქვენგან გასნხვავებით, ისინი ძალიან მოიკოჭლებენ.

ქალწული: დღეს გაქვთ შანსი, რომ დარწმუნდეთ ამ ანდაზის ჭეშმარიტებაში – „ზოგი ჭირი მარგებელია“. დიდი ალბათობაა, რომ ერთი შეხედვით არახელსაყრელი გარემოება თქვენ სასარგებლოდ შემობრუნდეს. ასე რომ არ ღირს ბედზე წუწუნი და ნაჩქარევი დასკვნების გამოტანა – პარასკევს არცთუ პოზიტიური მოვლენის უკან შეიძლება სასიამოვნო სიურპრიზი იმალებოდეს.

სასწორი: დღეს უზარმაზარი შესაძლებლობები გელოდებათ, რომლებიც არ იქნება დამოკიდებული გზაზე გაჩენილ დაბრკოლებებზე. განწყობა საბრძოლო გექნებათ და ბარიერები და რთული ამოცანები თქვენს აზარტს კიდევ უფრო გაახელებს. იგივე შეეხება მეტოქეებს – პარასკევს ისინი მეტ სტიმულს მოგცემენ და ხარის წინ აფრიალებული წითელი ქსოვილის ფუნქციას შეასრულებენ. ასე რომ, არ შეუშინდეთ დაბრკოლებებს – სწორედ ისინი მოგცემთ ბრძოლისა და გამარჯვების ბიძგს.

მორიელი: დღეს ცხოვრების ნებისმიერ სფეროში, შესაძლოა, საკმაოდ მაცდური წინადადება მიიღოთ, მაგრამ სანამ დათანხმდებით, ასტროლოგები კარგად დაფიქრებას გირჩევენ. შესაძლოა, წინადადება მართლაც მომგებიანი იყოს, მაგრამ ასევე არაა გამორიცხული, რომ სარისკოც აღმოჩნდეს. ამის გამოსარკვევად ჯერ შეაგროვეთ რაც შეიძლება მეტი ინფორმაცია და მხოლოდ ამის შემდეგ მიიღეთ გადაწყვეტილება. ხომ გაგიგიათ, ყველაფერი ოქრო არაა, რაც ბრწყინავს.

მშვილდოსანი: ასტროლოგები გაფრთხილებენ, რომ დღეს საქმეებისადმი ზედმეტად სერიოზული დამოკიდებულება არ ღირს. ეს განსაკუთრებით ყოფით საკითხებს, რუტინულ სამუშაოსა და წვრილმანებს ეხება. პარასკევს თქვენი განწყობა იმგვარი იქნება, რომ ნებისმიერ არასწორად გაკეთებულ საქმეს თქვენი სულიერი წონასწორობის დარღვევა შეუძლია. მცირეოდენი შეცდომის გამო ნერვიულობა ნამდვილად არ ღირს. სხვათა შორის, ამის გამოსწორება სულაც არ იქნება რთული: საკმარისია, საკუთარ თავს გარედან შეხედოთ და თან იუმორიც არ დაივიწყოთ.

თხის რქა: დღეს ბედმა, შესაძლოა, სასიამოვნო სიურპრიზი მოგიმზადოთ. არ არის გამორიცხული დაწინაურება სამსახურში, საჩუქრის მიღება, დაუგეგმავი თანხის შემოსვლა. ერთადერთი პრობლემა გარშემომყოფებთან ურთიერთობებში შეიძლება შეიქმნას, თუ მხოლოდ საკუთარ თავზე და წარმატებებზე იფიქრებთ. შესაძლოა, მიზნის მიღწევისას ვინმეს გზა გადაუღობოთ, ან ვინმეს თქვენი მიღწევების ძალიან შეშურდეს. ასეა თუ ისე, დღეს მეტი მოკრძალება გმართებთ, ეცადეთ, სხვის გრძნობებს არ შეეხოთ.

მერწყული: ემოციებითა და სულიერი კავშირებით დატვირთული დღეა. დაუთმეთ რაც შეიძლება მეტი დრო საყვარელ ადამიანს, მეგობრებს, ნათესავებს. ეს მძლავრი პოზიტიური ენერგიით დაგმუხტავთ. თუ ახლობელ ადამიანთან სერიოზული საუბარი გსურთ, პარასკევი სწორედ რომ შესაფერისი დღეა ამისთვის. სჯობს, არ გადადოთ და დაელაპარაკოთ მას. თქვენი ნათქვამი სწორად იქნება გაგებული.

თევზები: საქმიანობაში უზარმაზარი აქტიურობის ჩვენება შეგიძლიათ, თუმცა ექსპერტები გირჩევენ, ნაჩქარევი გადაწყვეტილება არ მიიღოთ და არაფერი მოიმოქმედოთ, სანამ კარგად არ მოიფიქრებთ. ამ დროს კი თქვენი განწყობა პირიქითაა – რაღაც ძალა ჯერ მოქმედებისა და შემდეგ დაფიქრებისკენ გიბიძგებთ. ეს, რა თქმა უნდა, საქმეებზე კარგად არ აისახება. აქედან გამომდინარე, სჯობს, ემოციებს არ აჰყვეთ და იმოქმედოთ წესით – ასჯერ გაზომე და ერთხელ გაჭერი.

0