ლახამულის სახარება

სვანეთში დაცულ უნიკალურ სახარებას ეროვნული არქივის ლაბორატორიაში რესტავრაცია ჩაუტარდება

125
წელიწადნახევარში წმინდა საგანძური კვლავ ლახამულას ტაძარს დაუბრუნდება, სადაც მისთვის განკუთვნილ, მიკროკლიმატითა და უსაფრთხოების დაცვით აღჭურვილ სპეციალურ საცავში მოთავსდება.

თბილისი, 25 მაისი - Sputnik. ზემო სვანეთის ლახამულას ხიდის წმინდა გიორგის ეკლესიაში დაცული მე-12 საუკუნის სახარებას, ეროვნული არქივის ლაბორატორიაში რესტავრაცია ჩაუტარდება. ამის შესახებ ინფორმაციას სამეგრელო-ზემო სვანეთის სახელმწიფო რწმუნებულის ადმინისტრაცია ავრცელებს.

რვა საუკუნის განმავლობაში ეს პირველი შემთხვევაა, როცა ოთხთავი სვანეთს დატოვებს. სარესტავრაციო სამუშაოები 18 თვის განმავლობაში გაგრძელდება. ადგილობრივებისგან სპეციალურად შექმნილი სამეთვალყურეო ჯგუფი კი სახარების აღდგენის პროცესს ეტაპობრივად დააკვირდება. სვანეთიდან თბილისში ეროვნული არქივის ლაბორატორიამდე, უსაფრთხოების დაცვის მიზნით სახარების გადმოტანის პროცესს საპატრულო პოლიცია აცილებდა.

წელიწადნახევარში წმინდა საგანძური კვლავ ლახამულას ტაძარს დაუბრუნდება, სადაც მისთვის განკუთვნილ, მიკროკლიმატითა და უსაფრთხოების დაცვით აღჭურვილ სპეციალურ საცავში მოთავსდება.

ნიკა ლატარია

125
თემები:
ქართული კულტურული მემკვიდრეობის ძეგლები (78)
ღვინო

ლონდონში ქართულმა ღვინომ ბრიტანელი ექსპერტების საუკეთესო შეფასება მიიღო

5
დეგუსტაციაზე წარმოდგენილი იყო 50-ზე მეტი ქართული ღვინის მწარმოებელი კომპანიის 100-მდე დასახელების ღვინო, რომელიც დიდი ბრიტანეთის ბაზარზე უკვე ხელმისაწვდომია.

თბილისი, 24 ივნისი – Sputnik. ლონდონში ქართული ღვინის დეგუსტაცია გაიმართა, ნათქვამია ღვინის ეროვნული სააგენტოს მიერ გავრცელებულ განცხადებაში.

ღონისძიება ღვინის ეროვნული სააგენტოს კონტრაქტორი ბრიტანული კომპანიის Swirl Wine Group ორგანიზებით გაიმართა, რომელსაც საქართველოს საგანგებო და სრულუფლებიანი ელჩი გაერთიანებულ სამეფოში სოფიო ქაცარავა დაესწრო.

სააგენტოს ინფორმაციით, ქართული ღვინის ადგილობრივმა იმპორტიორებმა დეგუსტაციაზე 50-ზე მეტი ქართული ღვინის სხვადასხვა ბრენდი წარმოადგინეს, რომლებიც უკვე ხელმისაწვდომია დიდი ბრიტანეთის ბაზარზე.

„წარმოდგენილი იყო 50-ზე მეტი ქართული ღვინის მწარმოებელი კომპანიის 100-მდე დასახელების ღვინოები, რომლებიც ამ ეტაპზე, ღვინის ეროვნული სააგენტოს მხარდაჭერით, ცდილობენ ქართული ღვინის სტრატეგიულ, დიდი ბრიტანეთის ბაზარზე დამკვიდრებას“, - ნათქვამია განცხადებაში.

ქართული ღვინის დეგუსტაცია  ლონდონის პრესტიჟულ რესტორან Trivet-ში ჩატარდა, რომლის ღვინის მენიუც შედგენილია ღვინის განსაკუთრებულ ისტორიაზე დაფუძნებით. ამ აღიარებულ რესტორანში საქართველოს, როგორც ღვინის სამშობლოს, შესაბამისი ადგილი უკავია მსოფლიოს სხვა საუკეთესო ღვინოებს შორის.

5
ბავშვთა გუნდი

„მომავლის ხმები“: გურიაში საბავშვო ფესტივალი ჩატარდება

18
(განახლებულია 15:28 24.06.2021)
ღონისძიების მიზანია საქართველოს სხვადასხვა კუთხის ტრადიციული სიმღერა-გალობის უკეთ წარმოჩენა მომავალი თაობებისთვის.

თბილისი, 24 ივნისი – Sputnik. ფოლკლორის ცენტრის სალოტბარო სკოლების ყოველწლიური ფესტივალი „მომავლის ხმები“ გურიაში 25–27 ივნისს გაიმართება, იუწყებიან ორგანიზატორები. 

სამდღიან ფესტივალში სხვადასხვა რაიონებიდან სალოტბარო სკოლების 200-მდე მოსწავლე მიიღებს მონაწილეობას, რომლებიც საკუთარი კუთხის ტრადიციულ სიმღერებს შეასრულებენ. კონცერტები ოზურგეთის ფოლკლორის ცენტრში გაიმართება.

ფესტივალის ფარგლებში ასევე დაგეგმილია შეკვეთილში ბავშვებისთვის სხვადასხვა აქტივობები – გასართობ ღონისძიებებთან ერთად მოეწყობა ფილმების ჩვენება-გარჩევა.

„მომავლის ხმები“ პირველად 2019 წელს ჩატარდა გურიაში. ფესტივალში მონაწილეობდა 11 სალოტბარო სკოლის 400-მდე ბავშვი. ამჟამად საქართველოს მასშტაბით სხვადასხვა რაიონში 27 სალოტბარო სკოლა ფუნქციონირებს, სადაც ქართული ტრადიციული სიმღერის შეწავლა ყველა მსურველს შეუძლია.

 

18
თემები:
საქართველო და კულტურა