ღვინის ფესტივალი გურჯაანში

ახალი ღვინო - ახალი გემო: მთაწმინდაზე „ახალი ღვინის ფესტივალი“ გაიმართება

45
წლიდან წლამდე ღონისძიებაში ერთვება სულ უფრო მეტი საოჯახო მეღვინეობა და ღვინის კომპანია, ასოციაცია და სახელმწიფო ორგანიზაცია. ღონისძიება ღვინის ეროვნული სააგენტოს და თბილისის მერიის მხარდაჭერით იმართება.

თბილისი, 1 მარტი — Sputnik. მთაწმინდის პარკში 9 მაისს რიგით მე-11 „ახალი ღვინის ფესტივალი“ (New Wine Festival 2020) გაიმართება, იუწყებიან ორგანიზატორები Facebook-ში.

ახალი რეკორდი: რამდენი ღვინო გაიტანეს საქართველოდან >>

სტუმრებს ექნებათ საშუალება დააგემოვნონ ბოლო მოსავლის ასეულობით ახალი ღვინო, გაიცნონ ამ ღვინოების ავტორები და აღმოაჩინონ ახალი გემოები. თავის ღვინოებს წარმოადგენენ როგორც დიდი, ისე საოჯახო მეღვინეობები.

ღვინის ფესტივალის ძირითადი იდეაა - ტრადიციული ქართული ღვინოების პოპულარიზაცია, მეღვინეობის კუთხით განათლების დონის და სამომხმარებლო კულტურის ამაღლება.

„ახალი ღვინის ფესტივალი“ საქართველოში 2010 წლიდან იმართება. ამ წლების განმავლობაში ის ნამდვილ სახალხო დღესასწაულად იქცა და გაიზარდა.  2019 წელსაც ფესტივალზე შეკრებილი იყო დიდი, საშუალო და მცირე მეღვინეობები, ასოციაციები და სახელმწიფო ორგანიზაციები - სულ 200-ზე მეტი მონაწილე.

„ახალი ღვინის ფესტივალს“ პროდუქციის მწარმოებლების გარდა მოულოდნელად ელიან ქართველი და უცხოელი პროფესიონალები, ღვინის მწერლები, ღვინის ბარები და მოყვარულები. წელს ფესტივალის კარი 11:00 საათიდან 18:00 საათამდე იქნება ღია. დასწრება უფასოა.

ფესტივალი ტრადიციულად ქვევრის გახსნის ტრადიციული ცერემონიით, „მრავალჟამიერის“ თანხლებით დაიწყება. ორგანიზატორები სტუმრებს საინტერესო პროგრამას, გათამაშებებს და სასიამოვნო მუსიკას პირდებიან.

აღსანიშნავია, რომ წლიდან წლამდე ღონისძიებაში ერთვება სულ უფრო მეტი საოჯახო მეღვინეობა და ღვინის კომპანია, ასოციაცია და სახელმწიფო ორგანიზაცია. ღონისძიება ღვინის ეროვნული სააგენტოს და თბილისის მერიის მხარდაჭერით იმართება.

 

 

45
თემები:
ღვინის კულტურა და მეღვინეობა (67)
ბავშვები კომპიუტერთან

საქართველოში ონლაინ–რეჟიმში ხორციელდება პროექტი „კინო სკოლაში“

54
(განახლებულია 21:49 29.05.2020)
პროექტის ფარგლებში ახალგაზრდობას საშუალება ეძლევა გაეცნოს მსოფლიო კინოს, კინოინდუსტრიის შიდა სამზარეულოს და, ამასთან, პირველი ნაბიჯები გადადგას კინემატოგრაფიაში.

თბილისი, 29 მაისი — Sputnik. კორონავირუსის პანდემიის გამო საქართველოს კინემატოგრაფიის ეროვნული ცენტრის პროექტი „კინო სკოლაში“ 2020 წლის გაზაფხულის სეზონს განსხვავებული ფორმატით, ონლაინ–პლატფორმის გამოყენებით ატარებს, ნათქვამია კინოცენტრის ვებ-გვერდზე.

საგანმანათლებლო ონლაინ–პლატფორმა ევროკავშირის პროგრამა „შემოქმედებითი ევროპის“ მხარდაჭერით შეიქმნა.

როგორც განცხადებაშია აღნიშნული, საქართველოს გარდა, პროექტში „კინოს კუთხე“ (THE FILM CORNER) მონაწილეობენ იტალია, დიდი ბრიტანეთი, ჩრდილოეთ ირლანდია, სერბეთი და სლოვენია. ეს არის საერთაშორისო კინო-საგანმანათლებლო რესურსი, რომლის მიზანია კინოსპეციფიკის სწავლება ონლაინ–ფორმატში. 

„ამ დროისთვის პროექტში ჩართულია 17 კინომისიონერი, 40 სკოლა მთელი საქართველოს მასშტაბით და 285 კინოსკოლელი. სასწავლო რესურსი განკუთვნილია 13-19 წლის მოზარდებისთვის და აერთიანებს რამდენიმე თემას: კადრის შექმნა, გამოსახულების გაჭრა, კადრს მიღმა მოქმედება, მონტაჟი, პარალელური მოქმედება, ხმა, პერსონაჟის შექმნა და ა.შ.“ – ნათქვამია განცხადებაში.

მოსწავლეებს სწორედ კინომისიონერების დახმარებით ეძლევათ შესაძლებლობა, გადავიდნენ პრაქტიკულ სამუშაოებზე და ონლაინ–რეჟიმში შეასრულონ კონკრეტული დავალებები, რაც სასწავლო პროცესს უფრო ეფექტურს ხდის, აღნიშნავენ კინოცენტრში.

ამჟამად საერთაშორისო ექსპერტების მონაწილეობით მიმდინარეობს მუშაობა ორ თემატურ აპლიკაციაზე – პროპაგანდა კინოში და კინოს საშუალებით ხელოვნების სწავლება. აპლიკაციები ქართულ ენაზე ხელმისაწვდომი იქნება მომავალი წლიდან.

ეროვნული კინოცენტრის პროექტი „კინო სკოლაში“ 2014 წლიდან წარმატებით მიმდინარეობს საქართველოს განათლების, მეცნიერების, კულტურისა და სპორტის სამინისტროს მხარდაჭერით.

 

54
თემები:
საქართველო და კულტურა
მსახიობი ზურა ყიფშიძე

ზურა ყიფშიძე რუსულ სერიალში გადაიღეს

81
(განახლებულია 15:41 29.05.2020)
ლეგენდარულ მსახიობს მალე მაყურებელი რუსულ სერიალში იხილავს, რომლის პრემიერაც 1 ივნისს შედგება. ყიფშიძე სერიალში კრიმინალური ავტორიტეტის როლს ასრულებს.

თბილისი, 29 მაისი – Sputnik. ცნობილი ქართველი თეატრისა და კინოს მსახიობი ზურაბ ყიფშიძე რუსულ სერიალში „მშვიდობა! მეგობრობა! საღეჭი რეზინა!“ გადაიღეს, რომელიც TNT არხზე გავა.

სერიალის რეჟისორია ილია აქსიონოვი. მოქმედება პროვინციულ ქალაქში ხდება 90-იან წლებში.

ზურაბ ყიფშიძე ადგილობრივი კრიმინალური ავტორიტეტის ასლანის როლს ასრულებს.

ლეგენდარული მსახიობი 66 წლისაა. 1970–1971 წწ. სწავლობდა თბილისის შოთა რუსთაველის სახელობის თეატრალურ ინსტიტუტში, შემდეგ გადავიდა მოსკოვში და 1976 წელს დაამთავრა საკავშირო კინემატოგრაფიის ინსტიტუტი (გერასიმოვასა და მაკაროვის სახელოსნო).

1976 წლიდან არის კინომსახიობთა თეატრისა და კინოსტუდია „ქართული ფილმის“ მსახიობი. მონაწილეობდა 50-ზე მეტ ფილმში, მათ შორის: „როცა აყვავდა ნუში“, „სურამის ციხე“, „ბრავო, ალბერ ლოლიშ!“, „ნეილონის ნაძვის ხე“, „დონ კიხოტი“, „მარტოხელა მონადირე“, „წუთისოფელი“, „ამბავი სურამის ციხისა“ და სხვ.

აგრეთვე სპექტაკლებში: „შუშანიკის წამება“, „ჩვენი პატარა ქალაქი“, „მამა“, „ზაფხულის ღამის სიზმარი“ და სხვ. მიღებული აქვს რუსეთის კინოაკადემიის მთავარი პრიზი Ника, მამაკაცის მეორეხარისხოვანი როლის საუკეთესო შესრულებისთვის (1997), რუსთავის თატრალური ფესტივალის გრან-პრი.

81
თემები:
სელებრითების ცხოვრება
მომღერალი მარკუს მეტრეველი პირველ სამოდელო კოლექციას ამზადებს

„ძალიან მძიმეა, როდესაც შვილების დედა, აბსურდულ ბრალდებას გიყენებს“ - მარკუს მეტრეველი

0
(განახლებულია 14:51 30.05.2020)
მარკუსის წინააღმდეგ, მისი ყოფილი მეუღლე და ორი ვაჟის დედა არა ერთხელ გამოსულა. ისინი ერთმანეთს თოქ-შოუებშიც დაუპირისპირდნენ

„რთულია სხვის პირად ცხოვრებაზე კომენტარის გაკეთება. თუმცა მსგავსი ფაქტი , ჩემს წარსულ პირად ცხოვრებაზე გამახსენდა და პარალელს ვავლებ! ძალიან მძიმეა, როდესაც ყოფილი “მეუღლე” და შვილების დედა, აბსურდულ ბრალდებას გიყენებს ძალადობაზე და ფიზიკურ შეურაცხყოფაზე! მე ყველაზე კარგად მესმის და ვიცი რა დონის ზიანი შეიძლება მოგაყენოს გამწარებულმა ქალმა. ისიც ვიცი, თუ რა რთულია ამ ბრალდების მიღება და გადატანა მშვიდად ისე, რომ არ გამოხვიდე წყობიდან და თავი ხელში აიყვანო…”-  ასე ეხმაურება მარკუს მეტრეველი ქართველი ჩოგბურთელის გარშემო ატეხილ სკანდალს. ეპატაჟურმა მომღერალმა იგივე გზა გამოიარა, რასაც ახლა ნიკოლოზი გადის. მარკუსის წინააღმდეგ, მისი ყოფილი მეუღლე და ორი ვაჟის დედა არა ერთხელ გამოსულა. ისინი ერთმანეთს თოქ-შოუებშიც დაუპირისპირდნენ. ბევრი მცდელობის მიუხედავად, მარკუსსა და მის ყოფილ ცოლს შორის ურთიერთობა დღემდე არ დალაგებულა. მარკუსის ყოფილი ცოლი ჟურნალისტი ლალი ქურდაძეა.

View this post on Instagram

🆘ჩემი მხარდაჭერა და სოლოდარობა ნიკოლოზ ბასილაშვილს ✊🙏 🔺რთულია სხვის პირად ცხოვრებაზე კომენტარის გაკეთება.თუმცა მსგავსი ფაქტი , ჩემს წარსულ პირად ცხოვრებაზე გამახსენდა და პარალელს ვავლებ .. !!! 🔺ძალიან მძიმეა როდესაც ყოფილი “მეუღლე” და შვილების დედა, აბსურდულ ბრალდებას გიყენებს ძალადობაზე და ფიზიკურ შეურაცხყოფაზე!! 🔺მე ყველაზე კარგად მესმის და ვიცი რა დონის ზიანი შეიძლება მოგაყენოს გამწარებულმა ქალმა. ისიც ვიცი თუ რა რთულია ამ ბრალდების მიღება და გადატანა მშვიდად ისე რომ არ გამოხვიდე წყობიდან და თავი ხელში აიყვანო.. 🔺მე მესმის რომ ხალხიც გააღიზიანა ამ ფაქტმა მაგრამ ესე ერთი ხელის მოსმით ნუ აკეთებთ დასკვნებს და შეურაცხყოფილ კომენტარებს ნუ წერთ ადამიანზე რომელმლაც არაერთხელ ასახელა საქართველო!!! 🔺მჯერა რომ ნიკოლოზი თავს გაართმევს ამ სირთულეს და გადალახავს ამ პრობლემასაც ისე ლოიალურად რომ არცერთი მხარე არ დაზარალდეს!!!! 🔺მე მჯერა იმის რომ ნიკა ქალს ფიზიკურად არ გაუსწორდებოდა, მითუმეტეს შვილის თანდასწრებით. რასაკვირველია ქალის პოზიციაც მესმის და შეიძლება დიდი სტრესის ფონზე ისეთი ჩვენება მისცა რომ მორალური ზიანი მიეყენებინა ნიკასთვის. 🔺მჯერა რომ ამ ეტაპზე ვერ ხვდება მისი ყოფილი მეუღლე თუ რა დონის ზიანი მიაყენა ნიკოლოზს მაგრამ გავა დრო და დარწმუნებული ვარ რომ ინანებს ... 🔺მე გულით ვუსურვებ ორივე მხარეს მშვიდობას და იმედია გაითვალისწინებენ რომ ბავშვი იზრდება და სამომავლოდ არც დედის და არც მამის მიმართ გასროლილი ტალახი მისთვის ადვილი გადასატანი არ იქნება .მშვიდობა ორივე მხარეს და წარმატებები ნიკოლოზს @nikolozbasilashvili ♥️✊🙏

A post shared by MARCUS METREVELI (@marcus_metreveli) on

„მე მჯერა იმის რომ ნიკა ქალს ფიზიკურად არ გაუსწორდებოდა, მით უმეტეს შვილის თანდასწრებით. რასაკვირველია, ქალის პოზიციაც მესმის და შეიძლება დიდი სტრესის ფონზე, ისეთი ჩვენება მისცა, რომ მორალური ზიანი მიეყენებინა ნიკასთვის,“- ამ სიტყვებით ცდილობს მარკუსი საზოგადოების სიტუაციაში გარკვევას. ცნობილი მომღერალი მარკუს მეტრეველი პროფესიით ბერძნული ენის ფილოლოგია. მისი ცხოვრება არასდროს ყოფილა სკანდალების გარეშე. მეუღლე და ორი ვაჟი, 20 წლით უფროსი მდიდარი ქალბატონები, მისი ორიენტაცია, საქმიანობა და ფოტოსესიებიც კი, საზოგადოებას დიდი ხნის მანძილზე არ ავიწყდება.

View this post on Instagram

#საბადურისტყე🍁🍂🌲🌳

A post shared by MARCUS METREVELI (@marcus_metreveli) on

გარდა იმისა, რომ მუსიკალური კარიერა ადრეული ასაკიდან საბერძნეთში დაიწყო, მხოლოდ ერთ პროფესიას არ ჰკიდებს ხელს. მარკუს მეტრეველმა სამოდელო სფეროშიც წარმატებით სცადა თავი და დიზაინერობაც დაიწყო. მომღერალ მარკუს მეტრეველს მდიდრულად ჩაცმა-დახურვა და მოგზაურობა ძალიან უყვარს. ყველგან და ყოველთვის, ნებისმიერ გაუგებარ სიტუაციასშიც კი საუკეთესოდ გამოიყურება. შესაბამისა,  მას ბევრი განიხილავს, ზოგი კრიტიკულად, ზოგი აღფრთოვანებით.

0
თემები:
სელებრითების ცხოვრება