აქცია „ტოტალური კარნახი“

საქართველოში „ტოტალური კარნახი - 2020“ ონლაინ-ფორმატში ჩატარდება

36
(განახლებულია 18:03 27.09.2020)
თავდაპირველად რუსული ტექსტის დაწერას აპირებდნენ აპრილში, თუმცა კორონავირუსის გამო აქცია შემოდგომისთვის გადაიდო

თბილისი, 27 სექტემბერი – Sputnik. საქართველოს მოქალაქეები მსოფლიო საგანმანათლებლო აქციაში „ტოტალური კარნახი“ 2020 წლის 17 ოქტომბერს მიიღებენ მონაწილეობას,  წელს კორონავირუსის პანდემიის გამო ორგანიზატორები სთავაზობენ კარნახის დაწერას როგორც დასწრებული ფორმატით, ისე ონლაინ. 

რომელი უცხოური ენაა ყველაზე პოპულარული საქართველოში – ამერიკული კვლევის შედეგები >>

თუმცა რუსული ენის ცოდნის დონის შემოწმების მსურველები საქართველოდან კარნახში მონაწილეობას მხოლოდ ონლაინ მიიღებენ - ქვეყანაში COVID-19-ის შემთხვევების რაოდენობის ზრდის და მასობრივი შეკრებების აკრძალვის გამო.

 „ტოტალური კარნახი“ ყოველწლიური ღონისძიებაა, რომელშიც მონაწილეობის მიღება შეუძლია ნებისმიერ მსურველს, ვისაც სურს რუსული ენის ცოდნის დონის შემოწმება. წელსაც რიგით მე-16 ღონისძიება მსურველებს ათობით ქვეყანაში შეკრებს.

წელს „ტოტალური კარნახის“ მონაწილეებს სთავაზობენ მის გავლას ან პროექტის ვებგვერდზე სპეციალური ფორმის მეშვეობით, ან ახალ ფორმატში #пишемдома ვებგვერდ totaldict.ru-ზე ტრანსლაციის თანხლებით.

მათ, ვინც რუსულს როგორც უცხო ენას სწავლობს, შეუძლიათ გაიარონ ტესტი სახელწოდებით TruD. ეს არის „ტოტალური კარნახის“ სპეციალური ვერის, რომელიც 2016 წელს გაჩნდა. გასულ წელს „ტოტალური კარნახი“ და TruD 85 ქვეყანაში 250 ათასმა ადამიანმა დაწერა.

ვისაც სურს კარნახის დაწერაში წაივარჯიშოს, უკვე შეუძლია შეასრულოს რამდენიმე დავალება 2020 წლის TruD-ტესტის მოსამზადებელი სავარჯიშოებიდან.

ადრე ვრცელდებოდა ინფორმაცია, რომ 2020 წელს ღონისძიების თემა იქნება კოსმოსი და გამომგონებელი კონსტანტინ ციოლკოვსკი. ტექსტის ავტორია მწერალი ანდრეი გელასიმოვი. დეტალური ინფორმაცია მონაწილეობასა და რეგისტრაციაზე იხილეთ „ტოტალური კარნახის“ ვებგვერდზე.

36
დარეჯან დედოფლის სასახლის სამონასტრო კომპლექსი

თბილისში დარეჯან დედოფლის სასახლის რესტავრაცია დასრულდა - ფოტო

83
XVIII საუკუნეში აგებული დარეჯანის სასახლის შესწავლა ქვეყნის კულტურული მემკვიდრეობის დაცვის ეროვნული სააგენტოს სპეციალისტებმა ჯერ კიდევ 2017 წელს დაიწყეს, მათ დაადგინეს, რომ კულტურული მემკვიდრეობის ძეგლს სასწრაფო რესტავრაცია სჭირდებოდა,

თბილისი, 26 ოქტომბერი - Sputnik. თბილისში ერთ-ერთი ყველაზე ღირსშესანიშნავი ხუროთმოძღვრული ძეგლის - დარეჯანის სასახლის რესტავრაცია დასრულდა, იუწყება თბილისის მერია.

XVIII საუკუნეში აგებული დარეჯანის სასახლის შესწავლა ქვეყნის კულტურული მემკვიდრეობის დაცვის ეროვნული სააგენტოს სპეციალისტებმა ჯერ კიდევ 2017 წელს დაიწყეს.

კომპლექსი დღეს დედაქალაქის მერმა კახა კალაძემ დაათვალიერა.

„აქ იყო უმძიმესი მდგომარეობა. სამუშაოების ჩატარებას დაახლოებით წელიწადზე მეტი დასჭირდა. მიხარია, რომ რეაბილიტაციის ფარგლებში მთლიანად განახლდა ეს სივრცე და ქალაქის ცენტრში, ისტორიულ ადგილზე გვაქვს დარეჯანის სასახლე, რომელიც ხვალიდან სტუმრებს მიიღებს“, - განაცხადა დედაქალაქის მერმა.

პროექტის ფარგლებში კეთილმოეწყო ტერიტორია. კერძოდ, ზედა და ქვედა ეზოები მოპირკეთდა ბუნებრივი ქვის ფილებით, მოეწყო ბორდიურები, ასევე, სანიაღვრე არხები ლითონის ცხაურებით და ჭებით. სასახლის ეზო და ციხის ტერასები გაზონები რულონური ბალახით და სხვადასხვა ხე-მცენარეებით გამწვანდა, ასევე მოეწყო სარწყავი სისტემა. დამონტაჟდა ლამპიონები, რესტავრაცია ჩაუტარდა ლითონის ჭიშკარს და მოაჯირებს.

აღდგა მეფე ერეკლეს აბანო. დაზიანებულ შენობას ჩაუტარდა კონსტრუქციული გამაგრება, აღდგა აბანოს არქიტექტურული იერსახე, აგურის წყობის კამარების რესტავრაციით, ჰიდროსაიზოლაციო ფენილის მოწყობით, დამონტაჟდა შესასვლელი ხის კარი, დაიგო აგურის იატაკი.

განხორციელდა კომპლექსის გალავნის სარესტავრაციო სამუშაოები: გალავნის რესტავრაცია შესრულდა აგურის წყობის ღარების შევსებით და ქართული აგურის წყობით კირის დუღაბზე; კედლების დაზიანებული ადგილები აღდგა ქვით და ქართული აგურით კირხსნარზე; მიწისქვეშა წყლების გასატარებლად მოეწყო სადრენაჟო მილები; გალავნის კედლებსა და ბურჯებზე დამონტაჟდა მინათების სისტემა.

სარესტავრაციო სამუშაოებისას გამოვლინდა არქეოლოგიური ნაშთები, მათ შორის, გალავნის ფრაგმენტები, რომელიც არქეოლოგების მიერ შესაბამისი წესების დაცვით გაიწმინდა და შენარჩუნდა.

პროექტის ფარგლებში შესრულდა ფერისცვალების დედათა მონასტრის XVIII საუკუნის ეკლესიის კედლის მხატვრობის საკონსერვაციო სამუშაოები.

სარესტავრაციო სამუშაოები სამშენებლო კომპანიის - „იკორთა 2007“ -მა შეასრულა. პროექტის ბიუჯეტმა 1 147 000 ლარი შეადგინა.

დარეჯანის სასახლე ავლაბარში, ღვინის აღმართზე მდებარეობს. აშენდა 1776 წელს ქართლ-კახეთის მეფე ერეკლე მეორის ბრძანებით მისი მეუღლე დარეჯან დედოფლისათვის (1734 – 1807). ეს იყო მდიდრული სასახლე, რომლის ტერიტორიაზეც იმავე პერიოდში აღიმართა კარის ეკლესია. აღსანიშნავია, რომ ტაძრის არქიტექტურა ირანულ ელემენტებსაც შეიცავს.

სასახლე და ეკლესია ნაწილობრივ დაინგრა XVIII საუკუნის ბოლოს, აღა-მაჰმად ხანის შემოსევისას. დედოფლის სანქტ-პეტერბურგში გადასახლების შემდეგ, 1807 წელს, ეგზარქოსმა თეოფილაქტემ ტაძართან საკვირაო სკოლა და სასულიერო სემინარია გახსნა. 1824 წელს აქ ამოქმედდა დედათა მონასტერი, 1862 წელს კი - სემინარია სასულიერო პირთა შვილებისთვის. 2001 წელს ეკლესიის საკურთხეველი ხელახლა მოიხატა. ამჟამად კი აქ დედათა მონასტერი ფუნქციონირებს.

83
თემები:
ქართული კულტურული მემკვიდრეობის ძეგლები
ასტრიდ ლინდგრენის პრემიით დაჯილდოების ცერემონია

ასტრიდ ლინდგრენის პრემიაზე 2021 წელს ოთხი ქართველი საბავშვო მწერალია წარდგენილი

25
(განახლებულია 19:51 26.10.2020)
საბავშვო ლიტერატურის დარგში პრესტიჟული პრემიის პრეტენდენტი წელს სულ 69 ქვეყნის 263 წარმომადგენელი გახდა.

თბილისი, 26 ოქტომბერი – Sputnik. საქართველომ ცნობილი შვედი საბავშვო მწერლის ასტრიდ ლინდგრენის საერთაშორისო პრემიაზე 2021 წლისთვის ხუთი ნომინანტი წარადგინა. ნომინანტების ვინაობა პრემიის ოფიციალურ ვებ-გვერდზეა გამოქვეყნებული.

ესენი არიან საბავშვო ავტორები ირმა მალაციძე, მარიამ წიკლაური, ბონდო მაცაბერიძე, თეა თოფურია, ასევე წმინდა ალექსანდრე ოქროპირიძის სახელობის ნიქოზის ხელოვნების სკოლა.

ასტრიდ ლინდგრენის ხსოვნის პრემია (Astrid Lindgren Memorial Award) არის შვედური პრემია მიღწევებისთვის საბავშვო ლიტერატურაში, რომელიც შვედეთის მთავრობამ 2002 წელს დააწესა. პრემია გაიცემა ყოველ წელს, საპრიზო ფონდი 5 მილიონ შვედურ კრონს (ნახევარ მილიონ აშშ დოლარზე მეტს) შეადგენს. 

პრემია გაიცემა არა მხოლოდ საბავშვო ლიტერატურის სფეროში მიღწევებისთვის, არამედ ასევე კითხვის პროპაგანდის საქმიანობისთვის.

პრესტიჟული პრემიისთვის 69 ქვეყნის 263 მონაწილეა წარდგენილი. ლაურეატებს 2021 წლის 13 აპრილს დაასახელებენ.

ნომინანტებს საქართველოდან, ტრადიციულად, ილია ჭავჭავაძის სახელობის საქართველოს ეროვნული საპარლამენტო ბიბლიოთეკა წარადგენს.

მარიამ წიკლაური არაერთი საბავშვო წიგნის ავტორი და მთარგმნელია. არის რამდენიმე პრესტიჟული ლიტერატურული პრემიის მფლობელი, რომელთა შორისაა „შოთაობა“, „საგურამო“, იაკობ გოგებაშვილის სახელობის პრემია და სხვ. მარიამ წიკლაურის პოეზია და თარგმანები ჩართულია ბევრ ქართულ და უცხოურ კრებულებსა და სახელმძღვანელოებში.

თეა თოფურია ქართველი მწერალი, პოეტი, ჟურნალისტი და რედაქტორია. დაიბადა 1977 წელს სოხუმში. 1998 წლიდან მუშაობს ჟურნალისტიკაში, აშუქებს ადამიანის უფლებებთან და გარემოს დაცვასთან დაკავშირებულ თემებს. არის მრავალრიცხოვანი ლიტერატურული კონკურსის ლაურეატი. მისი საბავშვო წიგნის „წყალდიდობა ზოოპარკში" გერმანულმა თარგმანმა, რომელიც თბილისში მომხდარი წყალდიდობის რეალურ მოვლენებს ეფუძნება, გერმანიაში ლიტერატურული ჯილდო მიიღო.

ბონდო მაცაბერიძე ცნობილი ქართველი საბავშვო მწერალია. წარმოშობით სამტრედიიდან არის. აქტიური ლიტერატურული მოღვაწეობა 1990-იანი წლებიდან დაიწყო. ის ავტორია ცნობილი ზღაპრებისა და კრებულებისა: „ზღაპრები ბექნა ბიჭზე", „ზღაპრები თეკლა გოგოზე", „ზადო და ბადო", „ზღაპარი თუსიზე და კიდევ ტუსიზე" და სხვ. მისი ნაწარმოებები თარგმნილია რუსულ, გერმანულ, თურქულ, ირანულ და სხვა მრავალ ენაზე. მაცაბერიძე ასტრიდ ლინდგრენის პრემიაზე 2018 წელსაც იყო ნომინირებული.

თბილისში საბავშვო და საყმაწვილო ლიტერატურული პრემიის გამარჯვებულები გამოვლინდნენ>>

ირმა მალაციძე საბავშვო მწერალი, ჟურნალისტი და მთარგმნელია. დაიბადა 1968 წელს ხაშურში. ის საბავშვო ლიტერატურის ფონდის დამფუძნებელი და ხელმძღვანელია. მუშაობდა ჟურნალისტად საზოგადოებრივ მაუწყებელსა და რამდენიმე საინფორმაციო სააგენტოსა და გაზეთში. პირველი გამარჯვებულია კონკურსის „ახალი სახეები ქართულ საბავშვო ლიტერატურაში“. არის კონკურსების „პენ–მარათონისა“ და „ლუარსაბ თათქარიძის“ ფინალისტი, „საბას“ ნომინანტი.

2020 წელს ასტრიდ ლინდგრენის პრემიის ლაურეატი გახდა მწერალი და მხატვარი სამხრეთ კორეიდან პეკ ხინა.

25
თემები:
საქართველო და კულტურა
ცესკო

არჩევნებამდე სამი დღით ადრე ცესკომ მისი დისკრედიტაციის მცდელობის შესახებ განაცხადა

0
ადმინისტრაციის მიმართ ძირითად პრეტენზიას წარმოადგენს იმ ამომრჩევლების კენჭისყრის უფლება, რომლებიც იმყოფებიან კარანტინში, თვითიზოლაციაში და სამკურნალო დაწესებულებებში.

თბილისი, 27 ოქტომბერი — Sputnik. არჩევნებამდე სამი დღით ადრე ცენტრალური საარჩევნო კომისია ავრცელებს განცხადებას, რომელშიც საარჩევნო ადმინისტრაციის მუშაობის დისკრედიტაციის მცდელობების შესახებ საუბრობს.

საქართველოში 31 ოქტომბრის საპარლამენტო, საკრებულოების შუალედური, მერების რიგგარეშე და აჭარის უმაღლესი საბჭოს არჩევნები იმართება. ბოლო მონაცემებით, ამომრჩეველთა ერთიან სიაში 3 526 032 ადამიანია რეგისტრირებული.

„დაუზუსტებელი და არასწორი ინფორმაციის გავრცელებით და საარჩევნო ადმინისტრაციაზე ზეწოლით, ზოგიერთი პოლიტიკურად დაინტერესებული მხარე ცდილობს საარჩევნო ადმინისტრაციის საქმიანობის ხელშეშლას და დისკრედიტაციას“, - ნათქვამია განცხადებაში.

ცესკო მიუთითებს, რომ ადმინისტრაციის მიმართ ძირითად პრეტენზიას წარმოადგენს იმ ამომრჩევლების კენჭისყრის უფლება, რომლებიც იმყოფებიან კარანტინში, თვითიზოლაციაში და სამკურნალო დაწესებულებებში.

„მნიშვნელოვანია აღინიშნოს, რომ ზუსტად მაშინ, როდესაც არჩევნებამდე პრაქტიკულად 3 დღე არის დარჩენილი და საარჩევნო კომისიები 24 საათიან რეჟიმში ჩართული ვართ არჩევნების ორგანიზებაში, ადმინისტრირებაში და გვიწევს უამრავი ლოგისტიკური თუ სხვა პროცესის კოორდინირება, მათ შორის პანდემიით გამოწვეულის, შეიძლება ითქვას, რომ ასეთი კონკრეტული დღის წესრიგის მქონე სუბიექტების მიერ დაგეგმილი აქტივობები არის მცდელობა განხორციელდეს ზეწოლა საარჩევნო ადმინისტრაციაზე, მოხდეს მისი დისკრედიტაცია და ხელი შეეშალოს მის საქმიანობას“, - ნათქვამია განცხადებაში.

ცესკომ მიმართა არჩევნებში ჩართულ ყველა მხარეს, ადგილობრივ და საერთაშორისო სადამკვირვებლო ორგანიზაციებს, მედიას აქტიურად დააკვირდნენ მიმდინარე საარჩევნო პროცესებს, რაც ხელს შეუწყობს პროცესის გამჭვირვალობას და სანდოობას.

დღეს ცესკოში ორი ინციდენტი მოხდა. თავდაპირველად ოპოზიციური პარტია „ევროპული საქართველოს“ წარმომადგენლები ელენე ხოშტარია და ხათუნა გოგორიშვილი დაცვასთან კამათის შემდეგ, რომელიც მათ შენობაში არ უშვებდა, ძალით შეიჭრნენ შენობაში და თვითიზოლაციაში მყოფთათვის რეგისტრაციის დასრულების 18:00 საათამდე გადავადებას მიაღწიეს.

ცესკო მოქალაქეებს აქტიურობისკენ მოუწოდებს >>

საღამოს ცესკოს შენობაში აქცია გამართეს ოპოზიცური „ლეიბორისტული პარტიის“ ახალგაზრდული ფრთის წარმომადგენლებმა. ისინი თვითიზოლაციაში მყოფთათვის რეგისტრაციის გადავადებას 30 ოქტომბრამდე ითხოვდნენ. მათ ცესკოს წარმომადგენელთან სამუშაო შეხვედრა შესთავაზეს, რაზეც მათ უარი განაცხადეს და ისინი შენობიდან ძალით გაიყვანეს.

0
თემები:
საქართველოს საპარლამენტო არჩევნები 2020