Tbilisi Photo Festival 2020

კორონავირუსი ფოკუსში: საქართველოში Tbilisi Photo Festival 2020 გაიმართება

87
(განახლებულია 23:18 08.09.2020)
ფესტივალის მთავარ სტუმარს - ფრანგ ფოტოგრაფ ანტუან დაგატას მსოფლიო პოპულარობა მოუტანა მისმა საოცარმა და მძიმე ფოტოებმა - დამოკიდებულებისა და მანკიერებების შესახებ

თბილისი, 8 სექტემბერი — Sputnik. საქართველოს დედაქალაქში 10-16 სექტემბერს გაიმართება რიგით მე-11 Tbilisi Photo Festival 2020 - წლის მთავარი ფოტომოვლენა შეეხება თანამედროვეობის ყველაზე აქტუალურ თემებს, კერძოდ კი COVID-19-ის პანდემიასა და მის შედეგებს, ნათქვამია ვებგვერდზე.

ფესტივალის პროგრამის საკვანძო მოვლენა არის თანამედროვე ფრანგი ფოტოგრაფის, სააგენტო Magnum-ის წევრის, ანტუან დაგატას დოკუმენტურ-კონცეპტუალური პროექტი „შიშველი ცხოვრება“, რომელიც 10 სექტემბერს თბილისის ფოტოგრაფიის მუზეუმში მრავალმონიტორიანი ვიდეოინსტალაციის ფორმატში გაიხსნება.

მსოფლიოში მიმდინარე მოვლენების ფონზე ანტუან დაგატას „შიშველი ცხოვრება“ წარმოადგენს Covid-19-ის და მისი სოციალურ-პოლიტიკური ასპექტების ხედვას, აცხადებენ ორგანიზატორები.

ინსტალაცია აერთიანებს 13 ათასამდე ფოტოგრაფიას, რომლებსაც მხატვარი თერმული ფოტოკამერით 11 მარტიდან 11 მაისამდე იღებდა.

ასევე მასშტაბური კარანტინის პერიოდში თბილისის ფოტოფესტივალმა შექმნა პროგრამა I _ Residency - ქალი მხატვრებისა და მწერლების მხარდასაჭერად. პროგრამა მიზნად ისახავს ნაწარმოებების შექმნას, რომლებიც იზოლაციის გამოცდილების უნივერსალურ მხატვრულ გააზრებას ეფუძნება.

ამ პროექტის ფარგლებში ფესტივალის პირველ კვირაში გაიმართება 20 მხატვრის ნამუშევრების საჯარო პრეზენტაცია, სადაც იქნება წარმოდგენილი ტექსტები, ფოტოსერიები და ვიდეოპროექტები.

რაც შეეხება ფესტივალის ყველაზე საინტერესო ღონისძიებას - „ფოტოგრაფიის ღამეს“, ის სასტუმრო „სტამბაში“ 12 სექტემბერს გაიმართება. იქ ფოტოგამოფენები ცხრა სხვადასხვა ლოკაციაზე იქნება წარმოდგენილი.

ასევე წელს გამოფენაზე წარმოდგენილი იქნება შემდეგი არტისტების ნამუშევრები: ახალგაზრდა მექსიკელი ფოტოგრაფების, ამერიკელი ფოტოგრაფების სააგენტო NOOR-დან, მათ შორის ლეგენდარული ფოტოკორესპონდენტ სტენლი გრინის, ქართული ფოტოგრაფიის ახალი ტალღის ვარსკვლავების - დათო მესხის, გიორგი ნებიერიძის, საბა გორგოძის და სხვ.

ფესტივალი დასრულდება ფრანგი ფოტოგრაფის, ანტუან დაგატას საჯარო ლექციით, რომელიც Zoom/Youtube-ის პლატფორმაზე პირდაპირ ეთერში თბილისის ფოტოგრაფიისა და მულტიმედიის მუზეუმში გაიმართება.

Tbilisi Photo Festival საქართველოში პირველად 2010 წელს ჩატარდა მსოფლიოში ცნობილი ფოტოფესტივალის Les Rencontres d'Arles ორგანიზატორებთან პარტნიორობით. დაარსების დღიდან თბილისის ფოტოფესტივალი ისწრაფვის იყოს ცენტრალური ადგილი ფოტოგრაფების შეხვედრებისთვის აზიიდან, ირანიდან, თურქეთიდან, ევროპიდან, რუსეთიდან, არაბული ქვეყნებიდან.

87
თემები:
საქართველო და კულტურა (930)
საქსოფონი

ჯაზი და ღვინო: კახეთი მუსიკალურ ფესტივალს უმასპინძლებს

52
(განახლებულია 21:09 21.09.2020)
ფესტივალის Jazz and Wine Kakheti სტუმრები ჯაზური მუსიკის ფონზე ქართული სხვადასხვა ღვინის დაგემოვნებას შეძლებენ.

თბილისი, 21 სექტემბერი – Sputnik. ფესტივალი Jazz and Wine Kakheti 3 ოქტომბერს კახეთში, წინანდლის მამულში მეოთხედ გაიმართება, იუწყებიან ორგანიზატორები.

ფესტივალის ჰედლაინერია სოულისა და ჯაზის ვარსკვლავი ლისა სიმონი. ამჯერად ფესტივალში ასევე მონაწილეობენ ბექა გოჩიაშვილის ტრიო, რუსა მანველი და დავით მაზანაშვილის ტრიო.

ფესტივალის Jazz and Wine Kakheti ფარგლებში 15-ზე მეტი ღვინის კომპანია ღვინის დეგუსტაციას გამართავს და ფესტივალის სტუმრები სხვადასხვა ღვინის დაგემოვნებას შეძლებენ.

ქვეყანაში კორონავირუსის ეპიდემიის გამო ფესტივალში მონაწილეობისთვის გაიყიდება მხოლოდ ე.წ. სპეციალური ნაკრებები, რაც მოიცავს წინანდლის მამულის ტერიტორიაზე არსებულ სასტუმროებში განთავსებასა და ღონისძიებაზე დასასწრებ ბილეთებს.

ღონისძიება გაიმართება სასტუმროებში Radisson Collection, Tsinandali Estate Georgia.

ფესტივალი Jazz and Wine კახეთში 2017 წლიდან ტარდება. წინა წლებისგან განსხვავებით, როდესაც ფესტივალი რამდენიმე დღე გრძელდებოდა, მეორე წელია, ის მხოლოდ ერთ დღეს მიმდინარეობს.

52
თემები:
საქართველო და კულტურა (930)
ნანა ჯორჯაძე

ნანა ჯორჯაძის ფილმმა „ბოცვრის თათი“ რუსეთში ჯილდო მოიპოვა

53
(განახლებულია 20:00 21.09.2020)
ფესტივალი ამურის ოლქის ქალაქ ბლაგოვეშჩენსკში 13–20 სექტემბრის პერიოდში ეპიდუსაფრთხოების ყველა ნორმის დაცვით გაიმართა.

თბილისი, 21 სექტემბერი — Sputnik. ქართველი რეჟისორის ნანა ჯორჯაძის ფილმ „ბოცვრის თათის“ (Кроличья лапа) ოპერატორმა მიხეილ კვირიკაძემ რუსეთის კინოსა და თეატრის XVIII ფესტივალზე „ამურის შემოდგომა“ საუკეთესო ოპერატორული ნამუშევრის ჯილდო მოიპოვა, ნათქვამია ფესტივალის Facebook-გვერდზე.

ფესტივალი ამურის ოლქის ქალაქ ბლაგოვეშჩენსკში 13–20 სექტემბრის პერიოდში ეპიდუსაფრთხოების ყველა ნორმის დაცვით გაიმართა. 

ტრადიციულად „ამურის შემოდგომის“ ფარგლებში გაიმართა სრულმეტრაჟიანი და მოკლემეტრაჟიანი ფილმების, თეატრალური სპექტაკლების კონკურსები, ასევე მასტერ-კლასები და შემოქმედებითი საღამოები, კონცერტები და გამოფენები.

ფესტივალის სტუმრები და მონაწილეები იყვნენ რუსი კინემატოგრაფისტები, საზოგადო მოღვაწეები, მუსიკოსები, მხატვრები და ა.შ.

ანა ჯორჯაძის ფილმი „ბოცვრის თათი“ სამი ქვეყნის კოპროდუქციაა – რუსეთის, ბელგიისა და ფინეთის. ფილმში როლებს ასრულებენ პიერ რიშარი, ნიკოლა დუვოშელი, ევგენი ტკაჩუკი.

ფილმში მოქმედება ხდება 1990-იან წლებში, ე.წ. „პერესტროიკის“ პერიოდში. მთავარი პერსონაჟები არიან ფრანგი არქიტექტორი ნიკა და საბჭოთა ინტელიგენტი ალია, რომელთა შეხვედრა მათ ცხოვრებას მთლიანად ცვლის.

53
თემები:
ქართული კინო
მედიტაცია

22 სექტემბერი: უმნიშვნელოვანესი ასტროლოგიური დღე ბუნიობა და ზოდიაქოს ნიშნები

0
(განახლებულია 11:41 21.09.2020)
ასეთი მნიშვნელოვანი ასტროლოგიური დღე, როგორიც შემოდგომის ბუნიობაა, ხშირად არ დგება, ამიტომ საჭიროა, ყურადღებით იყოთ და ხელიდან არ გაუშვათ ცხოვრების სასიკეთოდ შეცვლის მომენტი

ასტროლოგები 22 სექტემბერს ყოველი ცოცხალი არსების განახლების დღეს უწოდებენ. ექსპერტების თქმით, ეს დღე საკმაოდ ხელსაყრელი იქნება ადამიანებისთვის. მთელი სამყარო ჰარმონიასა და ბალანსს მოისურვებს.

შემოდგომის ბუნიობა 22 სექტემბერს ასტრონომიული შემოდგომის დასაწყისია. ამ დღეს დღე–ღამის ნათელი და ბნელი დრო ერთმანეთს გაუტოლდება, ანუ დღისა და ღამის დრო გათანაბრდება, 22 სექტემბრის შემდეგ კი დღე კლებას დაიწყებს. შემდეგი დღეღამტოლობა უკვე 2021 წლის მარტში დადგება.

მთელი ასტროლოგიური სამყაროსთვის 22 სექტემბერი ძალიან მნიშვნელოვანი მოვლენაა. მზე სასწორის ნიშანში გადადის. როგორც ცნობილია, სასწორი ჰარმონიის, მუდმივობის, პრინციპების ერთგულებისა და თავშეკავებულობის ნიშანია.

ბუნიობის მომენტში ეს ნიშანი იმოქმედებს არა მხოლოდ ადამიანებზე, არამედ ბუნების ძალებზეც – იწყება ზამთრის პერიოდი და ბევრი მცენარე თუ ცხოველი ზამთრის ძილს მიეცემა.

ეს ენერგეტიკულად ძლიერი დღე შესანიშნავია იმისთვის, რომ მოვიწესრიგოთ ცხოვრება, მივხედოთ თვითგანვითარებას, ვიფიქროთ მომავალზე.

ბუმერანგის პრინციპი ზოდიაქოს ნიშნებისთვის>>

ნაბიჯის წინ გადადგმაში დაგვეხმარება ასტროლოგების რჩევები ზოდიაქოს თითოეული ნიშნისთვის.

ვერძი

ვერძები ძალებისა და მოტივაციის ძლიერ მოზღვავებას იგრძნობთ. ასტროლოგები გირჩევენ, ეს ძალები კარიერისა და ფულის სფეროსკენ მიმართოთ. მნიშვნელოვანია სხვადასხვა პროცესის სტაბილიზება და სულიერი ჰარმონიის მოპოვება – ესაა ფულადი შემოსავლების გასაღები. შემოდგომა თქვენთვის ხელსაყრელი პერიოდი იქნება ფულის ინვესტირების, დიდი შენაძენებისა და არასტანდარტული იდეების გამოყენებისთვის.

კურო

კუროები გზაჯვარედინზე აღმოჩნდებით. 22 სექტემბერს თქვენ წინაშე მწვავედ დადგება საკითხი:  ღირს თუ არა საკუთარი რესურსების ხარჯვა იმაზე, რომელსაც უკვე აღარ მოაქვს კმაყოფილება? ასტროლოგები გირჩევენ, ყველაფერი კარგად აწონ–დაწონოთ, სანამ საბედისწერო გადაწყვეტილებას მიიღებდეთ. ნუ შეუშინდებით ცვლილებებს. არ არის გამორიცხული, რომ ბედნიერების გასაღები ძველი სქემებისა და ბორკილებისგან გათავისუფლებაა.

ტყუპი

ასტროლოგები გაფრთხილებენ: 22 სექტემბერს ყველაფერი შეიძლება ისე არ წავიდეს, როგორც დაგეგმილი გქონდათ. ვარსკვლავები გირჩევენ, შეინარჩუნოთ სიმშვიდე, გააკონტროლოთ საკუთარი თავი და არ ჩაერიოთ მოვლენების მსვლელობაში. ენერგია მოჭარბებულად გექნებათ, მაგრამ ეს ხელს არ შეგიშლით, რომ შინაგანი ბალანსი დაიცვათ. რამდენიმე თვის განმავლობაში შეძლებთ ცხოვრებაში მატერიალური სიკეთისა და წარმატებების მოზიდვას, თუ ყოველდღე პოზიტიურად განაწყობთ თავს.

ზოდიაქოს ნიშნების ბედი - კარმული გზა>>

კირჩხიბი

შემოდგომის ბუნიობა იმ პროცესებს დაიწყებს, რომლებსაც კირჩხიბები დიდხანს უვლიდით გვერდს. სულ მალე სამყარო თქვენგან არცთუ მარტივი არჩევნის გაკეთებას მოითხოვს: ან საკუთარი პირადი საქმეები ან ურთიერთობების შენარჩუნება გარკვეულ ადამიანებთან. სწორი გადაწყვეტილების მიღებისთვის ასტროლოგები გირჩევენ, გაერკვეთ პირად გრძნობებსა და სურვილებში და გაავლოთ პირადი „საზღვრები“.

ლომი

ლომებს მიზანსწრაფულობა და სიმტკიცე არ გაკლიათ, მაგრამ უახლოეს მომავალში საკუთარი შესაძლებლობების საზღვრების გადახედვა მოგიწევთ. შემოდგომის დღეღამტოლობის დროს და შემდეგ პერიოდში, შესაძლოა, ემოციებმა გძლიოთ. ეს ემოციები ყოყმანს გაიძულებთ, ერთი გადაწყვეტილებიდან მეორისკენ გადახვალთ. მნიშვნელოვანია ბალანსის დაცვა, რათა ამ ყველაფერს გაუძლოთ, გაათანაბროთ ენერგეტიკა და შემოდგომის პერიოდისთვის კონკრეტული მიზნები დაისახოთ.

ქალწული

ქალწულებზე შემოდგომის ასტროლოგიური მოვლენები ხელსაყრელად აისახება. თქვენ ძალაუფლების მძლავრი ენერგია აგავსებთ. ასტროლოგები გირჩევენ, გახსოვდეთ – გზას ის გადალახავს, ვინც იმოძრავებს. პირველი ნაბიჯი ყოველთვის რთულია, ასე რომ, ნამდვილად ღირს, საკუთარი თავი გამოიწვიოთ და ციხესიმაგრეების დასაპყრობად გაეშუროთ. ის, ვინც სუსტ პოზიციაში დარჩება, რისკავს იმით, რომ „სხვის დაკრულზე მოუწევს ცეკვა“.

თუ გინდათ, სურვილები აგისრულდეთ: ფერი-თილისმა ზოდიაქოს ნიშნის მიხედვით>>

სასწორი

სასწორებს შემოდგომის ბუნიობა სასიამოვნო ცვლილებებს მოგიტანთ, ეს კი შემდგომ დიდ ცვლილებებში შეიძლება გადაიზარდოს. ახლა აუცილებელია მოვლენების ჩაკეტილი წრე გაირღვეს და განვითარების ახალ საფეხურზე გადახვიდეთ. ასტროლოგები გირჩვენ, შეჩერდეთ, დაფიქრდეთ და შეგნებულად დაანგრიოთ ის, რასაც დიდი ხანია, ვერ ელევით. თქვენ წინაშე გაიხსნება ახალი ცხოვრება და მომავლისკენ დიდ ნატომს გააკეთებთ.

მორიელი

მორიელებს სამყარო უკეთესი ცხოვრებისთვის მძლავრ იმპულსს მოგცემთ. 22 სექტემბერს საკუთარი მიზნების განხორციელებისთვის ძლიერ ბიძგს მიიღებთ. ასტროლოგები გირჩევენ, შეადგინოთ სურვილების ჩამონათვალი და მათ რელაიზებას შეუდგეთ. ბუნიობა ენერგიის მძლავრ „აფეთქებას“ მოიტანს, რომელიც მნიშვნელოვან საქმეზე უნდა მიმართოთ, რათა დიდი ხნის სურვილი აისრულოთ.

მშვილდოსანი

შემოდგომის დღეღამტოლობა მშვილდოსნებს რეფლექსიის მდგომარეობას მოგიტანთ. თქვენ მიაღწევთ გარკვეულ სიმაღლეს და რაღაც პერიოდი ჰარმონიულ მდგომარებასა და ნელ მოძრაობაში იქნებით. არ ღირს სამყაროსთან დაპირისპირება, სჯობს, დატკბეთ მიღწეულით – რასაც ბუნიობის დღისთვის მიაღწიეთ. ასევე კარგი იქნება, თუ შინაგან სამყაროში „ჩაიხედავთ“ და თქვენს „ბნელ“ მხარეებს შეიცნობთ.

ვინ იყავით წინა ცხოვრებაში, ანუ რას გვიამბობს ზოდიაქოს ნიშანი თქვენს კარმაზე>>

თხის რქა

თხის რქებს 22 სექტემბრიდან თითქმის ნოემბრის შუა რიცხვებამდე ტრანსფორმაცია გელოდებათ. ასტროლოგების თქმით, ეს პროცესი მარტივი და მსუბუქი იქნება, მაგრამ ყველასთვის – არა, ამიტომ მნიშვნელოვანია, გაიაროთ კარმული გამოცდა, რათა განიწმინდოთ სხეული და გონება ყველაფერი ზედმეტისგან, რათა უფრო მეტი მიიღოთ. მნიშვნელოვანია მკაფიო მიზნების დასახვა უახლოესი თვეებისთვის და ამ მიმართულებით მტკიცე ნაბიჯებით სვლა.

მერწყული

მერწყულებისთვის ბუნიობის გარდამტეხი დღე, შესაძლოა, რთული აღმოჩნდეს. ასტროლოგები გირჩევენ, მოემზადოთ ამ გამოცდისთვის და თუ საჭიროა, შეჩერდეთ, ღრმად ჩაისუნთქ–ამოისუნთქოთ, გადაერთოთ საკუთარ თავზე, თავი აარიდოთ საინფორმაციო ნაკადებს. ეს „ამოსუნთქვა“ დაგეხმარებათ აზრების სტრუქტურიზებაში, მიზნების განსაზღვრაში, ამოცანების დასახვასა და მათი რეალიზებისთვის აუცილებელი ენერგიის მომარაგებაში.

თევზები

მიუხედავად ენერგეტიკის მკვეთრი ცვლილებისა, თევზები სულიერ მხნეობას არ დაკარგავთ. 22 სექტემბერს გაგიჩნდებათ გამარჯვების განწყობა, მაგრამ არაა გამორიცხული, რომ ყველაფერი ისე არ წავიდეს, როგორც გსურთ. მთავარი ამოცანაა, არ ჩარადეთ პანიკაში, აპათიაში, ცხვირი არ ჩამოუშვათ. რაც უფრო მალე აიყვანთ თავს ხელში, მით მალე მოიპოვებთ ძალისა და ენერგიის ახალ და საჭირო დონეს.

0