თამარ ედილაშვილი - ევროვიზიის ქართველი მონაწილე

„პატარების დიდი შოუ“: ქართულ ტელესივრცეში ახალი პროექტი იწყება

528
(განახლებულია 15:21 22.05.2020)
შოუში მონაწილეობის მსურველებმა შოუს Facebook-გვერდზე უნდა გაგზავნონ ვიდეორგოლები, სადაც მათი განსაკუთრებული უნარები გამოჩნდება.

თბილისი, 22 მაისი – Sputnik. საქართველოში გაჩნდება საერთაშორისო შოუს Little Big Shots ქართული ანალოგი, რომელიც Imedi-ს ტელეარხზე გავა.

პროექტი Little Big Shots შეკვეთილი იყო 2015 წელს ნაციონალური სამაუწყებლო კომპანია NBC-ს მიერ რვაეპიზოდიანი პირველი სეზონისთვის. პრემიერა, რომლის წამყვანი იყო სტივ ჰარვი, 2016 წლის 8 მარტს შედგა. შოუ გადის ისეთ ქვეყნებში, როგორიცაა იტალია, საფრანგეთი, ავსტრალია, დიდი ბრიტანეთი, უკრაინა და სხვ.

შოუზე ტრადიციულად გამოდიან უჩვეულო ნიჭის მქონე ბავშვები - აკრობატები, მომღერლები, მუსიკოსები, მზარეულებიც კი.

ამ დროისათვის „იმედმა“ გამოაცხადა, რომ პროექტის ჩასატარებლად მოსამზადებელ ეტაპს იწყებს. გადაცემის სახელწოდება იქნება „პატარების დიდი შოუ“.

„თუ ჯერ არ ხარ 13 წლის, მაგრამ ხარ მუსიკოსი, გამომგონებელი, პოეტი, მსახიობი, სპორტსმენი, ილუზიონისტი, ექიმი, ექსტრემალი, მხატვარი, ფიზიკოსი, გიყვარს ცხოველები, ქიმია, ისტორია, ასტრონომია ან გემრიელი კერძების მომზადება, თუ გჯერა, რომ განსაკუთრებულ ნიჭს ფლობ და შეგიძლია ის, რაც სხვებს არ შეუძლიათ, მაშინ დროა მთელმა ქვეყანამ იამაყოს შინით“, - ნათქვამია შოუს ანონსში.

შოუში მონაწილეობის მსურველებმა შოუს Facebook-გვერდზე უნდა გაგზავნონ ვიდეორგოლი, სადაც მათი განსაკუთრებული უნარები გამოჩნდება. როდის გავა გადაცემა ეთერში, ჯერჯერობით უცნობია.

528
თემები:
საქართველო და კულტურა (829)
გიორგი ნადიბაიძე – The Voice–ის გამარჯვებული

The Voice „პირველ არხზე“ გადადის

33
(განახლებულია 21:31 01.06.2020)
კონკურსზე რეგისტრაცია უკვე დაიწყო. ის ონლაინ–რეჟიმში მიმდინარეობს. შემდეგ გაიმართება კასტინგი და დასახელდება ჟიურის შემადგენლობა.

თბილისი, 1 ივნისი – Sputnik. საზოგადოებრივი მაუწყებლის „პირველი არხი“ სასიმღერო კონკურსის The Voice ახალ სეზონს ამზადებს. რეგისტრაცია უკვე დაიწყო.

როგორც ოგანიზატორები აცხადებენ, მსურველები ჯერ უნდა დარეგისტრირდნენ ინტერნეტ-გვერდზე, ხოლო შემდეგ სახლიდან გაუსვლელად გაიარონ კასტინგი.

ჯერჯერობით უცნობია, ვინ იქნება ჟიურიში. გასულ წელს მის შემადგენლობაში შედიოდნენ ქეთა თოფურია, ანრი ჯოხაძე, ნოდიკო ტატიშვილი და ნუცა შანშიაშვილი.

The Voice ვოკალური სატელევიზიო შოუა. ის 2012 წლიდან ტელეარხ „იმედზე“ გადიოდა, ახლა კი „პირველ არხზე“ გავა.

პროგრამას ადრე „ახალი ხმა“ ერქვა. პირველი ორი სეზონის გამარჯვებული არიან სალომე ქათამაძე და მარიამ ჩაჩხიანი. პროექტი The Voice-ის ორიგინალური ფორმატის ანალოგია, რომელიც პირველად ჰოლანდიურ ТВ RTL4-ზე გამოჩნდა, როგორც The Voice of Holland.

33
თემები:
საქართველო და კულტურა (829)
ნახატი

ესპანეთში ქართველმა ემიგრანტმა ბავშვებმა ნახატების კონკურსში მიიღეს მონაწილეობა

45
(განახლებულია 16:33 01.06.2020)
ესპანეთის სამეფოში საქართველოს ელჩმა ილია გიორგაძემ მადლობა გადაუხადა ესპანეთში ქართული ეკლესიების წინამძღვრებს, დიასპორების წარმომადგენლობებს, საკვირაო სკოლებსა და მსოფლიო ტურიზმის ორგანიზაციას კორკურსის მხარდაჭერისთვის.

თბილისი, 1 ივნისი – Sputnik. ქართველმა ემიგრანტმა ბავშვებმა ბარსელონიდან, მადრიდიდან, ბილბაოდან, ვიტორიიდან, ვალენსიიდან, მალაგიდან, ალიკანტედან, ბურგოსიდან, არნედოდან და სხვა ქალაქებიდან ესპანეთის სამეფოში საქართველოს საელჩოს მიერ ორგანიზებულ ნახატების ონლაინ გამოფენა-კონკურსში მიიღეს მონაწილეობა.

კონკურსზე ნახატები 109 ბავშვმა გაგზავნა. ონლაინ-კონკურსის გამარჯვებულები გახდნენ 9 წლის ანასტასია ჩაჩხიანი (ბარსელონა), 7 წლის სანდრო გრიგოლია (ბარსელონა) და 8 წლის ბარბარე რურუა (ბურგოსი). მადრიდის საკვირაო სკოლის 8 წლის მოსწავლე ლუკა ავალიშვილს კი სპეციალური პრიზი გადაეცა. 

ესპანეთის სამეფოში საქართველოს საგანგებო და სრულუფლებიანმა ელჩმა ილია გიორგაძემ მადლობა გადაუხადა ესპანეთში ქართული ეკლესიების წინამძღვრებს, დიასპორების წარმომადგენლობებს, სოციალურ და შემოქმედებით გაერთიანებებს, საკვირაო სკოლებსა და მსოფლიო ტურიზმის ორგანიზაციას კორკურსის მხარდაჭერისთვის.

„თითოეული ბავშვის ნამუშევარი იყო გამორჩეული და მნიშვნელოვანი გამოფენისთვის, რომელმაც ძალიან დიდი მოწონება დაიმსახურა ჩვენს Facebook-გვერდზე. ბავშვების მიერ დანახულ ჩვენი ქვეყნის მომავალს ნათლად ასახავს საქართველოს გერბზე წარწერა „ძალა ერთობაშია” და ჩვენ ყველაფერს გავაკეთებთ იმისთვის, რომ ჯანმრთელი, დაცული, განათლებული და ბედნიერი მომავალი თაობა გვყავდეს“, – განაცხადა გიორგაძემ.

1 ივნისს ცივილიზებული მსოფლიო ბავშვთა დაცვის საერთაშორისო დღეს აღნიშნავს. ბავშვები სიცოცხლის გაგრძელება, ქვეყნის მომავალია. მათი გაფთხილება, უფლებების დაცვა, მათზე ზრუნვა – მომავალზე ზრუნვაა. ჩვენთვის, ისევე, როგორც ყველა ცივილიზებული ქვეყნისთვის, უდიდესი მნიშვნელობა აქვს ბავშვთა უფლებების დაცვას, მათი ჯანმრთელობისათვის ზრუნვას, ზნეობრივი ღირებულებებით მათ აღზრდას“, – ნათქვამია ესპანეთში საქართველოს საელჩოს განცხადებაში.

თითოეულ გამარჯვებულს სერტიფიკატები და პრიზები გადაეცემა, რომელთა მისაღებადაც შესაბამისი პირები 8 ივნისიდან საელჩოს უნდა დაუკავშირდნენ.

45
ლაბორატორია

ზახაშვილი: „საბურთალოს კლასტერთან“ დაკავშირებით ნუცუბიძის რაიონის ჩაკეტვა არ იგეგმება

0
(განახლებულია 11:15 02.06.2020)
საქართველოში ახალი, ე.წ. საბურთალოს კლასტერის შესახებ ინფორმაცია 30 მაისს გავრცელდა –  ინფიცირების პირველადი წყარო, შესაძლებელია, იყოს მედიკოსი.

თბილისი, 2 ივნისი – Sputnik. ე.წ. საბურთალოს კლასტერთან დაკავშირებით, ნუცუბიძის რაიონის ჩაკეტვა არ იგეგმება, განაცხადა დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა ხათუნა ზახაშვილმა „პალიტრანიუსის“ ეთერში. 

საქართველოში ახალი, ე.წ. საბურთალოს კლასტერის შესახებ ინფორმაცია 30 მაისს გავრცელდა –  ინფიცირების პირველადი წყარო, შესაძლებელია, იყოს მედიკოსი.

ზახაშვილის განცხადებით,  „საბურთალოს კლასტერთან“ კონტაქტში მყოფი ყველა პირი საკარანტინე სივრცეშია გადაყვანილი ან მკაცრი იზოლაციის პირობებში იმყოფებიან.

„აღნიშნული პირები ექიმების ზედამხედველობის ქვეშ არიან, აწარმოებენ ჯანმრთელობის თვითმონიტორინგს და ნებისმიერი სიმპტომის გამოხატვისთანავე მოხდება მათი ჰოსპიტალიზაცია. პროცესი სრულად მართვადია, შესაბამისად ნუცუბიძის რაიონის ჩაკეტვის საკითხი არ დგას და არც განიხილება“, - განაცხადა ხათუნა ზახაშვილმა.

გავრცელებული ინფორმაციით, გუშინ, რამდენიმე ადამიანმა  საკარანტინო სივრცეებში მედიკოსების დაკვირვების ქვეშ გადასვლის სურვილი თავად გამოთქვა, რადგან, როგორც გაირკვა, ისინი იმ  კორპუსის მიმდებარედ ცხოვრობენ, სადაც კორონავირუსის შემთხვევაა დაფიქსირებული და კორონავირუსით ინფიცირებული ერთ-ერთი პირი მათ კორპუსში სტუმრად იმყოფებოდა.

ამ დროისათვის ე.წ. საბურთალოს კლასტერიდან კორონავირუსი უკვე 23 ადამიანს დაუდგინდა.

ბოლო მონაცემებით, საქართველოში კორონავირუსის 796 დადასტურებული შემთხვევაა, მათ შორის გამოჯანმრთელებულია  634,  გარდაცვლილი - 12, კარანტინის რეჟიმში იმყოფება 2508 ადამიანი, ხოლო სტაციონარში მეთვალყურეობის ქვეშ 300 პაციენტია.

0
თემები:
COVID-19 საქართველოში