მარიამ ბონდარენკო

„მინდა გავხდე ცნობილი“ თბილისელი მარიამ ბონდარენკო Ты супер!-ში იღებს მონაწილეობას

819
(განახლებულია 14:36 16.09.2020)
თბილისელი 15 წლის გოგონა ოცნებობს, რომ პოპულარული გახდეს და გაჭირვებული ბავშვების დახმარების შესაძლებლობა მიეცეს.

თბილისი, 16 სექტემბერი — Sputnik. რუსულ ტელეარხ НТВ-ზე 20 სექტემბერს იწყება საერთაშორისო ვოკალური კონკურსი Ты супер!, რომელიც საერთაშორისო სააგენტო და რადიო Sputnik-ის ხელშეწყობით ხორციელდება.

საქართველოს მუსიკალურ პროექტზე 15 წლის თბილისელი გოგონა მარიამ ბონდარენკო წარმოადგენს.

Мариам Бондаренко
© Sputnik / Vladimir Umikashvili.
მარიამ ბონდარენკო

Sputnik-ის კორესპონდენტი მარიამს შეხვდა და რეპეტიციებს შორის გაესაუბრა იმის შესახებ, თუ როგორ ემზადება პირველი გამოსვლისთვის და როგორ შეეგუა უჩვეულო ვითარებას.

კონკურსზე არაფერი ვიცოდი

მარიამი საბავშვო ცენტრ SOS-ში სულ ხუთი თვის განმავლობაში ცხოვრობდა, მაგრამ ამ მოკლე დრომ მასზე მაინც წარუშლელი შთაბეჭდილება მოახდინა — ახლა გოგონა ოცნებობს, დაეხმაროს რთულ მდგომარეობაში ჩავარდნილ ყველა ბავშვს.

საქმე ისაა, რომ მარიამის დედა ოჯახური ძალადობის მსხვერპლი აღმოჩნდა. მას საკუთარი ბინა არ ჰქონდა და ამიტომ ქალი გარკვეული ხნის განმავლობაში მეგობრებთან ცხოვრობდა, მარიამი კი დროებით თავშესაფარში მიაბარა.

მოგვიანებით ქალმა სამსახურიც იშოვა და ბინის დაქირავებაც შეძლო, ამიტომ მარიამი ახლა დედასთან ერთად ცხოვრობს. მაგრამ ფული მაინც არ ჰყოფნით და გოგონა ბავშვთა დღის ცენტრ „მზესუმზირებში“ დადის, სადაც კიდეც იკვებება და მუსიკაშიც მეცადინეობს.

Мариам Бондаренко
© photo: Sputnik / Vitali Belousov
მარიამ ბონდარენკო

ტელევიზორისა და ინტერნეტისთვის მარიამს დრო თითქმის არ რჩება, ამიტომ კონკურს Ты супер!-ის შესახებ არაფერი სმენოდა.

„მეგობრებთან ერთად მოსმენაზე გამგზავნეს. მერე კი გვითხრეს, რომ ჩვენი ვიდეოები სადღაც უნდა გაეგზავნათ და მაისთვის სამი სიმღერის სწავლა იყო საჭირო. ცოტა შემეშინდა — მოკლე დროში უნდა მესწავლა სამი სიმღერა. მაგრამ მაინც მოვემზადე. როგორც ჩანს, მოეწონათ და აქ ამიტომაც ვარ“, — იღიმება მარიამი.

ამდენ თბილ ადამიანს არ ველოდი

მარიამისთვის Ты супер! — ეს პირველი მასშტაბური კონკურსია მის ცხოვრებაში. მოსკოვში წასასვლელად რომ ემზადებოდა, ძალიან ღელავდა, მან ხომ რუსული არ იცის.

„ნახევრად უკრაინელი ვარ. რუსულად რამდენიმე სიტყვა ვიცი — ასე გამოვიდა. მაგრამ ყველანი ძალიან თბილები და მეგობრულები გამოდგნენ, რასაც არ ველოდი. მაინც ვცდილობთ ერთმანეთს ველაპარაკოთ. ცოტა ინგლისური ვიცი და შიგადაშიგ ვურთავ ხოლმე, თუმცა ახლა, მართალია ნაწილობრივ, მაგრამ უკვე მაინც ბევრი რამ მესმის რუსულად“, — ამბობს მარიამი.

Мариам Бондаренко
© photo: Sputnik / Vitaly Belousov
მარიამ ბონდარენკო

გოგონა ამბობს, რომ შიში მაინც არ შორდება.

„ხან ვნერვიულობ: ხომ შეიძლება აუდიტორიამ არც მე მიმიღოს, არც ჩემი ვოკალი და შემოქმედება? თუმცა, მეორე მხრივ, სცენაზე გასვლის წინ ნერვიულობა ხომ ნორმალურია?“ — მსჯელობს მარიამი.

ვოცნებობ, რომ ბავშვებს დავეხმარო

მარიამი ამბობს, რომ Ты супер!-ში გამარჯვებაზე არც კი ფიქრობს — უფრო გამოცდილების მიღება და თავის წარმოჩენა უნდა.

„მჯერა, რომ ეს პროექტი ოცნების განხორციელებაში დამეხმარება — გავხდე წარმატებული და პოპულარული მომღერალი. მინდა იმდენი სახსრები მქონდეს, რომ ადამიანებს დავეხმარო, განსაკუთრებით მათ, ვისაც პატარა ბავშვები ჰყავთ — იმისათვის, რომ ამ ბავშვებმა კარგად იცხოვრონ. ამიტომ ჩემი მიზანია ცნობილი გავხდე არა მარტო საქართველოში, არამედ მის საზღვრებს გარეთაც. მესმის, რომ ეს რთულია, მაგრამ მინდა, რომ ასე მოხდეს და მთელ ძალას მოვახმარ ამ ოცნებას. მომავალში მუსიკალურ ინსტრუმენტებზე დაკვრასაც ვისწავლი, რათა პროფესიონალი გავხდე. აქამდე ამის შესაძლებლობა არ მოქნდა“, — ამბობს მარიამი.

Мариам Бондаренко
© Sputnik / Vladimir Umikashvili.
მარიამ ბონდარენკო

და კიდევ, მარიამს უნდა, რომ დედამ მისით იამაყოს.

„ის ჩემთვის ყველაფერის აკეთებს, რაც მის ძალებშია. დედა ჩემი უმთავრესი მეგობარი და უმთავრესი სიმდიდრეა. ვფიქრობ, რომ ხმა მისგან დამყვა — ისიც მღეროდა ბავშვობაში, თანაც ძალიან კარგად. ჩემი ვოკალური მონაცემებიც მან შენიშნა — მეც ძალიან პატარაობიდან ვმღერი. უკვე 6 წლისა კი სერიოზულად დავფიქრდი მუსიკაზე. მომავალში კლასიკის შესრულებაც მსურს და საესტრადო სიმღერებისაც“, — ამბობს მარიამი.

საერთაშორისო ვოკალური კონკურსი Ты супер! მშობლების მზრუნველობის გარეშე დარჩენილ ნიჭიერ ბავშვებს აძლევს შანსს, წარმოაჩინონ თავი და დაიპყრონ დიდი სცენა. ახალ სეზონში 58 ბავშვი მონაწილეობს ცხრა ქვეყნიდან, რომლებიც სკოლა–ინტერნატებში, ბავშვთა სახლებსა თუ მიმღებ ოჯახებში ცხოვრობენ.

819
ცისფერი გალერეა

„ზამთრის მხატვარი“: თბილისში გურამ დოლენჯაშვილის გამოფენა გაიხსნა

46
ეს ფერმწერი საოცრად ხატავს ზამთრის პეიზაჟებს - მისი ნახატები ერთი შეხედვით ფოტოებში შეიძლება აგერიოთ

თბილისი, 22 სექტემბერი – Sputnik. ცნობილი ქართველი გრაფიკოსის, „ზამთრის მხატვრის“ - გურამ დოლენჯაშვილის რეტროსპექტული გამოფენა დიმიტრი შევარდნაძის სახელობის ეროვნულ გალერეაში გაიხსნა.

დამთვალიერებლები შუქჩრდილის ვირტუოზული „თამაშით“ განთქმული ოსტატის სხვადასხვა ნამუშევრებს ნახავენ. დოლენჯაშვილის ნახატები, რომლებსაც ის უბრალო ფანქრით ხატავს, იმდენად რეალისტურად არის შესრულებული, რომ ბევრს ფოტოები ჰგონიათ.

„შუქჩრდილი ფანტასტიკურია, არის შეგრძნება, თითქოს მთვარის შუქი თვალს ჭრის. მის ნამუშევრებში სილამაზის სივრცეები ერთდროულად არსებობს - მაყურებელი მაკროსამყაროდან მიკროსამყაროში ხვდება, თანაც ისე, რომ სუნთქვა ჩერდება. კოსმიურად მშვენიერი ზეციდან - იმერელი გლეხის ურმამდე, თიხის ქოთნის უმცირეს ბზარამდე. ტოტებზე დადებული საოცრად რეალური თოვლიდან - კვლავ განუსაზღვრელი სიმაღლის ზეცაში, მთვარისკენ, კოსმოსში“, - წერს დოლენჯაშვილის შესახებ მოსკოველი ხელოვნებათმცოდნე რაისა ნესტერენკო.

გამოფენა 21 ოქტომბრამდე გაგრძელდება.

გურამ დოლენჯაშვილი 1943 წელს დაიბადა ქალაქ ქუთაისში, დაამთავრა თბილისის სახელმწიფო სამხატვრო აკადემია. საქართველოს დამსახურებული მხატვარია, რუსეთის სამხატვრო აკადემიის საპატიო აკადემიკოსი, მრავალი საერთაშორისო კონკურსის ლაურეატი. 90-იანი წლებიდან ცხოვრობდა რუსეთში, ამჟამად ცხოვრობს საქართველოში.

დოლენჯაშვილის ნამუშევრები იყო გამოფენილი სხვადასხვა ქვეყნებში: ავსტრალიაში, ავსტრიაში, ინგლისში, არგენტინაში, ბელგიაში, ბულგარეთში, უნგრეთში, ვიეტნამში, გერმანიაში, ინდოეთში, ერაყში, კვიპროსში, კუბაში, მექსიკაში, მონღოლეთში, ნიდერლანდებში, ნიკარაგუაში, პოლონეთში, რუმინეთში, აშშ-ში, გერმანიაში, საფრანგეთში, ჩეხოსლოვაკიაში, შვედეთში, შვეიცარიაში, იუგოსლავიასა და იაპონიაში.

დოლენჯაშვილის ნამუშევრები ასევე ინახება ტრეტიაკოვის გალერეაში, პუშკინის სახელობის მუზეუმში და მსოფლიოს მრავალ მუზეუმში.

46
თემები:
საქართველო და კულტურა
თბილისის სახელმწიფო უნივერსიტეტი

თბილისის სახელმწიფო უნივერსიტეტი ახალგაზრდა ლიტერატორებისთვის კონკურსს ატარებს

28
(განახლებულია 18:44 22.09.2020)
პროექტი განკუთვნილია დამწყები ლიტერატორებისთვის, ხოლო 2020 წლის თემა – ახალ რეალობაში ჩაძირული სამყაროს გავლენაა.

თბილისი, 22 სექტემბერი – Sputnik. თბილისის სახელმწიფო უნივერსიტეტმა (თსუ) სტუდენტური ლიტერატურული კონკურსის „შემოდგომის ლეგენდის“ დაწყება გამოაცხადა. კონკურსი უკვე მეთორმეტედ ტარდება, აღნიშნულია უნივერსიტეტის განცხადებაში.

თსუ-ის და კომპანია Silknet-ის ერთობლივი პროექტი განკუთვნილია მათთვის, ვინც ქმნის პროზაულ ნაწარმოებებს, სურს ლიტერატურული გამოცდილების მიღება, და მათი შემოქმედების საქართველოსთვის გაცნობა.

„ლიტერატურა სოლიდარობისთვის“: მწერლების მხარდასაჭერად ახალი პროექტი იწყება>>

კონკურსში მონაწილეობა საქართველოს ყველა უმაღლესი სასწავლებლის სამივე საგანმანათლებლო საფეხურის (ბაკალავრიატი, მაგისტრატურა, დოქტორანტურა) სტუდენტებს შეუძლიათ. წელს კონკურსი გაფართოვდა და ის კონკურსში მონაწილეობისთვის ასევე პროფსასწავლებლების მოსწავლეებსაც იწვევს.

წლევანდელი კონკურსის კონცეფციაა – ახალი რეალობითა და რეგულაციებით შეცვლილი სამყაროს გავლენა, სადაც თითოეული ადამიანი მარტოა და, ამავე დროს, სამყაროსთან კავშირშია.

„შემოდგომის ლეგენდა“ ორ ეტაპად ტარდება. პირველ ტურში კონკურსანტებმა კონკურსის ონლაინ–აპლიკაციის მეშვეობით უნდა გაგზავნონ საკუთარი ნამუშევრები ჟანრისა და თემისგან დამოუკიდებლად.

შემდეგ ჟიური შეარჩევს ათ მონაწილეს, რომლებიც გადავლენ ფინალურ ტურში და 12 საათის განმავლობაში დაწერენ თავიანთ ნამუშევარს ჟიურის წევრების მიერ წარმოდგენილ თემაზე. ფინალური ტური გაიმართება წინანდალში, ჭავჭავაძის სახლ-მუზეუმის ტერიტორიაზე.

წელს ცვლილებები შეეხო ლიტერატურული ჟიურის შემადგენლობასაც: დათო ტურაშვილის, თეონა დოლენჯაშვილისა და მაკა ლდოკონენის ტრიოს ორი ახალი წევრი – ანა კორძაია-სამადაშვილი და დავით გაბუნია დაემატება. ჟიურის წევრებს შორის არიან ასევე გასული წლის გამარჯვებული ცოტნე ავსაჯანიშვილი და დავით ქართველიშვილი, რომელიც აშშ-ში ცხოვრობს და კონკურსში დისტანციურად იმუშავებს.

სტუდენტურ კონკურსში გამოვლინდება სამი გამარჯვებული. ისინი დაჯილდოვდებიან 1000, 700 და 500 ლარის ოდენობის ფულადი პრიზებით თსუ-სგან და Silknet-სგან.

გამარჯვებული ნოემბერში გამოვლინდება.

28
თემები:
საქართველო და კულტურა
მოხალისეების ვაქცინაცია კორონავირუსზე

რუსეთში არ გამორიცხავენ COVID-19-ის ვაქცინის მიწოდებას პოსტსაბჭოთა ქვეყნებში

0
ამჟამად გამალეის ცენტრში შექმნილი COVID-19-ის საწინააღმდეგო ვაქცინის Спутник V-ის საცდელი პარტიები რუსეთის ყველა რეგიონმა მიიღო

თბილისი, 21 სექტემბერი – Sputnik. COVID-19-ის საწინააღმდეგო რუსული წარმოების ვაქცინას Спутник V-ს სხვა ქვეყნებს მასობრივად არ გადასცემენ, რადგან საჭიროა რუსეთის მოქალაქეების ვაქცინაციის უზრუნველყოფა, განაცხადა გამალეის სახელობის ეპიდემიოლოგიისა და მიკრობიოლოგიის ეროვნულ კვლევით ცენტრის დირექტორმა ალექსანდრ გინცბურგმა.

ამასთან რუსეთი მზადაა მიაწოდოს მსურველებს პრეპარატის საწარმოო ტექნოლოგიები, მაგრამ ამისათვის მიმღებ ქვეყანაში შესაბამისი საწარმოო სიმძლავრეები უნდა არსებობდეს.

გინცბურგის გათვლებით, იმისათვის, რომ მხოლოდ რუსეთის ფედერაციის მოსახლეობა აიცრას, 9-დან 12 თვემდეა საჭირო.

„საწარმო, რომელიც გამალეის ცენტრის ტერიტორიაზე მდებარეობს, სამ ცვლაში მუშაობს, მაგრამ ახლოსაც ვერ უზრუნველყოფს იმ მოცულობებს, რომლებიც ჩვენი ქვეყნის (რუსეთის - რედ.) მოსახლეობის ვაქცინირებისთვისაა საჭირო, - აღნიშნა გინცბურგმა. - ამჟამად ტექნოლოგიების ტრანსფერი მინიმუმ 3-4 საწარმოო მოედანზე ხორციელდება. იმედი მაქვს, რომ ნოემბრისთვის ამ მოედნებზე ერთ თვეში 5-6 მილიონ დოზას გამოუშვებენ. ეს საშუალებას მოგვცემს 9-12 თვეში ავიდეთ 70-80%-იან ვაქცინაციის დონეზე, რითაც შესაძლებელი გახდება პოპულაციურ დონეზე აღნიშნული ვირუსის ცირკულაციის შეწყვეტა“.

მეცნიერის თქმით, ვაქცინის წარმოებისთვის საჭიროა განსაკუთრებული ტექნოლოგიები, რომლებითაც იქმნება მონოკლონური ნივთიერებები, რომლებსაც ონკოლოგიური დაავადებების სამკურნალოდ იყენებენ. ასეთი მოედნები არსებობს სხვადსხვა ქვეყნებში, მაგრამ არა ყოფილ საბჭოთა რესპუბლიკებში.

„არ ვარ დარწმუნებული, რომ იქ (ყოფილი სსრკ-ის ქვეყნებში - რედ.) ტექნოლოგიური მოედნები მზადაა. თუ ისინი ამისათვის დამოუკიდებლად მოემზადებიან, ესე იგი ტრანსფერის განხორციელება ღვთის ნება ყოფილა. მაგრამ, სავარაუდოდ, იქ იქნება ბელარუსის ანალოგიურად, რომლისთვისაც ჩვენ მოვიძიებთ გარკვეულ საშუალებებს იმისათვის, რომ სხვადასხვა პირობებით დავეხმაროთ. მაგრამ დავეხმარებით. საკუთარ მოსახლეობასთან ერთად დავიცავთ ჩვენს უახლოეს მეზობლებს, - განმარტა სპეციალისტმა. - ვერაფერს ვიტყვი სახელმწიფო დონეზე, მაგრამ ჩემს დონეზე ბევრ ჩვენს რესპუბლიკასთან (ყოფილი სსრკ-ის - რედ.) მუდმივად მიმდინარეობს საუბრები, მომართვები და შესაძლო ურთიერთქმედებების განხილვები“.

მასობრივად ვაქცინის მიწოდება არ მოხდება, დააზუსტა გინცბურგმა. მაგრამ წარმოება შეიძლება აეწყოს ისეთ ქვეყნებში, სადაც შესაბამისი პროფილის მსხვილი საწარმოები არსებობს. მაგალითად, ინდოეთში.

ალექსანდრ გინცბურგის თქმით, რუსეთის ტერიტორიაზე მყოფ უცხო ქვეყნების მოქალაქეებს შეუძლიათ მონაწილეობა მიიღონ რუსული ვაქცინის გამოცდებში.

„რამდენადაც ვიცი, ჩვენს ლაბორატორიაში არანაირი შეზღუდვა არ არსებობს, - განუცხადა Sputnik-ს ალექსანდრ გინცბურგმა. - არანაირ დისკრიმინაციულ მომენტს ჩვენი კანონმდებლობა არ შეიცავს“.

ამჟამად გამალეის ცენტრში შექმნილი COVID-19-ის საწინააღმდეგო ვაქცინის Спутник V-ის საცდელი პარტიები რუსეთის ყველა რეგიონმა მიიღო.

გარდა ამისა, 22 სექტემბერს რუსეთის ჯანდაცვის სამინისტრომ კიდევ ერთ ანტიკორონავირუსულ ვაქცინაზე გასცა კლინიკური კვლევების ჩატარების უფლება. პრეპარატი ჩუმაკოვის სახელობის ცენტრშია დამზადებული.

0
თემები:
COVID-19-ის პანდემია მსოფლიოში