ბრანდენბურგის კარიბჭე ბერლინში

„მეგობრობის ხიდი“: გერმანიაში ქართულ კულტურას გაეცნობიან

429
(განახლებულია 12:08 29.08.2020)
გერმანელები უფრო მეტს შეიტყობენ ქართულ მუსიკაზე, ფერწერაზე, ლიტერატურაზე, ასევე დააგემოვნებენ ქართულ ღვინოს

თბილისი, 29 აგვისტო – Sputnik. ქართველი არტისტები, მხატვრები და პოეტები წარდგებიან საერთაშორისო ფესტივალზე „მეგობრობის ხიდი“, რომელიც ბერლინში 12-15 სექტემბერს გაიმართება, აცნობეს ორგანიზატორებმა Sputnik-საქართველოს.

ფესტივალი, რომლის ორგანიზატორია ბერლინში ქართული კულტურის პოპულარიზაციის არტ-პროექტი და შემოქმედებითი კოლექტივი „ბერლინის კულტურული ცხოვრება“  (Kulturleben Berlin), გახდა ტრადიციული და ქვეყანაში უკვე მეექვსედ ტარდება.

ორგანიზატორების თქმით, ფესტივალის ფორმატი ამჯერად შეცვლილია. მუსიკალური გამოსვლების გარდა პროგრამაშია გამოფენები ქართველი მხატვრების, დიზაინერების და ფოტოგრაფების მონაწილეობით.

ფესტივალში მონაწილეობას მიიღებენ ქართველი პოეტები და მწერლები. მათ შორის არიან მარინა თექთუმანიძე, ქეთევან სესიაშვილი, სანდრა ვერელი, ვაჟა დანელია და კონსტანტინე კიკმაძე.

გაგრილების დროა: თბილისში ნაყინის ფესტივალი გაიმართება >>

არტისტების, მუსიკოსების, მომღერლების, მხატვრების და მწერლების გამოსვლების გარდა, რომლებიც ბერლინის დარბაზ ForumFactory-ს სცენაზე გაიმართება, მაყურებელს უჩვენებენ Facebook-ჯგუფ „თბილისური ეზოს“ მონაწილეების ვიდეორეპორტაჟებს საქართველოს შესახებ. ვიდეორეპორტაჟების ავტორები - ოლგა გოვორკო (მოსკოვი), გალინა ვორონოვა (პერმი), გაგიკ ნაზარიანი (ერევანი).

„იქნება წარმოდგენილი ნიჭიერი ქართველი მხატვრის, ნინო ყურაშვილის გამოფენა და ირაკლი ზენკოს ფოტოგამოფენა „ჩემი საქართველო“. გალა-კონცერტზე „სიზმრები საქართველოს შესახებ“ წარდგებიან ვირტუოზი პიანისტი მანანა პფლეგინგი, ოპერის მომღერალი კრისტინა გორდაძე, ცეკვის ანსამბლი „კავკასია“, ბულგარული და გერმანული ვოკალური კვარტეტები, რომლებიც ასრულებენ ქართულ ხალხურ სიმღერებს, ასევე ბერლინელი მუსიკოსები და მომღერლები“, - აცხადებენ ორგანიზატორები.

ონლაინ წარდგებიან ანსამბლი „გურჯაანი“, დუეტი ბაღდათიდან - კონცერტმაისტერი ცისანა კაიშაური და ტენორი ბადრი სამხარაძე, ანსამბლი თბილისიდან „ქართული ფანტაზიები“, რომლებიც პანდემიასთან დაკავშირებული პრობლემების გამო ბერლინში ჩასვლას ვერ ახერხებენ.

გარდა ამისა, „მეგობრობის ხიდზე“ სტუმრებს სასიამოვნო ბონუსი ელით - ისინი ქართული ღვინოების დეგუსტაციას დაესწრებიან.

429
თემები:
საქართველო და კულტურა (932)
ორბელიანის მოედანი

პანდემიის მიუხედავად: თბილისში ახალგაზრდული ფესტივალი „თაობა“ გაიმართება

43
საერთაშორისო ღონისძიებაში კორონავირუსის პანდემიის გამო დაწესებული შეზღუდვების გათვალისწინებით წელს მხოლოდ ქართველი ახალგაზრდები მიიღებენ მონაწილეობას.

თბილისი, 24 სექტემბერი — Sputnik. თბილისში 25-30 სექტემბერს საერთაშორისო ახალგაზრდული კინოფესტივალი „თაობა“ გაიმართება, ამ ინფორმაციას ფესტივალის ერთ-ერთი ორგანიზატორი - საქართველოს მოსწავლე ახალგაზრდობის ეროვნული სასახლე ავრცელებს.

საერთაშორისო ფესტივალი საქართველოში წელს მესამედ ჩატარდება, თუმცა ამჯერად კორონავირუსის პანდემიის გამო დაწესებული შეზღუდვების გათვალისწინებით ღონისძიებაში მხოლოდ ქართველი ახალგაზრდები მიიღებენ მონაწილეობას.

ფესტივალის ფარგლებში 13-18 წლის ახალგაზრდებისთვის გაიმართება 4 სრულმეტრაჟიანი და 21 მოკლემეტრაჟიანი საკონკურსო ფილმების ჩვენება ეროვნული სასახლის, ეროვნული მუზეუმისა და მზიურის განახლებული პარკის ტერიტორიაზე. ფესტივალის პროგრამა მოიცავს ასევე მასტერკლასებს, ლექციებსა და დისკუსიებს.

ღონისძიება კინოხელოვნებით დაინტერესებულ სტუდენტებს აძლევს შესაძლებლობას დაესწრონ პროფესიულ დრამატურგიისა და რეჟისურის მასტერკლასებს პროექტის „თაობის აკადემია“ ფარგლებში ბოლნისის მუზეუმი.

ნანა ჯორჯაძის ფილმმა „ბოცვრის თათი“ რუსეთში ჯილდო მოიპოვა >>

ფესტივალი ეპიდემიოლოგიური ვითარების შესაბამისად დაწესებული რეგულაციების დაცვით ტარდება, რის გამოც შემცირებულია როგორც მონაწილეთა, ასევე აქტივობების რაოდენობა.

„ჩვენებებზე დასწრება თავისუფალია. საფესტივალო სივრცეები ყველა შესაბამისი რეკომენდაციის დაცვით, ღია ცის ქვეშ იმართება. სავალდებულოა იქონიოთ პირბადე და დაიცვათ სოციალური დისტანცია“, - მოუწოდებს სტუმრებს ფესტივალის ერთ-ერთი ორგანიზატორი „კინოკლუბი ორბელიანზე“.

პროექტის მხარდამჭერები: ქალაქ თბილისის მერია, საქართველოს განათლების, მეცნიერების, კულტურისა და სპორტის სამინისტრო, საქართველოს კინემატოგრაფიის ეროვნული ცენტრი.

 

43
თემები:
ქართული კინო
ცისფერი გალერეა

„ზამთრის მხატვარი“: თბილისში გურამ დოლენჯაშვილის გამოფენა გაიხსნა

134
ეს ფერმწერი საოცრად ხატავს ზამთრის პეიზაჟებს - მისი ნახატები ერთი შეხედვით ფოტოებში შეიძლება აგერიოთ

თბილისი, 22 სექტემბერი – Sputnik. ცნობილი ქართველი გრაფიკოსის, „ზამთრის მხატვრის“ - გურამ დოლენჯაშვილის რეტროსპექტული გამოფენა დიმიტრი შევარდნაძის სახელობის ეროვნულ გალერეაში გაიხსნა.

დამთვალიერებლები შუქჩრდილის ვირტუოზული „თამაშით“ განთქმული ოსტატის სხვადასხვა ნამუშევრებს ნახავენ. დოლენჯაშვილის ნახატები, რომლებსაც ის უბრალო ფანქრით ხატავს, იმდენად რეალისტურად არის შესრულებული, რომ ბევრს ფოტოები ჰგონიათ.

„შუქჩრდილი ფანტასტიკურია, არის შეგრძნება, თითქოს მთვარის შუქი თვალს ჭრის. მის ნამუშევრებში სილამაზის სივრცეები ერთდროულად არსებობს - მაყურებელი მაკროსამყაროდან მიკროსამყაროში ხვდება, თანაც ისე, რომ სუნთქვა ჩერდება. კოსმიურად მშვენიერი ზეციდან - იმერელი გლეხის ურმამდე, თიხის ქოთნის უმცირეს ბზარამდე. ტოტებზე დადებული საოცრად რეალური თოვლიდან - კვლავ განუსაზღვრელი სიმაღლის ზეცაში, მთვარისკენ, კოსმოსში“, - წერს დოლენჯაშვილის შესახებ მოსკოველი ხელოვნებათმცოდნე რაისა ნესტერენკო.

გამოფენა 21 ოქტომბრამდე გაგრძელდება.

გურამ დოლენჯაშვილი 1943 წელს დაიბადა ქალაქ ქუთაისში, დაამთავრა თბილისის სახელმწიფო სამხატვრო აკადემია. საქართველოს დამსახურებული მხატვარია, რუსეთის სამხატვრო აკადემიის საპატიო აკადემიკოსი, მრავალი საერთაშორისო კონკურსის ლაურეატი. 90-იანი წლებიდან ცხოვრობდა რუსეთში, ამჟამად ცხოვრობს საქართველოში.

დოლენჯაშვილის ნამუშევრები იყო გამოფენილი სხვადასხვა ქვეყნებში: ავსტრალიაში, ავსტრიაში, ინგლისში, არგენტინაში, ბელგიაში, ბულგარეთში, უნგრეთში, ვიეტნამში, გერმანიაში, ინდოეთში, ერაყში, კვიპროსში, კუბაში, მექსიკაში, მონღოლეთში, ნიდერლანდებში, ნიკარაგუაში, პოლონეთში, რუმინეთში, აშშ-ში, გერმანიაში, საფრანგეთში, ჩეხოსლოვაკიაში, შვედეთში, შვეიცარიაში, იუგოსლავიასა და იაპონიაში.

დოლენჯაშვილის ნამუშევრები ასევე ინახება ტრეტიაკოვის გალერეაში, პუშკინის სახელობის მუზეუმში და მსოფლიოს მრავალ მუზეუმში.

134
თემები:
საქართველო და კულტურა (932)
ევროკავშირის დროშა

„შესაძლო პუნქტი“: ევროკავშირში რუსეთის წინააღმდეგ ახალი სანქციები მზადდება

0
(განახლებულია 10:37 25.09.2020)
წყაროს თქმით, ევროკავშირში მუდმივი წარმომადგენლების სხდომის დღის წესრიგში მონიშნულია პუნქტი რუსეთის მიმართ ახალი სასანქციო ჩამონათვალის შესახებ

თბილისი, 25 სექტემბერი — Sputnik. ევროკავშირის წევრი ქვეყნების მუდმივი წარმომადგენლების კომიტეტმა (COREPER) 28 სექტემბრის სხდომაზე შესაძლოა, უკრაინის გამო რუსეთისთვის დაწესებული ინდივიდუალური სანქციების ფარგლებში, ახალი ჩამონათვალის საკითხი განიხილონ, იუწყება РИА Новости ევროკავშირში არსებულ წყაროზე დაყრდნობით.

წყაროს თქმით, COREPER–ის სხდომის დღის წესრიგში მონიშნულია „შესაძლო პუნქტი“ ახალი სასანქციო ჩამონათვალის შესახებ იმ ქმედებების გამო, რომლებიც „ძირს უთხრის ან ემუქრება უკრაინის ტეროტორიულ მთლიანობას, სუვერენიტეტსა და დამოუკიდებლობას“.

ამასთან წყარომ განმარტა, რომ ახალი სასანქციო სიის დასამტკიცებლად შეიძლება წერილობითი პროცედურა ამოქმედდეს.

„პუნქტი მონიშნულია როგორც შესაძლო. ამ ეტაპზე უცნობია, დამტკიცდება თუ არა ის“, — თქვა მან.

რუსეთსა და დასავლეთის ქვეყნებს შორის ურთიერთობა მას შემდეგ გამწვავდა, რაც ყირიმი რუსეთს შეუერთდა ნახევარკუნძულზე ჩატარებული საყოველთაო რეფერენდუმის შედეგებით. დასავლეთმა რუსეთი ჩარევაში დაადანაშაულა და მის წინააღმდეგ სანქციები აამოქმედა, რაზეც მოსკოვმა საპასუხო ზომებით ირეაგირა: ევროპული საქონელი საკუთარი წარმოების პროდუქციით ჩაანაცვლა და განაცხადა, რომ რუსეთთან სანქციების ენაზე საუბარი კონტრპროდუქტიულია. ამასთან რუსეთის ხელისუფლებამ არაერთხელ აღნიშნა, რომ უკრაინაში მიმდინარე კონფლიქტში მხარეს არ წარმოადგენს.

რუსული გაზსადენის მშენებლობაზე დასაქმებულ ხომალდებს აღარ დააზღვევენ>> 

ინდივიდუალური სანქციები რუსეთისა და უკრაინის იმ მოქალაქეთა წინააღმდეგ, რომლებსაც ევროკავშირი უკრაინის ტერიტორიული მთლიანობისა და სუვერენიტეტის შებღალვაში სდებს ბრალს, პირველად 2014 წლის მარტში დაწესდა და მას შემდეგ რეგულარულად ხანგრძლივდება ვადაში. აღნიშნული სანქციები ეხება 174 პირსა და 44 ორგანიზაციას. მიმდინარე წლის 10 სექტემბერს ევროკავშირმა მორიგ ჯერზე გაახანგრძლივა სანქციები ექვსი თვით — 2021 წლის მარტის შუა რიცხვებამდე.

 

0
თემები:
მსოფლიო დღეს