კადრი ფილმიდან უარყოფითი რიცხვები

„უარყოფითი რიცხვები" ციხეში რაგბის შესახებ დრამას ქართულ კინოთეატრებში უჩვენებენ

477
(განახლებულია 18:01 19.02.2020)
ფილმის მთავარ გმირ ნიკას ციხეში მოპოვებულ ავტორიტეტსა და შინაგან თავისუფლებას შორის არჩევანის გაკეთება უწევს.

თბილისი, 19 თებერვალი — Sputnik. საქართველოს კინოთეატრებში ქართველი რეჟისორის უტა ბერიას ფილმის „უარყოფითი რიცხვების" პრემიერა 5 მარტს გაიმართება, ნათქვამია საქართველოს კინემატოგრაფიის ეროვნული ცენტრის Facebook-გვერდზე გავრცელებულ განცხადებაში.

„უარყოფითი რიცხვების" სიუჟეტი, რომელიც საპროდიუსერო კომპანია Magnet Films-მა გადაიღო, რეალურ მოვლენებს ეფუძნება. ის საქართველოს რაგბის კავშირისა და UNICEF-ის ერთობლივ პროექტზე მოგითხრობთ, რომლის ფარგლებშიც არასრულწლოვანთა კოლონიაში მსჯავრდებულების მენტალური და ფიზიკური გაჯანსაღებისთვის რაგბიში მეცადინეობები დაინიშნა.

ფილმის გმირები თვითგადარჩენისთვის იბრძვიან, რამდენადაც ისინი ცხოვრობენ გარემოში, სადაც სიკეთე და განცდები სისუსტედ მიიჩნევა. მთავარ გმირ ნიკას ცეხეში მოპოვებულ ავტორიტეტსა და შინაგან თავისუფლებას შორის არჩევანის გაკეთება უწევს.

ფილმის გადაღებები პროექტის „გადაიღე საქართველოში" ფარგლებში 2017 წლის შემოდგომაზე დაიწყო და იგი სამი ქვეყნის — საქართველოს, საფრანგეთისა და იტალიის კორპროდუქციას წარმოადგენს.

ფილმის გადაღებები ავჭალის ყოფილი №10 საპყრობილის ტერიტორიაზე განხორციელდა. 31 ათას კვადრატულ მეტრზე მეტი ფართობი სახელმწიფო ქონების ეროვნულმა სააგენტომ ფილმის გადასაღებად უსასყიდლოდ, სარგებლობის უფლებით Magnet Films-ს გადასცა.

წელს ევროპელი მაყურებელი უტა ბერიას ფილმს უკვე გაეცნო საფრანგეთის, იტალიის, ბელგიისა და კანის საერთაშორისო ფესტივალებზე არასაკონკურსო სექცია Market Screening-ის ფარგლებში. ახლა კი სრულმეტრაჟიან ფილმს ბერლინის 70-ე საერთაშორისო ფესტივალზე, Market Screenings-ის ბაზრობაზე CinemaxX-ში უჩვენებენ.

477
თემები:
ქართული კინო (88)
ავტოკინოთეატრი

თბილისში 9 ივლისს პირველი ავტოკინოთეატრი გაიხსნება

67
(განახლებულია 19:33 06.07.2020)
კინოთეატრს 21:00 საათზე გახსნის ქართული დრამა რაგბიზე ციხეში. სურათმა საზღვარგარეთ უკვე არაერთი ჯილდო მოიპოვა

თბილისი, 6 ივლისი - Sputnik. ავტოკინოთეატრი Cavea Drive-in Lisi თბილისში პირველად ხუთშაბათს, 9 ივლისს გაიხსნება - ის ლისის ტბის ტერიტორიაზე, ახალ იპოდრომზე განთავსდება, აღნიშნავენ ორგანიზატორები Facebook-გვერდზე.

პირველ კინოსეანსზე აჩვენებენ უტა ბერიას ფილმს „უარყოფითი რიცხვები“. გახსნაზე ირაკლი დეისაძის ბენდი გამოვა.

ავტოკინოთეატრი არის კინოთეატრი ღია ცის ქვეშ, რომელიც გათვლილია ფილმების საყურებლად ავტომობილიდან. ინგლისურენოვან ქვეყნებში მას „დრაივ-ინს“ ეძახიან. ავტოკინოთეატრი წარმოადგენს ავტომობილების სადგომს ორგანიზებული შესასვლელებით და გასასვლელებით და დიდი ზომის ეკრანით.

„დრაივ-ინში“ ხმა გადმოიცემა აკუსტიკური სისტემების მეშვეობით, რომლებიც ავტოსადგომების ირგვლივაა დამონტაჟებული, ან სტანდარტული მცირესიმძლავრიანი რადიოსადგურით FM-დიაპაზონში.

Cavea-ს თეატრების ქსელი ახალი ფილმების პრემიერების პარალელურად მაყურებელს შესთავაზებს სხვა ღონისძიებებსაც, მაგალითად, კინომარათონებს.

მოსალოდნელია, რომ პირველ ეტაპზე კინოთეატრები გათვლილი იქნება მინიმუმ 200 ავტომობილზე. ასევე გამოყოფილი იქნება სპეციალური სივრცე ველოსიპედისტებისთვის, მოტოციკლისტებისა და უტრანსპორტო მაყურებლებისთვის. მათი რაოდენობა გაიზრდება მოთხოვნის შესაბამისად.

ტერიტორიას გააკონტროლებს დაცვა, რომელიც მაყურებელს განთავსებაში მიეხმარება და თვალყურს მიადევნებს წესრიგსა და დისტანციის დაცვას.

67
თემები:
საქართველო და კულტურა
სალომე ზურაბიშვილი

სალომე ზურაბიშვილი ისტორიულად მნიშვნელოვან სოფელ ლაილაშს ეწვია - ვიდეო

217
არქეოლოგიურად დასტურდება, რომ ლაილაში ძველი კოლხეთის ნაწილს წარმოადგენდა. სოფელში აღმოჩენილია ძვ. წ. მე-14-11 საუკუნეების ბრინჯაოს ცულების განძი

თბილისი, 5 ივლისი — Sputnik. საქართველოს პრეზიდენტმა სალომე ზურაბიშვილმა ცაგერის მუნიციპალიტეტში ორბელის გადმოსახედი და სოფელი ლაილაში დაათვალიერა, ნათქვამია საქართველოს პრეზიდენტის ოფიციალურ გვერდზე გავრცელებულ განცხადებაში.

პრეზიდენტი ცაგერის მუნიციპალიტეტში ისტორიულად მრავალეთნიკურ სოფელ ლაილაშს ეწვია, სადაც ქართველებთან ერთად, ბერძნები, ებრაელები და სომხები ცხოვრობდნენ.

ზურაბიშვილის თქმით,  ქვეყნის ისტორიისათვის ძალიან მნიშვნელოვანია ისეთი ადგილების არსებობა, როგორიცაა ლაილაში, სადაც ებრაელები, ქართველები, სომხები ერთად ცხოვრობდნენ.

„არამხოლოდ თბილისსა და ქუთაისში, არამედ აქაც ერთად ცხოვრობდნენ ებრაელები, ქართველები, სომხები - ეს ჩვენს კულტურაზე მეტყველებს!“, - განაცხადა პრეზიდენტმა.

 

Изображение святого Семеона. Фрагмент иконы Сретение из села Лаилаши.
© photo: Sputnik /
წმინდა სვიმონ კანანელის გამოსახულება. ხატის ფრაგმენტი სოფელ ლაილაშიდან

არქეოლოგიურად დასტურდება, რომ ლაილაში ძველი კოლხეთის ნაწილს წარმოადგენდა. სოფელში აღმოჩენილია ძვ. წ. მე-14-11 საუკუნეების ბრინჯაოს ცულების განძი. სოფელი მდიდარია ისტორიულ-არქიტექტურული ძეგლებით. სოფელი ასევე ცნობილია მისივე სახელწოდების ბიბლიით - „ლაილაშის ბიბლია“, რომელიც  X საუკუნის უნიკალური ებრაულენოვანი ხელნაწერია.

 

217
თემები:
საქართველოს პრეზიდენტი
მეხანძრეები

სვანეთში ხანძარს მესამე დღეა ებრძვიან - ვიდეო

0
(განახლებულია 12:58 07.07.2020)
საგანგებო სიტუაციების მართვის სამსახურის ცნობით, ხანძრის ქრობის სამუშაოებს რთული რელიეფი, სიცხე და ძლიერი ქარი ართულებს, თუმცა ვითარება კონტროლს ექვემდებარება.

თბილისი, 7 ივლისი — Sputnik. მესტიის მუნიციპალიტეტის სოფელ ხაიშთან ტყის მასივში გაჩენილი ხანძრის ქრობის სამუშაოები უწყვეტ რეჟიმში მიმდინარეობს, იუწყება შინაგან საქმეთა სამინსიტროს საგანგებო სიტუაციების მართვის სამსახური.

უწყების ინფორმაციით, ადგილზე დილიდანაა მობილიზებული დამატებითი ძალები - როგორც სპეციალური ტექნიკა, ისე ცოცხალი ძალა. სვანეთში ხანძარს ებრძვის 110 მეხანძრე-მაშველი და შვიდი ერთეული სახანძრო-სამაშველო ტექნიკა.

რისკის ზონაში 11 ოჯახი ცხოვრობს. ძლიერი დაკვამლიანების გამო ამ ზონიდან ბავშვები გამოიყვანეს.

„ხანძრის ქრობის სამუშაოებს ართულებს რთული რელიეფი, სიცხე და ძლიერი ქარი. ხანძრის ქრობის სამუშაოები ადგილზე მესამე დღეა მიმდინარეობს. ამ დროისთვის სიტუაცია კონტროლს ექვემდებარება", -აღნიშნავენ უწყებაში.

მეხანძრე-მაშველთა ჯგუფები ხანძრის კერებთან მთელი ღამის განმავლობაში მუშაობდნენ. მუშაობა განაახლეს შინაგან სამინისტროს სასაზღვრო პოლიციის ვერტმფრენებმა. პროცესში დღეს დილიდან ჩაერთო მე-3 ვერტმფრენი.

სვანეთში შექმნილია სამუშაო შტაბი, რომელსაც საგანგებო სიტუაციების მართვის სამსახურის უფროსი თემურ მღებრიშვილი და უფროსის მოადგილე ლევან ღირსიაშვილი პირადად ხელმძღვანელობენ. ადგილზე ასევე იმყოფება სახანძრო-სამაშველო ძალების დეპარტამენტის უფროსი დავით სუხიშვილი.

საზოგადოებრივი უსაფრთხოების მართვის ცენტრ „112"-ში ხანძრის შესახებ ინფორმაცია 5 ივლისს დღის მეორე ნახევარში შევიდა. თვითმხილველის განცხადებით, ტყის მასივში შეინიშნებოდა ძლიერი დაკვამლიანება. ხანძარი სავარაუდოდ მეხის ჩამოვარდნის შედეგად გაჩნდა.

0
თემები:
დიდი ხანძრები საქართველოში