საქართველოს პრეზიდენტის რეზიდენცია

ეროვნული პრემიისა და ვაჟა-ფშაველას პრემიის მოსაპოვებლად კონკურსი გამოცხადდა

101
(განახლებულია 20:39 15.09.2020)
ეროვნული პრემია გაიცემა ყოველწლიურად და ენიჭება ორ პირს, თითოეულს 10 ათასი ლარის ოდენობით, ხოლო ვაჟა-ფშაველას პრემია გაიცემა ორ წელიწადში ერთხელ და ენიჭება ერთ პირს 5 ათასი ლარის ოდენობით.

თბილისი, 15 სექტემბერი - Sputnik. დღეს საქართველოს ეროვნული პრემიისა და ვაჟა-ფშაველას სახელობის პრემიის მოსაპოვებლად კონკურსი გამოცხადდა, ნათქვამია საქართველოს პრეზიდენტის ადმინისტრაციის მიერ გავრცელებულ განცხადებაში.

უწყების ინფორმაციით, დამტკიცდა საქართველოს ეროვნული პრემიის კომისიისა და  ვაჟა-ფშაველას სახელობის პრემიის კომისიის 9 -კაციანი შემადგენლობები. კომისიების პირველი სხდომა დღეს საქართველოს პრეზიდენტის ადმინისტრაციაში გაიმართა.

ეროვნული პრემიის კომისიას უხელმძღვანელებს საქართველოს განათლების, მინისტრის მოადგილე ნუნუ მიცკევიჩი, ხოლო ვაჟა-ფშაველას სახელობის პრემიის კომისიას - მწერალი როსტომ ჩხეიძე.

საქართველოს ეროვნული პრემია ენიჭება პირს საბუნებისმეტყველო, ჰუმანიტარული, სოციალური, პოლიტიკური, ეკონომიკური, იურიდიული, სამედიცინო, სიცოცხლის შემსწავლელი ან საინჟინრო მეცნიერების დარგში მაღალ მეცნიერულ დონეზე შესრულებული ნაშრომისა ან ნაშრომთა ციკლისთვის, რომელმაც საყოველთაო აღიარება მოიპოვა და განსაკუთრებული წვლილი შეიტანა არა მარტო ქართული მეცნიერების, არამედ მსოფლიოს სულიერ, სოციალურ ან/და ეკონომიკურ განვითარებაში. პრემია გაიცემა ყოველწლიურად და ენიჭება ორ პირს, თითოეულს 10 ათასი ლარის ოდენობით.

რაც შეეხება ვაჟა-ფშაველას სახელობის პრემია, ის ენიჭება პირს ლიტერატურის დარგში (პროზა, პოეზია, პუბლიცისტიკა) უმნიშვნელოვანესი ნაწარმოებისთვის, რომელიც მხატვრულ ღირსებათა გამო საერთო ეროვნულ აღიარებას მოიპოვებს და განმსჭვალულია თავისუფლების, ჰუმანიზმისა და პატრიოტიზმის ზოგადსაკაცობრიო იდეალებით. ვაჟა-ფშაველას პრემია გაიცემა ორ წელიწადში ერთხელ და ენიჭება ერთ პირს 5 ათასი ლარის ოდენობით.

პრემია, როგორც წესი, ენიჭება საქართველოს მოქალაქეს. საქართველოს პრეზიდენტის გადაწყვეტილებით, პრემია შეიძლება მიენიჭოს უცხოელს ან მოქალაქეობის არმქონე პირს.

2018 წელს ვაჟა-ფშაველას სახელობის პრემიის ლაურეატის წოდება მიენიჭა მწერალ გურამ დოჩანაშვილს პროზაული ნაწარმოებისათვის „ბრმადყოფილზე, და…", ასევე მთელი შემოქმედებითი მოღვაწეობისათვის.

საქართველოს ეროვნული პრემია გადაეცათ მედიცინის მეცნიერებათა დოქტორს ბესიკ იაშვილსა და საქართველოს მეცნიერებათა ეროვნული აკადემიის აკადემიკოს ერეკლე გამყრელიძეს.

 

101
თემები:
საქართველოს პრეზიდენტი (145)
ნანა ჯორჯაძე

ნანა ჯორჯაძის ფილმმა „ბოცვერის თათი“ რუსეთში ჯილდო მოიპოვა

5
(განახლებულია 14:59 21.09.2020)
ფესტივალი ამურის ოლქის ქალაქ ბლაგოვეშჩენსკში 13–20 სექტემბრის პერიოდში  ეპიდუსაფრთხოების ყველა ნორმის დაცვით გაიმართება.

თბილისი, 21 სექტემბერი  — Sputnik.  ქართველი რეჟისორის ნანა ჯორჯაძის ფილმ „ბოცვერის თათის“ (Кроличья лапа) ოპერატორმა მიხეილ კვირიკაძემ რუსეთის კინოსა და თეატრის XVIII ფესტივალზე „ამურის შემოდგომა“  საუკეთესო ოპერატორული ნამუშევრის ჯილდო მოიპოვა, ნათქვამია ფესტივალის Facebook-გვერდზე.

ფესტივალი ამურის ოლქის ქალაქ ბლაგოვეშჩენსკში 13–20 სექტემბრის პერიოდში  ეპიდუსაფრთხოების ყველა ნორმის დაცვით გაიმართება. 

ტრადიციულად „ამურის შემოდგომის“ ფარგლებში გაიმართა სრულმეტრაჟიანი და მოკლემეტრაჟიანი ფილმების, თეატრალური სპექტაკლების კონკურსებიი, ასევე მასტერ-კლასები და შემოქმედებითი საღამოები, კონცერტები და გამოფენები.

ფესტივალის სტუმრები და მონაწილეები იყვნენ რუსი კინემატოგრაფისტები, საზოგადო მოღვაწეები, მუსიკოსები, მხატვრები და ა.შ.

ანა ჯორჯაძის ფილმი „ბოცვერის თათი“ სამი ქვეყნის კოპროდუქციაა – რუსეთის, ბელგიისა და ფინეთის. ფილმში როლებს ასრულებენ პიერ რიშარი, ნიკოლა დუვოშელი, ევგენი ტკაჩუკი.

ფილმში მოქმედება ხდება 1990-იან წლებში, ე.წ. „პერესტროიკის“ პერიოდში. მთავარი პერსონაჟები არიან ფრანგი არქიტექტორი ნიკა და საბჭოთა ინტელიგენტი ალია, რომელთა შეხვედრა მათ ცხოვრებას მთლიანად ცვლის.

5
თემები:
ქართული კინო
ფილმი დასაწყისი

დეა კულუმბეგაშვილის ფილმმა „დასაწყისი“ ტორონტოში ჯილდო მოიპოვა

38
(განახლებულია 16:05 21.09.2020)
ფილმი „დასაწყისი“ საქართველოსა და საფრანგეთის ერთობლივი ნამუშევარია. მოგვითხრობს იეღოვას მოწმეების ჯგუფის ისტორიას, რომელიც მიყრუებულ პროვინციულ ქალაქში ექსტრემისტული დაჯგუფების მხრიდან თავდასხმების მსხვერპლი ხდება.

თბილისი, 21 სექტემბერი — Sputnik. დეა კულუმბეგაშვილის ფილმი „დასაწყისი“ ტორონტოში კინოკრიტიკოსთა საერთაშორისო ასოციაციის ჯილდოს მფლობელი გახდა, ნათქვამია საქართველოს ეროვნული კინოცენტრის განცხადებაში.

სულ მალე ფილმის მსოფლიო პრემიერა სან-სებასტიანის საერთაშორისო კინოფესტივალზე გაიმართება, სადაც „დასაწყისი“ ფესტივალის მთავარი ჯილდოს – „ოქროს ნიჟარის“ მოსაპოვებლად იბრძოლებს.

რაზეა ფილმი „დასაწყისი“

ფილმი „დასაწყისი“ საქართველოსა და საფრანგეთის ერთობლივი ნამუშევარია. მოგვითხრობს იეღოვას მოწმეების ჯგუფის ისტორიას, რომელიც მიყრუებულ პროვინციულ ქალაქში ექსტრემისტული დაჯგუფების მხრიდან თავდასხმების მსხვერპლი ხდება. 

იანა იეღოვას მოწმის ცოლია. მისთვის ნაცნობი სამყარო ამ კონფლიქტის პარალელურად ნგრევას იწყებს. იანას შინაგანი უკმაყოფილება იზრდება, როდესაც ის საკუთარი სურვილების ანალიზს იწყებს.

ფილმში როლებს ასრულებენ ია სუხიტაშვილი, კახა კინწურაშვილი და ლაშა ონელი. ფილმი გადაღებულია კინოცენტრის მხარდაჭერით ლაგოდეხში, რეჟისორის მშობლიურ მხარეში.

2014 წელს რეჟისორის სადებიუტო ნამუშევარი „უხილავი სივრცეები“ მოკლემეტრაჟიანი ფილმების საკონკურსო პროგრამაში იყო წარმოდგენილი, 2016 წელს დეა კულუმბეგაშვილის სხვა მოკლემეტრაჟიანი ფილმი „ლეტა“ რეჟისორის კვირეულის სექციაში აჩვენეს.

38
თემები:
ქართული კინო