როიალის კლავიშები

სრული სოლდ-აუტი: ახალგაზრდა ქართველი პიანისტი ლონდონში კონცერტს გამართავს

55
(განახლებულია 17:20 09.03.2020)
ირმა გიგანმა მუსიკალური ნიჭი ადრეული ბავშვობიდან გამოამჟღავნა. სულ სამი წლის იყო, როდესაც თავისი ბიძის მამუკა ჩარკვიანის კომპოზიცია სმენით ააწყო. ასე აღმოაჩინეს მშობლებმა, რომ ბავშვს აბსოლუტური სმენა ჰქონდა.

თბილისი, 9 მარტი — Sputnik. ახალგაზრდა ქართველი პიანისტი ირმა გიგანი 11 მარტს ლონდონში სოლო კონცერტს გამართავს – ბილეთები უკვე გაყიდულია.

გიგანი კონცერტს Steinway Hall-ში გამართავს და შეასრულებს პროკოფიევის, შუბერტისა და შოპენის ნაწარმოებებს.

23 წლის ირმა გიგანი მრავალი მუსიკალური კონკურსის ლაურეატია. ექვსი წლისა იყო, როდესაც იტალიაში ფესტივალზე გრან-პრი მოიპოვა. მაშინ მონაწილეთა ასაკი 12-დან 16 წლამდე იყო განსაზღვრული, მაგრამ როდესაც გიგანის ჩანაწერები მოისმინეს, გადაწყვიტეს, რომ ის კონკურსზე დაეშვათ.

ირმა გიგანი საფრანგეთში გამართული კონკურსის ლაურეატი გახდა>>

ორი წლის შემდეგ გიგანმა შოპენის სახელობის კონკურსის პრემია მიიღო. 14 წლისა ასევე წარმატებით გამოვიდა სოლო კონცერტით მოსკოვში. 2017 წელს ის დანიაში პიანისტთა კონკურსის Aarhus Competition ლაურეატი გახდა, ხოლო 2019 წელს მეორე ადგილი დაიკავა საერთაშორისო კონკურსში Les Etoiles du Piano („ფორტეპიანოს ვარსკვლავი") საფრანგეთში.

ირმა გიგანი თბილისის სახელმწიფო კონსერვატორიის კურსდამთავრებულია. ის ცნობილ ქართულ ოჯახში დაიბადა. მისი ბაბუა ჯანსუღ ჩარკვიანი იყო, ბიძა ცნობილი მუსიკოსი მამუკა ჩარკვიანია, დედა თაკო ჩარკვიანია, ხოლო მამა – ბიზნესმენი ჯონი გიგანი.

55
თემები:
საქართველო და კულტურა (829)
სოსო პავლიაშვილი

„მამებო, მიბაძეთ!“ სოსო პავლიაშვილმა ქალიშვილს გულისამაჩუყებელი პოსტი მიუძღვნა

352
(განახლებულია 21:13 02.06.2020)
სოსო პავლიაშვილმა ქალიშვილს დაბადების დღე მიულოცა – სანდრასთვის უთბილესმა მილოცვამ გულგრილი არავინ დატოვა.

თბილისი, 2 ივნისი – Sputnik. ცნობილმა მომღერალმა სოსო პავლიაშვილმა თავის ქალიშვილ სანდრას დაბადების დღე მიულოცა. გოგონა 12 წლის გახდა.

იცოდით, რომ სოსო პავლიაშვილს უსიმპათიურესი ვაჟი ჰყავს? – ფოტოები >>

მუსიკოსმა ქალიშვილს Instagram-ზე გულისამაჩუყებელი პოსტი მიუძღვნა და ოჯახური ფოტოები გამოაქვეყნა.

„დაბადების დღეს გილოცავ, ჩემო ანგელოზო, სახელად სანდრა!!! საუკეთესო ქალიშვილი!!! საუკეთესო შვილიშვილი!!! საუკეთესო და!!! საუკეთესო დაქალი!!! შენ და ყველა ჩვენს შვილს, რომლებთან ერთადაც გაატარებ ამ მშვენიერ და საოცარ ცხოვრებას, გისურვებთ მარადიულ ახალგაზრდობას, ჯანმრთელობას, მშვიდობას და სიკეთეს!!! იყავი მუდამ უფალთან და უფალი სულ შენთან იქნება!!! მიყვარხარ უსაზღვროდ!!! მადლობა იროჩკას შენს გამო!!! მადლობა ღმერთს ჩვენი ოჯახისთვის!!!“ – დაწერა მომღერალმა.

ხელმომწერებმაც არ დაიშურეს მილოცვები და იუბილარს უამრავი კომენტარი დაუტოვეს.

სოსო პავლიაშვილი – მრავალშვილიანი მამაა. პირველი ქორწინებიდან მას 31 წლის ვაჟი ლევანი ჰყავს, ხოლო ირინა პატლახმა, მეორე მეუღლემ თავის საყვარელ მამაკაცს ორი ქალიშვილი გაუჩინა – ელიზავეტა და სანდრა.

352
თემები:
საქართველო და კულტურა (829)
გიორგი ნადიბაიძე – The Voice–ის გამარჯვებული

The Voice „პირველ არხზე“ გადადის

140
(განახლებულია 21:31 01.06.2020)
კონკურსზე რეგისტრაცია უკვე დაიწყო. ის ონლაინ–რეჟიმში მიმდინარეობს. შემდეგ გაიმართება კასტინგი და დასახელდება ჟიურის შემადგენლობა.

თბილისი, 1 ივნისი – Sputnik. საზოგადოებრივი მაუწყებლის „პირველი არხი“ სასიმღერო კონკურსის The Voice ახალ სეზონს ამზადებს. რეგისტრაცია უკვე დაიწყო.

როგორც ოგანიზატორები აცხადებენ, მსურველები ჯერ უნდა დარეგისტრირდნენ ინტერნეტ-გვერდზე, ხოლო შემდეგ სახლიდან გაუსვლელად გაიარონ კასტინგი.

ჯერჯერობით უცნობია, ვინ იქნება ჟიურიში. გასულ წელს მის შემადგენლობაში შედიოდნენ ქეთა თოფურია, ანრი ჯოხაძე, ნოდიკო ტატიშვილი და ნუცა შანშიაშვილი.

The Voice ვოკალური სატელევიზიო შოუა. ის 2012 წლიდან ტელეარხ „იმედზე“ გადიოდა, ახლა კი „პირველ არხზე“ გავა.

პროგრამას ადრე „ახალი ხმა“ ერქვა. პირველი ორი სეზონის გამარჯვებული არიან სალომე ქათამაძე და მარიამ ჩაჩხიანი. პროექტი The Voice-ის ორიგინალური ფორმატის ანალოგია, რომელიც პირველად ჰოლანდიურ ТВ RTL4-ზე გამოჩნდა, როგორც The Voice of Holland.

140
თემები:
საქართველო და კულტურა (829)
ონლაინ-რეჟიმი

კონფუზი ონლაინ: პოლიტიკოს ქალს კამერის გამორთვა დაავიწყდა და მკერდი მოიშიშვლა - ვიდეო

0
(განახლებულია 16:29 04.06.2020)
მას შემდეგ, რაც პანდემიის გამო მსოფლიო მუშაობის ონლაინ-რეჟიმზე გადავიდა, ინტერნეტით არაერთი „თამამი“ შინაარსის შემთხვევითი ვიდეო გავრცელდა

თბილისი, 4 ივნისი — Sputnik. მექსიკელ სენატორ ქალს სახელმწიფო ონლაინ–თათბირის შემდეგ ვიდეოკამერის გამორთვა დაავიწყდა და მკერდი მოიშიშვლა, რის მოწმეც არაერთი ადამიანი გახდა, იუწყება New York Post–ი.

ირკვევა, რომ 66 წლის მარტა ლუსია მიჩერ კამარენა მხოლოდ მას შემდეგ მიხვდა შეცდომას, რაც პირადი შეტყობინებები მიიღო. მანამდე კი თათბირის დამსწრე ჩინოვნიკებმა და ჟურნალისტებმა ინციდენტის კამერებზე აღბეჭდვა მოასწრეს. 

გამოცემის ინფორმაციით, სენატორი მაინცდამაინც არ განიცდის მომხდარს.

„მე მალუ მიჩერი ვარ  და არ მრცხვენია, რომ ინტიმური ადგილი შემთხვევით გამომიჩნდა... სწორედ ამ მკერდით გამოვზარდე ოთხი შვილი“, — განაცხადა მან.

ირკვევა, რომ მიჩერ კამარენას მხარი არაერთმა პოლიტიკოსმა დაუჭირა, რომლებმაც სამარცხვინოდ მიიჩნიეს სოციალური ქსელებით მკერდმოშიშვლებული სენატორის ფოტოების გავრცელება.

აღსანიშნავია, რომ ბოლო პერიოდში, რაც მთელი მსოფლიო ონლაინ მუშაობის რეჟიმზე გადავიდა, ინტერნეტით არაერთი მსგავსი და კიდევ უფრო „თამამი“ შინაარსის შემთხვევითი ვიდეო- და ფოტომასალა გავრცელდა. 

 

0
თემები:
მსოფლიო დღეს