Tbilisi Open Air

Tbilisi Open Air ივნისში მსოფლიო სცენის ვარსკვლავებს შეკრებს

50
(განახლებულია 09:34 22.03.2020)
თბილისელებს და საქართველოს დედაქალაქის სტუმრებს ამ ზაფხულს ელის მუსიკალური ვარსკვლავთცვენა: მაყურებლის წინაშე წარდგებიან LP,  Polo and Pan, ასევე Apparat

თბილისი, 22 მარტი - Sputnik. ყოველწლიური მუსიკალური ფესტივალი Tbilisi Open Air 26-28 ივნისს გაიმართება, იუწყებიან ორგანიზატორები.

სვანურად ამღერებული უცხოელები და ბელგიის ციხეში ნამღერი „იავნანა“ >>

ფესტივალი Lisi Wonderland-ის ტერიტორიაზე გაიმართება და მისი სტუმრები იქნებიან როგორც ადგილობრივი არტისტები, ასე ცნობილი უცხოელი შემსრულებლები.

ასე, მსმენელის წინაშე წარდგებიან ამერიკელი მომღერალი ლაურა პერგოლიცი (LP), ამერიკული მუსიკალური პროექტი Polo and Pan, მუსიკოსი Apparat, ამერიკული ალტერნატიული როკ-ჯგუფი She Wants Revenge. საქართველოში ასევე ჩამოვა ბელარუსული ჯგუფი Molchat Doma, გერმანელი დიჯეი რობაგ ვრუმე და სხვ.

Tbilisi Open Air  თბილისში 2009 წლიდან იმართება და ის რეგიონში ღია ცის ქვეშ ერთ-ერთ ყველაზე მასშტაბურ ფესტივალია. ამ ხნის მანძილზე მის სცენაზე უმღერიათ ისეთ ცნობილ მუსიკოსებს, როგორიცაა - ზემფირა, „დდტ“, Placebo, Beth Hart, Black Label Society, Tiger Lilies, Soap and Skin, Morcheeba, Tom Odell და სხვ.

50
თემები:
საქართველო და კულტურა (895)
ეკა აბულაძე

კორონავირუსის მიუხედავად: საქართველოში „ნიჭიერის“ ახალი სეზონი იწყება

209
თავის განსაკუთრებულ შესაძლებლობებს პოპულარულ შოუში გამოავლენენ როგორც დამოუკიდებლად მოღვაწე არტისტები, ისე ბენდები, გუნდები და ანსამბლები. მთავარი პირობაა - ნიჭი, ქარიზმა და პირველობის სურვილი

თბილისი, 12 აგვისტო — Sputnik. ქართული შოუ „ნიჭიერის“ მეცხრე სეზონი „იმედის“ ტელეარხის ეთერში 2020 წლის 7 სექტემბერს დაიწყება, ნათქვამია პროექტის Facebook-გვერდზე.

პოპულარული შოუს მორიგი სეზონი ტელეეკრანებზე ჯერ კიდევ მარტში უნდა დაბრუნებულიყო, მაგრამ კორონავირუსის პანდემიის გამო პროექტზე მუშაობა დროებით გადაიდო.

პროექტი, რომელშიც სხვადასხვა მიმართულებით საკუთარი შესაძლებლობების წარმოჩენას ნებისმიერი მსურველი შეძლებს, ტელეეთერში ორშაბათობით, 22:00 საათზე გავა. მაყურებლის წინაშე წამყვანის ამპლუაში წარდგება შოუმენი გია ჯაჯანიძე.

ცვლილებებია ჟიურის შემადგენლობაშიც: კონკურსანტებს შეაფასებენ ტელეწამყვანი და მსახიობი რუსკა მაყაშვილი, მომღერალი ანრი ჯოხაძე, დიზაინერი მაკა კვიციანი (ბრენდი Dalood) და ტელეჟურნალისტი დიმა ობოლაძე.

„ნიჭიერის“ სხვადასხვა სეზონში სხვადასხვა პროფესიის ადამიანები მონაწილეობდნენ – მოცეკვავეები, მომღერლები, აკრობატები, ტანმოვარჯიშეები, ძალოსნები და ა.შ.

„ნიჭიერი" — ცნობილი ბრიტანული შოუს Got Talent-ის ქართული ანალოგია. პირველი „ნიჭიერი" საქართველოში ტელეკომპანია Rustavi2-ის ეთერში 2010 წლის თებერვალში გავიდა. „ნიჭიერის" ბოლო, მერვე სეზონის გამარჯვებული თბილისის ბიჭუნათა კაპელა გახდა.

209
თემები:
საქართველო და კულტურა (895)
არქეოლოგიური გათხრები გრაკლიანის გორაზე

გრაკლიანის გორაზე არქეოლოგებმა კვლავ უნიკალური არტეფაქტები აღმოაჩინეს

167
(განახლებულია 19:58 12.08.2020)
გრაკლიანის გორაზე, რომელსაც კულტურული მემკვიდრეობის ეროვნული ძეგლის სტატუსი მიენიჭა, ახალი არქეოლოგიური არტეფაქტები ძვ.წ.აღ. II და I ათასწლეულებით თარიღდება.

თბილისი, 12 აგვისტო — Sputnik. არქეოლოგიურმა ექსპედიციამ, რომელშიც თბილისის სახელმწიფო უნივერსიტეტის სპეციალისტები მონაწილეობენ, გრაკლიანის გორაზე ახალი არქეოლოგიური არტეფაქტები აღმოაჩინა, რომლებიც ძვ.წ.აღ. II და I ათასწლეულებით თარიღდება.

На горе Граклиани в Игоети строится археологический музей
© Sputnik / Levan Avlabreli
გრაკლიანის გორაზე იგოეთში არქეოლოგიური მუზეუმი შენდება

საველე სამუშაოების წარმოებისას პირველ ტერასაზე სამარხებში დიდი რაოდენობით კერამიკული და ლითონის ინვენტარია აღმოჩენილი. ახალი აღმოჩენები გაკეთდა ძვ.წ.აღ. V-IV საუკუნეების სატაძრო კომპლექსის ნაშთების კვლევისას, სადაც პირველად დაფიქსირდა არტეფაქტები, რომელიც რკინის ნივთების წარმოებასთან არის დაკავშირებული.

გრაკლიანის გორაზე გათხრები ადრეც ტარდებოდა და მაშინ არქეოლოგებმა ჩვ.წ.აღ.-მდე V საუკუნის უნიკალური ნაგებობა აღმოაჩინეს. ეს იყო პირველი შემთხვევაა, როცა ამ პერიოდის ძეგლი მთლიანად შენახული აღმოჩნდა. ამგვარად, მეცნიერებს აქვთ საშუალება, მიიღონ სრულფასოვანი წარმოდგენა იმ დროის ცხოვრების შესახებ.

ნაგებობის ცენტრალურ ადგილზე მდებარეობდა დიდი საკურთხეველი; სათავსოში გამართულია ღუმელი, რომელზეც ქურუმებისთვის ცეცხლის გადასატანი ლარნაკები დევს; იქვე იყო სამკურნალო მცენარეების თესლების დასაფქვავი მოწყობილობა.

თსუ-ის არქეოლოგებმა გრაკლიანის გორაზე გათხრები 2008 წელს წამოიწყეს. მოგვიანებით იქვე მოეწყო ბაზა სტუდენტებისთვის საველე პრაქტიკის ჩასატარებლად.

გრაკლიანის საიდუმლო

Реставрация печи культового назначения на горе Граклиани
© Sputnik / Levan Avlabreli
გრაკლიანის გორაზე საკულტო დანიშნულების ღუმელის რესტავრაცია

გრაკლიანის გორა წარმოადგენს მრავალფენიან არქეოლოგიურ ძეგლს, რომელიც კასპის მუნიციპალიტეტის სოფლების იგოეთისა და სამთავისის ტერიტორიაზე, მდინარე ლეხურას მარჯვენა ნაპირზე მდებარეობს.

ძეგლის ტერიტორიაზე ქვის ხანის პერიოდიდან რომაული პერიოდის ჩათვლით საზოგადოებრივი ცხოვრების 300-ათასწლიანი უწყვეტი განვითარება დასტურდება. გრაკლიანის შესახებ მასალები გამოქვეყნებულია მსოფლიოს წამყვან სამეცნიერო გამოცემებში – საფრანგეთში, ჰოლანდიაში, ინგლისში, იტალიაში, გერმანიასა და ესპანეთში.

გრაკლიანის გორაზე პირველი მონაპოვარი 2007 წელს თბილისი–სენაკი–ლესელიძის გზის მშენებლობის დროს დაფიქსირდა. იქ მიმდინარე არქეოლოგიური სამუშაოები საგზაო დეპარტამენტმა დააფინანსა, ხოლო მისი კონსერვაცია და ობიექტის შემდგომი განვითარება გზის მშენებლობის გამო შეჩერებული იყო.

კულტურული მემკვიდრეობის დაცვის ეროვნულმა სააგენტომ 2014 წელს (თითქმის 8 წლის შემდეგ) ამ ობიექტის საფუძვლიანი შესწავლის, მისი კონსერვაციისა და საერთაშორისო სტანდარტებით სამუზეუმო სივრცის მოწყობის ინტერესი გამოთქვა.

იმავე წელს დაიწყო მასშტაბური არქეოლოგიური სამუშაოები, რომელთა შედეგად აღმოჩენილია ნასახლარები, სამეურნეო დანიშნულების ობიექტები და სამარხები, რომლებიც ჩვ.წ.აღ-მდე IV საუკუნიდან ჩვ.წ.აღ-ის I საუკუნეებს ეკუთვნის, შემდეგ კი ჩვ.წ.აღ-მდე VII საუკუნის ტაძარი და ორი საკურთხეველი გაითხარა.

საქართველოში არქეოლოგებმა უძველესი უნიკალური ძეგლები აღმოაჩინეს >>

იქვე აღმოჩენილია ორი სატაძრო კომპლექსი. ერთ-ერთი იბერიის პირველი მეფის – ფარნავაზის მმართველობის პერიოდს განეკუთვნება (ჩვ.წ.აღ-მდე IV-III სს). მოგვიანებით გრაკლიანის გორას კულტურული მემკვიდრეობის ეროვნული ძეგლის სტატუსი მიენიჭა.

167
თემები:
ქართული კულტურული მემკვიდრეობის ძეგლები
სტუდენტები ლექციაზე

უცხოელ სტუდენტებს რუსეთში მუშაობა გაუმარტივდათ - ახალი კანონის დეტალები

0
(განახლებულია 10:47 13.08.2020)
„როსსოტრუდნიჩესტვოში“ საუბრობენ ახალ ონლაინსერვისზე, რომელიც დსთ-ის ქვეყნებიდან სტუდენტების არალეგალურ დასაქმებასთან ბრძოლას უწყობს ხელს

თბილისი, 13 აგვისტო - Sputnik. ამიერიდან რუსეთში უცხოელი სტუდენტები მუშაობის დაწყებას შეძლებენ სპეციალობით ყოველგვარი ზედმეტი დოკუმენტების გაფორმების გარეშე. მათ აღარ დასჭირდებათ არც ნებართვები, არც პატენტები. „რუსეთში უცხოელ მოქალაქეთა სამართლებრივი მდგომარეობის შესახებ“ კანონში შეტანილი ცვლილებების წყალობით უცხოელი სტუდენტისთვის საკმარისი იქნება გასაუბრებაზე მისვლა და უნივერსიტეტიდან ცნობის წარდგენა.

აღნიშნული სიახლეები ძალაში 5 აგვისტოდან შევიდა. ზუსტად ერთ კვირაში სააგენტო „როსსოტრუდნიჩესტვოში“ განაცხადეს, რა დამატებითი პროექტები მოჰყვა განახლებულ კანონს. Sputnik-მა გაარკვია, როგორ დაეხმარება უწყება სტუდენტებს სპეციალობით სამსახურის მოძიებაში.

პრაქტიკა სწავლის პარალელურად

რა დადებითი შედეგები მოჰყვება შესწორებებს? უცხოელ სტუდენტს, რომელიც რუსეთში სწავლობს, კარიერაზე ზრუნვა პირველივე კურსიდან შეუძლია. „უცხოელი სტუდენტებისთვის ხელმისაწვდომი გახდა რუსეთის შრომის ბაზარი“, - განუმარტა Sputnik-ს უწყების ხელმძღვანელმა ევგენი პრიმაკოვმა.

მისი აზრით, სპეციალობით მუშაობის შესაძლებლობა სტუდენტს აშორებს შემთხვევითი სამუშაოსგან, რომელიც არ უკავშირდება მომავალ პროფესიულ საქმიანობას. თუ სპეციალობით მუშაობა ახალგაზრდობას პრაქტიკულ გამოცდილებას აძლევს და სამეცნიერო კვლევებისთვის ბაზას უქმნის, მომსახურების სფერო, რომელშიც სტუდენტები ყველაზე ხშირად არიან დასაქმებული, პირიქით, ხარისხიანი განათლების მიღებას უშლის ხელს.

„ჩნდება კითხვა: რისთვისაა მთელი ეს ისტორია? სტუდენტი ჩამოვიდა სასწავლებლად, ნახევარ წელიწადში კი ჯიბის ფულის საშოვნელად ტაქსისტად მიდის“, - ამბობს პრიმაკოვი და აღნიშნავს: ასეთ პირობებში მეცადინეობისთვის აღარავის სცალია.

რისკები მაინც არსებობს

სწავლის პერიოდში მუშაობა - ნორმალური პრაქტიკაა სტუდენტისთვის, განსაკუთრებით, თუ ის მომავალი პროფესიის უკეთ გაცნობაში ეხმარება. პრაქტიკული ჩვევები ახალგაზრდას ხელს უწყობს პრობლემების დაძლევაში დასაქმებისას უნივერსიტეტის დამთავრების შემდეგ, რადგან ბევრი კომპანია ეძებს სპეციალისტებს თუნდაც მცირეოდენი გამოცდილებით. თუმცა ახალი ცვლილებები გარკვეულ რისკსაც შეიცავს - ესაა არალეგალური დასაქმება, ფიქრობს ევრაზიის ანალიტიკური კლუბის ხელმძღვანელი ნიკიტა მენდკოვიჩი.

„სტუდენტების სამსახურში მიღებისას მნიშვნელოვანია სამუშაოს ლეგალურად გაფორმება, შრომისა და ტექნიკის უსაფრთხოების შესახებ კანონების დაცვა, ასევე სოციალური გადარიცხვების წარმოება. ამ ყველაფრის უზრუნველყოფა შესაძლებელია, ბიზნესისა და ფაკულტეტების თანამშრომლობის გზით სამსახურის ძიებისა და დასაქმების ცენტრალიზებული პროცესების ორგანიზებით“, - ამბობს მენდკოვიჩი.

როგორც „როსსოტრუდნიჩესტვოში“ აღნიშნავენ, სააგენტო უკვე იხილავს მსხვილ უნივერსიტეტებთან სამსახურის მოძიებაში სტუდენტების დახმარების ვარიანტებს.

ქაღალდები საჭირო აღარ არის

პრიმაკოვის პოზიციას ეთანხმება ბეხბუდი რაფიკოვი, ქირურგი-ორდინატორი უზბეკეთიდან. სამშობლოში, სამარყანდში, ბეხბუდი ერთ-ერთ ყველაზე პერსპექტიულ სტუდენტად ითვლებოდა - იყო სტუდენტური სამეცნიერო საზოგადოების ხელმძღვანელი, მისი კვლევებით დაინტერესდნენ საერთაშორისო სამედიცინო ჟურნალები. ორდინატურაში სწავლა ბეხბუდიმ საზღვარგარეთ გადაწყვიტა და არჩევანი რუსეთის ექსტრემალური და რადიაციული მედიცინის ცენტრზე შეაჩერა.

Бехбуди Рафиков
© photo : photo: courtesy of Behbudi Rafikov
ბეხბუდი რაფიკოვი

„რუსული განათლების უპირატესობები ნათელია: ესაა მაღალი ხარისხი მისაღებ ფასად და, ზოგადად, მისი ისტორია, - ასაბუთებს არჩევანს ახალგაზრდა სპეციალისტი. - მაგრამ მე მუშაობაც მინდოდა. პანდემიის დროს ჩვენს ცენტრს საქმე მოემატა. ჯანდაცვის სამინისტრომ ორდინატორებს სტაჟიორების სახით უფროსი ქირურგების ხელმძღვანელობით მუშაობის უფლება მისცა და ჩვენ კოლოსალური გამოცდილება მივიღეთ. ექიმისთვის პრაქტიკა ფასდაუდებელია“.

ასე დაიწყო ფიქრი სამსახურზე ბახბუდი რაფიკოვმა, მაგრამ მას მხოლოდ ერთი დეტალი აფერხებდა - დოკუმენტების მთელი დასტის შეგროვების აუცილებლობა. „მივხვდი, რომ სწავლისთვის დრო აღარ დამრჩებოდა, თუ ამ ქაღალდების გაფორმებას დავიწყებდი, - ამბობს იგი. - ახლა კი, როდესაც ახალი კანონის შესახებ შევიტყვე, გახარებული ვარ. მუშაობის შესაძლებლობა მომეცა. დარწმუნებული ვარ, ასე მხოლოდ მე არ ვფიქრობ, რადგან რუსეთს უცხოელი სტუდენტების მოზღვავება ელის“.

ყველას დაეხმარება სუპერსერვისი

უცხოელი სტუდენტების დასახმარებლად სამუშაოს მოძიებაში „როსსოტრუდნიჩესტვო“ კიდევ ერთ საგანმანათლებლო სუპერსერვისს აამოქმედებს სახელმწიფო სერვისების პორტალზე. ამის შესახებ Sputnik-ს უწყების ხელმძღვანელის მოადგილე პაველ შევცოვმა განუცხადა.

სააგენტოს დიდი ცვლილებები ელის - „როსსოტრუდნიჩესტვო“ უფრო ეფექტური გახდება>>

განათლების სფეროს ერთ-ერთი სერვისი, სახელწოდებით „უმაღლესში მოწყობა ქსელის მეშვეობით“, 2020 წლის 20 ივნისიდან მოქმედებს. ამ მომსახურების წყალობით აბიტურიენტს შეუძლია დოკუმენტების შეტანა რუსეთის ნებისმიერ უნივერსიტეტში სახლიდან გაუსვლელად. ახალი სუპერსერვისი კი გათვლილი იქნება უცხოელ სტუდენტებზე, რომლებიც უკვე სწავლობენ რუსეთის უმაღლეს სასწავლებლებში.

„სრულად მისი ამუშავება მომდევნო წლის ბოლომდე იგეგმება. სერვისის წყალობით ჩვენ დავინახავთ ყველა სტუდენტს - არა  მხოლოდ იმათ, ვინც რუსეთში კვოტით სწავლობს, არამედ იმათაც, ვინც კონტრაქტით მოხვდა, - ამბობს შევცოვი. - სერვისი ასახავს ასევე სწავლის ადგილსა და სტუდენტის აკადემიურ მოსწრებას“.

მნიშვნელოვანია, სტუდენტებს ესმოდეთ, რომ არავინ აპირებს მათ თვალთვალს სერვისის მეშვეობით, აზუსტებს შევცოვი. ინფორმაცია აკადემიური მოსწრების შესახებ გამოადგება შრომის სამინისტროსა და კომპანიებს სამსახურისთვის ნიჭიერი სტუდენტების შერჩევისას. გარდა ამისა, სერვისის მონაცემები „როსსოტრუდნიჩესტვოს“ ხელს შეუწყობს იმის გაანალიზებაში, რომელი ქალაქები და უნივერსიტეტებია უფრო პოპულარული უცხოელთა შორის.

„ჩვენ ჩავტვირთავთ სერვისში ინფორმაციას რეგიონების შესახებ, რადგან ჩვეულებრივ, აბიტურიენტებს ბევრი რამ აქვთ გაგებული მოსკოვისა და სანქტ-პეტერბურგის უნივერსიტეტებზე, მაგრამ თითქმის არაფერი - პატარა ქალაქებზე, სადაც ასევე ხარისხიანი განათლების მიღებაა შესაძლებელი. ამიტომ ეს ხარვეზი უნდა გამოსწორდეს“, - აღნიშნა შევცოვმა.

სტიპენდიების პროგრამა

არ არის აუცილებელი, ყველა სტუდენტმა იმუშაოს. ვიღაც მეტისმეტადაა ჩაფლული მეცნიერებაში და ამ შემთხვევაში სტუდენტებს მუშაობის ბანალური აუცილებლობა უჩნდებათ, რათა თავი ირჩინონ. გამოცდილების მიღებასთან ასეთ შემოსავალს არაფერი საერთო არ აქვს, ფიქრობს შევცოვი.

„ჩვენ უკვე ვმსჯელობთ იმაზე, რომ „როსსოტრუდნიჩესტვოს“ სჭირდება არა მხოლოდ კვოტები, არამედ ფორმატი, როდესაც აბიტურიენტს განათლების მისაღებად შეუძლია სტიპენდიის მოგება, რომელიც ანაზღაურებს მგზავრობის საფასურსაც და მინიმალურ საცხოვრებელ ხარჯსაც“, - ამბობს იგი.

რუსეთის ბევრ უნივერსიტეტში ახლა მოქმედებს გამოსაშვები კურსების სტუდენტების დასაქმების დეპარტამენტები. მომავალი დიპლომატი, სომეხი სტუდენტი ედიტა სტეპანიანი, დახმარების წყალობით, ჯერ მოეწყო პრაქტიკანტად სახელმწიფო დუმის ენერგეტიკის კომიტეტში, შემდეგ კი ასისტენტის თანამდებობა შესთავაზეს.

Эдита Степанян
© photo : photo: courtesy of Edita Stepanyan
ედიტა სტეპანიანი

„რასაკვირველია, სამსახურისა და სწავლის შეთავსებაში გარემოებები მეხმარება. მარტში ყველა ორგანიზაცია დაიხურა პანდემიის გამო. შედეგად ჩვენ ამ დრომდე ვსწავლობთ და ვმუშაობთ დისტანციურად. მაგრამ ამგვარი პირობების გარეშეც ვასწრებდი ყველაფერს, რადგან ამ დაწესებულებაში მუშაობა ჩემი ოცნება იყო. ასე რომ, საკანონმდებლო ცვლილებები უცხოელ სტუდენტებს სწავლის მეტ მოტივაციას აძლევს“.

0
თემები:
რუსეთი დღეს