თედო რეხვიაშვილი

ქართველი მხატვარი აშშ-ში სამხატვრო აკადემიის მაგისტრი გახდა

197
(განახლებულია 18:14 22.08.2020)
ეს ის ფერმწერია, რომლის სწავლისთვის ამერიკულ პრესტიჟულ სამხატვრო სკოლაში ფულს მთელი საქართველო აგროვებდა

თბილისი, 22 აგვისტო — Sputnik. ახალგაზრდა ქართველი მხატვარი თედო (თედორე) რეხვიაშვილი გახდა ნიუ-იორკის სამხატვრო აკადემიის (New York Art Academy) მაგისტრი - ამის შესახებ ფერმწერმა თავის გამომწერებს საკუთარ Facebook-გვერდზე უამბო.

Работы художника Тедо Рехвиашвили
მხატვარ თედო რეხვიაშვილის ნამუშევრები

„მოხარული ვარ გაცნობოთ, რომ ახლახანს წარმატებით დავიცავი დიპლომი და გავხდი ნიუ-იორკის სამხატვრო აკადემიის ფერწერის მაგისტრი. აღარ ვისაუბრებ იმაზე, რას ნიშნავდა ეს მიზანი ჩემთვის. ვიტყვი, რომ ჩემი ცხოვრების ორი უმნიშვნელოვანესი წელი და ოთხი სემესტრი გავიარე. მივიღე სრულიად ახალი ცოდნა და გამოცდილებები, რამაც ჩემი, როგორც ხელოვანის გზა და ცხოვრება ერთბაშად შეცვალა“, - წერს თედო და გამომწერებს სთავაზობს საკუთარი სადიპლომო ნამუშევრების გაცნობას.

Работы художника Тедо Рехвиашвили
მხატვარ თედო რეხვიაშვილის ნამუშევრები

რეხვიაშვილის თქმით, ეს ყველაფერი არ მოხდებოდა, რომ არა თანამემამულეების დახმარება. საქმე ისაა, რომ საქართველოში თედო რეხვიაშვილი ცნობილი გახდა მას შემდეგ, რაც საზოგადოებას საჯაროდ სთხოვა ფინანსური დახმარება ნიუ-იორკის სამხატვრო აკადემიაში სწავლისთვის.

თედო გრაფიკის ფაკულტეტზე აბარებდა და ყველაზე ნიჭიერ აბიტურიენტთა ათეულში მოხვდა. შედეგად მან 15 ათასი დოლარის ოდენობით გრანტი მიიღო. მაგრამ ეს თანხა არ იყო საკმარისი იმისათვის, რომ რეხვიაშვილი უმაღლესი სასწავლებლის სრულფასოვანი სტუდენტი გამხდარიყო. საჭირო იყო კიდევ 24 ათასი დოლარი.

რეხვიაშვილის თქმით, მაშინ საქართველოს მოსახლეობის დახმარება მას სჭირდებოდა იმისათვის, რომ მიეღო ახალი ცოდნა და გამოცდილება, რომელსაც ის აუცილებლად დაუბრუნებს თავის სამშობლოს. საბოლო ჯამში თედოს ყველაფერი გამოუვიდა. სწავლის თანხის შესაგროვებლად ჩატარდა სხვადასხვა საქველმოქმედო ღონისძიებები. პარალელურად ფინანსური დახმარება გროვდებოდა ონლაინ პორტალზე Gofoundme.com. საბოლოოდ თანხა მთლიანად შეგროვდა, თედო კი ნიუ-იორკის სამხატვრო აკადემიის სტუდენტი გახდა.

Работы художника Тедо Рехвиашвили
მხატვარ თედო რეხვიაშვილის ნამუშევრები

„მინდა უღრმესი მადლობა გადაგიხადოთ თითოეულ თქვენგანს, ოჯახის წევრებს, მეგობრებს, კოლეგებს, მასწავლებლებს, გალერისტებს, მოსწავლეებს, ჟურნალისტებს. ბევრი თქვენგანი არც კი მიცნობდით ისე დაიჯერეთ, გულთან მიიტანეთ უცხო ადამიანის მიზანი და დამეხმარეთ განათლების მიღებაში“, - წერს თედო.

თედო რეხვიაშვილი

თედო რეხვიაშვილი დაიბადა საქართველოში 1990 წელს. 1998-2008 წლებში სწავლობდა თბილისის სახელმწიფო სამხატვრო სასწავლებელში. 2012 წელს დაამთავრა გრაფიკის ფაკულტეტი აპოლონ ქუთათელაძის სახელობის თბილისის სახელმწიფო სამხატვრო აკადემიაში, 2014 წელს - იმავე სასწავლებლის მაგისტრი გახდა.

საქართველოში კითხულობდა ლექციებს ხელოვნების კოლეჯში, იყო ჩართული სხვადასხვა არტ-პროექტსა და პროგრამაში, მუშაობდა გრაფიკაში, ქანდაკებაში, ფერწერაში, მათ შორის ფრესკურში, ასევე წიგნების დიზაინსა და თანამედროვე ხელოვნებაში.

ახალგაზრდა მხატვრის ყულაბაში უამრავი ჯილდოა - ვიზუალური ხელოვნების ჯილდო „ჟირაფი“ (2015), პირველი ადგილი გამოფენა-კონკურსში „სამშობლო, ენა, რელიგია“ (2011), პირველი ადგილი წიგნის სააგენტო Booking-ის ლიტერატურულ-კრეატიულ კონკურსზე „ჩემო აფხაზეთო“ (2010), პირველი ადგილი სახვითი ხელოვნების, ფოტოგრაფიის, თანამედროვე და გრაფიკული ხელოვნების გამოფენა-კონკურსზე „დედამიწის დღე“, რომელიც თბილისში აშშ-ის საელჩოს ორგანიზებით გაიმართა (2007), იუნესკოს საქმეებში ეროვნული კომისიის წოდება „საუკეთესო ილუსტრატორი“ ვილნიუსში ილუსტრაციების გამოფენაზე (2006) და სხვ.

197
თემები:
საქართველო და კულტურა (929)
ქალაქი ზუგდიდი

ზუგდიდში თანამედროვე ხელოვნების ფესტივალი იხსნება

4
(განახლებულია 15:43 19.09.2020)
ფესტივალის მიზნად ისახავს რეგიონებში თანამედროვე ქართული ხელოვნების განვითარებას და კულტურული ცხოვრების გააქტიურებას

თბილისი, 19 სექტემბერი - Sputnik. ცნობილი ქართველი პოეტები, მწერლები, რეჟისორები და მუსიკოსები მიიღებენ მონაწილეობას თანამედროვე ხელოვნების ფესტივალში F5, რომელიც შაბათს, 19 სექტემბერს ზუგდიდში იხსნება.

ფესტივალი ორდღიანია და ბოტანიკურ ბაღში გაიმართება. ღონისძიება, რომელიც ტრადიციულად მოიცავს ლიტერატურულ და მუსიკალურ პროგრამებს, ზუგდიდში უკვე მესამედ იმართება. მისი ორგანიზატორებია ორი ახალგაზრდა ქართველი პოეტი, ნიკა ლაშხია და გიორგი შონია. ფესტივალის მხარდამჭერია განათლების, მეცნიერების, კულტურისა და სპორტის სამინისტრო და მწერალთა სახლი.

ფესტივალი მიზნად ისახავს თანამედროვე ქართული ხელოვნების პოპულარიზაციას და რეგიონების კულტურულ ცხოვრებაში ჩაბმას.

წელს ფესტივალზე პირველად გაიმართება დოკუმენტური კინოს სექცია, რომელსაც ეროვნული კინოცენტრი წარადგენს. ფესტივალის ლიტერატურულ ნაწილში წელს მონაწილეობას მიიღებენ ისეთი ლიტერატორები, როგორიცაა ზურაბ ქარუმიძე, თამთა მელაშვილი, დათო ბარბაქაძე, შაკო ბაკურაძე, ცოტნე ცხვედიანი, ქეთი ქანთარია და სხვ.

ფესტივალის მონაწილეები შეეხებიან ისეთ თემებს, როგორიცაა ქალის ხმა ქართულ ლიტერატურაში, ქართული თარგმანის დღევანდელი პრობლემატიკა, ქალაქები და წმინდანები.

მუსიკალურ პროგრამაში წარდგება ჯგუფი „წერილი“ და ქანთრი-მუსიკოსი შოთა ადამაშვილი. ფესტივალზე დასწრება თავისუფალია.

4
თემები:
საქართველო და კულტურა (929)
საკო წოწორია

ქართველი მოდელი Audi-ს რეკლამაში გადაიღეს

141
(განახლებულია 21:52 16.09.2020)
Audi España-სთვის გადაღებულ ვიდეორგოლში, რომელიც ესპანურ აუდიტორიაზეა გათვლილი, ქართველი მოდელი ახალგაზრდა ინფლუენსერის როლში წარდგა

თბილისი, 16 სექტემბერი — Sputnik. ქართველი მოდელი საკო წოწორია გერმანული მანქანათმშენებელი კომპანია Audi-ს ახალი სარეკლამო რგოლის მთავარი გმირი გახდა.

To be an Influencer („იყო ინფლუენსერი“) - ასეთი სახელწოდება აქვს Audi-ს ახალ სარეკლამო რგოლს, რომელიც რეჟისორმა პაბლო ოლივერამ კომპანია Garage Films Production-თან და სარეკლამო სააგენტო DDB España-თან თანამშრომლობით ესპანური აუდიტორიისთვის შექმნა.

Audi España-სთვის გადაღებულ ვიდეორგოლში ქართველი მოდელი ახალგაზრდა ინფლუენსერის როლში წარდგა. ის ფოლოვერებს სოციალურ ქსელებში თავისი ცხოვრების დეტალებს უზიარებს, ქმნის კონტენტსა და ტრენდებს. თუმცა ის, რაც მას განუმეორებელსა და გამორჩეულს ხდის - ეს არის ავტომობილი Audi.

საკო წოწორია ბევრმა გაიცნო სამოდელო პროექტ „ტოპ-გოგოს“ შემდეგ. სამოდელო კარიერის გარდა, საკომ სხვა სფეროებიც მოსინჯა. ის მუშაობდა მენეჯერად სასტუმროებში, ასევე ჟურნალისტიკაში: წერდა ჟურნალისთვის „თავისუფალო დრო“ და სააგენტო Marketer-ისთვის.

141
თემები:
საქართველოს სიამაყე