ნატალია პაპინაშვილი და მიხეილ ბარიშნიკოვი

ბალეტის არტისტი ნატალია პაპინაშვილი ოსლოში გარდაიცვალა

87
1990-იან წლებში პაპინაშვილი ასწავლიდა აშშ-ში, ნიდერლანდებში, გერმანიაში, კანადაში და დღემდე ასწავლიდა ოსლოში საბალეტო ხელოვნებას ცეკვის აკადემიაში Bаrdar Academy AS

თბილისი, 17 მარტი — Sputnik. საქართველოს დამსახურებული არტისტი, ბალერინა და პედაგოგი ნატალია პაპინაშვილი ნორვეგიის დედაქალაქში 75 წლის ასაკში გარდაიცვალა, ნათქვამია ზაქარია ფალიაშვილის სახელობის თბილისის ბალეტისა და ოპერის სახელმწიფო თეატრის Facebook-გვერდზე.

„თბილისის ოპერისა და ბალეტის თეატრი და საბალეტო დასი დიდ გულისტკივილს გამოახატავს ქალბატონ ნატალია პაპინაშვილის გარდაცვალების გამო და თანაუგრძნობს მის ოჯახს და ახლობლებს“, - ნათქვამია განცხადებაში.

ნატალია პაპინაშვილმა თბილისის ქორეოგრაფიული სასწავლებლის დამთავრების შემდეგ სტაჟირება სანქტ-პეტერბურგის ქორეოგრაფიულ სასწავლებელში. სხვადასხვა დროს ერევნისა და ყაზანის თეატრების საბალეტო დასების წამყვანი სოლისტი იყო.

1990-იან წლებში პაპინაშვილი ასწავლიდა აშშ-ში, ნიდერლანდებში, გერმანიაში, კანადაში და დღემდე ასწავლიდა ოსლოში საბალეტო ხელოვნებას ცეკვის აკადემიაში Bаrdar Academy AS.

თბილისის ოპერისა და ბალეტის თეატრის სოლისტი იყო 1962-1968 წლებში.

მის რეპერტუარში იყო შემდეგი პარტიები: ჯავარა („გორდა“), თამარი („დემონი“), რიჩი („რაფსოდია-ბლუზი“), სელიტა („დონ კიხოტი“), გამზატი („ბაიადერა“), ჟიზელი („ჟიზელი“), ოდეტა - ოდილია („გედების ტბა“), კოპელია („კოპელია“), პასკუალა („ლოურენსი“) და სხვ.

87
თემები:
საქართველო და კულტურა (895)
ეკა აბულაძე

კორონავირუსის მიუხედავად: საქართველოში „ნიჭიერის“ ახალი სეზონი იწყება

209
თავის განსაკუთრებულ შესაძლებლობებს პოპულარულ შოუში გამოავლენენ როგორც დამოუკიდებლად მოღვაწე არტისტები, ისე ბენდები, გუნდები და ანსამბლები. მთავარი პირობაა - ნიჭი, ქარიზმა და პირველობის სურვილი

თბილისი, 12 აგვისტო — Sputnik. ქართული შოუ „ნიჭიერის“ მეცხრე სეზონი „იმედის“ ტელეარხის ეთერში 2020 წლის 7 სექტემბერს დაიწყება, ნათქვამია პროექტის Facebook-გვერდზე.

პოპულარული შოუს მორიგი სეზონი ტელეეკრანებზე ჯერ კიდევ მარტში უნდა დაბრუნებულიყო, მაგრამ კორონავირუსის პანდემიის გამო პროექტზე მუშაობა დროებით გადაიდო.

პროექტი, რომელშიც სხვადასხვა მიმართულებით საკუთარი შესაძლებლობების წარმოჩენას ნებისმიერი მსურველი შეძლებს, ტელეეთერში ორშაბათობით, 22:00 საათზე გავა. მაყურებლის წინაშე წამყვანის ამპლუაში წარდგება შოუმენი გია ჯაჯანიძე.

ცვლილებებია ჟიურის შემადგენლობაშიც: კონკურსანტებს შეაფასებენ ტელეწამყვანი და მსახიობი რუსკა მაყაშვილი, მომღერალი ანრი ჯოხაძე, დიზაინერი მაკა კვიციანი (ბრენდი Dalood) და ტელეჟურნალისტი დიმა ობოლაძე.

„ნიჭიერის“ სხვადასხვა სეზონში სხვადასხვა პროფესიის ადამიანები მონაწილეობდნენ – მოცეკვავეები, მომღერლები, აკრობატები, ტანმოვარჯიშეები, ძალოსნები და ა.შ.

„ნიჭიერი" — ცნობილი ბრიტანული შოუს Got Talent-ის ქართული ანალოგია. პირველი „ნიჭიერი" საქართველოში ტელეკომპანია Rustavi2-ის ეთერში 2010 წლის თებერვალში გავიდა. „ნიჭიერის" ბოლო, მერვე სეზონის გამარჯვებული თბილისის ბიჭუნათა კაპელა გახდა.

209
თემები:
საქართველო და კულტურა (895)
არქეოლოგიური გათხრები გრაკლიანის გორაზე

გრაკლიანის გორაზე არქეოლოგებმა კვლავ უნიკალური არტეფაქტები აღმოაჩინეს

167
(განახლებულია 19:58 12.08.2020)
გრაკლიანის გორაზე, რომელსაც კულტურული მემკვიდრეობის ეროვნული ძეგლის სტატუსი მიენიჭა, ახალი არქეოლოგიური არტეფაქტები ძვ.წ.აღ. II და I ათასწლეულებით თარიღდება.

თბილისი, 12 აგვისტო — Sputnik. არქეოლოგიურმა ექსპედიციამ, რომელშიც თბილისის სახელმწიფო უნივერსიტეტის სპეციალისტები მონაწილეობენ, გრაკლიანის გორაზე ახალი არქეოლოგიური არტეფაქტები აღმოაჩინა, რომლებიც ძვ.წ.აღ. II და I ათასწლეულებით თარიღდება.

На горе Граклиани в Игоети строится археологический музей
© Sputnik / Levan Avlabreli
გრაკლიანის გორაზე იგოეთში არქეოლოგიური მუზეუმი შენდება

საველე სამუშაოების წარმოებისას პირველ ტერასაზე სამარხებში დიდი რაოდენობით კერამიკული და ლითონის ინვენტარია აღმოჩენილი. ახალი აღმოჩენები გაკეთდა ძვ.წ.აღ. V-IV საუკუნეების სატაძრო კომპლექსის ნაშთების კვლევისას, სადაც პირველად დაფიქსირდა არტეფაქტები, რომელიც რკინის ნივთების წარმოებასთან არის დაკავშირებული.

გრაკლიანის გორაზე გათხრები ადრეც ტარდებოდა და მაშინ არქეოლოგებმა ჩვ.წ.აღ.-მდე V საუკუნის უნიკალური ნაგებობა აღმოაჩინეს. ეს იყო პირველი შემთხვევაა, როცა ამ პერიოდის ძეგლი მთლიანად შენახული აღმოჩნდა. ამგვარად, მეცნიერებს აქვთ საშუალება, მიიღონ სრულფასოვანი წარმოდგენა იმ დროის ცხოვრების შესახებ.

ნაგებობის ცენტრალურ ადგილზე მდებარეობდა დიდი საკურთხეველი; სათავსოში გამართულია ღუმელი, რომელზეც ქურუმებისთვის ცეცხლის გადასატანი ლარნაკები დევს; იქვე იყო სამკურნალო მცენარეების თესლების დასაფქვავი მოწყობილობა.

თსუ-ის არქეოლოგებმა გრაკლიანის გორაზე გათხრები 2008 წელს წამოიწყეს. მოგვიანებით იქვე მოეწყო ბაზა სტუდენტებისთვის საველე პრაქტიკის ჩასატარებლად.

გრაკლიანის საიდუმლო

Реставрация печи культового назначения на горе Граклиани
© Sputnik / Levan Avlabreli
გრაკლიანის გორაზე საკულტო დანიშნულების ღუმელის რესტავრაცია

გრაკლიანის გორა წარმოადგენს მრავალფენიან არქეოლოგიურ ძეგლს, რომელიც კასპის მუნიციპალიტეტის სოფლების იგოეთისა და სამთავისის ტერიტორიაზე, მდინარე ლეხურას მარჯვენა ნაპირზე მდებარეობს.

ძეგლის ტერიტორიაზე ქვის ხანის პერიოდიდან რომაული პერიოდის ჩათვლით საზოგადოებრივი ცხოვრების 300-ათასწლიანი უწყვეტი განვითარება დასტურდება. გრაკლიანის შესახებ მასალები გამოქვეყნებულია მსოფლიოს წამყვან სამეცნიერო გამოცემებში – საფრანგეთში, ჰოლანდიაში, ინგლისში, იტალიაში, გერმანიასა და ესპანეთში.

გრაკლიანის გორაზე პირველი მონაპოვარი 2007 წელს თბილისი–სენაკი–ლესელიძის გზის მშენებლობის დროს დაფიქსირდა. იქ მიმდინარე არქეოლოგიური სამუშაოები საგზაო დეპარტამენტმა დააფინანსა, ხოლო მისი კონსერვაცია და ობიექტის შემდგომი განვითარება გზის მშენებლობის გამო შეჩერებული იყო.

კულტურული მემკვიდრეობის დაცვის ეროვნულმა სააგენტომ 2014 წელს (თითქმის 8 წლის შემდეგ) ამ ობიექტის საფუძვლიანი შესწავლის, მისი კონსერვაციისა და საერთაშორისო სტანდარტებით სამუზეუმო სივრცის მოწყობის ინტერესი გამოთქვა.

იმავე წელს დაიწყო მასშტაბური არქეოლოგიური სამუშაოები, რომელთა შედეგად აღმოჩენილია ნასახლარები, სამეურნეო დანიშნულების ობიექტები და სამარხები, რომლებიც ჩვ.წ.აღ-მდე IV საუკუნიდან ჩვ.წ.აღ-ის I საუკუნეებს ეკუთვნის, შემდეგ კი ჩვ.წ.აღ-მდე VII საუკუნის ტაძარი და ორი საკურთხეველი გაითხარა.

საქართველოში არქეოლოგებმა უძველესი უნიკალური ძეგლები აღმოაჩინეს >>

იქვე აღმოჩენილია ორი სატაძრო კომპლექსი. ერთ-ერთი იბერიის პირველი მეფის – ფარნავაზის მმართველობის პერიოდს განეკუთვნება (ჩვ.წ.აღ-მდე IV-III სს). მოგვიანებით გრაკლიანის გორას კულტურული მემკვიდრეობის ეროვნული ძეგლის სტატუსი მიენიჭა.

167
თემები:
ქართული კულტურული მემკვიდრეობის ძეგლები
ნანუკა გუდავაძე, ბიძინა ივანიშვილი და ბერა ივანიშვილი

ბერა და ბერუკა ერთად ვარჯიშობენ - მუსიკოსი უსაყვარლეს ვიდეოს აქვეყნებს

0
(განახლებულია 14:51 31.07.2020)
მუსიკოსი ბერა ივანიშვილის ვაჟი სულ ცოტა ხნის წინ მოევლინა ქვეყანას, თუმცა უკვე დიდი პოპულარობით სარგებლობს.

პატარა ბერუკას მუსიკა მამამ უკვე შეაყვარა. ცოტა ხნის წინ ახალგაზრდა კომპოზიტორმა და შემსრულებელმა ვაჟთან ერთად ვიდეო გამოაქვეყნა, სადაც ისინი როიალზე უკრავენ. „ჩემი მომავალი პიანისტი, მის თითებს დააკვირდით“, – წერდა ახალბედა მამა. ბერამ შვილს „იავნანაც“ დაუწერა და ვიდეო, სადაც ამ მუსიკაზე ბერუკა იძინებს, სოციალურ ქსელში განათავსა. ახლა კი შვილთან ერთად ვარჯიშობს. ბერუკას, როგორც ჩანს, მამასთან ერთად ვარჯიში ძალიან მოსწონს.

View this post on Instagram

😂❤

A post shared by @ beraivanishvili_fanclub on

პარტია „ქართული ოცნების“ თავმჯდომარისა და საქართველოს ყოფილი პრემიერის ბიძინა ივანიშვილის ოჯახში პატარა ბერუკა 2019 წლის 29 ნოემბერს გაჩნდა. როგორც ცნობილია, ბერამ და ნანუკამ შვილს სახელი მათი სახელების შერწყმის შედეგად დაარქვეს. ბერ (ბერ-ა) + უკა (ნან-უკა). ცოტა ხნის წინ ბერამ და ნანუკამ Instagram-ზე ახალშობილის უსაყვარლესი ფოტოები გამოაქვეყნეს. გავრცელებული ინფორმაციით, ნანუკა გუდავაძემ სახლში იმშობიარა და მშობიარობას ნდო­ბით აღ­ჭურ­ვი­ლი მე­ა­ნი ესწრებოდა სა­ჩხე­რის სა­მე­დი­ცი­ნო ცენ­ტრი­დან.

კომპოზიტორი და შემსრულებელი ბერა ივანიშვილი ცნობილი ოჯახის შვილია. მიუხედავად იმისა, რომ პოლიტიკისგან შორს არის, კარიერის დასაწყისში მამის პარტიას სიმღერებს უძღვნიდა, ახლა კი მისი კომპოზიციები ნანუკა გუდავაძეს ეძღვნება. საზოგადოებისთვის უცნობია, თუ სად გაიცნეს ერთმანეთი ბერამ და ნანუკამ. სოციალურ ქსელში ცოლ-ქმარი დიდი აქტიურობითა და პოპულარობით გამოირჩევა. „ფორბსის“ მიერ გამოქვეყნებულ მილიარდერთა სიაში საქართველოდან მხოლოდ ბიძინა ივანიშვილი ირიცხება. „ქართული ოცნების“ ლიდერს ოთხი შვილი ჰყავს. მათ შორის საზოგადოებისთვის უფრო მეტად ცნობილი ბერა ივანიშვილია.

0
თემები:
სელებრითების ცხოვრება