ლეონიდ პარფიონოვის სრულმეტრაჟიანი დოკუმენტური ფილმი რუსი ქართველები

პარფიონოვმა YouTube-ზე გამოაქვეყნა პირველი ფილმი ციკლიდან „რუსი ქართველები“

336
(განახლებულია 15:15 14.04.2020)
ფილმის გმირები არიან პეტრე ბაგრატიონი, ლავრენტი ბერია, ნიკო ფიროსმანაშვილი, ჯორჯ ბალანჩინი და მრავალი სხვა. სურათს წითელ ზოლად გასდევს იოსებ სტალინის ხაზი და მისი მნიშვნელობა რუსეთის ისტორიაში.

თბილისი, 14 აპრილი – Sputnik. პირველი ფილმი ციკლიდან „რუსი ქართველები“ გამოაქვეყნა YouTube-ზე ცნობილმა ჟურნალისტმა ლეონიდ პარფიონოვმა. დოკუმენტური სურათის ნახვა შესაძლებელია ოფიციალურ YouTube-არხზე Parfenon.

„რუსი ქართველები“ დიდი პროექტის ნაწილია. რუსი ებრაელების შესახებ ტრილოგია გამოვიდა 2016–2017 წლებში და ის ხელმისაწვდომია ქსელში. ჩანაფიქრშია ასევე რუსი გერმანელების ისტორიის პროექტის განხორციელება.

ქართველების შესახებ დილოგიის პირველი ფილმი მოიცავს მე-19 საუკუნის დასაწყისიდან 1939 წლამდე პერიოდს. კინოპროექტში მოთხრობილია ქართველების ისტორიული როლის შესახებ რუსეთისა და საბჭოთა პოლიტიკაში, კულტურასა და მეცნიერებაში.

ფილმის გმირები არიან: მთავარსარდალი პეტრე ბაგრატიონი, პოლიტიკოსი ლავრენტი ბერია, გენიოსი მხატვარი ნიკო ფიროსმანი, რუსეთის იმპერატრიცას ყოფილი ფრეილინა მერი ერისთავი (შერვაშიძე), ქორეოგრაფი ჯორჯ ბალანჩინი (ბალანჩივაძე) და მრავალი სხვა. სურათს წითელ ზოლად გასდევს იოსებ სტალინის ხაზი და მისი მნიშვნელობა რუსეთის ისტორიაში.

„ესაა ტრილოგიის ძველი ჩანაფიქრი სამ ერზე, რომლებიც რუსულ ცივილიზაციაში, რუსულ კარიერაში, რუსულ ელიტაში განსაკუთრებით მასობრივად და კაშკაშად შემოვიდნენ. ესენი არიან რუსი გერმანელები, რუსი ქართველები და რუსი ებრაელები. ცხადია, რომ რუსეთის იმპერიაშიც და საბჭოთა კავშირშიც გარუსება დიდი კარიერის უცილობელი პირობა იყო. თავიანთი დამსახურება აქვთ რუს თათრებს, რუს სომხებს და სხვებს, მაგრამ მე მაინც ამ სამი ხალხის შესახებ მოგითხრობთ, რომელთა წარმომადგენლებიც იყვნენ რუსეთის იმპერიისა და საბჭოთა კავშირის მმართველები ან თანამმართველები გარკვეულ ეტაპებზე, ამასთან, მოსახლეობის უმეტესობა მათ არა უცხოდ, არამედ თავისიანად აღიქვამდა“, – მოგვითხრობს პარფიონოვი ფილმის წინასიტყვაობაში.

ფილმის გადაღებების ნაწილი, ქართველი მსახიობების მონაწილეობით, საქართველოში მიმდინარეობდა.

336
თემები:
რუსეთი დღეს (641)
ლუკა ჩიქოვანის

ქართველი მსახიობი იტალიურ ფილმში იულიუს კეისრის როლს შეასრულებს

67
(განახლებულია 23:24 23.10.2020)
ჩიქოვანის გვარი მართლაც იტალიურად ჟღერს! ყოველ შემთხვევაში ფილმ „ბედნიერი ლაზარეს“ შემდეგ ქართველ მსახიობს ძალიან უმართლებს

თბილისი, 24 ოქტომბერი – Sputnik. ქართული წარმოშობის ახალგაზრდა იტალიელ მსახიობ ლუკა ჩიქოვანს რეჟისორ ჯოვანი ტროილოს ფილმში „რომის ძალა“ (Рower of Rome) გადაიღებენ.

ახალი ამბავი იმის შესახებ, რომ ჩიქოვანი შეასრულებს ერთ-ერთ მთავარ როლს - ეს არის გაიუს ოქტავიანე ავგუსტუსი მსახიობმა თავის Instagram-ზე გამოაქვეყნა და რამდენიმე ფოტოც დაურთო.

„ეს იყო საკმაოდ დიდი პასუხისმგებლობა - შეასრულო იმპერატორ ავგუსტუსის როლი, და დიდი იმედი მაქვს, რომ თქვენ მოგეწონებათ ამ სასწაული როლის ჩემი შესრულება. ეს ჩემთვის უზარმაზარი პატივია! ედოარდო ლეოსთან და დიდ რეჟისორ ჯოვანი ტროილოსთან მუშაობა ძალიან სასიამოვნო იყო“, - წერს ლუკა.

აღსანიშნავია, რომ ეს ჩიქოვანის კინოში პირველი როლი არაა. ადრე ის გადაიღეს იტალიელი რეჟისორის, ალიჩე როხვალერის ფილმში „ბედნიერი ლაზარე“. სრულმეტრაჟიანმა ფილმმა კანის ფესტივალზე პრიზი საუკეთესო სცენარისთვის მიიღო.

ლუკა ჩიქოვანი დაიბადა თბილისში, ხოლო ექვსი წლიდან დედასთან ერთად გადავიდა იტალიაში, სადაც დღემდე ცხოვრობს და მუშაობს. ჩიქოვანი საკმაოდ მრავალმხრივი ადამიანია, პერიოდულად იყო მოდელის, მსახიობის და მომღერლის აპმლუაში.

67
თემები:
საქართველო და კულტურა
მშვიდობის თაღი

კულტურის პოპულარიზაცია: განათლების სამინისტრო და  ფონდი „ათინათი“ თანამშრომლობას იწყებენ

29
(განახლებულია 21:01 23.10.2020)
ქართული კულტურული მემკვიდრეობის ძეგლების პოპულარიზაციის მიზნით საქველმოქმედო ფონდი სხვადასხვა აქტივობებს განახორციელებს.

თბილისი, 23 ოქტომბერი – Sputnik. საქართველოს განათლების სამინისტრო ქართული კულტურისა და ხელოვნების პოპულარიზაციისა და განვითარების მიზნით საქველმოქმედო ფონდ „ათინათთან“ თანამშრომლობას იწყებს, ნათქვამია განათლების, მეცნიერების, კულტურისა და სპორტის სამინისტროს მიერ გავრცელებულ განცხადებაში. 

უწყების ინფორმაციით, ფონდ „ათინათთან“ თანამშრომლობის ფარგლებში მოხდება საერთაშორისო ასპარეზზე ქართული კულტურისა და ხელოვნების ცნობადობის გაზრდისა და სხვადასხვა პროექტების განხორციელების ხელშეწყობა.

ასევე, ქართული კულტურული მემკვიდრეობის ძეგლების პოპულარიზაციის მიზნით, ფონდი მოამზადებს სხვადასხვა შემეცნებით ვიდეორგოლს და სამინისტროს მხარდაჭერით საქართველოსა და მის ფარგლებს გარეთ დაგეგმილი კულტურული ღონისძიებების შესახებ ინფორმაციას „ათინათის“ მედიაპლატფორმაზე და სოციალურ ქსელში განათავსებს.

განათლების სამინისტრო ფონდ „ათინათთან“ განათლების სფეროშიც ითანამშრომლებს. მხარეებმა ერთობლივი პროექტების განხორციელების შესაძლებლობები უკვე განიხილეს.

შესაბამის მემორანდუმს ხელი მინისტრის მოადგილემ ლევან ხარატიშვილმა და ფონდის დირექტორმა ანა ალავერდაშვილმა მოაწერეს.

ფონდი „ათინათი“ არაერთ კულტურულ და საგანმანათლებლო პროექტს ახორციელებს, მათ შორისაა საგანმანათლებლო პროექტი საზღვარგარეთ მცხოვრები სკოლამდელი ასაკის ქართველი ბავშვებისთვის, რომელიც ქართული ენის შესწავლის მიზნით ანიმაციური კურსის შექმნას გულისხმობს.

29
თემები:
საქართველო და კულტურა
საპატრულო პოლიცია

ყაჩაღური თავდასხმა თეთრწყაროში: დაზარალებულია უცხოელი ბიზნესმენი

0
თავდამსხმელებმა გაკოჭეს ოჯახის წევრები, მოიპარეს ტელეფონები, ნოუთბუქები და 11 ათასი ლარი, ასევე გაიტაცეს ავტომობილი

თბილისი, 24 ოქტომბერი – Sputnik თეთრიწყაროს მუნიციპალიტეტში ახალზელანდიელი ბიზნესმენი და მისი ოჯახი დააყაჩაღეს, განაცხადა წალკის მუნიციპალიტეტის მერის წარმომადგენელმა ზვიად ხაფავამ ტელეარხ TV Formula-ს ეთერში.

მერის წარმომადგენლის მონაცემებით, ყაჩაღები თავს დაესხნენ ბიზნესმენსა და მის მეუღლეს, რომელიც ჩინეთის მოქალაქეა.

„ორი კაცი შევიდა მათთან. შავებში ჩაცმულები იყვნენ, პოლიციის კეპები ეკეთათ და გაეცნენ წალკის პოლიციის წარმომადგენლებად. შემდეგ ამოიღეს იარაღი და მოსთხოვეს ფული. გაკოჭეს ბიზნესმენი, მისი ცოლი და შვილი. ბიზნესმენს წაართვეს მანქანა, ტელეფონები, ნოუთბუქი და 11 000 ლარი. ფიზიკურად არავინ დაშავებულა“, – განაცხადა ხაფავამ.

შსს-ში ყაჩაღური თავდასხმის შესახებ ინფორმაცია დაადასტურეს და განაცხადეს, რომ სისხლის სამართლის საქმე უკვე აღიძრა.

0
თემები:
კრიმინალი საქართველოში