ბავშვები

ქართველი სუპერგმირები: ბავშვებს „პირველ არხზე“ ახალი მულტფილმი ელოდებათ

98
(განახლებულია 18:49 01.09.2020)
პროექტზე მუშაობა თითქმის ერთი წელიწადი გრძელდებოდა. ავტორები შეეცადნენ ბავშვებისთვის ისეთი მულტიპლიკაციის შეთავაზებას, რომელიც გასართობიც იქნებოდა და შემეცნებითიც.

თბილისი, 1 სექტემბერი — Sputnik. ქართველ ბავშვებს ახალ მულტიპლიკაციურ სერიალ „მაშველებს" „პირველი არხი“ 11 სექტემბრიდან სთავაზობს, ნათქვამია საზოგადოებრივი მაუწყებლის ვებ-გვერდზე გავრცელებულ განცხადებაში.

ნორჩი მაყურებელი 16 სერიას იხილავს, რომელშიც მთავარ გმირებს სხვადასხვა წინააღმდეგობის გადალახვა მოუწევთ. სერიალი, რომელიც „პირველი არხის“ ყოფილი გენერალური დირექტორის ვასილ მაღლაფერიძის იდეით შეიქმნა, ბავშვებს მთავარი გმირების საინტერესო თავგადასავლებზე მოუთხრობს.

ორი სეზონის მანძილზე პატარა მაშველებს – ბუბას, ნიკოს, მიას, ძაღლ ამოს და ბაბუა ამირან ღლონტს წინ ბევრი თავგადასავალი ელოდებათ.

„ჩვენ საკმაოდ რთული გზა გავიარეთ, რადგანაც საქმე ბავშვებს ეხება. საჭიროა ფრთხილი მიდგომა, რათა პირველ რიგში დავიცვათ ისინი. ამიტომ ამ სერიალზე ბავშვთა ფსიქოლოგი მუშაობდა", – განაცხადა ტელეარხის გენერალური დირექტორის მოვალეობის შემსრულებელმა თინათინ ბერძენიშვილმა.

პროექტზე მუშაობა თითქმის ერთი წელიწადი გრძელდებოდა. ავტორები შეეცადნენ ბავშვებისთვის ისეთი მულტიპლიკაციის შეთავაზებას, რომელიც გასართობიც იქნებოდა და შემეცნებითიც.

98
ქალაქი ზუგდიდი

ზუგდიდში თანამედროვე ხელოვნების ფესტივალი იხსნება

21
(განახლებულია 15:43 19.09.2020)
ფესტივალის მიზნად ისახავს რეგიონებში თანამედროვე ქართული ხელოვნების განვითარებას და კულტურული ცხოვრების გააქტიურებას

თბილისი, 19 სექტემბერი - Sputnik. ცნობილი ქართველი პოეტები, მწერლები, რეჟისორები და მუსიკოსები მიიღებენ მონაწილეობას თანამედროვე ხელოვნების ფესტივალში F5, რომელიც შაბათს, 19 სექტემბერს ზუგდიდში იხსნება.

ფესტივალი ორდღიანია და ბოტანიკურ ბაღში გაიმართება. ღონისძიება, რომელიც ტრადიციულად მოიცავს ლიტერატურულ და მუსიკალურ პროგრამებს, ზუგდიდში უკვე მესამედ იმართება. მისი ორგანიზატორებია ორი ახალგაზრდა ქართველი პოეტი, ნიკა ლაშხია და გიორგი შონია. ფესტივალის მხარდამჭერია განათლების, მეცნიერების, კულტურისა და სპორტის სამინისტრო და მწერალთა სახლი.

ფესტივალი მიზნად ისახავს თანამედროვე ქართული ხელოვნების პოპულარიზაციას და რეგიონების კულტურულ ცხოვრებაში ჩაბმას.

წელს ფესტივალზე პირველად გაიმართება დოკუმენტური კინოს სექცია, რომელსაც ეროვნული კინოცენტრი წარადგენს. ფესტივალის ლიტერატურულ ნაწილში წელს მონაწილეობას მიიღებენ ისეთი ლიტერატორები, როგორიცაა ზურაბ ქარუმიძე, თამთა მელაშვილი, დათო ბარბაქაძე, შაკო ბაკურაძე, ცოტნე ცხვედიანი, ქეთი ქანთარია და სხვ.

ფესტივალის მონაწილეები შეეხებიან ისეთ თემებს, როგორიცაა ქალის ხმა ქართულ ლიტერატურაში, ქართული თარგმანის დღევანდელი პრობლემატიკა, ქალაქები და წმინდანები.

მუსიკალურ პროგრამაში წარდგება ჯგუფი „წერილი“ და ქანთრი-მუსიკოსი შოთა ადამაშვილი. ფესტივალზე დასწრება თავისუფალია.

21
თემები:
საქართველო და კულტურა
საკო წოწორია

ქართველი მოდელი Audi-ს რეკლამაში გადაიღეს

141
(განახლებულია 21:52 16.09.2020)
Audi España-სთვის გადაღებულ ვიდეორგოლში, რომელიც ესპანურ აუდიტორიაზეა გათვლილი, ქართველი მოდელი ახალგაზრდა ინფლუენსერის როლში წარდგა

თბილისი, 16 სექტემბერი — Sputnik. ქართველი მოდელი საკო წოწორია გერმანული მანქანათმშენებელი კომპანია Audi-ს ახალი სარეკლამო რგოლის მთავარი გმირი გახდა.

To be an Influencer („იყო ინფლუენსერი“) - ასეთი სახელწოდება აქვს Audi-ს ახალ სარეკლამო რგოლს, რომელიც რეჟისორმა პაბლო ოლივერამ კომპანია Garage Films Production-თან და სარეკლამო სააგენტო DDB España-თან თანამშრომლობით ესპანური აუდიტორიისთვის შექმნა.

Audi España-სთვის გადაღებულ ვიდეორგოლში ქართველი მოდელი ახალგაზრდა ინფლუენსერის როლში წარდგა. ის ფოლოვერებს სოციალურ ქსელებში თავისი ცხოვრების დეტალებს უზიარებს, ქმნის კონტენტსა და ტრენდებს. თუმცა ის, რაც მას განუმეორებელსა და გამორჩეულს ხდის - ეს არის ავტომობილი Audi.

საკო წოწორია ბევრმა გაიცნო სამოდელო პროექტ „ტოპ-გოგოს“ შემდეგ. სამოდელო კარიერის გარდა, საკომ სხვა სფეროებიც მოსინჯა. ის მუშაობდა მენეჯერად სასტუმროებში, ასევე ჟურნალისტიკაში: წერდა ჟურნალისთვის „თავისუფალო დრო“ და სააგენტო Marketer-ისთვის.

141
თემები:
საქართველოს სიამაყე
კაცი პისტოლეტით ხელში

ხაშურში კომპანიის მენეჯერმა ყოფილი თანამშრომელი მოკლა

0
(განახლებულია 16:03 19.09.2020)
ინციდენტის დროს მაღაზიის მენეჯერმა ჯერ ჰაერში გამაფრთხილებელი გასროლა განახორციელა, შემდეგ კი თავდამსხმელს ესროლა და სასიკვდილოდ დაჭრა

თბილისი, 19 სექტემბერი – Sputnik. ხაშურის მუნიციპალიტეტში დანით შეიარაღებული მამაკაცი სამშენებლო კომპანიის ოფისში შეიჭრა - ის ამავე კომპანიის მენეჯერმა მოკლა, იუწყება „პირველი არხი“.

ტელეარხის ინფორმაციით, მენეჯერმა ჰაერში გამაფრთხილებელი გასროლა განახორციელა, შემდეგ კი თავდამსხმელს ესროლა და სასიკვდილოდ დაჭრა. დაჭრილი მამაკაცი საავადმყოფოში მიყვანისთანავე გარდაიცვალა.

მოკლული ამავე კომპანიის ყოფილი თანამშრომელია.

შემთხვევა პარასკევს მოხდა.

გამოძიება სსკ-ის 117-ე (ჯანმრთელობის განზრახ მძიმე დაზიანება) და 236-ე (ცეცხლსასროლი იარაღის მართლსაწინააღმდეგო შეძენა, შენახვა, ტარება) მუხლებით მიმდინარეობს.

0
თემები:
კრიმინალი საქართველოში