ნახატები ქსოვილზე

საქართველოში ანტიკური ორნამენტებით მოხატული ტანსაცმლის პოპულარიზაცია დაიწყება

67
ქართული ქსოვილი, ისევე როგორც თავად ქვეყანა, ერთდროულად ასხივებს ავთენტურობასაც და ევროპისა და აზიის დახვეწილ შერწყმასაც

თბილისი, 23 მარტი - Sputnik. საქართველოში დაიწყო ფართომასშტაბიანი დიზაინერული პროექტი, რომელიც ძველ ქართულ ქსოვილებს, დამახასიათებელი ტრადიციული ეროვნული ორნამენტებით, ახალ სიცოცხლეს შესძენს. იდეის ინიციატორები არიან თბილისის ხელოვნების სასახლე და „თიბისი ბანკი“.

Vogue-მა 2019 წლის მთავარი მოდური ტრენდი დაასახელა >>

პროექტის მიზანია ტანსაცმლის მოდური კოლექციების შექმნა ქართული ქსოვილის ტრადიციული ნახჭისა და უნიკალური გამოცდილების გამოყენებით.

პროექტის პირველ, მოსამზადებელ სტადიაზე ავტორებს აწუხებდა კითხვა, რამდენად მიმზიდველი იქნებოდა ახალგაზრდობისა და თავად დიზაინერებისთვის ძველებური ქართული ქსოვილებისთვის დამახასიათებელი მოხატულობით შექმნილი სამოსი. მაგრამ მალევე პროექტს სიამოვნებით შეუერთდა რამდენიმე კომპანია და „სტარტაპერი“, მათ შორის, Daraia, Helmet, Side Size, Ceramic Studio, Lacoyage, Spilow, Why not gallery.

ახალგაზრდებმა შესაძლოა პრესტიჟული სარეკლამო სკოლის Miami Ad School სტიპენდია მიიღონ >>

მოსალოდნელია, რომ მათ მიერ შექმნილი პროდუქცია და კოლექცია Ready to wear მალე ახალ ქართულ ბრენდად გაერთიანდება. ეს ყველაფერი ხელმისაწვდომი იქნება ვებგვერდზე, რომელიც სპეციალურად ამ პროექტისთვის შეიქმნა. მსგავსი პროდუქციის შესაქმნელად ახლო მომავალში გამოცხადდება კონკურსი ყველა დაინტერესებული დიზაინერისთვის.

საინტერესოა, რომ პროექტის იდეა ავტორებს „თიბისი ბანკის“ ოფისის დალაგებისას მოუვიდათ, როდესაც მარკეტინგული სამსახურის წევრებმა აღმოაჩინეს წიგნი სახელწოდებით „ქსოვილები საქართველოდან“.

ეს 400-გვერდიანი ენციკლოპედიური გამოცემა, შექმნილი ხელოვნების სასახლის გუნდის მიერ, მოგვითხრობს ქართული ქსოვილის ისტორიასა და მის ევოლუციაზე. ნიშანდობლივია, რომ ყველაზე ადრეულ ცნობებს ქართულ ქსოვილზე ზედა პალეოლითის ეპოქას მიაკუთვნებენ. დღესვე ყველა ამ ქსოვილის შაბლონი ციფრულადაა წარმოდგენილი.

„ქსოვილი საუკეთესოდ გადმოსცემს ხასიათს, გემოვნებას, ისტორიას, თვითმყოფადობას, რომელიც ჩვენ გაგვაჩნდა“, - აღნიშნავს ხელოვნების სასახლის დირექტორი გიორგი კალანდია, რომელიც ხაზს უსვამს, რომ ქართული ქსოვილი, ერთი მხრივ, ძალიან ავთენტურია, მეორე მხრივ კი, იმის გათვალისწინებით, რომ ქვეყანა ევროპისა და აზიის გასაყარზე მდებარეობს, ვიზუალურად მულტიკულტურულია.

კალანდიას განცხადებით, ქართულ ქსოვილზე შეიძლება როგორც ვენეციური თუ სპარსული, ისე წმინდა ქართული ორნამენტების აღმოჩენა. ეს ყველაფერი, მისი თქმით, განუმეორებელ ეფექტს ქმნის.

67
თემები:
საქართველო და კულტურა (895)
ეკა აბულაძე

კორონავირუსის მიუხედავად: საქართველოში „ნიჭიერის“ ახალი სეზონი იწყება

204
თავის განსაკუთრებულ შესაძლებლობებს პოპულარულ შოუში გამოავლენენ როგორც დამოუკიდებლად მოღვაწე არტისტები, ისე ბენდები, გუნდები და ანსამბლები. მთავარი პირობაა - ნიჭი, ქარიზმა და პირველობის სურვილი

თბილისი, 12 აგვისტო — Sputnik. ქართული შოუ „ნიჭიერის“ მეცხრე სეზონი „იმედის“ ტელეარხის ეთერში 2020 წლის 7 სექტემბერს დაიწყება, ნათქვამია პროექტის Facebook-გვერდზე.

პოპულარული შოუს მორიგი სეზონი ტელეეკრანებზე ჯერ კიდევ მარტში უნდა დაბრუნებულიყო, მაგრამ კორონავირუსის პანდემიის გამო პროექტზე მუშაობა დროებით გადაიდო.

პროექტი, რომელშიც სხვადასხვა მიმართულებით საკუთარი შესაძლებლობების წარმოჩენას ნებისმიერი მსურველი შეძლებს, ტელეეთერში ორშაბათობით, 22:00 საათზე გავა. მაყურებლის წინაშე წამყვანის ამპლუაში წარდგება შოუმენი გია ჯაჯანიძე.

ცვლილებებია ჟიურის შემადგენლობაშიც: კონკურსანტებს შეაფასებენ ტელეწამყვანი და მსახიობი რუსკა მაყაშვილი, მომღერალი ანრი ჯოხაძე, დიზაინერი მაკა კვიციანი (ბრენდი Dalood) და ტელეჟურნალისტი დიმა ობოლაძე.

„ნიჭიერის“ სხვადასხვა სეზონში სხვადასხვა პროფესიის ადამიანები მონაწილეობდნენ – მოცეკვავეები, მომღერლები, აკრობატები, ტანმოვარჯიშეები, ძალოსნები და ა.შ.

„ნიჭიერი" — ცნობილი ბრიტანული შოუს Got Talent-ის ქართული ანალოგია. პირველი „ნიჭიერი" საქართველოში ტელეკომპანია Rustavi2-ის ეთერში 2010 წლის თებერვალში გავიდა. „ნიჭიერის" ბოლო, მერვე სეზონის გამარჯვებული თბილისის ბიჭუნათა კაპელა გახდა.

204
თემები:
საქართველო და კულტურა (895)
არქეოლოგიური გათხრები გრაკლიანის გორაზე

გრაკლიანის გორაზე არქეოლოგებმა კვლავ უნიკალური არტეფაქტები აღმოაჩინეს

165
(განახლებულია 19:58 12.08.2020)
გრაკლიანის გორაზე, რომელსაც კულტურული მემკვიდრეობის ეროვნული ძეგლის სტატუსი მიენიჭა, ახალი არქეოლოგიური არტეფაქტები ძვ.წ.აღ. II და I ათასწლეულებით თარიღდება.

თბილისი, 12 აგვისტო — Sputnik. არქეოლოგიურმა ექსპედიციამ, რომელშიც თბილისის სახელმწიფო უნივერსიტეტის სპეციალისტები მონაწილეობენ, გრაკლიანის გორაზე ახალი არქეოლოგიური არტეფაქტები აღმოაჩინა, რომლებიც ძვ.წ.აღ. II და I ათასწლეულებით თარიღდება.

На горе Граклиани в Игоети строится археологический музей
© Sputnik / Levan Avlabreli
გრაკლიანის გორაზე იგოეთში არქეოლოგიური მუზეუმი შენდება

საველე სამუშაოების წარმოებისას პირველ ტერასაზე სამარხებში დიდი რაოდენობით კერამიკული და ლითონის ინვენტარია აღმოჩენილი. ახალი აღმოჩენები გაკეთდა ძვ.წ.აღ. V-IV საუკუნეების სატაძრო კომპლექსის ნაშთების კვლევისას, სადაც პირველად დაფიქსირდა არტეფაქტები, რომელიც რკინის ნივთების წარმოებასთან არის დაკავშირებული.

გრაკლიანის გორაზე გათხრები ადრეც ტარდებოდა და მაშინ არქეოლოგებმა ჩვ.წ.აღ.-მდე V საუკუნის უნიკალური ნაგებობა აღმოაჩინეს. ეს იყო პირველი შემთხვევაა, როცა ამ პერიოდის ძეგლი მთლიანად შენახული აღმოჩნდა. ამგვარად, მეცნიერებს აქვთ საშუალება, მიიღონ სრულფასოვანი წარმოდგენა იმ დროის ცხოვრების შესახებ.

ნაგებობის ცენტრალურ ადგილზე მდებარეობდა დიდი საკურთხეველი; სათავსოში გამართულია ღუმელი, რომელზეც ქურუმებისთვის ცეცხლის გადასატანი ლარნაკები დევს; იქვე იყო სამკურნალო მცენარეების თესლების დასაფქვავი მოწყობილობა.

თსუ-ის არქეოლოგებმა გრაკლიანის გორაზე გათხრები 2008 წელს წამოიწყეს. მოგვიანებით იქვე მოეწყო ბაზა სტუდენტებისთვის საველე პრაქტიკის ჩასატარებლად.

გრაკლიანის საიდუმლო

Реставрация печи культового назначения на горе Граклиани
© Sputnik / Levan Avlabreli
გრაკლიანის გორაზე საკულტო დანიშნულების ღუმელის რესტავრაცია

გრაკლიანის გორა წარმოადგენს მრავალფენიან არქეოლოგიურ ძეგლს, რომელიც კასპის მუნიციპალიტეტის სოფლების იგოეთისა და სამთავისის ტერიტორიაზე, მდინარე ლეხურას მარჯვენა ნაპირზე მდებარეობს.

ძეგლის ტერიტორიაზე ქვის ხანის პერიოდიდან რომაული პერიოდის ჩათვლით საზოგადოებრივი ცხოვრების 300-ათასწლიანი უწყვეტი განვითარება დასტურდება. გრაკლიანის შესახებ მასალები გამოქვეყნებულია მსოფლიოს წამყვან სამეცნიერო გამოცემებში – საფრანგეთში, ჰოლანდიაში, ინგლისში, იტალიაში, გერმანიასა და ესპანეთში.

გრაკლიანის გორაზე პირველი მონაპოვარი 2007 წელს თბილისი–სენაკი–ლესელიძის გზის მშენებლობის დროს დაფიქსირდა. იქ მიმდინარე არქეოლოგიური სამუშაოები საგზაო დეპარტამენტმა დააფინანსა, ხოლო მისი კონსერვაცია და ობიექტის შემდგომი განვითარება გზის მშენებლობის გამო შეჩერებული იყო.

კულტურული მემკვიდრეობის დაცვის ეროვნულმა სააგენტომ 2014 წელს (თითქმის 8 წლის შემდეგ) ამ ობიექტის საფუძვლიანი შესწავლის, მისი კონსერვაციისა და საერთაშორისო სტანდარტებით სამუზეუმო სივრცის მოწყობის ინტერესი გამოთქვა.

იმავე წელს დაიწყო მასშტაბური არქეოლოგიური სამუშაოები, რომელთა შედეგად აღმოჩენილია ნასახლარები, სამეურნეო დანიშნულების ობიექტები და სამარხები, რომლებიც ჩვ.წ.აღ-მდე IV საუკუნიდან ჩვ.წ.აღ-ის I საუკუნეებს ეკუთვნის, შემდეგ კი ჩვ.წ.აღ-მდე VII საუკუნის ტაძარი და ორი საკურთხეველი გაითხარა.

საქართველოში არქეოლოგებმა უძველესი უნიკალური ძეგლები აღმოაჩინეს >>

იქვე აღმოჩენილია ორი სატაძრო კომპლექსი. ერთ-ერთი იბერიის პირველი მეფის – ფარნავაზის მმართველობის პერიოდს განეკუთვნება (ჩვ.წ.აღ-მდე IV-III სს). მოგვიანებით გრაკლიანის გორას კულტურული მემკვიდრეობის ეროვნული ძეგლის სტატუსი მიენიჭა.

165
თემები:
ქართული კულტურული მემკვიდრეობის ძეგლები
მამუკა ხაზარაძემ საზოგადოებას თავისი მომხრეები წარუდგინა

„ლელომ“ საპარლამენტო არჩევნებზე თავისი კანდიდატები წარადგინა

0
(განახლებულია 11:06 13.08.2020)
პარტიამ თავისი კანდიდატები წარმოადგინა არა მხოლოდ რეგიონებში, არამედ თბილისშიც, სადაც ოპოზიციური პარტიების უმრავლესობა ერთიან კანდიდატებზე შეთანხმდა

თბილისი, 13 აგვისტო – Sputnik. პარტიამ „ლელო საქართველოსთვის“ ერთმანდატიან ოლქებში თავისი კანდიდატები წარმოადგინა.

ეს პარტია ბანკირებმა მამუკა ხაზარაძემ და ბადრი ჯაფარიძემ 2019 წლის ბოლოს შექმნეს და ახლა წარმოადგენს სამი ძალის გაერთიანებას: თავად „ლელო“, პარლამენტის ყოფილი სპიკერის დავით უსუფაშვილის „შენების მოძრაობა“ და ქვეყნის ერთ-ერთი უძველესი პარტია „ახალი მემარჯვენეები“.

მიუხედავად საკუთარი შეხედულებებისა, „ლელო საქართველოსთვის“ ოპოზიციურ გაერთიანებაში არ მონაწილეობს. მან საპარლამენტო არჩევნებზე დამოუკიდებლად გასვლა გადაწყვიტა.

„ლელოს” პირველივე დღიდან ჰქონდა გაცხადებული, რომ შევდივართ ბრძოლაში დამოუკიდებლად, არჩევნებში შევდივართ დამოუკიდებლად. არასდროს არ მიგვიღია მონაწილეობა ადგილების განაწილებაში და შესაბამისად, დავაყენეთ ყველა ოლქში. არ ვყოფილვართ მოლაპარაკების მხარე და დამოუკიდებლად ვიღებთ გადაწყვეტილებას”,- განაცხადა ხაზარაძემ.

პარტიამ თავისი კანდიდატები წარმოადგინა როგორც რეგიონებში, ისე თბილისში, სადაც ოპოზიციის უმრავლესობა ერთიან კანდიდატებზე შეთანხმდა.

„ლელოში“ მატებაა: პარლამენტის დეპუტატმა პარტია გამოიცვალა>>

პარტიის კანდიდატების სიაში უმრავლესობა ქართული საზოგადოებისთვის უცნობია, თუმცა ნაცნობებიც გვხვდებიან. მაგალითად, „ახალი მემარჯვენეების“ ლიდერი ფიქრია ჩიხრაძე, პარლამენტის დეპუტატი ლევან კობერიძე, იურისტები კახა კოჟორიძე და ანა ნაცვლიშვილი, პოლიტიკოსი ლევან სამუშია.

პარტიის „ლელო საქართველოსთვის“ კანდიდატები თბილისში:

  • საბურთალო – ბადრი ჯაფრიძე
  • გლდანი – გიგლა მიქაუტაძე
  • სამგორი – ფიქრია ჩიხრაძე
  • ვაკე – ლევან კობერიძე
  • მთაწმინდა–კრწანისი – საბა ბუაძე
  • დიდუბე–ჩუღურეთი – ლევან სამუშია
  • ნაძალადევი – ნიკოლოზ ჩერქეზიშვილი
  • ისანი – ლანა გალდავა.

სახელმწიფო აუდიტის სამსახურის მონაცემებით, „ლელო საქართველოსთვის“ ქვეყანაში ერთ-ერთი ყველაზე მდიდარი პარტიაა და შემოსავლების მიხედვით მილიონერი პარტიების სამეულში შედის. მას წინ უსწრებს „ქართული ოცნება“. ნახევარ წელიწადში პარტიის შემოსავლებმა უკვე გადააჭარბა მილიონ ლარს.

0
თემები:
საქართველოს საპარლამენტო არჩევნები 2020