ფილმი „მკვდარი სულების არდადეგები“

ქართული ფილმი „მკვდარი სულების არდადეგები“ კანადის დასაპყრობად მიემგზავრება

69
(განახლებულია 18:19 15.04.2020)
ფილმი მოგვითხრობს 45 წლის მუსიკოს ლევან სვანიძეზე, რომელიც მოხუც დედასთან ერთად ცხოვრობს და პირადი ცხოვრების მოწყობას ცდილობს.

თბილისი, 15 აპრილი – Sputnik. ქართველი რეჟისორის ეკატერინე (კეკო) ჭელიძის სრულმეტრაჟიანი დოკუმენტური ფილმი „მკვდარი სულების არდადეგები“ სპეციალურად შეირჩა კანადის დოკუმენტური ფილმების საერთაშორისო ფესტივალის Hot Docs პროგრამისთვის.

კეკო ჭელიძის სადებიუტო ნამუშევარი შევიდა სპეციალურ პროგრამაში The Changing Face of Europe („ევროპის ცვალებადი სახე“), რომელსაც ფესტივალზე მესამედ წარადგენს საერთაშორისო ორგანიზაცია European Film Promotion.

„ცუდი ხალხი" საქართველოდან ბერლინის დასაპყრობად მიემგზავრება>>

„მკვდარი სულების არდადეგები“ ქართული საპროდიუსერო კომპანიის Parachute Films პირველი დასრულებული ნამუშევარია. ფილმი შეიქმნა საქართველოს კინემატოგრაფიის ეროვნული ცენტრის მხარდაჭერით. ფილმის პრემიერა საქართველოში 2020 წლის ბოლოს იგეგმება.

ფილმი მოგვითხრობს 45 წლის მუსიკოს ლევან სვანიძეზე. ის 90-იანი წლების ალტერნატიული ქართული სცენის წარმატებული მუსიკოსია, ცხოვრობს თბილისის გარეუბანში, 14 კვადრატულ მეტრ ფართობში მოხუც დედასთან ლამარასთან ერთად.

მიუხედავად მარტოობისა და განცდებისა, ლევანი იმედს არ კარგავს და ცდილობს კვლავ დაიმკვიდროს ადგილი, დაიწყოს პირადი ცხოვრება. ლამარას მთავარი ამოცანა კი ლევანის დაცვაა გარე სამყაროს „საფრთხეებისგან“.

ფილმში გამოყენებულია მთავარი გმირის ლევან სვანიძის მიერ შექმნილი ელექტრონული მუსიკა, რომელიც მან ბოლო 20 წლის განმავლობაში შექმნა. ფილმში ასევე ჟღერს ქართული პოსტ–პანკ ჯგუფის „წერილის“ მუსიკა, რომელშიც სვანიძე ბას-გიტარაზე 1995 წლიდან უკრავს.

აღსანიშნავია, რომ „მკვდარი სულების არდადეგები“ – ესაა სვანიძის პირველი მუსიკალური პროექტის დასახელება. ახლა კი ასე ჰქვია ფილმსაც.

ქართულ ფილმებს ბრიუსელში კინოფესტივალზე აჩვენებენ>>

Hot Docs უდიდესი ფესტივალი, კონფერენცია და კინობაზარია ჩრდილოეთ ამერიკაში. ყოველწლიურად მის ფარგლებში წარმოდგენილია 150-ზე მეტი უახლესი დოკუმენტური ფილმი მთელი მსოფლიოდან.

69
თემები:
ქართული კინო (88)
ავტოკინოთეატრი

თბილისში 9 ივლისს პირველი ავტოკინოთეატრი გაიხსნება

67
(განახლებულია 19:33 06.07.2020)
კინოთეატრს 21:00 საათზე გახსნის ქართული დრამა რაგბიზე ციხეში. სურათმა საზღვარგარეთ უკვე არაერთი ჯილდო მოიპოვა

თბილისი, 6 ივლისი - Sputnik. ავტოკინოთეატრი Cavea Drive-in Lisi თბილისში პირველად ხუთშაბათს, 9 ივლისს გაიხსნება - ის ლისის ტბის ტერიტორიაზე, ახალ იპოდრომზე განთავსდება, აღნიშნავენ ორგანიზატორები Facebook-გვერდზე.

პირველ კინოსეანსზე აჩვენებენ უტა ბერიას ფილმს „უარყოფითი რიცხვები“. გახსნაზე ირაკლი დეისაძის ბენდი გამოვა.

ავტოკინოთეატრი არის კინოთეატრი ღია ცის ქვეშ, რომელიც გათვლილია ფილმების საყურებლად ავტომობილიდან. ინგლისურენოვან ქვეყნებში მას „დრაივ-ინს“ ეძახიან. ავტოკინოთეატრი წარმოადგენს ავტომობილების სადგომს ორგანიზებული შესასვლელებით და გასასვლელებით და დიდი ზომის ეკრანით.

„დრაივ-ინში“ ხმა გადმოიცემა აკუსტიკური სისტემების მეშვეობით, რომლებიც ავტოსადგომების ირგვლივაა დამონტაჟებული, ან სტანდარტული მცირესიმძლავრიანი რადიოსადგურით FM-დიაპაზონში.

Cavea-ს თეატრების ქსელი ახალი ფილმების პრემიერების პარალელურად მაყურებელს შესთავაზებს სხვა ღონისძიებებსაც, მაგალითად, კინომარათონებს.

მოსალოდნელია, რომ პირველ ეტაპზე კინოთეატრები გათვლილი იქნება მინიმუმ 200 ავტომობილზე. ასევე გამოყოფილი იქნება სპეციალური სივრცე ველოსიპედისტებისთვის, მოტოციკლისტებისა და უტრანსპორტო მაყურებლებისთვის. მათი რაოდენობა გაიზრდება მოთხოვნის შესაბამისად.

ტერიტორიას გააკონტროლებს დაცვა, რომელიც მაყურებელს განთავსებაში მიეხმარება და თვალყურს მიადევნებს წესრიგსა და დისტანციის დაცვას.

67
თემები:
საქართველო და კულტურა
სალომე ზურაბიშვილი

სალომე ზურაბიშვილი ისტორიულად მნიშვნელოვან სოფელ ლაილაშს ეწვია - ვიდეო

220
არქეოლოგიურად დასტურდება, რომ ლაილაში ძველი კოლხეთის ნაწილს წარმოადგენდა. სოფელში აღმოჩენილია ძვ. წ. მე-14-11 საუკუნეების ბრინჯაოს ცულების განძი

თბილისი, 5 ივლისი — Sputnik. საქართველოს პრეზიდენტმა სალომე ზურაბიშვილმა ცაგერის მუნიციპალიტეტში ორბელის გადმოსახედი და სოფელი ლაილაში დაათვალიერა, ნათქვამია საქართველოს პრეზიდენტის ოფიციალურ გვერდზე გავრცელებულ განცხადებაში.

პრეზიდენტი ცაგერის მუნიციპალიტეტში ისტორიულად მრავალეთნიკურ სოფელ ლაილაშს ეწვია, სადაც ქართველებთან ერთად, ბერძნები, ებრაელები და სომხები ცხოვრობდნენ.

ზურაბიშვილის თქმით,  ქვეყნის ისტორიისათვის ძალიან მნიშვნელოვანია ისეთი ადგილების არსებობა, როგორიცაა ლაილაში, სადაც ებრაელები, ქართველები, სომხები ერთად ცხოვრობდნენ.

„არამხოლოდ თბილისსა და ქუთაისში, არამედ აქაც ერთად ცხოვრობდნენ ებრაელები, ქართველები, სომხები - ეს ჩვენს კულტურაზე მეტყველებს!“, - განაცხადა პრეზიდენტმა.

 

Изображение святого Семеона. Фрагмент иконы Сретение из села Лаилаши.
© photo: Sputnik /
წმინდა სვიმონ კანანელის გამოსახულება. ხატის ფრაგმენტი სოფელ ლაილაშიდან

არქეოლოგიურად დასტურდება, რომ ლაილაში ძველი კოლხეთის ნაწილს წარმოადგენდა. სოფელში აღმოჩენილია ძვ. წ. მე-14-11 საუკუნეების ბრინჯაოს ცულების განძი. სოფელი მდიდარია ისტორიულ-არქიტექტურული ძეგლებით. სოფელი ასევე ცნობილია მისივე სახელწოდების ბიბლიით - „ლაილაშის ბიბლია“, რომელიც  X საუკუნის უნიკალური ებრაულენოვანი ხელნაწერია.

 

220
თემები:
საქართველოს პრეზიდენტი
ილო ბეროშვილი ანი ბებია

ანი ბებიას და ილო ბეროშვილს შვილი შეეძინათ - უსაყვარლესი ვიდეო სამშობიაროდან

0
(განახლებულია 12:27 07.07.2020)
მსახიობებმა ანი ბებიამ და ილო ბეროშვილმა სულ ცოტა ხნის წინ გაამჟღავნეს სასიხარულო ინფორმაცია. შვილს წყვილმა უცნაური სახელი დაარქვა

მსახიობებს ანი ბებიას და ილო ბეროშვილს ვაჟი შეეძინათ. პოპულარულმა მსახიობების წყვილმა შვილს უცნაური სახელი ჯერი დაარქვა. სიახლე საზოგადოებას ილომ ამცნო და ახალშობილისა და ახალნამშობიარევი ანის ფოტოები და ვიდეო გამოაქვეყნა. წყვილმა უამრავი მილოცვა მიიღო.

ანისთვის და ილოსთვის ჯერი პირველი საერთო შვილია. ანის პირველი ქორწინებიდან შვილი არ ჰყოლია. ილოს კი პირველ ქორწინებაში ჟურნალისტ ნელი აგირბასთან ორი გოგონა ჰყავს. აპრილის ბოლოს მესამე ქორწინებიდან ნელი აგირბასაც შეეძინა მესამე შვილი.

ცნობილ სახეებს ილო ბეროშვილს და ანი ბებიას რამდენიმეწლიანი ურთიერთობა აკავშირებთ. პოპულარული ცოლ-ქმარი ტელეეკრანებზე ერთობლივად „ჩემი ცოლის დაქალებში" გამოჩნდა. წარმოუდგენელი იყო, მაგრამ სერიალის გმირს შავლეგ მადლიანს ვაკეში არსებული აფთიაქის ფარმაცევტი შეუყვარდა. ფარმაცევტის როლს ანი ბებია ასრულებდა.

რეიტინგულ სერიალში მათი სასიყვარულო ისტორია არ განვითარდა. წყვილს შორის კი სასიყვარულო ქიმია, როგორც თავად ამბობენ, მანამდე დაიწყო. „ბავშვს სახელი დიდი ხნის წინ შევურჩიეთ. არ ჰქონდა მნიშვნელობა გოგო იქნებოდა თუ ბიჭი, მას მაინც ამ სახელს დავარქმევდით. ჩემი გადაწყვეტილებით მას დავარქმევთ ჯერის, არაქართული სახელია და მე ძალიან მომწონს“, – განაცხადა ბებიამ.

0
თემები:
სელებრითების ცხოვრება