ქუთაისის ახალგაზრდული ცენტრის ილუსტრატორების ნახატები საფრანგეთის დედაქალაქის მეტროში გამოიფინა.

ქართული ფოლკლორი პარიზის მეტროში: რას შეიტყობენ საქართველოს შესახებ ფრანგები

460
(განახლებულია 10:14 30.08.2020)
ახალგაზრდა ქუთაისელი ილუსტრატორების ფერწერული ნახატების წყალობით ქართულ ფოლკლორს პარიზელებიც გაეცნობიან

თბილისი, 30 აგვისტო – Sputnik. ახალგაზრდა ქუთაისელი მხატვრების ნამუშევრებს გაეცნობიან პარიზის მეტროპოლიტენის მგზავრები - ქუთაისის ახალგაზრდული ცენტრის ილუსტრატორების ნახატები საფრანგეთის დედაქალაქის მეტროში გამოიფინა.

ილუსტრაციები შექმნილია ქართული ზღაპრების კრებულისთვის „გვრიტისთვის“. წიგნი დაიბეჭდა პარიზში, გამომცემლობა „მედუზაში“ (Medusa). სავარაუდოდ, უახლოეს პერიოდში გამოცემა იქნება წარმოდგენილი სხვადასხვა წიგნის საერთაშორისო ბაზრობებსა და ფესტივალებზე.

„ჩვენთვის ნამდვილად მნიშვნელოვანი და სასიამოვნო გამოცდილება იყო ამ პროექტზე მუშაობა. გვიხარია, რომ ფრანგი მკითხველი ქართულ ხალხურ ზღაპრებს გაეცნობა და თან ქუთაისის ახალგაზრდული ცენტრის მოსწავლეთა მიერ მხატვრულად გააზრებულ პერსონაჟებს აღმოაჩენს“, - განაცხადა ცენტრის დირექტორმა ნატალია პატარიძემ.

როგორც ორგანიზაციის ხელმძღვანელი აღნიშნავს, ახალგაზრდული ცენტრის აღსაზრდელების ნამუშევრები საფრანგეთში პირველად არ გამოიფინება. 2019 წელს პარიზში მოეწყო გამოფენა, რომელიც ქართულ-ფრანგულ ურთიერთობებს მიეძღვნა. სწორედ მაშინ შეხვდნენ მხატვრები გამომცემლობის წარმომადგენლებს, სადაც მსგავსი შეთავაზება მიიღეს.

საფრანგეთის მეტროს კომერციული დირექტორი დამიან დიურანი ასე ეხმაურება ამ მოვლენას სოციალურ ქსელში:

„მეგობრებო, პარიზის მეტროში თუ აღმოჩნდებით მომდევნო დღეებში, ოცნებებიც შეგხვდებათ. ბოლო რამდენიმე დღეა გამოცემა „მედუზამ“ შთამბეჭდავი ფორმატი შემოგვთავაზა საქართველოში გასეირნების, ეს ნამდვილი მოსაწვევია მოგზაურობაზე. მაია გიორხელიძის წიგნები გთავაზობთ გასაოცარ პერსონაჟებს, რომლებსაც დიდი მორალური ღირებულება აქვთ. იპოვეთ ეს პოსტერები დერეფანში და შეხვდით ბრძენ მელას, გაიცანით მტრედი ჩიპი და მისი ერთგული მეგობარი ჭიანჭველა, ასევე სხვა პერსონაჟები, რომლებსაც ბევრი რამ აქვთ თქვენთვის სათქმელი“, - წერს დიურანი.

 

 

460
თემები:
საქართველო და კულტურა (929)
ლეონიდ პარფიონოვის სრულმეტრაჟიანი დოკუმენტური ფილმი „რუსი ქართველები“

„ინ ქვევრი ვერიტას“: პარფიონოვი საქართველოში ფილმის გადასაღებად ჩამოვიდა

101
(განახლებულია 12:55 19.09.2020)
ქართული მეღვინეობის უმდიდრესი ისტორია არ დარჩენილა ცნობილი ენოფილის და ჟურნალისტის ლეონიდ პარფიონოვის ყურადღების მიღმა

თბილისი, 19 სექტემბერი - Sputnik. ცნობილი ჟურნალისტი ლეონიდ პარფიონოვი ესტუმრა საქართველოს დოკუმენტური ფილმის In Qvevri Veritas გადასაღებად.

ქართველი მსახიობი რუსი რეჟისორის ფილმში სერგო ორჯონიკიძეს განასახიერებს >>

პარფიონოვთან ერთად ფილმზე მუშაობენ ტელეკომპანია „იმედი“, რეჟისორი სერგეი ნურმამედი და ოპერატორი დმიტრი კრილოვი. საწნახელში ყურძნის ფეხით დაწურვის უძველესი წესის ამსახველი ვიდეო მან Facebook-ზე ატვირთა.

„ყველას სალამი! ეს საქართველოა. მეტიც, ეს კახეთია. უფრო მეტიც, ეს წინანდლის მამულია. ეს კი საწნახელია, რომელშიც ყურძენს ჭყლეტენ. ეს კი ჩვენ დავიწყეთ ფილმის გადაღება „ინ ქვევრი ვერიტას“, - ამბობს ჟურნალისტი.

პარფიონოვის თქმით, როგორც იქნა მან პირველად დაიწყო ფილმის გადაღება ღვინოზე და „სხვა არაფერზე“. ფილმის პრემიერა, სავარაუდოდ, 2021 წლის გაზაფხულზე გაიმართება.

რა თქმა უნდა, პარფიონოვის გამომწერებს გაუჩნდათ კითხვა, როგორ მოხვდა ჟურნალისტი საქართველოში - პანდემიისა და დახურული საზღვრების პირობებში. ამაზე მან მოკლე, მაგრამ შინაარსიანი პასუხი გასცა: „საქმიანი ვიზა + ოპერატიული შტაბის გადაწყვეტილება + კარანტინის ერთი დღე უარყოფითი პასუხის შემდეგ“.

ლეონიდ პარფიონოვი საქართველოში კინოს პირველად არ იღებს. ადრე თეატრისა და კინოს ქართველი მსახიობების მონაწილეობით მან გადაიღო აქ ზოგიერთი სცენა ციკლიდან „რუსი ქართველები“.

„რუსი ქართველები“ დიდი პროექტის ნაწილია. რუსი ებრაელების შესახებ ტრილოგია გამოვიდა 2016–2017 წლებში და ის ხელმისაწვდომია ქსელში. ჩანაფიქრშია ასევე რუსი გერმანელების ისტორიის პროექტის განხორციელება. ქართველების შესახებ დილოგიის პირველი ფილმი მოიცავს მე-19 საუკუნის დასაწყისიდან 1939 წლამდე პერიოდს. კინოპროექტში მოთხრობილია ქართველების ისტორიული როლის შესახებ რუსეთისა და საბჭოთა პოლიტიკაში, კულტურასა და მეცნიერებაში.

101
თემები:
ღვინის კულტურა და მეღვინეობა
ქალაქი ზუგდიდი

ზუგდიდში თანამედროვე ხელოვნების ფესტივალი იხსნება

53
(განახლებულია 15:43 19.09.2020)
ფესტივალის მიზნად ისახავს რეგიონებში თანამედროვე ქართული ხელოვნების განვითარებას და კულტურული ცხოვრების გააქტიურებას

თბილისი, 19 სექტემბერი - Sputnik. ცნობილი ქართველი პოეტები, მწერლები, რეჟისორები და მუსიკოსები მიიღებენ მონაწილეობას თანამედროვე ხელოვნების ფესტივალში F5, რომელიც შაბათს, 19 სექტემბერს ზუგდიდში იხსნება.

ფესტივალი ორდღიანია და ბოტანიკურ ბაღში გაიმართება. ღონისძიება, რომელიც ტრადიციულად მოიცავს ლიტერატურულ და მუსიკალურ პროგრამებს, ზუგდიდში უკვე მესამედ იმართება. მისი ორგანიზატორებია ორი ახალგაზრდა ქართველი პოეტი, ნიკა ლაშხია და გიორგი შონია. ფესტივალის მხარდამჭერია განათლების, მეცნიერების, კულტურისა და სპორტის სამინისტრო და მწერალთა სახლი.

ფესტივალი მიზნად ისახავს თანამედროვე ქართული ხელოვნების პოპულარიზაციას და რეგიონების კულტურულ ცხოვრებაში ჩაბმას.

წელს ფესტივალზე პირველად გაიმართება დოკუმენტური კინოს სექცია, რომელსაც ეროვნული კინოცენტრი წარადგენს. ფესტივალის ლიტერატურულ ნაწილში წელს მონაწილეობას მიიღებენ ისეთი ლიტერატორები, როგორიცაა ზურაბ ქარუმიძე, თამთა მელაშვილი, დათო ბარბაქაძე, შაკო ბაკურაძე, ცოტნე ცხვედიანი, ქეთი ქანთარია და სხვ.

ფესტივალის მონაწილეები შეეხებიან ისეთ თემებს, როგორიცაა ქალის ხმა ქართულ ლიტერატურაში, ქართული თარგმანის დღევანდელი პრობლემატიკა, ქალაქები და წმინდანები.

მუსიკალურ პროგრამაში წარდგება ჯგუფი „წერილი“ და ქანთრი-მუსიკოსი შოთა ადამაშვილი. ფესტივალზე დასწრება თავისუფალია.

53
თემები:
საქართველო და კულტურა (929)
პეიზაჟი

კვირის ასტროპროგნოზი: სიყვარული, ფინანსები, სამუშაო 21–27 სექტემბერი

0
(განახლებულია 22:47 19.09.2020)
სექტემბერიც მალე მიილევა. ასტროლოგები მოგვითხრობენ, როგორ იმოქმედებენ ღამის მანათობლები ამ პერიოდში და როგორ უნდა ვიმოქმედოთ ჩვენ.

ამ კვირაში, სავარაუდოდ, ზოდიაქოს ბევრ ნიშანს ჩვეულებრივზე ნაკლები ძალა და მოტივაცია ექნება, მაგრამ ამის გამოსწორება შეიძლება. თითოეულ ნიშანს ძალისა და ენერგიის თავისი წყარო აქვს. ასტროლოგები გვირჩევენ, გამოვიყენოთ ჩვენი ფარული რეზერვები, რათა მანათობლების ნეგატიურ ზემოქმედებას გავუმკლავდეთ.

ვერძი

ვერძებს არცთუ მარტივი კვირა გელოდებათ, რადგან საქმე ბევრი გექნებათ და ხშირად მათი კონტროლი გაგიჭირდებათ. რაღაც მომენტებში შეიძლება დაიბნეთ კიდეც.

მოგიწევთ მოთმინებით აღჭურვა და ამასთან ფრთხილად მოქმედება. ასეთ რიტმში მუშაობა გიჭირთ, რადგან სწრაფად გინდათ წარმატების მიღწევა ყველაფერში, მაგრამ ახლა არ უნდა იჩქაროთ გადაწყვეტილებების მიღება, არ უნდა თქვათ დაუფიქრებელი ფრაზები. ამან, შესაძლოა, თქვენი გეგმებიდან ყველაფერი გააცამტვეროს. განსაკუთრებული სიფრთხილე გმართებთ 23 და 24 სექტემბერს.

ტიბეტური ჰოროსკოპი და ცხრილი – რომელი ცხოველია თქვენი მფარველი დაბადების წლის მიხედვით>>

კურო

კუროებს ტოქსიკურ ადამიანებთან გელოდებათ შეხვედრები, ასევე უსიამოვნებები სამსახურში ან საქმიანობაში. კარგი იქნება, თუ დროდადრო საკუთარ აურას გაასუფთავებთ. საუკეთესო ხერხია, არ „ჩაიციკლოთ“ უსიამოვნებებზე, რადგან ფიქრი ცუდ რამეებზე ცნობიერებას აბინძურებს და იღბალს დევნის. თუ შინაგანად მისცემთ თავს ბედნიერების უფლებას, ფორტუნაც არ დააყოვნებს.

კვირის ყველაზე ხელსაყრელი დღეები იქნება პარასკევი და უქმეები. ამ დღეებში ვარსკვლავები და პლანეტები სრულ ჰარმონიაში იქნებიან. შაბათ–კვირას გააკეთეთ ის, რაც მოგესურვებათ, ან სულაც არაფერი გააკეთოთ – ეს თქვენს ნება–სურვილზეა დამოკიდებული.

ტყუპი

სექტემბრის ბოლოს ჩვეულებრივზე მეტი მუშაობა და ძალისხმევის გამოჩენა მოგიწევთ. მნიშვნელოვანი მომენტი იქნება მეტოქეებისა და კონკურენტების ფხიზლად შეფასება. არ ღირს არაკეთილმოსურნეების არასათანადოდ შეფასება – მათ შორის, შესაძლოა, ძალზე ეშმაკი ადამიანები აღმოჩნდნენ.

რაც შეეხება სასიყვარულო სფეროს, მნიშვნელობის მხრივ ის ფინანსურ სფეროს არ ჩამორჩება. მარტოხელა ტყუპებმა სიყვარულის მიზიდულობის ოქროს წესებს უნდა მისდიოთ. ვისაც ჰყავს პარტნიორი, გამოიჩინეთ მის მიმართ მეტი ყურადღება და სიკეთე.

ხართ თუ არა ოხუნჯი, როგორ რეაგირებთ სხვის ხუმრობაზე - ნახეთ, ზუსტია თუ არა ჩვენი ჰოროსკოპი>>

კირჩხიბი

კვირის პირველი ორი დღე ძალზე დაძაბული და რთული იქნება. თუნდაც არაფერი ცხოვრებისეული გაუგებრობა და უსიამოვნება არ გელოდებოდეთ, მაინც მოსალოდნელია, რომ დათრგუნული განწყობა და აპათია დაგეუფლოთ. ოთხშაბათს ვარსკვლავების განწყობა აღდგება და კვირის ბოლომდე პოზიტიური დარჩება.

ეს იქნება შესანიშნავი პერიოდი დასვენების, გარემოს გამოცვლის, მოგზაურობისა და შოპინგისთვის. შეგიძლიათ ფულის თამამად დახარჯვა გართობაზე, თვითგანათლებაზე. კვირის ბოლოს დიდი წარმატებები გელოდებათ სასიყვარულო სარბიელზე. მარტოხელებს სიყვარულის პოვნის დიდი შანსი გაქვთ – მოიმატებს თქვენი ქარიზმა. ვისაც ჰყავს პარტნიორი, ისინი ურთიერთობებში არსებული პრობლემებისა და უსიამოვნებების მოგვარებას შეძლებენ.


ლომი
გააკეთეთ ის, რაც ყველაზე კარგად გამოგდით, იყავით ის, ვინც ხართ. ასტროლოგები გირჩევენ, არ შეასრულოთ სხვისი როლი იმისთვის, რომ საწინააღმდეგო სქესის წარმომადგენელზე, ხელმძღვანელობაზე ან მეგობრებზე შთაბეჭდილება მოახდინოთ. ბევრად მნიშვნელოვანია, დარჩეთ პატიოსანი, გულღია და გაჭირვებაში ჩავარდნილი ახლობლის დახმარებისთვის მზადმყოფი. ასეთ ლომს გარშემომყოფები ნამდვილად დააფასებენ.

ფინანსურ სფეროში ხელსაყრელი პერიოდი გელოდებათ. იღბლიანი იქნება კვირა მომსახურების სფეროში მომუშავე ლომებისთვის. გაითვალისწინეთ გარშემომყოფი ადამიანების ინტერესები. კვირის ყველაზე პროდუქტიული დღეებია 23, 24 და 25 სექტემბერი.

რამდენად გულწრფელი ხართ სიყვარულში – ამას ინდური ჰოროსკოპის მეშვეობით შეიტყობთ>>

ქალწული

21 სექტემბერს, სჯობს, სამუშაოზე თუ სახლში მოერიდოთ გაუგებრობებსა და პრობლემებს. ვარსკვლავები და პლანეტები მცირე დისონანსში იქნებიან, ამიტომ არ ღირს მნიშვნელოვანი გადაწყვეტილებების მიღება ცხელ გულზე. ეს შემდეგ სანანებელი გაგიხდებათ.

არ ღირს იმის დანგრევა, რასაც უკვე მიაღწიეთ. არ იჩხუბოთ მეგობრებთან, არ გაწყვიტოთ საქმიანი ან სასიყვარულო ურთიერთობები. ეს ეხება არა მხოლოდ ორშაბათს, არამედ კვირის ნებისმიერ დღეს. სჯობს, მოიცადოთ, კარგად დაფიქრდეთ და ვნებები რომ ჩაცხრება, შემდეგ ობიექტურად შეაფასოთ არსებული ვითარება.

სასწორი

სასწორებს ამ კვირაში, შესაძლოა, ისეთი უარყოფითი გრძნობები მოგეძალოთ, როგორიცაა შური, ბრაზი, წყენა ან ეჭვიანობა. ახლა მთავარია, საკუთარ თავს გვერდიდან შეხედოთ, გააანალიზოთ თითოეული აზრი და ნებისმიერი მოქმედება.

არა აქვს აზრი აჩქარებას. ვარსკვლავები და პლანეტები მშვიდი სასწორების მხარეს არიან, ვისაც გადაწყვეტილებების მიღება ორომტრიალის გარეშე შეუძლია. ეს ის დროა, როცა საჭიროა გარშემომყოფების, განსაკუთრებით ყველაზე ახლობელი ადამიანების რჩევების მოსმენა. ეს სასურველია მას მერეც, რაც ხელსაყრელი პერიოდი დადგება თქვენთვის – 25 სექტემბრიდან.

სამართლიანი, გონიერი, შემწყნარებელი - ზოდიაქოს სამი ყველაზე ბრძენი ნიშანი>>

მორიელი

მორიელებისთვის ეს კვირა პოზიტიური და იღბლიანი იქნება, რადგან ვარსკვლავები და პლანეტები საკმაოდ ხელსაყრელ მდგომარეობაში არიან. შეგიძლიათ თქვენი კომფორტის ზონის დატოვება, ახალი საქმეების დაწყება, ახალი იდეების განვითარება ბიზნესში, ძვირადღირებული ნივთების შეძენა, მივლინებაში წასვლა.

სიყვარულში დიდი წარმატებები ელოდება თამამ და გაბედულ მორიელებს, რომლებიც მიჩვეული არ არიან ლოდინს. საჭიროა ადამიანების დამოუკიდებლად გაცნობა, სიმორცხვის ან მერყეობის დაძლევა. ეს ის დროა, როცა ინიციატივისა და სითამამის წყალობით ცხოვრების სიყვარული შეიძლება იპოვოთ. ვისაც ჰყავს საყვარელი ადამიანი, მათთვის რეკომენდებულია ერთობლივი საქმიანობა.

მშვილდოსანი

ვარსკვლავები ორშაბათსა და შაბათს ცუდ განწყობაზე იქნებიან. მოგიწევთ შიშებთან, განგაშთან და აკვიატებულ აზრებთან ბრძოლა. დანარჩენ დღეებში ყველაფერი კარგად იქნება. განსაკუთრებით უნდა აღინიშნოს კვირა დღე, რომელიც კვირის ყველაზე ხელსაყრელი დღე გახდება.

ამ დღეს შეგიძლიათ შეიცვალოთ გარემო, წახვიდეთ საყიდლებზე. იყავით გულღია ახლობლებთან, ესაუბრეთ მათ საკუთარ გრძნობებზე, გაუზიარეთ მათ თქვენი სამომავლო გეგმები. ისინი მიხვდებიან, რომ მათ ენდობიან და აფასებენ მათ აზრს.

ზოდიაქოს ყველაზე ქარიზმატული ნიშნები>>

თხის რქა

თხის რქებმა განსაკუთრებული ყურადღება უნდა დაუთმოთ სიყვარულსა და ურთიერთობებს. ასტროლოგები აღნიშნავენ, რომ 21–25 სექტემბერს ვარსკვლავები ძალზე აღმშენებლობითი იქნებიან და დაგეხმარებიან მეორე ნახევრის პოვნაში. ძალზე მნიშვნელოვანია, რომ უკეთესობისთვის განეწყოთ.

სამუშაო დღეებში ასევე სასურველია, მეტი ურთიერთობები გქონდეთ მეგობრებთან და ნათესავებთან. შეგიძლიათ მოიწვიოთ სტუმრები, მოაწყოთ მცირე ზეიმი–დღესასწაული. უქმეებზე ასტროლოგები გირჩევენ, საოჯახო საქმეებს მიხედოთ და დრო სიმშვიდეში გაატაროთ; არ იფიქროთ სამუშაოზე, პრობლემებზე და კვირის სასიამოვნო დღეები არ დაამძიმოთ.

მერწყული

მერწყულებმა ეს კვირა სულიერ განვითარებასა და ახალი ცხოვრებისეული მიზნების დასახვას უნდა მიუძღვნათ. არ ღირს ბრძნული რჩევების უგულებელყოფა. შეგიძლიათ იზრუნოთ თვითგანვითარებაზე, ცოდნის მიღებაზე, ასევე წაიკითხოთ წიგნი ან უყუროთ შემეცნებით გადაცემებს.

ვისაც ამ კვირის მსუბუქად და მოდუნებულად გატარება სურს, ისინი მომავალში, სავარაუდოდ, სირთულეებს წააწყდებიან. ყველაზე რთული დღეებია 22 და 23 სექტემბერი. სამშაბათსა და ოთხშაბათს აჯობებს, თუ არ გადაიღლებით და არ გექნებათ სხვების დახმარების იმედი. პარასკევსა და შაბათს ფორტუნა გაგიღიმებთ – ამ დღეებში შეიძლება ახალი საქმის დაწყება.

ვის შეიძლება ვანდოთ საიდუმლო და ვის - არა, ანუ ზოდიაქოს ყველაზე „ლაქლაქა" ნიშნები>>

თევზები

ვარსკვლავები და პლანეტები შესანიშნავ განწყობაზე არიან, რაც თქვენს იღბალსა და მოტივაციაზე აისახება. ამ კვირაში შესაძლებელია ყველაზე სანუკვარი ოცნებების ასრულება. კარგი იქნება, თუ საკუთარ ძალებს ერთი მიზნის მიღწევისკენ მიმართავთ, რადგან სხვადასხვა მიზანზე გამოდევნება პროდუქტიულობაზე ნეგატიურად აისახება.

სიყვარულსა და ურთიერთობებში მნიშვნელოვანია, რომ ტყუილუბრალოდ კონფლიქტი არ დაიწყოთ. ასტროლოგები გირჩევენ, აპატიოთ გარშემომყოფებს. კვირის დასაწყისი ძალიან კარგი დროა მივლინებისთვის, ხოლო კვირის ბოლო – სახლის დასუფთავებისა და უსარგებლო ნივთებისგან გათავისუფლებისთვის.

0