აქტრისა მარგარიტა

როგორ „დაკარგეს“ პანდემიის პერიოდში ფიროსმანის ნახატების გმირებმა მხატვარი

81
(განახლებულია 18:57 10.04.2020)
გიორგი ქობალია პირველი არაა, ვინც პანდემიის პერიოდში ნიკო ფიროსმანის ნახატებით ექსპერიმენტების ჩატარება გადაწყვიტა.

თბილისი, 10 აპრილი — Sputnik. „ნიკოს რომ ვეძებდით ის დღე“ – ასე ჰქვია ვიდეორგოლს, რომელშიც ქართველი მხატვრის ნიკო ფიროსმანის ნახატების გმირები კორონავირუსის პერიოდში მხატვარს ეძებენ. გასართობი პროექტი ქართველმა მსახიობმა გოგა ქობალიამ შექმნა. 

ქობალიას მიერ შექმნილი ფიროსმანისეული გმირები ძლიერ განიცდიან  მხატვრის გაუჩინარებას და ვერ ხვდებიან, თუ სად შეიძლება ის წასულიყო. „აქტრისა მარგარიტას“ სიტყვებით, ფიროსმანი თითქოს გუშინ ბაზარში დაინახეს. მამაკაცი ნახატიდან „უშვილო მილიონერი და ღარიბი ქალი შვილებით“ ამბობს: „აღმოჩნდა, რომ ჩვენ ამიერიდან ერთმანეთის გვერდიგვერდ არ უნდა ვიდგეთ. ამბობენ, ცოტა ხანს და მერე ისევ ისე იქნებაო“. 

 

ვიდეოს გმირები არიან ასევე სუფრის წევრები – მამაკაცები ერთმანეთს ჭიქებს არ უჭახუნებენ, სადღეგრძელოებს ამბობენ, დისტანციას იცავენ, რამდენადაც „აკრძალვა ცოტა ხანს გაგრძელდება“. აღდგომა დღესაც კი ეკლესიაში მისვლას, ნახატების პერსონაჟების სიტყვებით, მხატვარი არ აპირებს, „იმიტომ რომ საშიშია“.

ვიდეოს საინტერესო ფინალი აქვს: ფიროსმანს მაინც პოულობენ, რომელიც შვლად გადაიქცა, ეს არის ცხოველი, რომელსაც გენიალური მხატვარი ყველაზე ხშირად ხატავდა.

„აგერ ვარ კაცო, თქვენ რაღა გჭირთ?! – ამბობს ნიკო ფიროსმანი. – მე უკვე ადამიანი არ ვარ, შვლად გადავიქეცი და ქუჩაში ჩემი ყოფნა შეიძლება. ჩემზე არ ინერვიულოთ. რა კარგია შვლად ყოფნა, ნეტა ადრე რატომ არ მომაფიქრდა, ძნელია ადამიანად ყოფნა“.

თბილისის შოთა რუსთაველის კინოსა და თეატრის სახელმწიფო უნივერსიტეტის კურსდამთავრებული გოგა ქობალია რეჟისორი, სცენარისტი და მხატვარია. იგი პირველი არაა, ვინც პანდემიის პერიოდში ნიკო ფიროსმანის ნახატებით ექსპერიმენტების ჩატარება გადაწყვიტა.

ადრე ახალგაზრდა მხატვარმა დავით კოჩუაშვილმა გადაწყვიტა, რომ თავისი წვლილი შეეტანა კორონავირუსთან ბრძოლაში და გამოაქვეყნა სურათების სერია სახელწოდებით „დარჩი სახლში“. კოჩუაშვილის ნახატებში ახალი კორონავირუსის ეპიდაფეთქების გამო თვითიზოლაციაში არიან დიდი ქართველი მხატვრის ნიკო ფიროსმანის ნამუშევრების გმირები. ისინი სახლში იმყოფებიან და არა მათთვის „სტანდარტულ“ გარემოში.

81
თემები:
საქართველო და კულტურა (857)
გელათის მონასტერი

გელათის რეაბილიტაციის დროს დაფიქსირებული ხარვეზები სრულად გამოსწორდება

50
(განახლებულია 20:28 11.07.2020)
სააგენტოს ინფორმაციით, ტაძრის რეაბილიტაციის დროს დაშვებულ ხარვეზებს შემსრულებელი – „ხელოვნების საერთაშორისო ცენტრი“ გამოასწორებს

თბილისი, 11 ივლისი - Sputnik. გელათის რეაბილიტაციის დროს დაფიქსირებული ხარვეზები, რომელიც ღვთისმშობლის მიძინების ტაძრის კრამიტით გადახურვის მოწყობას უკავშირდება, სრულად იქნება გამოსწორებული, ნათქვამია კულტურული მემკვიდრეობის დაცვის ეროვნული სააგენტოს მიერ გავრცელებულ განცხადებაში.

Фреска апсиды Гелатского монастыря
გელათის მონასტერი

სააგენტოს ცნობით, ხარვეზები, რომლებიც 2020 წლის მარტში დაფიქსირდა, შემსრულებლის – „ხელოვნების საერთაშორისო ცენტრის“ მიერ სრულად გამოსწორდება.

„გადახურვის მასალაზე გამოვლენილი დაზიანებების აღმოფხვრა დამკვეთსა და შემსრულებელ კომპანიას შორის გაფორმებული სახელშეკრულებო პირობებით განხორციელდება, რაც საექსპლუატაციო ვადაში აღმოჩენილ დეფექტებზე შემსრულებლის ვალდებულებას განსაზღვრავდა“, - აღნიშნულია განცხადებაში.

Реставрация Гелатского монастыря
გელათის მონასტერი

სააგენტოს ინფორმაციით, მსოფლიო მემკვიდრეობის ძეგლის საბურველის ნაწილის პრობლემის გადაჭრის პროცესი ფინანსური კუთხითაც კომპანიის მიერ იქნება უზრუნველყოფილი.

გელათის სამონასტრო კომპლექსის ფართომასშტაბიანი რეაბილიტაციის პროგრამას სახელმწიფო 2008 წლიდან მსოფლიო მემკვიდრეობის ცენტრთან შეთანხმებული პროგრამის მიხედვით ეტაპობრივად ახორციელებს. სხვადასხვა ეტაპზე სახელმწიფოსთან ერთად საგრანტო პროგრამების ფარგლებში პროექტს აფინანსებდა აშშ-ს საელჩოს ფონდი და საქართველოს მუნიციპალური განვითარების ფონდი.

Реставрация Гелатского монастыря
https://www.facebook.com/mrdi.gov.ge
გელათის მონასტერი

გელათის მონასტერი ქუთაისიდან აღმოსავლეთით რამდენიმე კილომეტრშია, შეტანილია იუნესკოს მსოფლიო კულტურული მემკვიდრეობის ძეგლების სიაში (1994).

მონასტერი დაარსებულია 1106 წელს დავით აღმაშენებლის თაოსნობით. შემოზღუდულია გალავნით. ანსამბლში შედის სხვადასხვა დროინდელი (ძირითადად XII-XIII სს.) შენობები. მონასტერში იმავე 1106 წლიდან ფუნქციონირებდა გელათის აკადემია. დავითმა გელათის აკადემიაში სამოღვაწოდ შეკრიბა სწავლული ქართველები, რომელთა შორის იყვნენ იოანე პეტრიწი და არსენ იყალთოელი. თანამედროვენი გელათის აკადემიას „ასუად ათინად“, „აღმოსავლეთის მეორე იერუსალიმად“ იხსენიებდნენ.

 

50
თემები:
ქართული კულტურული მემკვიდრეობის ძეგლები
ნიკ უესტი და ნიკოლოზ კანდელაკი

ნიკოლოზ კანდელაკი „გრემის“ აკადემიის წევრად აირჩიეს

78
(განახლებულია 20:43 10.07.2020)
„ისთერნ ფრომოუშენის“ დამფუძნებლის კახა კანდელაკის შვილი, რომელიც აშშ-ში შოუბიზნესის სფეროში მუშაობს და ნიკ უესტისა და მეისი გრეის ტურმენეჯერია, ახლახან „გრემის“ აკადემიის წევრად აირჩიეს.

თბილისი, 10 ივლისი – Sputnik. მუსიკალურ სამყაროში ერთ-ერთი ყველაზე პრესტიჟული მუსიკალური დაჯილდოების „გრემის“ მესვეურებმა ნიკოლოზ კანდელაკი აკადემიის წევრად აირჩიეს.

„მომივიდა მოწვევა გრემიდან და შემატყობინეს, რომ გავხდი გრემის წევრი. ნამდვილად დიდი პატივია! დიდი მადლობა ყველა ჩემს მეგობარს და მეუღლეს, ვინც რეკომენდაცია გამიწია”, – დაწერა ნიკოლოზ კანდელაკმა.

როგორც ცნობილია, 2017 წელს ცნობილი ამერიკელი ვოკალისტი, კომპოზიტორი და ფანკის ბას-გიტარისტი ნიკ უესტი ცოლად გაჰყვა ქართველ გიტარისტს ნიკოლოზ კანდელაკს.

78
თემები:
სელებრითების ცხოვრება
მოციმციმე ხე მთვარის ფონზე

მთვარის კალენდარი: 12 ივლისი რისი გაკეთება შეიძლება და რისი არა

0
(განახლებულია 11:23 11.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

12 ივლისი, კვირა ამ დღეს მზე მართავს. კლებადი მთვარე ვერძის ნიშანშია.

ვერძის დღეს სასურველია აქტიურობა, ორიგინალობისა და სიმტკიცის გამოჩენა; უნდა გახსოვდეთ ტაქტისა და დიპლომატიურობის შესახებ, მოერიდოთ აჩქარებას, მოუთმენლობასა და იმპულსურობას.

კარგი დღეა წინსვლისთვის, სწავლისთვის, ჯგუფური მუშაობისთვის.

წარმატებული დღეა, სამუშაო კარგად აეწყობა. კარგი დღეა მოგზაურობის დაწყებისთვის.

მთვარე ვერძის ნიშანში ამაღლებს საწინააღმდეგო სქესისადმი ინტერესს. ახალ ნაცნობობას, შესაძლოა, მგზნებარე რომანი მოჰყვეს, მაგრამ დიდი აბათობით – ხანმოკლე

რეკომენდებულია: წინსვლა, ფულის საკითხების გადაწყვეტა, აქტიურობა, ბიზნესის საქმეების გაკეთება, კონტაქტი ხელმძღვანელობასთან, ყველასთვის მნიშვნელოვანი საკითხების გადაჭრა, მუშაობა როგორც ინდვიდუალურად, ისე გუნდურად, შემოქმედებითი საქმიანობა, კარიერული წინსვლა, ახალი საქმეების დაწყება.

როგორ მოქმედებს მთვარის ფაზები ადამიანის ენერგეტიკაზე>>

არარეკომენდებულია გუნდიდან გამოყოფა და მასთან დაპირისპირება, წვრილმან საქმეებზე ყურადღების კონცენტრირება და მათზე დროის დაკარგვა.

თმის შეჭრა, შეღებვა: ვერძის ნიშნის დროს სჯობს, თავი შეიკავოთ თმის შეჭრის ან შეღებვისგან. ნებისმიერ ქიმიურ პრეპარატს ამ დღეს უარყოფითი ზემოქმედება შეუძლია მოახდინოს იმუნიტეტზე.

კლებადი მთვარის დროს ხელსაყრელია ზედმეტი თმის მოშორება, სახის გაწმენდა.

ფრჩხილების მოვლისთვის ნეიტრალური დღეა.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

სახის ნიღბების სახით გამოიყენეთ მხოლოდ ნატურალური საშუალებები.

მებაღეობა: ამ დღეს სასურველია ბაღში მცენარის მიწისზედა ნაწილებთან მუშაობა, რადგან ქვედა ნაწილზე იზრდება ზეწოლა, მცენარის წვენი ფესვებისკენ მიდის. მცენარეები ამ დროს ისვენებენ და ცუდად იზრდებიან.

მთვარის კალენდარი მებაღეებისთვის: 2020 წლის ივლისი>>

არაა რეკომენდებული დათესვა და დამუშავება, მაგრამ შეიძლება მარწყვის პწკალების ჩარგვა, დაავადებებისგან დამუშავება, მწვანილის დათესვა, მშრალი სასუქის მიცემა.

0