ახალი სიცოცხლე „მაია წყნეთელს" – ფილმის რესტავრაცია დასრულდა

© Pixabay / PublicDomainPicturesრეტრო კინოკამერა
რეტრო კინოკამერა - Sputnik საქართველო
გამოწერა
რესტავრატორებმა უზარმაზარი და ხარისხიანი სამუშაო ჩაატარეს: გაასუფთავეს ხმა, დაამუშავეს გამოსახულება და შეიტანეს ფერის კორექტივები.

თბილისი, 22 ივლისი — Sputnik. საქართველოს კინემატოგრაფიის ეროვნული ცენტრის სპეციალისტებმა რეზო ჩხეიძის 1959 წელს გადაღებულ ერთ-ერთ საკულტო ფილმს „მაია წყნეთელი" რესტავრაცია ჩაუტარეს.

ფილმის რესტავრაცია-აღდგენა ციფრულ ფორმატში 2K მიმდინარეობდა. ექსპერტებმა უზარმაზარი სამუშაო შეასრულეს: გაწმინდეს ხმა, დაამუშავეს გამოსახულება და გააკეთეს ფერის კორექტივები.

„შესანიშნავი ფილმია თავისი დრამატურგიით, სცენარით, მონტაჟით, ბრწყინვალე მსახიობებით. რა თქმა უნდა, სულხან ცინცაძის მუსიკაც უნდა აღვნიშნოთ. ეს ყველაფერი აღდგა „ქართული ფილმის" ბაზაზე", – განაცხადა კინოცენტრის დირექტორმა გაგა ჩხეიძემ და რესტავრატორების ჯგუფს მადლობა გადაუხადა.

უწყებაში აღნიშნეს, რომ ფილმის რესტავრაცია მეფე ერეკლე მეორის დაბადებიდან 300 წლისთავს ეძღვნება. ფილმში მოვლენები სწორედ პატარა კახის მეფობის დროს ვითარდება.

ყველა ახალი ამბავი
0