ზაზა ურუშაძე

უკრაინა–საქართველო–თურქეთის ერთობლივი ფილმი: პრემიერა უკრაინაში გაიმართება

160
(განახლებულია 20:36 30.07.2020)
ფილმის ერთ-ერთი პროდიუსერი ცნობილი ქართველი რეჟისორი ზაზა ურუშაძე იყო, რომელიც გასულ წელს გარდაიცვალა.

თბილისი, 30 ივლისი – Sputnik. უკრაინაში ოქტომბერში გაიმართება პრემიერა ფილმისა „ხაჯიბეის ციხე-სიმაგრე“, რომლის ერთ-ერთი პროდიუსერი აწ განსვენებული ქართველი რეჟისორი ზაზა ურუშაძე იყო.

სრულმეტრაჟიანი ისტორიული სათავგადასავლო ფილმი „ხაჯიბეის ციხე-სიმაგრე“ უკრაინის, საქართველოსა და თურქეთის ერთობლივი ნაწარმოებია. მრავალეროვნულია სამსახიობო დასიც. ფილმში ერთ-ერთ მთავარ როლს ქართველი მსახიობი ირაკლი მარუაშვილი ასრულებს. რეჟისორი და სცენარის თანაავტორია კონსტანტინ კონოვალოვი, ხოლო კრეატიული პროდიუსერი ზაზა ურუშაძე იყო.

ჯერჯერობით უცნობია, როდის გაიმართება ფილმის პრემიერა საქართველოში.

ფილმი რუსეთ–თურქეთის ომის პერიოდზე მოგვითხრობს.

ზაზა ურუშაძის უკანასკნელი ფილმის პრემიერა ისრაელში შედგება>>

ზაზა ურუშაძე გასულ წელს 53 წლისა გარდაიცვალა. ის თანამედროვე ქართულ კინოხელოვნებაში ერთ-ერთი წამყვანი რეჟისორი იყო. მისი ყველაზე წარმატებული ნამუშევარია ფილმი „მანდარინები“, რომელიც ამერიკულ „ოსკარზე“ იყო წარდგენილი ესტონეთის სახელით.

160
თემები:
საქართველო და კულტურა (928)
საკო წოწორია

ქართველი მოდელი Audi-ს რეკლამაში გადაიღეს

135
(განახლებულია 21:52 16.09.2020)
Audi España-სთვის გადაღებულ ვიდეორგოლში, რომელიც ესპანურ აუდიტორიაზეა გათვლილი, ქართველი მოდელი ახალგაზრდა ინფლუენსერის როლში წარდგა

თბილისი, 16 სექტემბერი — Sputnik. ქართველი მოდელი საკო წოწორია გერმანული მანქანათმშენებელი კომპანია Audi-ს ახალი სარეკლამო რგოლის მთავარი გმირი გახდა.

To be an Influencer („იყო ინფლუენსერი“) - ასეთი სახელწოდება აქვს Audi-ს ახალ სარეკლამო რგოლს, რომელიც რეჟისორმა პაბლო ოლივერამ კომპანია Garage Films Production-თან და სარეკლამო სააგენტო DDB España-თან თანამშრომლობით ესპანური აუდიტორიისთვის შექმნა.

Audi España-სთვის გადაღებულ ვიდეორგოლში ქართველი მოდელი ახალგაზრდა ინფლუენსერის როლში წარდგა. ის ფოლოვერებს სოციალურ ქსელებში თავისი ცხოვრების დეტალებს უზიარებს, ქმნის კონტენტსა და ტრენდებს. თუმცა ის, რაც მას განუმეორებელსა და გამორჩეულს ხდის - ეს არის ავტომობილი Audi.

საკო წოწორია ბევრმა გაიცნო სამოდელო პროექტ „ტოპ-გოგოს“ შემდეგ. სამოდელო კარიერის გარდა, საკომ სხვა სფეროებიც მოსინჯა. ის მუშაობდა მენეჯერად სასტუმროებში, ასევე ჟურნალისტიკაში: წერდა ჟურნალისთვის „თავისუფალო დრო“ და სააგენტო Marketer-ისთვის.

135
თემები:
საქართველოს სიამაყე
კახა კალაძე

თბილისის მერია კულტურის სფეროს წარმომადგენლებს მხარს დაუჭერს

61
(განახლებულია 19:11 16.09.2020)
მსახიობები, მომღერლები, მუსიკოსები, მხატვრები, ფოტოგრაფები და კულტურის მრავალი სფეროს სხვა წარმომადგენლები, მთლიანად ეს სფერო მძიმე მდგომარეობაშია.

თბილისი, 16 სექტემბერი – Sputnik. პანდემიის პერიოდში კულტურის მოღვაწეების დასახმარებლად დედაქალაქის ბიუჯეტიდან 3 მილიონი ლარი გამოიყო. ამის შესახებ თბილისის მერმა კახა კალაძემ განაცხადა.

ქვეყანაში ეპიდემიური ვითარების გაუარესების გამო 10 სექტემბრიდან აიკრძალა ქორწილების, საიუბილეო და სხვა სახის ღონიძიებების გამართვა. ამის გამო კულტურის ბევრი სფეროს წარმომადგენელი ისევ უმუშევარი დარჩა.

„ჩვენ კულტურის სფეროს წარმომადგენლებს მხარდაჭერა გამოვუცხადეთ, ვაფინანსებთ სხვადასხვა მიმართულებით, ეს იქნება კონცერტები, ბენდები, მომღერლები, ხელოვნების სხვადასხვა წარმომადგენლები. ამას გავაგრძელებთ, ადამიანებს პრობლემის პირისპირ არასდროს დავტოვებთ, ყველანაირად გვერდით დავუდგებით და ხელს შევუწყობთ“, – განაცხადა კალაძემ.

მერმა უყრუადღებოდ არ დატოვა ასევე ფოტოგრაფები. მისი თქმით, მათ სხვადასხვა პროგრამის ფარგლებში ფინანსურ დახმარებას გაუწევენ.

შეზღუდვები ბრუნდება: თეატრების, კინოთეატრების, ბავშვთა გასართობი ცენტრების გახსნა გადაიდო>>

ქვეყანაში მორიგი ანტირეკორდი მყარდება – კორონავირუსის შემთხვევები ბოლო დღე-ღამეში 196-ით გაიზარდა და 2758-ს მიაღწია. პანდემიის დაწყებიდან დღემდე გამოჯანმრთელდა 1 412 ადამიანი, გარდაიცვალა 19 პაციენტი.

61
თემები:
თბილისის მერია
ტესტირება კორონავირუსზე

COVID-19 საქართველოში: რამდენი შემთხვევა გამოვლინდა ბოლო დღე-ღამეში

0
(განახლებულია 10:27 19.09.2020)
ამ დროისათვის სულ გამოჯანმრთელდა 1481 ადამიანი. გარდაიცვალა – 19, კარანტინის რეჟიმში იმყოფება 5014, ხოლო სტაციონარებში ექიმების დაკვირვების ქვეშ 836 პაციენტია.

თბილისი, 19 სექტემბერი — Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 187-ით გაიზარდა და 3306-ს მიაღწია, გამოჯანმრთელებულთა რაოდენობას 46 ადამიანი შეემატა, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 1481 ადამიანი. გარდაიცვალა – 19, კარანტინის რეჟიმში იმყოფება 5014, ხოლო სტაციონარებში ექიმების დაკვირვების ქვეშ 836 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში