შოუ „მასტერშეფი“

პირველი არხი ახალი სეზონისთვის სიახლეებს ამზადებს

106
პირველი არხის მაყურებლებს შესთავაზებს ნაცნობ და საყვარელს შოუებს, რომლებიც კორონავირუსის პანდემიის გამო შეწყდა

თბილისი, 19 მაისი – Sputnik. საქართველოს პირველი არხი ამზადებს ახალ სატელევიზიო სეზონს - ეთერში მაყურებლისთვის საყვარელი პროგრამები გავა.

როგორც არხის ვებგვერდზე გავრცელებულ განცხადებაშია ნათქვამი, მასშტაბური პროექტები, რომელთა დაწყება კორონავირუსის პანდემიამ თითქმის სამი თვით გადაავადა, 24 მაისიდან დაიწყება.

ეკრანებზე ბრუნდება ყველასათვის საყვარელი შოუ „მასტერშეფი“ - საქართველოში ერთადერთი საერთაშორისო კულინარიული პროექტის მესამე სეზონისთვის მონაწილეების შერჩევა უკვე დასრულდა.

„იწყება გადაცემის, „რა, სად, როდის“ ზაფხულის სერიები. ეკრანზე ბრუნდება პირველი არხის სერიალი „იდეალური დედა“, რომელმაც პირველივე სეზონიდან მაყურებლის განსაკუთრებული სიყვარული მოიპოვა. მიმდინარეობს მზადება საერთაშორისო პრესტიჟული მუსიკალური კონკურსის, „ვოისის“ ლიცენზირებული ქართული ანალოგისთვისაც“, - ნათქვამია ვებგვერდზე.

მოსალოდნელია სიახლეები არხის ახალი ამბების სამსახურშიც - საინფორმაციო პროგრამა „მოამბე“ გავა ახალი სტუდიიდან განახლებული ფორმატით, საინტერესო რეპორტაჟებითა და სტუმრებით.

106
თემები:
საქართველო და კულტურა (1120)
ღვინო

ლონდონში ქართულმა ღვინომ ბრიტანელი ექსპერტების საუკეთესო შეფასება მიიღო

16
დეგუსტაციაზე წარმოდგენილი იყო 50-ზე მეტი ქართული ღვინის მწარმოებელი კომპანიის 100-მდე დასახელების ღვინო, რომელიც დიდი ბრიტანეთის ბაზარზე უკვე ხელმისაწვდომია.

თბილისი, 24 ივნისი – Sputnik. ლონდონში ქართული ღვინის დეგუსტაცია გაიმართა, ნათქვამია ღვინის ეროვნული სააგენტოს მიერ გავრცელებულ განცხადებაში.

ღონისძიება ღვინის ეროვნული სააგენტოს კონტრაქტორი ბრიტანული კომპანიის Swirl Wine Group ორგანიზებით გაიმართა, რომელსაც საქართველოს საგანგებო და სრულუფლებიანი ელჩი გაერთიანებულ სამეფოში სოფიო ქაცარავა დაესწრო.

სააგენტოს ინფორმაციით, ქართული ღვინის ადგილობრივმა იმპორტიორებმა დეგუსტაციაზე 50-ზე მეტი ქართული ღვინის სხვადასხვა ბრენდი წარმოადგინეს, რომლებიც უკვე ხელმისაწვდომია დიდი ბრიტანეთის ბაზარზე.

„წარმოდგენილი იყო 50-ზე მეტი ქართული ღვინის მწარმოებელი კომპანიის 100-მდე დასახელების ღვინოები, რომლებიც ამ ეტაპზე, ღვინის ეროვნული სააგენტოს მხარდაჭერით, ცდილობენ ქართული ღვინის სტრატეგიულ, დიდი ბრიტანეთის ბაზარზე დამკვიდრებას“, - ნათქვამია განცხადებაში.

ქართული ღვინის დეგუსტაცია  ლონდონის პრესტიჟულ რესტორან Trivet-ში ჩატარდა, რომლის ღვინის მენიუც შედგენილია ღვინის განსაკუთრებულ ისტორიაზე დაფუძნებით. ამ აღიარებულ რესტორანში საქართველოს, როგორც ღვინის სამშობლოს, შესაბამისი ადგილი უკავია მსოფლიოს სხვა საუკეთესო ღვინოებს შორის.

16
ბავშვთა გუნდი

„მომავლის ხმები“: გურიაში საბავშვო ფესტივალი ჩატარდება

18
(განახლებულია 15:28 24.06.2021)
ღონისძიების მიზანია საქართველოს სხვადასხვა კუთხის ტრადიციული სიმღერა-გალობის უკეთ წარმოჩენა მომავალი თაობებისთვის.

თბილისი, 24 ივნისი – Sputnik. ფოლკლორის ცენტრის სალოტბარო სკოლების ყოველწლიური ფესტივალი „მომავლის ხმები“ გურიაში 25–27 ივნისს გაიმართება, იუწყებიან ორგანიზატორები. 

სამდღიან ფესტივალში სხვადასხვა რაიონებიდან სალოტბარო სკოლების 200-მდე მოსწავლე მიიღებს მონაწილეობას, რომლებიც საკუთარი კუთხის ტრადიციულ სიმღერებს შეასრულებენ. კონცერტები ოზურგეთის ფოლკლორის ცენტრში გაიმართება.

ფესტივალის ფარგლებში ასევე დაგეგმილია შეკვეთილში ბავშვებისთვის სხვადასხვა აქტივობები – გასართობ ღონისძიებებთან ერთად მოეწყობა ფილმების ჩვენება-გარჩევა.

„მომავლის ხმები“ პირველად 2019 წელს ჩატარდა გურიაში. ფესტივალში მონაწილეობდა 11 სალოტბარო სკოლის 400-მდე ბავშვი. ამჟამად საქართველოს მასშტაბით სხვადასხვა რაიონში 27 სალოტბარო სკოლა ფუნქციონირებს, სადაც ქართული ტრადიციული სიმღერის შეწავლა ყველა მსურველს შეუძლია.

 

18
თემები:
საქართველო და კულტურა (1120)
თურქეთის დროშა

საქართველო და თურქეთი თავისუფალი ვაჭრობის ხელშეკრულების გაფართოებას გეგმავენ

0
თავისუფალი ვაჭრობის შესახებ ხელშეკრულება საქართველოსა და თურქეთს შორის 2007 წელს გაფორმდა და ის გარკვეული საქონლის იმპორტზე გადასახადისგან გათავისუფლებას ითვალისწინებს.

თბილისი, 24 ივნისი - Sputnik. საქართველომ და თურქეთმა ქვეყნებს შორის თავისუფალი ვაჭრობის ხელშეკრულების ფარგლებში განიხილეს სოფლის მეურნეობის პროდუქტებზე ტარიფების შემდგომი ლიბერალიზაცია და დოკუმენტში სერვისებით ვაჭრობის ჩართვის შესაძლებლობა, იტყობინება საქართველოს ეკონომიკისა და მდგრადი განვითარების სამინისტროს პრესსამსახური.

ანკარამ უმასპინძლა საქართველო-თურქეთის თავისუფალი ვაჭრობის ხელშეკრულების შედეგად დაარსებული ერთობლივი კომიტეტის მე -12 სხდომას, რომლის ფარგლებში გაიმართა მოლაპარაკებები დოკუმენტში შესწორებების შეტანის შესახებ.

საქართველოს დელეგაციას ხელმძღვანელობდა ეკონომიკის მინისტრის მოადგილე გენადი არველაძე, ხოლო თურქეთის დელეგაციას - ვაჭრობის მინისტრის მოადგილე მუსტაფა თუზჯუ.

არველაძის თქმით, ქვეყნებს შორის თავისუფალი ვაჭრობის შესახებ შეთანხმებაში შეტანილი ცვლილება, განსაკუთრებით სოფლის მეურნეობის ტარიფების შემდგომი ლიბერალიზაციის შესახებ, გაზრდის ექსპორტს საქართველოდან თურქეთში და დაეხმარება ქართველ მწარმოებლებს, თავიანთი სოფლის მეურნეობის პროდუქტები თურქეთის ბაზარზე კონკურენტუნარიანი გახადონ. მისივე თქმით, ამ საკითხზე თურქულ მხარესთან კონსულტაციების პროცესი წარმატებით მიმდინარეობს.

კომიტეტის შემდეგი სხდომა თბილისში 2021 წლის ბოლოს გაიმართება, მანამდე კი კონსულტაციები ექსპერტების დონეზე ონლაინ რეჟიმში გაგრძელდება.

თავისუფალი ვაჭრობის ხელშეკრულება საქართველოსა და თურქეთს შორის 2007 წელს გაფორმდა და ის გარკვეული საქონლის იმპორტზე გადასახადისგან გათავისუფლებას ითვალისწინებს.

საქართველოს სავაჭრო პარტნიორებს შორის თურქეთი პირველ ადგილზეა – 2021 წლის იანვარ–მაისში, გასული წლის ანალოგიურ პერიოდთან შედარებით, მეზობელ ქვეყანასთან საგარეო სავაჭრო ბრუნვა 35%–ით გაიზარდა და 758,1 მლნ დოლარი – საქართველოს საერთო სავაჭრო ბრუნვის 15,1% შეადგინა.

გასულ წელს საქართველოსა თურქეთს შორის სავაჭრო ბრუნვა, 2019 წლის იმავე პერიოდთან შედარებით, 12,2%-ით შემცირდა და 1,6 მლრდ დოლარი შეადგინა.  მიუხედავად ამისა, 2020 წელსაც თურქეთი საქართველოს ერთ-ერთი მთავარი სავაჭრო პარტნიორი იყო.

საქართველოდან თურქეთში ექსპორტზე გადის ფეროშენადნობები, ტრიკოტაჟის ნაწარმი, ფოლადის ნახევარფაბრიკატები, შავი ლითონის ჯართი და სხვა საქონელი.

თურქეთიდან შემოდის 10 და მეტი ადამიანის გადასაყვანი ავტომობილები, სატვირთო ავტომობილი, შავი ლითონის მილები, მილაკები და ღრუ პროფილები, სამკურნალო პრეპარატი და ა.შ. 

0