„ჩვენი სიყვარულის მერე“ – რომელი ფილმები დააფინანსა ეროვნულმა კინოცენტრმა

© photo: Sputnik / Ekaterina Chesnokova / გადასვლა მედიაბანკშიკინოგადაღება
კინოგადაღება - Sputnik საქართველო
გამოწერა
სავარაუდოდ, მომავალ წელს გველოდება ახალი მოკლემეტრაჟიანი ფილმები სიყვარულზე, სტალინზე და, ზოგადად, ცხოვრების შესახებ. კინოცენტრის მიერ ფილმის გადასაღებად გამოყოფილი ყველაზე დიდი თანხა 75 ათას ლარს შეადგენს.

თბილისი, 16 ივნისი – Sputnik. საქართველოს ეროვნულმა კინოცენტრმა შეარჩია შვიდი მოკლემეტრაჟიანი ფილმი, რომლებსაც ფინანსურ დახმარებას გაუწევს, ნათქვამია უწყების ოფიციალურ ვებ-გვერდზე.

ევა ლონგორია - Sputnik საქართველო
ქართველი რეჟისორის ფილმი კანის ფესტივალის ძირითად პროგრამაში მოხვდა

კინოცენტრის დაფინანსების მოსაპოვებლად კონკურსში 60 მოკლემეტრაჟიანი კინოფილმი მონაწილეობდა. თუმცა, საექსპერტო კომისიის საბოლოო დასკვნის მიხედვით, კინოცენტრი მხოლოდ შვიდ ფილმს დააფინანსებს.

გამარჯვებულ ფილმებს შორისაა რეჟისორ ირინე ჟორდანიას „ჰაერი ლურჯი აბრეშუმია“. მისმა ფილმმა მიიღო 74 ათასი ლარის ოდენობის დაფინანსება.

გიორგი ქობალიას ფილმმა „მცხუნვარე მზე“ მოიპოვა 51 ათასი ლარის დაფინანსება, კარინა სარდლიშვილის ნამუშევარმა „ნათლობა იორდანეში“ – 75 ათასი ლარი.

ცნობილი გახდა, როდის გაიმართება „ოსკარის“ დაჯილდოების ცერემონია >>

რეჟისორმა ნიკა გაბუნიამ ფილმისთვის „სამშობლოსთვის და სტალინისთვის“ მიიღო 58 ათასი ლარი, გრიგოლ აბაშიძის მოკლემეტრაჟიანი ფილმისთვის „უხერხემლო“ გამოყოფილია 70 ათასი ლარი. ამირან დოლიძის ფილმმა „ჩვენი სიყვარულის მერე“ მიიღო 49 ათასი ლარი, თორნიკე ტიკარაძის ფილმმა „ტოტოს უკანასკნელი დღეები“ 19 ათასი ლარი დაიმსახურა.

ყველა ახალი ამბავი
0