ახალგაზრდა ქართველი გრაფიკული დიზაინერი ნიკა ბარბაქაძე

#ლიტერატურულიჩაი: ქართველმა დიზაინერმა ლიტერატურის პოპულარიზაციის ალტერნატიული გზა იპოვა

136
(განახლებულია 09:18 19.07.2020)
ლიტერატურა სტანდარტული სახით ზოგჯერ მოსაწყენია ახალგაზრდა თაობისთვის, ამიტომ თანამედროვე თაობა ასეთ კრეატიულ „ხრიკებს“ მიმართავს

თბილისი, 18 ივლისი - Sputnik. ახალგაზრდა ქართველმა გრაფიკულმა დიზაინერმა ნიკა ბარბაქაძემ ლიტერატურის პოპულარიზაციის ალტერნატიული გზა იპოვა და ცნობილი მწერლები ჩაის ფინჯნებში „მოათავსა“.

ასეთი ანბანი ჯერ არ გინახავთ: ქართველმა მხატვარმა „მონსტრების ანბანი“ შექმნა >>

17 წლის ნიკა ბარბაქაძე ხაშურის N1 საჯარო სკოლის მოსწავლეა. მისი ნახატები მინიმალისტური, სადა და ორიგინალურია. იმისათვის, რომ ნიკას „ფინჯან ჩაიში“ იპოვოთ მწერალი, მის შემოქმედების ხელწერაზე მინიშნება ან რაიმე კონკრეტული ნაწარმოები, გონების დაძაბვაა არის საჭირო.

„პროექტის შექმნის იდეა უცხოური, ამავე შინაარსის პოსტერიდან წამოვიდა – Litterary Coffee. ძალიან მომეწონა და გონებაში გავიფიქრე, თუ როგორი შეიძლება ყოფილიყო ქართული ანალოგი“, - უამბო მხატვარმა Marketer.ge-ს.

მისი გრაფიკული „ჩაის“ სერიის პირველი გმირი გახდა ქართული ლიტერატურის კლასიკოსი ვაჟა-ფშაველა.

„ჩავთვალე, რომ მისი ბუნების გადმოცემას შევძლებდი. შექმნის პროცესი იმდენად სასიამოვნო და დამამშვიდებელი აღმოჩნდა, რომ მთლიან პროექტად გამოცემა მომინდა. თითოეულ ნამუშევარში შეამჩნევთ მწერლის ბუნებას, მინიშნებებს მის ნამუშევრებზე და ფრაზებზე. ყოველი ნამუშევრის დასრულებისას ვგრძნობდი, რომ ჩემი, როგორც გრაფიკული დიზაინერის უნარებიც იზრდებოდა“, – ამბობს ნიკა ბარბაქაძე.

ცოტა ხანში გრაფიკული დიზაინერის კოლექციას შეემატა ისეთი მწერლების გამოსახულებები, როგორებიცაა ილია ჭავჭავაძე, გალაკტიონ ტაბიძე, აკაკი წერეთელი, იაკობ გოგებაშვილი, გრიგოლ რობაქიძე, ტერენტი გრანელი, ანა კალანდაძე, ნიკოლოზ ბარათაშვილი, ჯემალ ქარჩხაძე და ქართული ლიტერატურის სხვა კლასიკოსები. და მხატვარი ამაზე გაჩერებას არ აპირებს.

აღსანიშნავია, რომ კორონავირუსის პანდემიის დროს ნიკა იყო იმ 79 ქართველ მოსწავლეს შორის, რომლებიც 11 აპრილს ამერიკიდან სამშობლოში დაბრუნდნენ. მათი დაბრუნება შესაძლებელი გახდა საქართველოსა და აშშ-ის მთავრობათა თანამშრომლობის შედეგად. მოსწავლეების ყატარის დედაქალაქ დოჰაში ჩაყვანა ამერიკულმა მხარემ, ხოლო დოჰადან სპეცრეისით თბილისამდე, საქართველოს მთავრობამ უზრუნველყო. ქართველ მოსწავლეებთან ერთად თბილისში ჩამოვიდა 35 მოსწავლე სომხეთიდან, რომელიც ქართველ თანატოლებთან ერთად ამერიკაში იმყოფებოდა.

ასევე ნიკოლოზ ბარბაქაძე განათლებისა და კულტურის მულტიფუნქციური ცენტრის ლოგოს ავტორია.

136
თემები:
საქართველო და კულტურა (968)
ლუკა ჩიქოვანის

ქართველი მსახიობი იტალიურ ფილმში იულიუს კეისრის როლს შეასრულებს

53
(განახლებულია 23:24 23.10.2020)
ჩიქოვანის გვარი მართლაც იტალიურად ჟღერს! ყოველ შემთხვევაში ფილმ „ბედნიერი ლაზარეს“ შემდეგ ქართველ მსახიობს ძალიან უმართლებს

თბილისი, 24 ოქტომბერი – Sputnik. ქართული წარმოშობის ახალგაზრდა იტალიელ მსახიობ ლუკა ჩიქოვანს რეჟისორ ჯოვანი ტროილოს ფილმში „რომის ძალა“ (Рower of Rome) გადაიღებენ.

ახალი ამბავი იმის შესახებ, რომ ჩიქოვანი შეასრულებს ერთ-ერთ მთავარ როლს - ეს არის გაიუს ოქტავიანე ავგუსტუსი მსახიობმა თავის Instagram-ზე გამოაქვეყნა და რამდენიმე ფოტოც დაურთო.

„ეს იყო საკმაოდ დიდი პასუხისმგებლობა - შეასრულო იმპერატორ ავგუსტუსის როლი, და დიდი იმედი მაქვს, რომ თქვენ მოგეწონებათ ამ სასწაული როლის ჩემი შესრულება. ეს ჩემთვის უზარმაზარი პატივია! ედოარდო ლეოსთან და დიდ რეჟისორ ჯოვანი ტროილოსთან მუშაობა ძალიან სასიამოვნო იყო“, - წერს ლუკა.

აღსანიშნავია, რომ ეს ჩიქოვანის კინოში პირველი როლი არაა. ადრე ის გადაიღეს იტალიელი რეჟისორის, ალიჩე როხვალერის ფილმში „ბედნიერი ლაზარე“. სრულმეტრაჟიანმა ფილმმა კანის ფესტივალზე პრიზი საუკეთესო სცენარისთვის მიიღო.

ლუკა ჩიქოვანი დაიბადა თბილისში, ხოლო ექვსი წლიდან დედასთან ერთად გადავიდა იტალიაში, სადაც დღემდე ცხოვრობს და მუშაობს. ჩიქოვანი საკმაოდ მრავალმხრივი ადამიანია, პერიოდულად იყო მოდელის, მსახიობის და მომღერლის აპმლუაში.

53
თემები:
საქართველო და კულტურა (968)
მშვიდობის თაღი

კულტურის პოპულარიზაცია: განათლების სამინისტრო და  ფონდი „ათინათი“ თანამშრომლობას იწყებენ

27
(განახლებულია 21:01 23.10.2020)
ქართული კულტურული მემკვიდრეობის ძეგლების პოპულარიზაციის მიზნით საქველმოქმედო ფონდი სხვადასხვა აქტივობებს განახორციელებს.

თბილისი, 23 ოქტომბერი – Sputnik. საქართველოს განათლების სამინისტრო ქართული კულტურისა და ხელოვნების პოპულარიზაციისა და განვითარების მიზნით საქველმოქმედო ფონდ „ათინათთან“ თანამშრომლობას იწყებს, ნათქვამია განათლების, მეცნიერების, კულტურისა და სპორტის სამინისტროს მიერ გავრცელებულ განცხადებაში. 

უწყების ინფორმაციით, ფონდ „ათინათთან“ თანამშრომლობის ფარგლებში მოხდება საერთაშორისო ასპარეზზე ქართული კულტურისა და ხელოვნების ცნობადობის გაზრდისა და სხვადასხვა პროექტების განხორციელების ხელშეწყობა.

ასევე, ქართული კულტურული მემკვიდრეობის ძეგლების პოპულარიზაციის მიზნით, ფონდი მოამზადებს სხვადასხვა შემეცნებით ვიდეორგოლს და სამინისტროს მხარდაჭერით საქართველოსა და მის ფარგლებს გარეთ დაგეგმილი კულტურული ღონისძიებების შესახებ ინფორმაციას „ათინათის“ მედიაპლატფორმაზე და სოციალურ ქსელში განათავსებს.

განათლების სამინისტრო ფონდ „ათინათთან“ განათლების სფეროშიც ითანამშრომლებს. მხარეებმა ერთობლივი პროექტების განხორციელების შესაძლებლობები უკვე განიხილეს.

შესაბამის მემორანდუმს ხელი მინისტრის მოადგილემ ლევან ხარატიშვილმა და ფონდის დირექტორმა ანა ალავერდაშვილმა მოაწერეს.

ფონდი „ათინათი“ არაერთ კულტურულ და საგანმანათლებლო პროექტს ახორციელებს, მათ შორისაა საგანმანათლებლო პროექტი საზღვარგარეთ მცხოვრები სკოლამდელი ასაკის ქართველი ბავშვებისთვის, რომელიც ქართული ენის შესწავლის მიზნით ანიმაციური კურსის შექმნას გულისხმობს.

27
თემები:
საქართველო და კულტურა (968)
კორონავირუსის პანდემია. მამაკაცი პირბადით ქუჩაში

კორონავირუსის გეოგრაფია საქართველოში: თბილისი კვლავ ეპიცენტრია

0
ამ დროისათვის სულ გამოჯანმრთელდა 10163 ადამიანი, გარდაიცვალა  193, კარანტინის რეჟიმში იმყოფება 4180, სტაციონარებში ექიმების დაკვირვების ქვეშ 3571, ხოლო კოვიდ–სასტუმროებში 1848 ადამიანი იმყოფება.

თბილისი, 24 ოქტომბერი - Sputnik. საქართველოში კორონავირუსით დაავადებულთა რაოდენობა ბოლო 24 საათში 1 941-ით გაიზარდა და საერთო რაოდენობა 26 503-ს შეადგენს. ახალი შემთხვევებიდან ყველაზე მეტი - 1 034 შემთხვევა დედაქალაქში დაფიქსირდა, განაცხადა უწყებათშორის საკოორდინაციო საბჭოსთან არსებული საოპერაციო შტაბის უფროსის მოადგილემ ბერდია სიჭინავამ.

თბილისის გარდა, ბოლო დღე-ღამეში გამოვლენილი შემთხვევებიდან 320 - აჭარაში, ხოლო 258 იმერეთში დაფიქსირდა.

რაც შეეხება სხვა რეგიონებს, ქვემო ქართლში - 107, შიდა ქართლში - 68, გურიაში - 12, სამეგრელოსა და ზემო სვანეთში - 49, კახეთში - 37, მცხეთა-მთიანეთში - 36, სამცხე-ჯავახეთში - 18, რაჭა-ლეჩხუმსა და ქვემო სვანეთში კი ორი ახალი შემთხვევაა გამოვლენილი.

ბოლო 24 საათში საქართველოში კიდევ 10 ადამიანი გარდაიცვალა და გარდაცვლილთა საერთო რაოდენობამ 193-ს მიაღწია.

ბერდია სიჭინავას განცხადებით, ამ ეტაპზე სულ აქტიური 16121 შემთხვევაა, საიდანაც 3571 პაციენტი საავადმყოფოში მკურნალობს, მათ შორის თბილისში - 1762, აჭარაში - 686. რაც შეეხება მძიმე პაციენტებს, თბილისში ასეთი 232 პაციენტია, ხოლო აჭარაში -  77.

კოვიდ-სასტუმროში იმყოფება 2 293 პირი, მათ შორის 1 353 - აჭარაში, ხოლო 728 - თბილისში.

ბინაზე 10 257 პაციენტი მკურნალობს.

საკარანტინე სივრცეში მოთავსებულია სულ 4 180 ადამიანი, მათ შორის, თბილისში - 849, აჭარაში - 2 183.

სულ 6-23 ოქტომბრის პერიოდში, საზღვრიდან გადმოყვანილია - 7 916 პირი.

„დღეის მდგომარეობით, თვითიზოლაციაში იმყოფება 28 069 პირი, საიდანაც თბილისში - 3 758 პირი, აჭარაში - 11 764, იმერეთში - 3 741“, - განაცხადა სიჭინავამ.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში