Государственный национальный музей Грузии

„თბილისის თანამედროვე ბალეტმა“ ახალი სეზონი ეროვნული მუზეუმის შიდა ეზოში გახსნა

69
(განახლებულია 16:26 12.09.2020)
დასის მეხუთე, 2020-2021 წლის სეზონის გახსნაზე წარმოდგენილი იქნება გიორგი ალექსიძის ქორეოგრაფია – საბალეტო მინიატურები.

თბილისი, 12 სექტემბერი - Sputnik. გიორგი ალექსიძის სახელობის „თბილისის თანამედროვე ბალეტმა“ ახალი სეზონი საქართველოს ეროვნული მუზეუმის სოციალური დისტანცირებით მოწყობილ შიდა ეზოში გახსნა.

დასის მეხუთე, 2020-2021 წლის სეზონის გახსნაზე 10 სექტემბერს გიორგი ალექსიძის ქორეოგრაფია – საბალეტო მინიატურები წარმოადგინეს.

წარმოდგენები დღეს და ხვალ, 12 და 13 სექტემბერს 20:00 საათზე გაიმართება.

საბალეტო მინიატურები წარმოდგენილია ბახის, კორელის, მერსეს, შოსტაკოვიჩის მუსიკაზე. ასევე გაიმართა გია ყანჩელის „ფსალმუნის“ პრემიერა.

დასის სამხატვრო ხელმძღვანელი მარიამ ალექსიძეა.

ორგანიზატორთა თქმით, პრემიერაზე კორონავირუსის პანდემიასთან დაკავშირებული ყველა რეგულაცია დაცული იქნება.

„მაყურებელთა სივრცე გათვლილია 100 ადამიანზე, სოციალური დისტანცირებისა და ყველა სხვა საჭირო რეგულაციების გათვალისწინებით“, - ნათქვამია ორგანიზატორთა განცხადებაში.

 

69
თემები:
საქართველო და კულტურა (935)
პრემია „ლიტერა“

ლიტერატურული პრემია „ლიტერას“ გამარჯვებულთა ვინაობა ცნობილია

15
(განახლებულია 21:06 26.09.2020)
ლიტერატურულმა პრემიის გამარჯვებულები ექვს ნომინაციაში გამოვლინდა. გამარჯვებულებს პრიზებთან ერთად ფულადი ჯილდო გადაეცათ.

თბილისი, 26 სექტემბერი — Sputnik. მწერალთა სახლის და კულტურის სამინისტროს ერთობლივი ლიტერატურული პრემია „ლიტერას“ დაჯილდოების რიგით მეხუთე ცერემონია გაიმართა, პრემიის გამარჯვებულები ექვს ნომინაციაში გამოვლინდნენ, ნათქვამია განათლების, მეცნიერების, კულტურისა და სპორტის სამინისტროს Facebook-გვერდზე.

126 საკონკურსო განაცხადიდან მოკლე სიაში 38 წიგნი მოხვდა, „ლიტერა 2020-ის“ გამარჯვებულები გახდნენ:

წლის საუკეთესო წიგნის დიზაინი:

თინათინ ჩხიკვიშვილი, ჯანა ამირეჯიბის წიგნისთვის „მე - ნამდვილი კოკოშა“, გამომცემლობა „არტანუჯი“;

წლის საუკეთესო დებიუტი:

ნინი ელიაშვილი - „წერტილის შემდეგ“, გამომცემლობა „ინტელექტი“;

საუკეთესო დოკუმენტური პროზა:

გიორგი მაისურაძე - „სხვა ენა“, გამომცემლობა „ინდიგო“;

წლის საუკეთესო პოეტური კრებული:

შოთა იათაშვილი - „XXI საუკუნის დასაწყისის პოეტი“, გამომცემლობა „ინტელექტი“;

წლის საუკეთესო პროზაული კრებული:

ეკა ქევანიშვილი - „არაფერი დედაჩემის შესახებ“, გამომცემლობა „წიგნები ბათუმში“;

წლის საუკეთესო რომანი:

ირაკლი სამსონაძე - „ქელეხი - ქორწილი“, გამომცემლობა „ინტელექტი“.

„ლიტერა“ წელს 2019 წელს გამოცემულ ლიტერატურულ ნაწარმოებებს აფასებდა. კონკურსის შედეგებს აფასებდა მწერალთა სახლის მიერ შერჩეული კონფიდენციალური ჟიური, რომელიც 5 წევრისგან შედგებოდა. გამარჯვებულს გამოავლინეს ფარული კენჭისყრით. ლიტერატურული პრემიის საპრიზო ფონდი 30 000 ლარია. თითოეულ ნომინაციაში გამარჯვებულს 5 000 ლარი გადაეცა.

ლიტერატურული პრემია „ლიტერა“ 2016 წელს განათლების, მეცნიერების, კულტურისა და სპორტის სამინისტრომ და მწერალთა სახლმა დააარსეს. მას შემდეგ ის ყოველ წელს იმართება. სხვადასხვა წელს „ლიტერას“ გამარჯვებული გახდნენ მწერლები და პოეტები: ბესიკ ხარანაული, ვახტანგ ჯავახაძე, ნაირა გელაშვილი, ზვიად რატიანი, ზურაბ ქარუმიძე, ნანა ექვთიმიშვილი, არჩილ ქიქოძე და სხვები.

პროექტის მიზანია თანამედროვე ქართული ლიტერატურის განვითარება და ახალგაზრდა ავტორების წახალისება.

კორონავირუსის პანდემიის გამო დაჯილდოების ცერემონიას მხოლოდ ფინალისტები და მონაწილე გამომცემლები ესწრებოდნენ.

 

 

15
თემები:
საქართველო და კულტურა (935)
ოლეგ ბასილაშვილი

„გვიყვარხართ, პატივს გცემთ, გაფასებთ!“: ოლეგ ბასილაშვილს დაბადების დღე თბილისიდან მიულოცეს

67
გამოჩენილ არტისტს და საზოგადო მოღვაწეს საქართველოსთან აკავშირებს ნათესაური, მეგობრული და შემოქმედებითი კავშირები

თბილისი, 26 სექტემბერი - Sputnik. რუსეთში მოღვაწე თეატრისა და კინოს დამსახურებულ მსახიობს, წარმოშობით ქართველ ოლეგ ბასილაშვილს მის ისტორიულ სამშობლოში, საქართველოში, თბილისის გრიბოედოვის სახელობის თეატრში 86 წლის იუბილე მიულოცეს.

დარბაზის ოვაციები და მოგონებები დანელიაზე - ოლეგ ბასილაშვილი სტუმრად ივან ურგანტთან >>

„26 სექტემბერი - სსრკ-ის სახალხო არტისტის, სანქტ-პეტერბურგის და თბილისის საპატიო მოქალაქის, საქართველოს ბრწყინვალების საპრეზიდენტო ორდენის კავალერის, ოლეგ ბასილაშვილის დაბადების დღეა. გილოცავთ“ გისურვებთ ჯანმრთელობას და სიხარულს! გვიყვარხართ, პატივს გცემთ, გაფასებთ! დაე ასრულდეს ჩვენი ოცნებები შეხვედრაზე!“ - წერს თეატრის ლიტერატურული ნაწილის გამგე ნინა შადური-ზარდალიშვილი.

ოლეგ ბასილაშვილს შესრულებული აქვს ორმოცდაათზე მეტი როლი სცენაზე და ასზე მეტი - კინოში. ბასილაშვილს მაყურებელი კარგად იცნობს კინოფილმებიდან „სამსახურებრივი რომანი“, „შემოდგომის მარათონი“, „სადგური ორისათვის“ და სხვ.

ბასილაშვილის ქართული გვარი აღადგინა მისმა მამამ, მანამდე ყველა წინაპარი ატარებდა გვარს ბასილოვი.

ბასილაშვილის წინაპრები დაახლოებით 400 წლის წინ ტაო-კლარჯეთის ისტორიული მხრიდან გორთან მდებარე სოფელ კორბში გადასახლდნენ.

67
თემები:
საქართველო და კულტურა (935)