კადრი ფილმიდან ცუდი ადამიანები

ახალი ქართული კინო: საქართველოში უფასო ონლაინ-სეანსები დაიწყო

198
(განახლებულია 16:41 24.03.2020)
ინიციატივას უკვე შეუერთდნენ რეჟისორები ლევან კოღუაშვილი, ნანა ჯანელიძე, ლევან თუთბერიძე, ნუცა ალექსი–მესხიშვილი და სხვ.

თბილისი, 24 მარტი — Sputnik. საქართველოს კინემატოგრაფიის ეროვნულმა ცენტრმა ახალი ქართული ფილმების ონლაინ-კინოჩვენებები დაიწყო. ეს სრულიად უფასოა, საკმარისია მხოლოდ ინტერნეტის არსებობა და ქართული კინემატოგრაფიის სიახლეების გაცნობის სურვილი.

კორონავირუსი საქართველოში: შეზღუდვებისა და აკრძალვების სრული ჩამონათვალი 24 მარტისთვის>>

კინოცენტრი ამით უერთდება სოციალურ აქციას „დარჩი სახლში“, რომელიც მოწოდებულია მოსახლეობას შეახსენოს, რომ სახლში დარჩენა იზოლაციაში მაშინ, როდესაც კორონავირუსი ასეთი სწრაფი ტემპით ვრცელდება, ძალზე მნიშვნელოვანია.

ონლაინ–სეანსები მიმდინარეობს ოფიციალურ Facebook–გვერდზე. აქ ქართველი რეჟისორები თვითონ გამოაქვეყნებენ საკუთარი ფილმების ბმულებს.

ინიციატივას უკვე შეუერთდნენ რეჟისორები ლევან კოღუაშვილი, ნანა ჯანელიძე, ლევან თუთბერიძე, ნუცა ალექსი–მესხიშვილი, გიგა ბაინდურაშვილი, ვახო ვარაზი, ლაშა ოთხმეზური. ახალგაზრდა რეჟისორებმა გიორგი თავართქილაძემ და გიგა ლიკლიკაძემ თავიანთი ფილმები „ცუდი ხალხი“ და „ღორი“ უკვე გახადეს ხელმისაწვდომი ინტერნეტ-სივრცეში.

პირველი ონლაინ-პრემიერა, რომელიც ეროვნულმა კინოცენტრმა ამგვარ ფორმატში დაგეგმა, 25 მარტს, 19:00 საათზე გაიმართება. ნაჩვენები იქნება გიგი ბაინდურაშვილის 2019 წელს გადაღებული ნამუშევარი „გაბანა“.

„ეროვნული კინოცენტრი განაგრძობს მუშაობას ქართველ რეჟისორებთან და პროდიუსერებთან, რათა ქვეყანაში არსებული საგანგებო მდგომარეობის პერიოდში მეტი ქართული ფილმი გახდეს მაყურებლისთვის ხელმისაწვდომი და სულ ცოტათი მაინც შევამსუბუქოთ თვითიზოლაციაში მყოფი ჩვენი თანამემამულეების ყოფა“, – ნათქვამია კინოცენტრის განცხადებაში.

საქართველოს მთავრობამ 21 მარტს ქვეყანაში საგანგებო მდგომარეობა გამოაცხადა, რომელიც 21 აპრილამდე გაგრძელდება. მკაცრი კარანტინი გამოცხადდა მარნეულისა და ბოლნისის რაიონებში. ამ დროისთვის ქვეყანაში კორონავირუსით ინფიცირების 67 დადასტურებული შემთხვევაა, გამოჯანმრთელდა 9 ადამიანი.

198
თემები:
ქართული კინო (89)
გელათის მონასტერი

გელათის რეაბილიტაციის დროს დაფიქსირებული ხარვეზები სრულად გამოსწორდება

42
(განახლებულია 20:28 11.07.2020)
სააგენტოს ინფორმაციით, ტაძრის რეაბილიტაციის დროს დაშვებულ ხარვეზებს შემსრულებელი – „ხელოვნების საერთაშორისო ცენტრი“ გამოასწორებს

თბილისი, 11 ივლისი - Sputnik. გელათის რეაბილიტაციის დროს დაფიქსირებული ხარვეზები, რომელიც ღვთისმშობლის მიძინების ტაძრის კრამიტით გადახურვის მოწყობას უკავშირდება, სრულად იქნება გამოსწორებული, ნათქვამია კულტურული მემკვიდრეობის დაცვის ეროვნული სააგენტოს მიერ გავრცელებულ განცხადებაში.

Фреска апсиды Гелатского монастыря
გელათის მონასტერი

სააგენტოს ცნობით, ხარვეზები, რომლებიც 2020 წლის მარტში დაფიქსირდა, შემსრულებლის – „ხელოვნების საერთაშორისო ცენტრის“ მიერ სრულად გამოსწორდება.

„გადახურვის მასალაზე გამოვლენილი დაზიანებების აღმოფხვრა დამკვეთსა და შემსრულებელ კომპანიას შორის გაფორმებული სახელშეკრულებო პირობებით განხორციელდება, რაც საექსპლუატაციო ვადაში აღმოჩენილ დეფექტებზე შემსრულებლის ვალდებულებას განსაზღვრავდა“, - აღნიშნულია განცხადებაში.

Реставрация Гелатского монастыря
გელათის მონასტერი

სააგენტოს ინფორმაციით, მსოფლიო მემკვიდრეობის ძეგლის საბურველის ნაწილის პრობლემის გადაჭრის პროცესი ფინანსური კუთხითაც კომპანიის მიერ იქნება უზრუნველყოფილი.

გელათის სამონასტრო კომპლექსის ფართომასშტაბიანი რეაბილიტაციის პროგრამას სახელმწიფო 2008 წლიდან მსოფლიო მემკვიდრეობის ცენტრთან შეთანხმებული პროგრამის მიხედვით ეტაპობრივად ახორციელებს. სხვადასხვა ეტაპზე სახელმწიფოსთან ერთად საგრანტო პროგრამების ფარგლებში პროექტს აფინანსებდა აშშ-ს საელჩოს ფონდი და საქართველოს მუნიციპალური განვითარების ფონდი.

Реставрация Гелатского монастыря
https://www.facebook.com/mrdi.gov.ge
გელათის მონასტერი

გელათის მონასტერი ქუთაისიდან აღმოსავლეთით რამდენიმე კილომეტრშია, შეტანილია იუნესკოს მსოფლიო კულტურული მემკვიდრეობის ძეგლების სიაში (1994).

მონასტერი დაარსებულია 1106 წელს დავით აღმაშენებლის თაოსნობით. შემოზღუდულია გალავნით. ანსამბლში შედის სხვადასხვა დროინდელი (ძირითადად XII-XIII სს.) შენობები. მონასტერში იმავე 1106 წლიდან ფუნქციონირებდა გელათის აკადემია. დავითმა გელათის აკადემიაში სამოღვაწოდ შეკრიბა სწავლული ქართველები, რომელთა შორის იყვნენ იოანე პეტრიწი და არსენ იყალთოელი. თანამედროვენი გელათის აკადემიას „ასუად ათინად“, „აღმოსავლეთის მეორე იერუსალიმად“ იხსენიებდნენ.

 

42
თემები:
ქართული კულტურული მემკვიდრეობის ძეგლები
ნიკ უესტი და ნიკოლოზ კანდელაკი

ნიკოლოზ კანდელაკი „გრემის“ აკადემიის წევრად აირჩიეს

78
(განახლებულია 20:43 10.07.2020)
„ისთერნ ფრომოუშენის“ დამფუძნებლის კახა კანდელაკის შვილი, რომელიც აშშ-ში შოუბიზნესის სფეროში მუშაობს და ნიკ უესტისა და მეისი გრეის ტურმენეჯერია, ახლახან „გრემის“ აკადემიის წევრად აირჩიეს.

თბილისი, 10 ივლისი – Sputnik. მუსიკალურ სამყაროში ერთ-ერთი ყველაზე პრესტიჟული მუსიკალური დაჯილდოების „გრემის“ მესვეურებმა ნიკოლოზ კანდელაკი აკადემიის წევრად აირჩიეს.

„მომივიდა მოწვევა გრემიდან და შემატყობინეს, რომ გავხდი გრემის წევრი. ნამდვილად დიდი პატივია! დიდი მადლობა ყველა ჩემს მეგობარს და მეუღლეს, ვინც რეკომენდაცია გამიწია”, – დაწერა ნიკოლოზ კანდელაკმა.

როგორც ცნობილია, 2017 წელს ცნობილი ამერიკელი ვოკალისტი, კომპოზიტორი და ფანკის ბას-გიტარისტი ნიკ უესტი ცოლად გაჰყვა ქართველ გიტარისტს ნიკოლოზ კანდელაკს.

78
თემები:
სელებრითების ცხოვრება
გამვლელები თბილისში

ბრძოლა კორონავირუსთან: საქართველოს მოქალაქეები მთავრობის მუშაობით კმაყოფილები არიან

0
(განახლებულია 20:53 11.07.2020)
მოსახლეობის დიდი ნაწილი მიიჩნევს, რომ ახალი კორონავირუსის გავრცელების კონტროლ ქვეშ მოქცევა შესაძლებელია

თბილისი, 11 ივლისი – Sputnik. საქართველოს მოსახლეობა კმაყოფილია კორონავირუსის გავრცელებასთან ბრძოლისას მთავრობის მიერ მიღებული ზომებით, ნათქვამია Gallup International-ის კვლევაში, რომელიც ტელეარხ Imedi-ს ეთერში წარმოადგინეს.

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/10 ივლისი >>

Gallup-ის დაკვეთით საქართველოში კვლევა ჩაატარა ქართულმა კომპანია „გორბიმ“, რომელმაც 7-12 ივნისს დაახლოებით 1000 რესპონდენტი ტელეფონით გამოკითხა. ამ გამოკითხვის ცდომილებაა +/-2,5%.

გამოკითხვის მიხედვით, საქართველოში გამოკითხულთა 95% მიიჩნევს, რომ კორონავირუსის პანდემია კონტროლს ექვემდებარება და 17 ქვეყანაში ეს ყველაზე მაღალი მაჩვენებელია. ამ მაჩვენებლით მეორე ადგილზეა ბულგარეთი, სადაც ამაში დარწმუნებულია მოსახლეობის 72%.

ასევე, საქართველომ და მალაიზიამ გაიყვეს მოწინავე პოზიცია იმ ქვეყნების ჩამონათვალში, რომელთა მოსახლეობა დარწმუნებულია, რომ მათი ხელისუფლება კარგად უმკლავდება კორონავირუსის პანდემიას - გამოკითხულთა 94%. ამ გამოკითხვაში მეორე ადგილზეა კორეის მოსახლეობა, რომელთა 84% მთავრობის მუშაობას დადებით აფასებს.

თუმცა, საქართველოში საკმაოდ ბევრია იმ ადამიანთა რაოდენობა, რომლებიც პანდემიის ეკონომიკურმა შედეგებმა დააზარალა. იმის შესახებ, რომ პანდემიის გამო შეუმცირდათ შემოსავლები, გამოკითხულთა 74%-მა განაცხადა. ამ მაჩვენებლით საქართველო მეეექვსე ადგილზე აღმოჩნდა. ამ კუთხით ყველაზე უარესი მდგომარეობაა ინდოეთში, ფილიპინებზე, პაკისტანში, მალაიზიაში და ყაზახეთში.

თუმცა გამოკითხულთა 63% დარწმუნებულია, რომ წლის ბოლომდე ყველაფერი მოგვარდება და ეს ყაზახეთის შემდეგ მსოფლიოში მეორე მაჩვენებელია.

კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა. ამ დროისათვის სულ 981 შემთხვევა დადასტურდა.

პანდემიის პერიოდში საქართველოში 846 ადამიანი გამოჯანმრთელდა, გარდაიცვალა 15 პაციენტი.

0
თემები:
COVID-19 საქართველოში