CineDOC-Tbilisi

საქართველოში დოკუმენტური კინოს საერთაშორისო ფესტივალი CinéDOC-Tbilisi იწყება

155
(განახლებულია 19:07 29.08.2020)
პრესტიჟული ფესტივალი მაყურებლებს ქართული და სხვა ქვეყნების დოკუმენტური კინოს ბოლო სიახლეებს გააცნობს

თბილისი, 27 აგვისტო – Sputnik. დოკუმენტური კინოს რიგით მერვე საერთაშორისო ფესტივალი CinéDOC-Tbilisi 30 აგვისტოდან 30 სექტემბრამდე გაიმართება, ნათქვამია ფესტივალის ოფიციალურ ვებგვერდზე.

„ჩვენ ვქმნით ემოციებს“ - წელს ფესტივალი ერთიანდება ამ სლოგანის გარშემო და მაყურებელს ნამდვილი და დაუვიწყარი ემოციების სამყაროში მოგზაურობას სთავაზობს.

კორონავირუსის პანდემიის მიუხედავად, ფესტივალის პროგრამა საკმაოდ დატვირთულია. კინოფესტივალი მოიცავს რამდენიმე მოედანს და მაყურებლებს მათთვის სასურველ ადგილას უახლესი დოკუმენტური ფილმების ნახვის საშუალებას მისცემს.

მაყურებლებმა უკვე ნახეს ფილმები ფესტივალის და საზოგადოებრივი მაუწყებლის თანამშრომლობის ფარგლებში - 18-28 აგვისტოს სატელევიზიო ფორმატში. გარდა ამისა, ფესტივალი გეგმავს უფასო ონლაინ-ჩვენებებს ვებგვერდზე, ასევე ქალაქის სხვადასხვა ლოკაციებზე - ღია ცის ქვეშ კინოთეატრში Cavea Drive ლისზე, კავკასიის სახლში და სასტუმრო Stamba-ში.

CinéDoc-Tbilisi-ს გახსნა გაიმართება 30 აგვისტოს კინოთეატრ Cavea Drive-ში - იქნება ნაჩვენები დოკუმენტური ფილმი „გვირაბი“, რომელზეც მუშაობდნენ ჟურნალისტი ნინო ორჯონიკიძე და რეჟისორი ვანო არსენიშვილი.

საავტორო კინოს ბათუმის საერთაშორისო ფესტივალის და CinéDOC-Tbilisi-ს თანამშრომლობის ფარგლებში იქნება ნაჩვენები ოთხი საავტორო ფილმი. ფესტივალი ასევე ტრადიციულად მოიცავს საქართველოს რეგიონებს, ამიტომ მინი-ფესტივალები გაიმართება დუშეთში, გორში, საგარეჯოში, ჩხოროწყუსა და მარნეულში.

წლევანდელ პროგრამაში ორგანიზატორებმა წარადგინეს შვიდი სექცია: International Competition - მთავარი სექცია, რომელშიც რვა ახალგაზრდული ფილმი მონაწილეობს, Focus Caucasus, სადაც მონაწილეობას იღებენ ადგილობრივი და რეგიონული ფილმები ისეთი ქვეყნებიდან, როგორიცაა საქართველო, სომხეთი და აზერბაიჯანი.

ასევე ფესტივალის პროგრამაშია ისეთი სექციები, როგორიცაა Swiss DOX, რომლის ფარგლებში მაყურებელი შვეიცარიულ კრეატიულ დოკუმენტურ და ანიმაციურ ფილმებს ნახავს.

სექციაში Guest Country ფინური დოკუმენტური ფილმები იქნება წარმოდგენილი.

ასევე საინტერესოა CineDoc Young სექცია, რომლის ფარგლებში ჩვენებები მოზარდებისა და ახალგაზრდა თაობისთვის იმართება.

აგრეთვე აღსანიშნავია EroticDox Special Screenings – კონკურს გარეშე ორი სპეციალური სექცია.

CinéDOC–Tbilisi – პირველი საერთაშორისო დოკუმენტური კინოს ფესტივალია კავკასიაში. ფესტივალის მიზანია - დოკუმენტური კინოს პოპულარიზაცია. ფესტივალი საქართველოში 2013 წლიდან იმართება.

155
თემები:
ქართული კინო (101)
პრემია „ლიტერა“

ლიტერატურული პრემია „ლიტერას“ გამარჯვებულთა ვინაობა ცნობილია

22
(განახლებულია 21:06 26.09.2020)
ლიტერატურულმა პრემიის გამარჯვებულები ექვს ნომინაციაში გამოვლინდა. გამარჯვებულებს პრიზებთან ერთად ფულადი ჯილდო გადაეცათ.

თბილისი, 26 სექტემბერი — Sputnik. მწერალთა სახლის და კულტურის სამინისტროს ერთობლივი ლიტერატურული პრემია „ლიტერას“ დაჯილდოების რიგით მეხუთე ცერემონია გაიმართა, პრემიის გამარჯვებულები ექვს ნომინაციაში გამოვლინდნენ, ნათქვამია განათლების, მეცნიერების, კულტურისა და სპორტის სამინისტროს Facebook-გვერდზე.

126 საკონკურსო განაცხადიდან მოკლე სიაში 38 წიგნი მოხვდა, „ლიტერა 2020-ის“ გამარჯვებულები გახდნენ:

წლის საუკეთესო წიგნის დიზაინი:

თინათინ ჩხიკვიშვილი, ჯანა ამირეჯიბის წიგნისთვის „მე - ნამდვილი კოკოშა“, გამომცემლობა „არტანუჯი“;

წლის საუკეთესო დებიუტი:

ნინი ელიაშვილი - „წერტილის შემდეგ“, გამომცემლობა „ინტელექტი“;

საუკეთესო დოკუმენტური პროზა:

გიორგი მაისურაძე - „სხვა ენა“, გამომცემლობა „ინდიგო“;

წლის საუკეთესო პოეტური კრებული:

შოთა იათაშვილი - „XXI საუკუნის დასაწყისის პოეტი“, გამომცემლობა „ინტელექტი“;

წლის საუკეთესო პროზაული კრებული:

ეკა ქევანიშვილი - „არაფერი დედაჩემის შესახებ“, გამომცემლობა „წიგნები ბათუმში“;

წლის საუკეთესო რომანი:

ირაკლი სამსონაძე - „ქელეხი - ქორწილი“, გამომცემლობა „ინტელექტი“.

„ლიტერა“ წელს 2019 წელს გამოცემულ ლიტერატურულ ნაწარმოებებს აფასებდა. კონკურსის შედეგებს აფასებდა მწერალთა სახლის მიერ შერჩეული კონფიდენციალური ჟიური, რომელიც 5 წევრისგან შედგებოდა. გამარჯვებულს გამოავლინეს ფარული კენჭისყრით. ლიტერატურული პრემიის საპრიზო ფონდი 30 000 ლარია. თითოეულ ნომინაციაში გამარჯვებულს 5 000 ლარი გადაეცა.

ლიტერატურული პრემია „ლიტერა“ 2016 წელს განათლების, მეცნიერების, კულტურისა და სპორტის სამინისტრომ და მწერალთა სახლმა დააარსეს. მას შემდეგ ის ყოველ წელს იმართება. სხვადასხვა წელს „ლიტერას“ გამარჯვებული გახდნენ მწერლები და პოეტები: ბესიკ ხარანაული, ვახტანგ ჯავახაძე, ნაირა გელაშვილი, ზვიად რატიანი, ზურაბ ქარუმიძე, ნანა ექვთიმიშვილი, არჩილ ქიქოძე და სხვები.

პროექტის მიზანია თანამედროვე ქართული ლიტერატურის განვითარება და ახალგაზრდა ავტორების წახალისება.

კორონავირუსის პანდემიის გამო დაჯილდოების ცერემონიას მხოლოდ ფინალისტები და მონაწილე გამომცემლები ესწრებოდნენ.

 

 

22
თემები:
საქართველო და კულტურა
ოლეგ ბასილაშვილი

„გვიყვარხართ, პატივს გცემთ, გაფასებთ!“: ოლეგ ბასილაშვილს დაბადების დღე თბილისიდან მიულოცეს

70
გამოჩენილ არტისტს და საზოგადო მოღვაწეს საქართველოსთან აკავშირებს ნათესაური, მეგობრული და შემოქმედებითი კავშირები

თბილისი, 26 სექტემბერი - Sputnik. რუსეთში მოღვაწე თეატრისა და კინოს დამსახურებულ მსახიობს, წარმოშობით ქართველ ოლეგ ბასილაშვილს მის ისტორიულ სამშობლოში, საქართველოში, თბილისის გრიბოედოვის სახელობის თეატრში 86 წლის იუბილე მიულოცეს.

დარბაზის ოვაციები და მოგონებები დანელიაზე - ოლეგ ბასილაშვილი სტუმრად ივან ურგანტთან >>

„26 სექტემბერი - სსრკ-ის სახალხო არტისტის, სანქტ-პეტერბურგის და თბილისის საპატიო მოქალაქის, საქართველოს ბრწყინვალების საპრეზიდენტო ორდენის კავალერის, ოლეგ ბასილაშვილის დაბადების დღეა. გილოცავთ“ გისურვებთ ჯანმრთელობას და სიხარულს! გვიყვარხართ, პატივს გცემთ, გაფასებთ! დაე ასრულდეს ჩვენი ოცნებები შეხვედრაზე!“ - წერს თეატრის ლიტერატურული ნაწილის გამგე ნინა შადური-ზარდალიშვილი.

ოლეგ ბასილაშვილს შესრულებული აქვს ორმოცდაათზე მეტი როლი სცენაზე და ასზე მეტი - კინოში. ბასილაშვილს მაყურებელი კარგად იცნობს კინოფილმებიდან „სამსახურებრივი რომანი“, „შემოდგომის მარათონი“, „სადგური ორისათვის“ და სხვ.

ბასილაშვილის ქართული გვარი აღადგინა მისმა მამამ, მანამდე ყველა წინაპარი ატარებდა გვარს ბასილოვი.

ბასილაშვილის წინაპრები დაახლოებით 400 წლის წინ ტაო-კლარჯეთის ისტორიული მხრიდან გორთან მდებარე სოფელ კორბში გადასახლდნენ.

70
თემები:
საქართველო და კულტურა