ვლადიმერ მაიაკოვსკი

ონლაინ–კონფერენცია: ეძღვნება ვლადიმერ მაიაკოვსკის

56
(განახლებულია 16:40 25.05.2020)
ფორუმის მონაწილეები სხვადასხვა ქვეყნიდან გაიხსენებენ მაიაკოვსკის და იმსჯელებენ მის შემოქმედებაზე პოეზიაში, თეატრში, კინოში, ჟურნალისტიკასა და ხელოვნების სხვა სფეროებში.

თბილისი, 25 მაისი – Sputnik. ონლაინ–კონფერენციას თემაზე „მაიაკოვსკის კვალდაკვალ პოეზიის საერთაშორისო სივრცეში“ ოთხშაბათს, 27 მაისს გამართავს მწერალ სანდრა ვერელის ბერლინის მუსიკალურ-ლიტერატურული სალონი ევროაზიის შემოქმედებით გილდიასთან ერთად.

სანდრა ვერელი საქართველოში დაარსებული დიდი პოეტის, ვლადიმერ მაიაკოსვკის სახელობის პირველი საერთაშორისო არტ-ფესტივალის „ბაღდათის ცა და სულის ეკოლოგია“ ორგანიზატორია. პროექტის მთავარი მიზანია საერთაშორისო ინტერესის გაღვიძება მაიაკოვსკის შემოქმედებისა და მისი ისტორიული სამშობლოსადმი.

ფესტივალი პირველად პოეტის მშობლიურ ბაღდათში 2018 წლის ოქტომბერში გაიმართა. მისი მონაწილენი იყვნენ შემოქმედი ადამიანები საქართველოდან, რუსეთიდან, ყაზახეთიდან, გერმანიიდან, დიდი ბრიტანეთიდან, პოლონეთიდან და ესტონეთიდან. მოგვიანებით ფესტივალი გაიმართა რუსეთსა და გერმანიაში.

„ფორუმში მონაწილეობას მიიღებენ პოეტები, მწერლები, თეატრალური კრიტიკოსები, მუსიკოსები, მხატვრები, ასევე ვლადიმერ მაიაკოვსკის შემოქმედების მთარგმნელები სხვადასხვა ქვეყნიდან. ასე რომ, საუბრების სპექტრი პოეზიის საზღვრებს გასცდება“, – აღნიშნა სანდრა ვერელმა „Sputnik–საქართველოსთან“ საუბრისას.

ვერელის თქმით, ონლაინ–კონფერენციაში მონაწილეობას მიიღებენ პოეტები და მწერლები საქართველოდან, გერმანიიდან, ინგლისიდან, ისრაელიდან, საფრანგეთიდან, რუსეთიდან, უკრაინიდან და ბელარუსიდან.

საპატიო სტუმრებს შორის იქნებიან პოეტის მშობლიური ქალაქ ბაღდათის წარმომადგენლები: მაიაკოვსკის სახლ–მუზეუმის დირექტორი ბექა კუჭუხიძე, ბაღდათის მუნიციპალიტეტის საერთაშორისო ურთიერთობების განყოფილების ხელმძღვანელი, პოეტი, მწერალი, მაიაკოვსკის შემოქმედების ქართულ ენაზე მთარგმნელი კონსტანტინე კიკნაძე, ფესტივალის „ბაღდათის ცა“ ერთ-ერთი ინიციატორი, რაიონის ტურიზმისა და სპორტის განყოფილების უფროსი გოჩა ხორავა.

გარდა ამისა, პოეტურ ფორუმში მონაწილეობას მიიღებენ პოეტები, მაიაკოვსკის პრემიის ლაურეატები ირინე გოჩაშვილი (თბილისი), ლიდია გრიგორიევა (ლონდონი), ჟურნალისტები მარინა თექთუმანიძე და ანასტასია ხატიაშვილი თბილისიდან, ასევე გაგიკ ნაზარიანი ერევნიდან.

მაიაკოვსკის შემოქმედებაზე და მესამე ეკო-არტ-ფესტივალზე ისაუბრებენ კუნგურის სტროგანოვის სახელობის სამხატვრო კოლეჯის დირექტორის მოადგილე ტატიანა პიატიშევა, ამავე სასწავლებლის კურსდამთავრებული და ამჟამად მოსკოვის სტროგანოვის სახელობის სამხატვრო აკადემიის სტუდენტი, სადაც თავად მაიაკოვსკიც სწავლობდა, სანამ მეამბოხე ხასიათის გამო არ გარიცხეს. მხატვრულ თემას განაგრძობს მხატვარი და ჟურნალისტი ნატალია კოვალიოვა. მაიაკოვსკის თეატრალურ მიმართულებას წარმოადგენს თეატრალური კრიტიკოსი მოსკოვიდან ოლგა გოვორკო, აღნიშნა ვერელმა.

ფორუმის მუსიკალურ ნაწილს წარმოადგენენ კომპოზიტორები, რომლებმაც ბერლინში მეორე ფესტივალისთვის მაიაკოვსკის ლექსებზე შექმნეს მუსიკა. ესენი არიან არჩი კიდი მოსკოვიდან, ალექსანდრ გუტმანი, ანა ზანიზდრა, ვოლფ გერნერი და რობერტ დენჰოფი ბერლინიდან.

კონფერენციის განსაკუთრებული სტუმარი იქნება მართლმადიდებლური გუნდი „საირმე“ ბაღდათიდან, რომელიც შეასრულებს ჯანსუღ კახიძის სიმღერას ვლადიმერ მაიაკოვსკიზე. კონფერენციას გაუძღვებიან პოეტი, მწერალი და მთარგმნელი გერმანიიდან სანდრა ვერელი და ევროაზიის შემოქმედებითი გილდიის ხელმძღვანელის მოადგილე ლონდონიდან მარატ ახმეჯანოვი.


56
თემები:
საქართველო და კულტურა (859)
ვაჟა-ფშაველა

„ვაჟაობა" სოციალურ ქსელში: კლასიკოსის განსხვავებული იუბილე

70
(განახლებულია 20:59 14.07.2020)
ცნობილი მწერალი, ქართველების „მთის არწივი" ვაჟა-ფშაველა, იგივე ლუკა რაზიკაშვილი დაიბადა 1861 წლის 14 ივლისს სოფელ ჩარგალში, მდინარე ჩარგლულას ნაპირას, პატარა ქვიტკირის სახლში.

თბილისი, 14 ივლისი — Sputnik. ქართული ლიტერატურის კლასიკოსის, პოეტისა და მწერლის ვაჟა-ფშაველას შთამომავალი ლეილა რაზიკაშვილი მწერლის 195 წლის იუბილეს აღნიშვნას გეგმავს და საზოგადოებას სოციალურ ქსელში ვაჟა-ფშაველას შემოქმედების გაზიარებას სთავაზობს.

საქართველო დღეს, 14 ივლისს ვაჟა-ფშაველას დაბადების დღეს აღნიშნავს. თუმცა, კორონავირუსის პანდემიის გამო, ყოველწლიური დღესასწაული "ვაჟაობა" წელს გადაიდო.

„წელს ჩვენ ეს დღე შეგვიძლია აღვნიშნოთ ისე, როგორც არასდროს, – წერს რაზიკაშვილი. – ჩვენ შეგვიძლია „ვაჟაობა" აღვნიშნოთ მთელ საქართველოსთან და მსოფლიოსთან ერთდ ისე, რომ ეს დღესასწაული საყოველთაო გახდეს. ამისთვის არაა საჭირო სცენარები, რეჟისორები, მოსაწვევები და ა.შ. ამისთვის საჭიროა მხოლოდ მისი პოეტური სიტყვა და ფრაზები. ჩვენ შეგვიძლია ერთი დღით ჩვენი სოციალური ქსელი ვაჟა-ფშაველას ლექსებითა და ფრაზებით შევავსოთ".

ვაჟა-ფშაველა

ცნობილი მწერალი, ქართველების „მთის არწივი" ვაჟა-ფშაველა, იგივე ლუკა რაზიკაშვილი დაიბადა 1861 წლის 14 ივლისს სოფელ ჩარგალში, მდინარე ჩარგლულას ნაპირას, პატარა ქვიტკირის სახლში.

Грузинский писатель и поэт Важа-Пшавела - Лука Разикашвили
© photo: Sputnik /
ქართველი ლმწერალი და პოეტი ვაჟა-ფშაველა

მშობლები: მამა — პავლე რაზიკაშვილი, სოფლის მღვდელი იყო. სწორედ მან ჩაუნერგა პატარა ვაჟას წიგნების სიყვარული. დედა — ბარბალე (გულქან) ფხიკელაშვილი, რომლის წყალობით ვაჟამ უამრავი ხალხური ლექსი იცოდა ზეპირად. გულქანი მას საგმირო ამბებს, ფშაურ თქმულებებსა და ლექსებს აცნობდა.

ლუკა რაზიკაშვილს ფსევდონიმი ვაჟა-ფშაველა პეტერბურგში სწავლისას მისმა თუშმა მეგობარმა დიმიტრი ცისკარიშვილმა შეარქვა. ფშავ-ხევსურეთში "ვაჟა" კარგ ბიჭს, ვაჟკაცს ნიშნავდა.

Грузинский писатель и поэт Важа-Пшавела - Лука Разикашвили
© photo: Sputnik /
ქართველი კლასიკოსი ვაჟა-ფშაველა

1879 წელს ლუკამ გორის სამასწავლებლო სემინარიაში ჩააბარა. 1883 წელს პეტერბურგში გაემგზავრა და თავისუფალ მსმენელად შევიდა უნივერსიტეტში, იურიდიულ ფაკულტეტზე. თუმცა, ხელმოკლეობის გამო სწავლა მიატოვა, სამშობლოში დაბრუნდა და ჩარგალში დასახლდა.

ვაჟა-ფშაველა მთის ხალხში დიდი გავლენით სარგებლობდა. იშვიათად თუ ჩამოდიოდა ბარად. სწორედ ფშაური ზამთრის გრძელ ღამეებში დაიწერა მისი გენიალური პოემები, მოთხრობები და ლექსები: „ალუდა ქეთელაური", „ბახტრიონი", „სტუმარ-მასპინძელი", „გველისმჭამელი", „შვლის ნუკრის ნაამბობი", „ხმელი წიფელი" და ა.შ.

Грузинский писатель и поэт Важа-Пшавела - Лука Разикашвили
© photo: Sputnik / РИА Новости
ვაჟა-ფშაველა საავადმყოფოში

მძიმე შრომამ და გაჭირვებამ ვაჟას ჯანმრთელობა შეურყია. მას ფილტვის პლევრიტი დაუდგინეს და ოპერაციაც გაუკეთეს. ერთხანს თითქოს მოიკეთა, თუმცა მძიმე სენმა თავი მაინც არ ანება და, ექიმების მცდელობის მიუხედავად, ვეღარ უშველეს. 1915 წლის 27 ივლისს ვაჟა-ფშაველა გარდაიცვალა. იგი ჯერ დიდუბის პანთეონში დაკრძალეს, 1935 წლის 18 ოქტომბერს კი, ვაჟა-ფშაველას გარდაცვალების ოცი წლის თავზე, მისი ნეშტი გადაასვენეს მთაწმინდის პანთეონში.

ვაჟა-ფშაველა 36 პოემის, 400-მდე ლექსის, ასევე პიესებისა და მოთხრობების ავტორია. ქართული ლიტერატურის ისტორიაში იგი შევიდა როგორც XIX საუკუნის გამორჩეული მწერალი.

70
თემები:
საქართველო და კულტურა (859)
ქვევრი

წინანდალში ქვევრის ღვინის საერთაშორისო კონკურსი ჩატარდა

56
(განახლებულია 13:42 13.07.2020)
წელს კონკურსზე წარმოდგენილი იყო ღვინის 460 ნიმუში, რაც სამჯერ აღემატება პირველ კონკურსზე წარდგენილი ღვინოების რაოდენობას.

თბილისი, 13 ივლისი – Sputnik. წინანდალში ქვევრის ღვინის საერთაშორისო კონკურსი უკვე მეოთხედ ჩატარდა, იუწყება ღვინის ეროვნული სააგენტო.

ორგანიზატორების თქმით, კონკურსის მიზანია საუკეთესო ქვევრის ღვინოების წარმოდგენა, ქვევრის ღვინის წარმოებისა და რეალიზაციის ხელშეწყობაა.

კონკურსი „ასოციაცია ქართული ღვინოს“ ორგანიზებით და ღვინის ეროვნული სააგენტოს მხარდაჭერით გაიმართა ალექსანდრე ჭავჭავაძის სახლ-მუზეუმის ტერიტორიაზე. სწორედ აქ მდებარეობს საქართველოში ერთ-ერთი პირველი მარანი, სადაც ღვინო ბოთლში ჩამოისხა.

„წელს კონკურსზე ღვინის 460 ნიმუში იყო წარმოდგენილი, რაც სამჯერ აღემატება პირველ კონკურსზე წარმოდგენილი ღვინოების რაოდენობას. ეს მეღვინეების მხრიდან კონკურსისადმი დიდ ინტერესზე მიუთითებს. ჟიურის შემადგენლობაში საერთაშორისო რანგის ქართველი ღვინის ექსპერტები შედიოდნენ. ისინი თანხმდებიან, რომ ქვევრის ღვინის ხარისხი ყოველწლიურად უმჯობესდება. მისასალმებელია, რომ კონკურსზე ქვევრის ღვინო საქართველოს თითქმის ყველა რეგიონიდან იყო წარმოდგენილი“, – აღნიშნა ღვინის ეროვნული სააგენტოს თავმჯდომარემ, კონკურსის ჟიურის წევრმა ლევან მეხუზლამ.

გამარჯვებული ღვინოები ივლისის ბოლომდე დასახელდება. გამარჯვებული ღვინოები ევროპის სხვადასხვა ქვეყანაში ონლაინ-დეგუსტაციებზე გაიგზავნება, რაც განსაკუთრებით მნიშვნელოვანია მეღვინეობის დარგში პანდემიით გამოწვეული სირთულეების ფონზე, ნათქვამია ორგანიზატორების განცხადებაში.

ორგანიზატორების თქმით, კონკურსმა დიდი ინტერესი გამოიწვია, განსაკუთრებით მარნების მხრიდან. მსგავს კონკურსებში მონაწილეობა მათთვის კარგი სტიმულია შემდგომი განვითარებისთვის.

ქართული ღვინის მორიგი გამარჯვება მსოფლიო არენაზე: ოქროსა და ვერცხლის მედლები პოლონეთში >>

კონკურსის ჟიურის თავმჯდომარე წელს საქართველოს დამსახურებული მეღვინე, ენოლოგი გიორგი დაქიშვილი იყო.

ქვევრის ღვინის კონკურსი საქართველოში პირველად 2017 წელს გაიმართა და იმ დროიდან ამ სახეობის ღვინის მიმართ ინტერესი მნიშვნელოვნად გაიზარდა. 2018 წელს წარმოდგენილი და დაჭაშნიკებული იყო 25%-ით მეტი ღვინო, ვიდრე კონკურსის ჩატარების პირველ წელს, აღნიშნავენ ორგანიზატორები.

დღეისათვის საქართველოში ათასობით სხვადასხვა ჯიშის ყურძენი მოჰყავთ – მთელ მსოფლიოში ყურძნის 4 ათასი ცნობილი ჯიშიდან დაახლოებით 500 ქართული წარმომავლობისაა.

56
თემები:
ღვინის კულტურა და მეღვინეობა
მამაკაცი ნიღბით ინფექციური საავადმყოფოს ტერიტორიაზე

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/15 ივლისი

86738
საქართველოში საგანგებო მდგომარეობა ერთი თვის წინ მოიხსნა, მაგრამ მთავრობამ შეზღუდვების ნაწილი ძალაში დატოვა.

თბილისი, 15 ივლისი – Sputnik. საქართველოს მთავრობა აგრძელებს კორონავირუსის პანდემიის გამო დაწესებული შეზღუდვების მოხსნას, მაგრამ ამავე დროს მთავრობა და ეპიდემიოლოგები მოუწოდებენ მოქალაქეებს გამოიჩინონ სიფრთხილე და დაიცვან ჯანდაცვის სამინისტროს რეკომენდაციები.

ქვეყნის ტერიტორიაზე მოქმედებს შემდეგი შეზღუდვები:

  • დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში დაუშვებელია პირბადის გარეშე ყოფნა;

  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;
  • აკრძალულია სპორტული ღონისძიებების გამართვა
  • კულტურული და გასართობი ღონისძიებების გამართვა დასაშვებია მხოლოდ ღია სივრცეებში, გამონაკლისია მუზეუმები;
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

ამ მომენტისათვის ინფიცირებულთა რაოდენობა 999 ადამიანს შეადგენს, აქედან 870 გამოჯანმრთელდა, 15 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

15 ივნისიდან აღდგა შიდა ტურიზმი, ხოლო 1 ივლისიდან საქართველო საზღვრებს უცხოელი ტურისტებისთვის გახსნის.

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 5640, სტაციონარებში მეთვალყურეობის ქვეშ კი 244 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე stopcov.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

 

86738
თემები:
COVID-19 საქართველოში