იაკობ გოგებაშვილი

წლის საუკეთესო ავტორი და ილუსტრატორი საქართველოში კონკურსი გამოცხადდა

99
(განახლებულია 20:10 08.09.2020)
პროექტის მიზანი საბავშვო ლიტერატურაში პროცესების ხელშეწყობა, ასევე თანამედროვე საბავშვო ავტორებისა და ილუსტრატორების მოტივირება და წახალისებაა.

თბილისი, 8 სექტემბერი — Sputnik. საქართველოს მწერალთა სახლმა იაკობ გოგებაშვილის სახელობის საბავშვო–საყმაწვილო ლიტერატურული პრემიის მოსაპოვებლად კონკურსი გამოაცხადა, ნათქვამია ორგანიზაციის მიერ გავრცელებულ განცხადებაში.

იაკობ გოგებაშვილის სახელობის საბავშვო–საყმაწვილო ლიტერატურული პრემია 2017 წელს დაწესდა. კონკურსი საქართველოს განათლების, მეცნიერების, კულტურისა და სპორტის სამინისტროსა და მწერალთა სახლის ინიციატივით იმართება. 

პროექტის მიზანი საბავშვო ლიტერატურაში პროცესების ხელშეწყობა, ასევე თანამედროვე საბავშვო ავტორებისა და ილუსტრატორების მოტივირება და წახალისებაა.

პრემია, ტრადიციულად, წელიწადში ერთხელ სამ ასაკობრივ კატეგორიაში გაიცემა: ყველაზე პატარებისთვის (3-6 წელი), პატარებისთვის (7–12 წელი) და მოზარდებისთვის (+13). პრემია წარმოადგენს პრიზს და ფულად ჯილდოს (პრემიის ოდენობა კატეგორიაზე იქნება დამოკიდებული).

კონკურსი რვა ნომინაციაშია გამოცხადებული: საუკეთესო პოეტური წიგნი, საუკეთესო პროზაული წიგნი, საუკეთესო ილუსტრირებული წიგნი, საუკეთესო საბავშვო დრამატურგია, საუკეთესო დებიუტი, საუკეთესო ინოვაციური პროექტი, საუკეთესო ნათარგმნი საბავშვო/საყმაწვილო წიგნი და პრემია საბავშვო ლიტერატურაში გაწეული ღვაწლისთვის.

კონკურსში მონაწილეობისთვის განაცხადების მიღება 10–24 სექტემბრის პერიოდში მოხდება. ნამუშევრებს ხუთკაციანი  კონფიდენციალური ჟიური შეაფასებს.

99
თემები:
საქართველო და კულტურა (996)
წინანდლის პრემიის ლოგოტიპი 2017 წელს

ცნობილი გახდა „წინანდლის პრემია 2020“-ის ლაურეატების ვინაობა

20
(განახლებულია 20:00 03.12.2020)
კონკურსის ფარგლებში ახალგაზრდა მეცნიერებსა და ხელოვანებს შეეძლოთ წარედგინათ 2020 წლის განმავლობაში რეალიზებული საინტერესო და მნიშვნელოვანი პროექტები.

თბილისი, 3 დეკემბერი – Sputnik. ზურაბ ჟვანის სახელობის „წინანდლის პრემიის“ ჟიურიმ მეცნიერებისა და ხელოვნების სხვადასხვა სფეროში 2020 წლის ლაურეატები გამოავლინა.

ნომინაციაში „თეატრალური ხელოვნება“ გაიმარჯვა შალვა დადიანის სახელობის ზუგდიდის დრამატული თეატრის რეჟისორმა დავით თურქიაშვილმა სპექტაკლისთვის „უხერხემლო“.

კინოხელოვნების კატეგორიაში გაიმარჯვეს კინორეჟისორებმა საბა ქარელმა და მირიან ორაგველიძემ მოკლემეტრაჟიანი დოკუმენტური ფილმისთვის „მამის პორტრეტი ინტერიერში“.

კატეგორიაში „მუსიკალური ხელოვნება“ ლაურეატი გახდა ანუშკა ჩხეიძე - ელექტრონული მუსიკის კომპოზიტორი სადებიუტო ალბომისთვის Halfie (CES Records).

ნომინაციაში „მხატვრული ლიტერატურა (პოეზია)“ გაიმარჯვა პოეტმა გიორგი შონიამ პოეტური კრებულით „რობოტების ყვავილები“, ხოლო ამავე ნომინაციის პროზის კატეგორიაში მწერალმა ივა ფეზუაშვილმა რომანით „ბუნკერი“.

„სახვითი ხელოვნების“ კატეგორიაში ლაურეატია მხატვარი შოთიკო აფციაური ინსტალაციით „ტყის ჭრა, ტაძრის შენება“.

კატეგორიაში „ზუსტი და საბუნებისმეტყველო მეცნიერებები“ გაიმარჯვა მოლეკულური ბიოლოგიის სპეციალისტმა ცოტნე ჩიტიაშვილმა ნაშრომისთვის „ცილების ნაკრები განაპირობებს Xist არამაკოდირებელი რნმ-ის ლოკალიზაციას ბირთვში და გენების ინაქტივაციას“.

კატეგორიაში „ჰუმანიტარული მეცნიერებები“ გამარჯვება ერგო ისტორიკოს ნიკა ხოფერიას ნაშრომისათვის „გვიან ანტიკური საქართველოს სამხედრო ისტორია“.

„წინანდლის პრემიის“ გამარჯვებულები დაჯილდოვდებიან დიპლომებით, პრიზებითა და ფულადი ჯილდოებით.

კონკურსი დისტანციურ ფორმატში 21 სექტემბრიდან 21 ოქტომბრამდე მიმდინარეობდა. კონკურსის ფარგლებში ახალგაზრდა მეცნიერებსა და ხელოვანებს 2020 წლის განმავლობაში რეალიზებული საინტერესო პროექტების წარდგენის შესაძლებლობა ჰქონდათ.

20
თემები:
საქართველო და კულტურა (996)
ანიტა რაჭველიშვილი

ანიტა რაჭველიშვილი გერმანიაში წლის საუკეთესო საოპერო მომღერლად დაასახელეს

34
(განახლებულია 19:04 03.12.2020)
გამოცემამ, რომელიც აქცენტს საოპერო ხელოვნებაზე აკეთებს, ქართველ მეცო–სოპრანოს 2020 წლის საუკეთესო ხმა უწოდა.

თბილისი, 3 დეკემბერი – Sputnik. ქართველი მეცო-სოპრანო ანიტა რაჭველიშვილი გერმანული პრესტიჟული ჟურნალის Оper! Magazin დეკემბრის გარეკანზე მოხვდა – საოპერო მომღერალი 2020 წლის საუკეთესო მომღერლად დასახელდა.

რაჭველიშვილმა თავის Facebook-გვერდზე ყველას მადლობა გადაუხადა და აღნიშნა, რომ ბედნიერია ამ საოცარი ჯილდოს გამო.

Оper! საერთაშორისო გამოცემაა, რომელიც საოპერო ხელოვნებითაა დაინტერესებული. დაარსდა 2015 წელს და ყოველთვიურად გამოდის. გამოცემა ხელმისაწვდომია გერმანიაში, ავსტრიასა და შვეიცარიაში, ასევე ხელმომწერებისთვის მთელ მსოფლიოში. აქვს ციფრული ვერსიაც.

ანიტა რაჭველიშვილი თბილისში დაიბადა, დაამთავრა ვანო სარაჯიშვილის სახელობის თბილისის სახელმწიფო კონსერვატორია ვოკალის განხრით. საქართველოში ანიტა რაჭველიშვილის დებიუტი საოპერო სტუდიაში შედგა, სადაც ვერდის ოპერა „რიგოლეტოში" მადალენასა და ჩაისკოვსკის „ევგენი ონეგინში" ოლგას პარტიები შეასრულა.

2006 წლის შემოდგომაზე მომღერალი თბილისის ოპერისა და ბალეტის თეატრში მიიღეს, ხოლო ერთი წლის შემდეგ სასწავლებლად მილანის „ლა სკალას" თეატრის აკადემიაში მიიწვიეს.

ანიტა რაჭველიშვილი საერთაშორისო არენაზე ცნობილი 2009 წლის 7 დეკემბრიდან გახდა, როდესაც „ლა სკალას" სეზონის გახსნაზე „კარმენში" მთავარი პარტია შეასრულა. მომღერლის სადებიუტო სპექტაკლმა ევროპულ სცენაზე უდიდესი წარმატებით ჩაიარა, სპექტაკლს მსოფლიოს მრავალი ტელეარხი გადასცემდა.

ანიტა რაჭველიშვილმა ჩიკაგოელი მსმენელი აღაფრთოვანა>>

2011 წელს შედგა რაჭველიშვილის დებიუტი ნიუ-იორკის „კარნეგი ჰოლში", სადაც შეასრულა პრინცესა დე ბუიონის პარტია ჩილეას ოპერაში „ადრიანა ლეკურერი".

სენ-სანსის ოპერაში „სამსონი და დალილა" დალილას პარტიის შესრულებისთვის რაჭველიშვილმა მიიღო Bachtrack Opera Awards-ის პრემიის წოდება „საუკეთესო მომღერალი".

34
თემები:
საქართველო და კულტურა (996)
ყვავილები ზღვის სანაპიროზე

2021 წლის ჰოროსკოპი: მორიელი ფინანსები, სიყვარული, ჯანმრთელობა

0
(განახლებულია 11:09 03.12.2020)
როგორი იქნება 2021 წელი მორიელებისთვის, რას მოუტანს ის ამ ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

მორიელები ის ადამიანები არიან, რომლებიც რთული სიტუაციიდან გამოსავალს ყოველთვის იპოვიან. 2021 წელს ასეთი რთული ვითარება შეიძლება ბევრი იყოს, რაც ნიშნავს, რომ დგება დრო, როცა მორიელებმა მათთვის დამახასიათებელი მთელი სიფრთხილე და მძლავრი ინტუიცია უნდა აამუშაონ.

2021 წელი ძალზე დინამიკური იქნება. დგება ხანა, როდესაც უკვალოდ არაფერი ჩაივლის, ამიტომ მნიშვნელოვანია, გახსოვდეთ თითოეული თქვენი საქციელის შედეგები.

მორიელებმა ყურადღება უნდა მიაქციოთ მნიშვნელოვან ასტროლოგიურ მოვლენებს, როგორიცაა დაბნელებები და რეტროგრადული პლანეტები. ამ მოვლენებმა თქვენი ცხოვრება, შესაძლოა, ძალიან შეცვალოს.

მამაკაცი მორიელი

წლის დასაწყისი მამაკაცი მორიელებისთვის ძალზე იღბლიანი აღმოჩნდება, შეძლებთ ყურადღების გამახვილებას მნიშვნელოვანი პრობლემების გადაჭრაზე ცხოვრების ყველა სფეროში. ენერგეტიკული ე.წ. უძრაობის დრო გაზაფხულის მიწურულს დადგება. იმ დროისთვის, სჯობს, ყველა მნიშვნელოვანი საქმე დაასრულოთ, რადგან ზაფხულის დადგომისას საამისოდ, შესაძლოა, ძალები აღარ გეყოთ.

ფინანსები და სამუშაო: ამ სფეროში წარმატებები გელოდებათ. მთავარია, ფინანსები სწორად გადაანაწილოთ – გადადოთ გარკვეული თანხა დანაზოგის სახით სამომავლოდ და უაზრო და უსარგებლო ნივთების შეძენაში ფული არ დახარჯოთ. ყველაზე ძვირადღირებული ნივთების ყიდვა წლის დასასრულისთვის გადადეთ.

სიყვარული და ურთიერთობები: სიყვარულის სფეროში მამაკაცი მორიელებისთვის ყველაფერი სტაბილურად იქნება. თამამად შეგიძლიათ ახალი ურთიერთობების დაწყება ან ძველის განახლება. 2021 ის დროა, როცა პრობლემების გარეშე შეიძლება ნებისმიერ ადამიანთან საერთო ენის გამონახვა.

განწყობა და ჯანმრთელობა: უმეტეს ვითარებაში მშვიდ და პოზიტიურ განწყობას შეინარჩუნებთ. სჯობს, არ დაიძაბოთ. თუ რამე საქმის მიტოვების სურვილი გაგიჩნდებათ, კარგად დაფიქრდით, რომ შეცდომა არ დაუშვათ.

კრიმინალური ტალანტი ზოდიაქოს ნიშნის მიხედვით>>

ქალი მორიელი

ქალ მორიელებს ძალზე პოზიტიური წელი გელოდებათ. ვარსკვლავები დაგეხმარებიან ყველაფერში, რომ საუკეთესო შედეგებს მიაღწიოთ. იქნებით შთაგონებით სავსე, გექნებათ მოტივაცია და იღბალი არ მიგატოვებთ. ერთადერთი, რაც აუცილებელია, ეს საქმეების წინასწარ დაგეგმვაა.

ფინანსები და სამუშაო: ქალ მორიელებს დიდი წარმატება გელოდებათ შემოქმედებით საქმიანობაში – დიზაინში, მუსიკასა და კინოში. ასტროლოგები გირჩევენ, თანხა ეკონომიურად ხარჯოთ. თუ რამე მნიშვნელოვანი და ძვირფასი ნივთის შეძენა გახდება საჭირო, ინტუიციასა და იღბალს მიენდეთ.

სიყვარული და ურთიერთობები: ვარსკვლავები ბევრად მომხიბლავსა და მიმზიდველს გაგხდიან. მეორე ნახევრის პოვნა თქვენთვის სირთულე არ იქნება, განსაკუთრებით წლის დასაწყისში. ზაფხული და შემოდგომის დასაწყისი იდეალური პერიოდია დროის ოჯახთან გასატარებლად. ძალზე იღბლიანი იქნება ერთობლივი მოგზაურობა, მოახერხებთ არსებული ურთიერთობების გამტკიცებას.

ზოდიაქოს ნიშნების ვენდეტა>>

განწყობა და ჯანმრთელობა: მორიელმა ქალებმა 2021 წელს მეტი დრო უნდა დაუთმოთ დასვენებას, უნდა მოერიდოთ გადაღლას. ბევრს თუ იმუშავებთ და ცოტას დაისვენებთ, უბრალოდ, „გადაიწვებით“. დაღლილობამ ცხოვრებაში „შავი პერიოდის“ დაწყებაც კი შეიძლება გამოიწვიოს.

გაეცანით ასევე 2021 წლის ჰოროსკოპს ვერძების, კუროების, ტყუპების, კირჩხიბების, ლომების, ქალწულების, სასწორებისთვის.

0