ეროვნული მუზეუმი

მუზეუმების საერთაშორისო დღე: საქართველოს მუზეუმები ონლაინ–ექსკურსიებზე გეპატიჟებიან

197
(განახლებულია 16:23 18.05.2020)
მუზეუმების საერთაშორისო დღესთან დაკავშირებით საქართველოს თითქმის ყველა მუზეუმი ციფრულ ფორმატში არაერთ საინტერესო და მნიშვნელოვან ღონისძიებას ჩაატარებს.

თბილისი, 18 მაისი — Sputnik. მუზეუმების საერთაშორისო დღეს, რომელსაც მსოფლიო 18 მაისს აღნიშნავს, საქართველოც უერთდება, მხოლოდ ინტერნეტ-სივრცეში – ქვეყანაში კორონავირუსის პანდემიის გამო ამ დრომდე დახურულია მუზეუმები და გალერეები.

საბედნიეროდ, ქართული მუზეუმების ნაწილი საზოგადოებას საინტერესო ვირტუალურ ექსკურსიებს სთავაზობს, მათ შორის 3D ფორმატში.

საქართველოს ეროვნულმა მუზეუმმა, მრავალი უცხოური მუზეუმის მსგავსად, საკუთარი ვირტუალური ვერსია შექმნა, რომლის დათვალიერებაც სახლიდან გაუსვლელადაა შესაძლებელი. 

„360-გრადუსიან ფორმატში წარმოდგენილ მუზეუმის ექსპოზიციასთან ერთად გთავაზობთ ვირტუალურ მოგზაურობას - აღმოაჩინეთ საქართველოში ნაპოვნი უნიკალური არტეფაქტები, „პირველი ევროპელები“, ქრისტიანობამდელი და შუა საუკუნეების დროინდელი ქართული ხელოვნება, კავკასიის ბიომრავალფეროვნება, ღვინის ისტორია, ქართული სამოსელი და სხვა უნიკალური კოლექციების ისტორიები“, - ნათქვამია მუზეუმის განცხადებაში.

ვირტუალურ ტურებთან ერთად ეროვნული მუზეუმი დამთვალიერებელს სოციალურ ქსელებში სთავაზობს სამუზეუმო კოლექციების კადრებს, არქივებს, სტატიებს და ონლაინ-ლექციებს კულტურული მემკვიდრეობის თემაზე. 

Дворец искусств Art Palace
ხელოვნების სასახლე Art Palace

ვირტუალურ ექსკურსიაზე დამთვალიერებელს ეპატიჟება თბილისის ხელოვნების სასახლეც. მუზეუმის საინტერესო ექსპონატების 360˚-იან ფორმატში ნახვა შეიძლება აქ. მუზეუმების დათვალიერება სრულიად უფასოა, მთავარი პირობა ინტერნეტთან წვდომაა.

სასახლეში ასევე აღნიშნავენ, რომ მუზეუმი ერთადერთია საქართველოდან, რომელიც საკუთარ კოლექციებს zoom in-სა და Art Self-ს Google-ის კულტურის ინსტიტუტის ვებ-პლატფორმაზე წარმოადგენს. 

Дети могут прикасаться к экспонатам в Эксперименториуме
© Sputnik / Denis Aslanov
"ექსპერიმენტორიუმი" ბავშვებს იწვევს

საბავშვო მუზეუმი „ექსპერიმენტორიუმი“ ბავშვებსა და მშობლებს 18 მაისს, 14:00 საათზე ონლაინ–ექსკურსიაზე Facebook Live-ის საშუალებით იწვევს.

„მოხერხებულად მოკალათდით სახლში ოჯახის წევრებთან ერთად და შემოგვიერთდით ჩვენს სოციალურ ქსელში. გაეცანით ინტერაქტიულ და შემეცნებით ექსპონატებს და დაგვისვით საინტერესო კითხვები“, – წერენ „ექსპერიმენტორიუმში“. 

ვირტუალური ექსკურსიისთვის საკუთარ კარს ხსნის თბილისის წიგნის მუზეუმიც. ამიერიდან საქართველოს ყველაზე იშვიათი და ძვირფასი წიგნების საცავის დათვალიერება 360°-იან ფორმატში იქნება შესაძლებელი.

თბილისის წიგნის მუზეუმი – ეს არის საქართველოში პირველი და სამხრეთ კავკასიაში უმსხვილესი წიგნის მუზეუმი. იგი საქართველოს პარლამენტის ეროვნული ბიბლიოთეკის პირველ კორპუსშია განთავსებული.

197
თემები:
საქართველო და კულტურა (938)
გიორგი კეკელიძე

„კითხვა შემიძლია ყველგან“ საქართველოში ახალი პროექტი დაიწყო

41
(განახლებულია 15:18 29.09.2020)
კორონავირუსის პანდემიის პირობებში გიორგი კეკელიძე წიგნის მოყვარულებს მორიგ სახალისო კონკურსს სთავაზობს.

თბილისი, 29 სექტემბერი — Sputnik. საქართველოს ეროვნული ბიბლიოთეკის დირექტორმა გიორგი კეკელიძემ გამომცემლობა Palitra L-თან ერთად სახალისო კონკურსი დაიწყო.

კეკელიძე ხშირად აწყობს საინტერესო კონკურსებს, ამჯერად მან საკუთარ Facebook-გვერდზე კონკურსის „კითხვა შემიძლია ყველგან“ დაწყება დააანონსა, რომელსაც შეუერთდა საგამომცემლო სახლი Palitra L. 

კონკურსის პირობების თანახმად, თითოეულ მონაწილეს შეუძლია ნებისმიერ ადგილზე – საყვარელ, მყუდრო ან, თუნდაც, უცნაურ ადგილზე გადაღებული ფოტოსურათი Facebook-გვერდზე გამოაქვეყნოს ჰეშთეგით #კითხვაშემიძლიაყველგან.

„რამდენადაც კითხვა სტრესს ამცირებს, გვაქცევს უფრო გულისხმიერ და საუკეთესო თანამოსაუბრედ, აუმჯობესებს ჩვენს მეხსიერებას და აზროვნებას, ჩვენ გვინდა მაქსიმალურად წავახალისოთ ეს პროცესი“, – განაცხადა Palitra L-ის საზოგადოებასთან ურთიერთობის მენეჯერმა მარიამ აბდუშელიშვილმა.

სასურველია, რომ ფოტოზე ჩანდეს მთავარი გმირი, რომელიც კითხულობს. გამომცემლობა ორ საუკეთესო ფოტოსურათს შეარჩევს, რომელთაც მის გვერდზე გამოაქვეყნებს, ავტორები კი საჩუქრებს მიიღებენ.

გიორგი კეკელიძე ქართველი პოეტი, ესეისტი, ტელეწამყვანი, პრემია „საბას“, „ოქროს ფრთის“ ლაურეატი, ელექტრონული ბიბლიოთეკა lib.ge-ს დამფუძნებელია, რომელიც აქტიურად ეწევა კითხვის პოპულარიზაციას. იგი 2012 წლიდან საქართველოს პარლამენტის ეროვნული ბიბლიოთეკის გენერალური დირექტორია.

41
ჯემალ ჭკუასელი

ჯემალ ჭკუასელი იუბილარია 85

44
(განახლებულია 19:08 28.09.2020)
ცნობილ ლოტბართან და ქორეოგრაფთან ერთად საიუბილეო თარიღს – 135 წლისთავს ზეიმობს „ერისიონიც“, რომელსაც ჭკუასელი რამდენიმე ათეული წელი ხელმძღვანელობდა.

თბილისი, 28 სექტემბერი – Sputnik. საქართველოს სახალხო არტისტი, ანსამბლ „ერისიონის“ ყოფილი სამხატვრო ხელმძღვანელი ჯემალ ჭკუასელი თავისი 85 წლის იუბილეს ხელოვნების სასახლეში აღნიშნავს, აცნობეს „Sputnik–საქართველოს“ ორგანიზატორებმა.

ჯემალ ჭკუასელი დაბადების დღეს, ჩვეულებრივ, 18 მაისს აღნიშნავს, მაგრამ კორონავირუსის პანდემიის გამო საიუბილეო დღესასწაულის დროებით გადადება გახდა საჭირო. ამასთან, დღეს ხელოვნების სასახლეში აღნიშნავენ არა მხოლოდ ჭკუასელის 85 წლის იუბილეს, არამედ ასევე ანსამბლ „ერისიონის“ 135 წლისთავსაც.

საიუბილეო ღონისძიებების ფარგლებში მუზეუმში ერთი თვის განმავლობაში გახსნილი იქნება ექსპოზიცია, რომელზეც წარმოდგენილი იქნება ანსამბლის სცენური კოსტიუმები, აფიშები სხვადასხვა ქვეყანაში გასტროლებიდან, „ჩაკრულოს“ ვინილის ფირფიტის ასლი, რომელიც 1977 წელს ამერიკულმა კოსმოსურმა სააგენტო NASA-მ კოსმოსში მთელ მსოფლიოში შეკრებილ 27 სხვა კომპოზიციასთან ერთად გაუშვა. ანსამბლის წევრები თავიანთ ხელმძღვანელს სიურპრიზის სახით ახალ სიმღერას შეუსრულებენ.

ჯემალ ჭკუასელი საქართველოს სახალხო არტისტი, შოთა რუსთაველის სახელობის სახელმწიფო პრემიის ლაურეატია. ის ანსამბლ „ერისიონს“ სათავეში 1986 წლიდან ედგა. ანსამბლი მსოფლიოს სხვადასხვა ქვეყანაში წარმატებით დადის გასტროლებზე. ამჟამად „ერისიონს“ მისი ვაჟი შერმადინ ჭკუასელი ხელმძღვანელობს.

ანსამბლი 1885 წელს დაარსდა. დღეს ის ერთ-ერთი ყველაზე მასშტაბური საერთაშორისო პროექტია ეთნო-სტილში.

ცნობილი ანსამბლი „ერისიონი“ ონლაინ-კონცერტს გამართავს>>

ანსამბლში ასზე მეტი ნიჭიერი არტისტი არა მხოლოდ დახვეწილი აკრობატული ელემენტების გამოყენებით ცეკვავს, არამედ მღერიან პოლიფონიურ სიმღერებს უნიკალური ქართული ტრადიციების დაცვით. გარდა ამისა, მსოფლიოში „ერისიონის“ არტისტები იმ მცირერიცხოვანთა რიცხვში არიან, რომლებიც დაეუფლნენ „პოპ-პოინტის“ ტექნიკას – ცეკვის ხელოვნებას რბილი ტყავის ბალეტის ფეხსაცმელში.

44
თემები:
საქართველო და კულტურა (938)
საბავშვო ბაღი

ამაზრზენი დანაშული საბავშვო ბაღში: აღმზრდელს სასიკვდილო განაჩენი გამოუტანეს

0
(განახლებულია 15:02 29.09.2020)
გამოძიებით დადგინდა, რომ ეს პირველი შემთხვევა არ იყო, როდესაც მასწავლებელი ქალი ნატრიუმის ნიტრიტს პირადი პრობლემების გადასაჭრელად იყენებდა

თბილისი, 29 სექტემბერი — Sputnik. ჩინეთის პროვინცია ხენანის ქალაქ ცზიაოცზოს საშუალო დონის სახალხო სასამართლომ საბავშვო ბაღის აღმზრდელს ბავშვების მოწამვლისთვის სასიკვდილო განაჩენი გამოუტანა, იუწყება BBC სასამართლო დოკუმენტებზე დაყრდნობით.

გავრცელებული ინფორმაციით, ბრალდებულ ვან იუნს, რომელიც „მენმენის“ საბავშვო ბაღში მუშაობდა, კონფლიქტი მოუვიდა ერთ-ერთ მასწავლებელთან — გვარად სუნთან. ქალმა კოლეგასთან ანგარიშის გასწორება გადაწყვიტა და 2019 წლის 27 მარტს, დილით, სუნის ჯგუფის ბავშვებს ფაფაში ნატრიუმის ნიტრიტი ჩაუყარა, რის გამოც 25 ბავშვი მოწამვლის დიაგნოზით საავადმყოფოში გადაიყვანეს. ერთ-ერთი მათგანი მოგვიანებით გარდაიცვალა კიდეც.

გამოძიებით დადგინდა, რომ ეს პირველი შემთხვევა არ იყო, როდესაც ვან იუნი ნატრიუმის ნიტრიტს პირადი პრობლემების გადასაჭრელად იყენებდა. ირკვევა, რომ 2017 წელს ქალს მეუღლესთან კონფლიქტი ჰქონდა ყოფითი პრობლემების გამო. მაშინ მან, შურისძიების მიზნით, ინტერნეტით შეიძინა ნატრიუმის ნიტრიტი,  წყლიან ჭიქაში ჩაუყარა მეუღლეს და მოწამლა ის. თუმცა ამას მაშინ სერიოზული შედეგები არ გამოუწვევია.

სასამართლომ აღნიშნა, რომ ქალმა მშვენივრად იცოდა, რომ ნატრიუმის ნიტრიტიან ფაფას, რომელიც საშიშროებას წარმოადგენს ადამიანებისთვის, ბევრი ბავშვი შეჭამდა, მაგრამ ამ ფაქტს ხელი არ შეუშლია მისთვის პირადი ინტერესებისთვის წასულიყო ამ ნაბიჯზე.

სასამართლომ ასევე ხაზი გაუსვა, რომ ვან იუნის კრიმინალური მოტივები „ამაზრზენია“, ისევე როგორც დანაშაულის ჩადენის გზა, რამაც სერიოზული შედეგები გამოიწვია და კანონის შესაბამისად, ის მკაცრად უნდა დაისაჯოს.

0
თემები:
მსოფლიო დღეს