დათა თავაძე

„თეატრები უფრო უსაფრთხოა, ვიდრე რესტორნები!“ ქართველი რეჟისორების პროტესტი

66
(განახლებულია 13:16 11.09.2020)
დაკეტილი თეატრები, გამოსვლების აკრძალვა, ბანკის კრედიტები – კულტურის სექტორის მოღვაწეები დიდ პრობლემებს წააწყდნენ.

თბილისი, 11 სექტემბერი – Sputnik. ქართველი თეატრალური რეჟისორი დათა თავაძე, რომელიც უკმაყოფილოა ქვეყანაში თეატრების გახსნის თარიღის გადადებით, კულტურის სამინისტროსგან კულტურული დაწესებულებების მუშაობის ადრე დადგენილ ვადებში აღდგენას ითხოვს.

საქართველოს მთავრობამ აგვისტოს ბოლოს განაცხადა, რომ თეატრები მუშაობის დაწყებას 1 ოქტომბრიდან შეძლებდნენ, მაგრამ კორონავირუსით ინფიცირების რაოდენობის ზრდასთან დაკავშირებით თეატრების გახსნა 1 ნოემბრამდე გადაიდო.

ამ ფაქტმა ახალგაზრდა რეჟისორის აღშფოთება გამოიწვია. მან ამ თემას თავის Facebook-გვერდზე მრისხანე პოსტი მიუძღვნა. თავაძის თქმით, განათლების, მეცნიერების, კულტურისა და სპორტის სამინისტრო ჯიუტად დუმს, მხარს არ უჭერს დამოუკიდებელ არტისტებს და მათთან დიალოგზეც არ მიდის იმ დროს, როდესაც ისინი სავალალო მდგომარეობაში აღმოჩნდნენ.

როგორც რეჟისორი აღნიშნავს, ქვეყანაში კულტურის სფერო არათანაბარ მდგომარეობაში ჩააყენეს ბავშვთა გასართობი ცენტრებისა და კაზინოების გვერდით, მაგრამ ამაში პრობლემას არავინ ხედავს.

„სასწრაფოდ გვიპასუხეთ ყველა კითხვაზე, სასწრაფოდ შექმენით დამოუკიდებელი ხელოვანებისთვის მხარდაჭერის გეგმა, დაუყოვნებლივ მოიფიქრეთ, როგორ ამოუდგებით მხარში იმ მენეჯერებს, რომლებსაც საბანკო სესხები აქვთ აღებული პროექტების გასახორციელებლად თქვენი დაპირებების გამო, უკვე პროცენტები ემატება მათ სესხებს (აქამდე თუ რაღაც შეღავათით სარგებლობდნენ, ეგეც დამთავრდა). წლების საქმე გადაეყარათ წყალში“, – წერს დათა თავაძე.

რეჟისორის აზრით, ინფექციის გავრცელების კუთხით კულტურული დაწესებულებები ბევრად უსაფრთხოა, ვიდრე რესტორნები და სავაჭრო ცენტრები.

ბისზე შვიდჯერ: დათა თავაძის სპექტაკლმა ბერლინში ფურორი მოახდინა>>

თავაძე აღნიშნავს, რომ ახალ წესებთან ადაპტირებულმა კულტურული ღონისძიებების ორგანიზატორებმა უკვე არაერთი ფესტივალი, კინოჩვენება, გამოფენა მოაწყვეს ღია სივრცეებში და არც ერთი შეცდომა არ დაუშვიათ შეზღუდვების დაცვის თვალსაზრისით.

და მაინც კულტურა პირველ რიგში ისჯება, აღნიშნავს თავაძე.

თავის წერილში რეჟისორი ამბობს, რომ ის და მისი კოლეგები იძულებული არიან, ოპერატიულად ეძებონ ფინანსური საშუალებები და ალტერნატიული გზები, რათა შეძლონ თავის გადარჩენა და მუშაობის გაგრძელება.

დათა თავაძე ერთ-ერთი ყველაზე პერსპექტიული და ნიჭიერი თეატრალური რეჟისორია. პირველი სპექტაკლი მან რუსთაველის სახელობის თეატრალური ინსტიტუტის სტუდენტობის დროს გამოსაშვებ კურსზე დადგა, როდესაც 19 წლის იყო. თავაძე დღეს სპექტაკლებს დგამს გერმანიის თეატრების სცენებზე, ხოლო მისი დადგმები თბილისის სამეფო უბნის თეატრში არაერთხელ გახდა საერთაშორისო ფესტივალების პრიზიორი.

 

66
თემები:
საქართველო და კულტურა (932)
წიგნის ფესტივალი

წიგნის ფესტივალი ვირტუალურ სივრცეში გაიხსნა

30
(განახლებულია 16:50 25.09.2020)
თბილისის საერთაშორისო წიგნის ფესტივალი თბილისის მერიის, განათლების, მეცნიერების, კულტურისა და სპორტის სამინისტროსა და მწერალთა სახლის მხარდაჭერით ტარდება.

თბილისი, 25 სექტემბერი — Sputnik. საქართველოს დედაქალაქში თბილისის წიგნის XXII საერთაშორისო ფესტივალი ონლაინ–ფორმატში გაიხსნა.

წიგნის კვირეულის ორგანიზატორებს ყოველწლიური ღონისძიების შერეულ ფორმატში ჩატარების იმედი ჰქონდათ, მაგრამ პანდემიის მეორე ტალღის დაწყებისა და ინფიცირებულთა რაოდენობის მატების გამო მათ ფესტივალის მთლიანად ვირტუალურ სივრცეში ჩატარების გადაწყვეტილება მიიღეს. 

ფესტივალისთვის თვალის მიდევნება, რომელიც დღეს გაიხსნა და 27 სექტემბერს დასრულდება, ღონისძიების ოფიციალურ ვებ-გვერდზეა შესაძლებელი.

ღონისძიების პირველ დღეს წარმოდგენილი იქნება ნინო ხარატიშვილის, ლაშა ბუღაძისა და ანდრეას ფლურაკისის პიესების კრებული „სამი მედეა“. ასევე შედგება არჩილ ქიქოძის წიგნის „ნორვეგიული დღიური“ პრეზენტაცია, ხოლო პროექტ „მსახიობები ლიტერატურისთვის“ ფარგლებში – ახალი გამომცემლობების წარდგენა და სხვ.

ფესტივალის პროგრამაშია ახალი წიგნების პრეზენტაცია და ქართველ მწერლებთან შეხვედრები, უცხოელ ავტორებთან ვიდეოკონფერენციები, საბავშვო პროგრამა და სხვა ღონისძიებები.

თბილისის საერთაშორისო წიგნის ფესტივალი თბილისის მერიის, განათლების, მეცნიერების, კულტურისა და სპორტის სამინისტროსა და მწერალთა სახლის მხარდაჭერით ტარდება.

30
ორბელიანის მოედანი

პანდემიის მიუხედავად: თბილისში ახალგაზრდული ფესტივალი „თაობა“ გაიმართება

50
საერთაშორისო ღონისძიებაში კორონავირუსის პანდემიის გამო დაწესებული შეზღუდვების გათვალისწინებით წელს მხოლოდ ქართველი ახალგაზრდები მიიღებენ მონაწილეობას.

თბილისი, 24 სექტემბერი — Sputnik. თბილისში 25-30 სექტემბერს საერთაშორისო ახალგაზრდული კინოფესტივალი „თაობა“ გაიმართება, ამ ინფორმაციას ფესტივალის ერთ-ერთი ორგანიზატორი - საქართველოს მოსწავლე ახალგაზრდობის ეროვნული სასახლე ავრცელებს.

საერთაშორისო ფესტივალი საქართველოში წელს მესამედ ჩატარდება, თუმცა ამჯერად კორონავირუსის პანდემიის გამო დაწესებული შეზღუდვების გათვალისწინებით ღონისძიებაში მხოლოდ ქართველი ახალგაზრდები მიიღებენ მონაწილეობას.

ფესტივალის ფარგლებში 13-18 წლის ახალგაზრდებისთვის გაიმართება 4 სრულმეტრაჟიანი და 21 მოკლემეტრაჟიანი საკონკურსო ფილმების ჩვენება ეროვნული სასახლის, ეროვნული მუზეუმისა და მზიურის განახლებული პარკის ტერიტორიაზე. ფესტივალის პროგრამა მოიცავს ასევე მასტერკლასებს, ლექციებსა და დისკუსიებს.

ღონისძიება კინოხელოვნებით დაინტერესებულ სტუდენტებს აძლევს შესაძლებლობას დაესწრონ პროფესიულ დრამატურგიისა და რეჟისურის მასტერკლასებს პროექტის „თაობის აკადემია“ ფარგლებში ბოლნისის მუზეუმი.

ნანა ჯორჯაძის ფილმმა „ბოცვრის თათი“ რუსეთში ჯილდო მოიპოვა >>

ფესტივალი ეპიდემიოლოგიური ვითარების შესაბამისად დაწესებული რეგულაციების დაცვით ტარდება, რის გამოც შემცირებულია როგორც მონაწილეთა, ასევე აქტივობების რაოდენობა.

„ჩვენებებზე დასწრება თავისუფალია. საფესტივალო სივრცეები ყველა შესაბამისი რეკომენდაციის დაცვით, ღია ცის ქვეშ იმართება. სავალდებულოა იქონიოთ პირბადე და დაიცვათ სოციალური დისტანცია“, - მოუწოდებს სტუმრებს ფესტივალის ერთ-ერთი ორგანიზატორი „კინოკლუბი ორბელიანზე“.

პროექტის მხარდამჭერები: ქალაქ თბილისის მერია, საქართველოს განათლების, მეცნიერების, კულტურისა და სპორტის სამინისტრო, საქართველოს კინემატოგრაფიის ეროვნული ცენტრი.

 

50
თემები:
ქართული კინო
კორონავირუსის ეპიდემია. ჟურნალისტები პირბადეებით

ვინ და როგორ აშუქებს არჩევნებს? სპეციალისტებმა ქართული მასმედია გააანალიზეს

0
ყველაზე კრიტიკული ტონი მთავრობის მიმართ ჰქონდა :მთავარ არხს“ – 72%, ხოლო ყველაზე დადებითი Postv–ს – 33%

თბილისი, 26 სექტემბერი - Sputnik. ქართული მასმედია ყველაზე მეტ ყურადღებას უთმობს მმართველი პარტია „ქართული ოცნება – დემოკრატიული საქართველოს“ საქმიანობის გაშუქებას. შემდეგ მოდიან ოპოზიციური პარტიები „ერთიანი ნაციონალური მოძრაობა“ და „ევროპული საქართველო“.

ამაზე მეტყველებს საპარლამენტო არჩევნების შუალედური მედიამონიტორინგის შედეგები. მედიამონიტორინგმა მასობრივი ინფორმაციის 43 საშუალება მოიცვა: 12 ტელეარხი, 10 რადიო, რვა გაზეთი და 13 ონლაინ–გამოცემა. კვლევა 15 ივნისიდან 31 აგვისტოს ჩათვლით პერიოდში ჩატარდა.

არჩევნები 2020: „ოდირმა“ საქართველოში სადამკვირვებლო მისია გახსნა>>

მედიამონიტორინგი ხორციელდება ევროკავშირისა და გაეროს განვითარების პროგრამის (UNDP) მხარდაჭერით და სამ არასამთავრობო ორგანიზაციასთან – საქართველოს ჟურნალისტური ეთიკის ქარტია, Internews Georgia და CRRC–საქართველო – თანამშრომლობით. მონიტორინგი2020 წლის დეკემბერში დასრულდება.

მონიტორინგის პირველი შედეგები

„ქართული ოცნება უფრო დადებით კონტექსტში გააშუქა ტელეარხმა „იმედი“ (29%), ხოლო ნეგატიურად – ოპოზიციურმა ტელეარხმა „მთავარი არხი“ (72%).

 „ერთიანი ნაციონალური მოძრაობა“ ყველაზე დადებითად გააშუქა „მთავარმა არხმა“ (6%), ხოლო ნეგატიურად – ტელეარხმა „ობიექტივმა (79%).

ოპოზიციურ საპარლამენტო პარტია „ევროპულ საქართველოს“ ყველაზე მეტი დრო დაუთმა ტელეარხმა „ფორმულამ“. დადებითი გაშუქება შეადგენდა მთელი დროის 1%–ზე ოდნავ მეტს. ყველაზე მეტად პარტიას დადებითად იხსენებდა „TV პირველი“ და „კავკასია (2%). ყველაზე ნეგატიურად ეს პარტია გააშუქეს „იმედის“ ეთერში.

პარტიას „ლელო საქართველოსთვის“ ყველაზე მეტი დრო დაუთმო „TV პირველმა“. დადებითი გაშუქება შეადგენდა მხოლოდ 3%–ს. ყველაე მეტად დადებითად პარტია გააშუქა ტელეარხმა „კავკასია“ (21%).

ექს–პრეზიდენტ მიხეილ სააკაშვილს ყველაზე მეტი დრო დაუთმო „იმედმა“. ნეგატიური გაშუქება შეადგენდა 74%–ს.

მთავრობის მიმართ ყველაზე კრიტიკული ტონი ჰქონდა „მთავარ არხს“ – 72%, ხოლო ყველაზე დადებითი – Postv–ს – 33%.

„წინა წლების მსგავსად თითქმის ყველა არხზე პრობლემად რჩება სიღრმისეული, მოკვლევითი სიუჟეტების სიმცირე, რომლებიც დაკავშირებული იქნება საარჩევნო თემატიკასთან და ამომრჩეველს მეტად დაეხმარება ინფორმირებული არჩევანის გაკეთებაში“, – აღნიშნავენ დოკუმენტის ავტორები.

მედიამონიტორინგმა ასევე აჩვენა, რომ წინა წლებთან შედარებით გაიზარდა ეთიკური დარღვევების ფაქტები. როგორც წინა წლებში, თითქმის ყველა არხზე პრობლემას წარმოადგენს გენდერული სტერეოტიპები. როგორც დოკუმენტშია აღნიშნული, მთელი პერიოდის განმავლობაში დაფიქსირდა სექსისტური განცხადებების ტირაჟირების რამდენიმე შემთხვევა. სექსისტური განცხადების ავტორი პოლიტიკოსებთან ერთად ჟურნალისტებიც იყვნენ.

0
თემები:
საქართველოს საპარლამენტო არჩევნები 2020