კინოკამერები

სტრასბურგში ქართული კინოს რეტროსპექტივა მიმდინარეობს

34
(განახლებულია 13:22 05.03.2020)
სტრასბურგის მცხოვრებნი და ქალაქის სტუმრები ათი დღის განმავლობაში ქართული კინემატოგრაფიის შედევრებს გაეცნობიან.

თბილისი, 5 მარტი — Sputnik. საფრანგეთის ქალაქ სტრასბურგში, კინოთეატრ L'odyssée-ში მიმდინარეობს ცნობილი ქართული ფილმების რეტროსპექტივა, ნათქვამია საქართველოს კინემატოგრაფიის ეროვნული ცენტრის განცხადებაში.

კინოჩვენებები 15 მარტამდე გაგრძელდება. ღონისძიების ინიციატორია კინოთეატრ L'odyssée-ს („ოდისე") დირექტორი ფარუკ გუნალთაი. სწორედ ამ კინოთეატრში გაეცნობა მაყურებელი ქართულ კინოს.

ჩვენებების სერია გუშინ გახსნა ოთარ იოსელიანის ფილმმა „იყო შაშვი მგალობელი". ფილმი მაყურებელს თავად რეჟისორმა წარუდგინა, რომელიც სტრასბურგში სპეციალურად ამ მოვლენისთვის ჩავიდა.

სტრასბურგში ასევე აჩვენებენ ცნობილ ქართულ ფილმებს:

  • 7 მარტი – მიხეილ კობახიძის „ქოლგა", „ქორწილი", „მუსიკოსები";
  • 8 მარტი – ოთარ იოსელიანის „გიორგობისთვე";
  • 10 მარტი – ელდარ შენგელაიას „თეთრი ქარავანი";
  • 14 მარტი – ლანა ღოღობერიძის „რამდენიმე ინტერვიუ პირად საკითხებზე";
  • 15 მარტი – ნუცა ალექსი-მესხიშვილის „კრედიტის ლიმიტი".

ეროვნულ კინოცენტრთან ერთად ღონისძიების პარტნიორია სტრასბურგის მერია და საქართველოს კინოაკადემია.

ახალი კინოპროექტები და პერსპექტივები – ქართული დელეგაცია ბერლინალეზე მიემგზავრება>>

საქართველო 2019 წლის ნოემბერში ევროპის საბჭოს მინისტრთა კომიტეტის თავმჯდომარე ქვეყანა გახდა. ამასთან დაკავშირებით სტრასბურგში მრავალრიცხოვანი კულტურული ღონისძიებები იმართება, მათ შორისაა ქართული ფილმების რეტროსპექტივაც.

34
თემები:
საქართველო და კულტურა (853)
ავტოკინოთეატრი

თბილისში 9 ივლისს პირველი ავტოკინოთეატრი გაიხსნება

67
(განახლებულია 19:33 06.07.2020)
კინოთეატრს 21:00 საათზე გახსნის ქართული დრამა რაგბიზე ციხეში. სურათმა საზღვარგარეთ უკვე არაერთი ჯილდო მოიპოვა

თბილისი, 6 ივლისი - Sputnik. ავტოკინოთეატრი Cavea Drive-in Lisi თბილისში პირველად ხუთშაბათს, 9 ივლისს გაიხსნება - ის ლისის ტბის ტერიტორიაზე, ახალ იპოდრომზე განთავსდება, აღნიშნავენ ორგანიზატორები Facebook-გვერდზე.

პირველ კინოსეანსზე აჩვენებენ უტა ბერიას ფილმს „უარყოფითი რიცხვები“. გახსნაზე ირაკლი დეისაძის ბენდი გამოვა.

ავტოკინოთეატრი არის კინოთეატრი ღია ცის ქვეშ, რომელიც გათვლილია ფილმების საყურებლად ავტომობილიდან. ინგლისურენოვან ქვეყნებში მას „დრაივ-ინს“ ეძახიან. ავტოკინოთეატრი წარმოადგენს ავტომობილების სადგომს ორგანიზებული შესასვლელებით და გასასვლელებით და დიდი ზომის ეკრანით.

„დრაივ-ინში“ ხმა გადმოიცემა აკუსტიკური სისტემების მეშვეობით, რომლებიც ავტოსადგომების ირგვლივაა დამონტაჟებული, ან სტანდარტული მცირესიმძლავრიანი რადიოსადგურით FM-დიაპაზონში.

Cavea-ს თეატრების ქსელი ახალი ფილმების პრემიერების პარალელურად მაყურებელს შესთავაზებს სხვა ღონისძიებებსაც, მაგალითად, კინომარათონებს.

მოსალოდნელია, რომ პირველ ეტაპზე კინოთეატრები გათვლილი იქნება მინიმუმ 200 ავტომობილზე. ასევე გამოყოფილი იქნება სპეციალური სივრცე ველოსიპედისტებისთვის, მოტოციკლისტებისა და უტრანსპორტო მაყურებლებისთვის. მათი რაოდენობა გაიზრდება მოთხოვნის შესაბამისად.

ტერიტორიას გააკონტროლებს დაცვა, რომელიც მაყურებელს განთავსებაში მიეხმარება და თვალყურს მიადევნებს წესრიგსა და დისტანციის დაცვას.

67
თემები:
საქართველო და კულტურა (853)
სალომე ზურაბიშვილი

სალომე ზურაბიშვილი ისტორიულად მნიშვნელოვან სოფელ ლაილაშს ეწვია - ვიდეო

214
არქეოლოგიურად დასტურდება, რომ ლაილაში ძველი კოლხეთის ნაწილს წარმოადგენდა. სოფელში აღმოჩენილია ძვ. წ. მე-14-11 საუკუნეების ბრინჯაოს ცულების განძი

თბილისი, 5 ივლისი — Sputnik. საქართველოს პრეზიდენტმა სალომე ზურაბიშვილმა ცაგერის მუნიციპალიტეტში ორბელის გადმოსახედი და სოფელი ლაილაში დაათვალიერა, ნათქვამია საქართველოს პრეზიდენტის ოფიციალურ გვერდზე გავრცელებულ განცხადებაში.

პრეზიდენტი ცაგერის მუნიციპალიტეტში ისტორიულად მრავალეთნიკურ სოფელ ლაილაშს ეწვია, სადაც ქართველებთან ერთად, ბერძნები, ებრაელები და სომხები ცხოვრობდნენ.

ზურაბიშვილის თქმით,  ქვეყნის ისტორიისათვის ძალიან მნიშვნელოვანია ისეთი ადგილების არსებობა, როგორიცაა ლაილაში, სადაც ებრაელები, ქართველები, სომხები ერთად ცხოვრობდნენ.

„არამხოლოდ თბილისსა და ქუთაისში, არამედ აქაც ერთად ცხოვრობდნენ ებრაელები, ქართველები, სომხები - ეს ჩვენს კულტურაზე მეტყველებს!“, - განაცხადა პრეზიდენტმა.

 

Изображение святого Семеона. Фрагмент иконы Сретение из села Лаилаши.
© photo: Sputnik /
წმინდა სვიმონ კანანელის გამოსახულება. ხატის ფრაგმენტი სოფელ ლაილაშიდან

არქეოლოგიურად დასტურდება, რომ ლაილაში ძველი კოლხეთის ნაწილს წარმოადგენდა. სოფელში აღმოჩენილია ძვ. წ. მე-14-11 საუკუნეების ბრინჯაოს ცულების განძი. სოფელი მდიდარია ისტორიულ-არქიტექტურული ძეგლებით. სოფელი ასევე ცნობილია მისივე სახელწოდების ბიბლიით - „ლაილაშის ბიბლია“, რომელიც  X საუკუნის უნიკალური ებრაულენოვანი ხელნაწერია.

 

214
თემები:
საქართველოს პრეზიდენტი
ხატია წერეთელი

„მასტერშეფში“ ამდენი დებილი სად ნახეთ?...“- ხატია წერეთელი კონკურსანტებს აკრიტიკებს

0
(განახლებულია 12:21 07.07.2020)
მომღერალმა ხატია წერეთელმა სოციალურ ქსელში პოპულარული კულინარიული შოუს მონაწილეები გააკრიტიკა. ნახეთ რამ გამოიწვია მისი გაღიზიანება

თბილისი, 7 ივლისი — Sputnik. მომღერალი ხატია წერეთელი სოციალურ ქსელში კულინარიული შოუს „მასტერშეფის“ მონაწილეებს აკრიტიკებს.

როგორც ჩანს, მომღერლის აღშფოთება მესხურ სამზარეულოსთან დაკავშირებით კონკურსანტების განცხადებებმა გამოიწვია.

„მასტერშეფი ამდენი დებილი სად ნახეთ? მესხური სამზარეულო მარტო ცომი რომ ჰგონიათ, მზად ვარ მოვიდე და მასტერკლასი ჩავატარო, ამით აქვთ პრეტენზია მასტერშეფობაზე? ამით ნადუდღნით ნუ შეურაცხყოფით მესხურ სამხარეულოს“, - წერს ხატია წერეთელი.

საზოგადოებრივ მაუწყებელზე „მასტერშეფის“ მესამე სეზონი მიმდინარეობს. ამ დროისთვის შერჩეული 11-დან გამარჯვებისთვის 7 კონკურსანტი იბრძვის.

კონკურსის ჟიური პოპულარული შეფები - ლუკა ნაჭყებია, კონსტანტინე თედელური და ლევან კობიაშვილი არიან.

ლუკა სურსათის ტექნოლოგია. ის 2010 წლიდან სურსათის ინდუსტრიაშია, სარესტორნო სფეროში კი 2012 წლიდან ჩაება. მისი კონსულტაციით 25-ზე მეტი კვების ობიექტი ამუშავდა; 2014 წლიდან დღემდე ასწავლის აგრარულ უნივერსიტეტსა და კულინარიულ აკადემიაში, ასევე ატარებს ლექციებს საერთაშორისო მასშტაბით.
არის რამდენიმე წიგნის თანაავტორი: „მესხური ტაბლა“, „მეგრული ტაბლა“, „ქართული გემო“.

კონსტანტინე სარესტორნო სფეროში 2005 წლიდანაა. იგი ყველასგან გამოირჩევა თავისი ექსტრავაგანტული კონცეპტ-სივრცეებით. არის რამდენიმე კონცეპტუალური სივრცის, მათ შორის რესტორან „შეფის ბებიას“დამაარსებელი; 2014 წელს პრეზიდენტის ადმინისტრაციის მიწვეული შეფი იყო; 2018 წელს გაიმარჯვა Gault&Millau-ს ნომინაციაში „ახალგაზრდა ტალანტი“. კონსტანტინე დღემდე აგრძელებს კულინარიულ მოღვაწეობას და ახალი გემოების ძიებას, როგორც დამოუკიდებელი შეფი.

ლევანი საქართველოს კულინარიული ფედერაციის პრეზიდენტი და მოლეკულური გასტრონომიის სპეციალისტია; მან სკოლის დამთავრებისთანავე დაიწყო კულინარიული საქმიანობა და დღეისათვის სარესტორნო სფეროში 26-წლიანი გამოცდილება აქვს. 2009 წლიდან არის ლექტორი კულინარიულ კოლეჯში „იკარუსი“, 2013-2016 წლებში კი აგრარულ უნივერსიტეტსა და კულინარიულ აკადემიაში ასწავლიდა ქართულ და მსოფლიო სამზარეულოს.

ლევანი წლების მანძილზე იყო საქართველოს საუკეთესო რესტორნების ბრენდ-შეფი: „მეამა“, „ბარბარესთან“, „ამბასადორი“, „ვერე პალასი“, „ქარავანი“, „ტერასა“ და ა.შ.

0
თემები:
სელებრითების ცხოვრება