თბილისში გრიბოედოვის დაბადების დღეს აღნიშნავენ

© photo: Sputnik / გადასვლა მედიაბანკშიალექსანდრე გრიბოედოვი
ალექსანდრე გრიბოედოვი - Sputnik საქართველო
გამოწერა
დღეს დიპლომატის, პოეტის, კომპოზიტორისა და დრამატურგის ალექსანდრე გრიბოედოვის დაბადებიდან 225 წელი აღინიშნება.

თბილისი, 15 იანვარი — Sputnik. თბილისში 15 იანვარს ტრადიციულად აღნიშნავენ გამოჩენილი დიპლომატისა და პოეტის ალექსანდრე გრიბოედოვის დაბადების დღეს, განუცხადეს „Sputnik-საქართველოს" გრიბოედოვის სახელობის თბილისის რუსული დრამატული თეატრის პრეს-სამსახურში.

ამ დღეს გრიბოედოველები – მსახიობები და თეატრის თანამშრომლები ყვავილებით შეამკობენ გრიბოედოვის საფლავს მთაწმინდის მწერალთა და საზოგადო მოღვაწეთა პანთეონში. მანამდე კი წმინდა მამა დავითის ეკლესიაში პანაშვიდი აღევლინება.

ალექსანდრე გრიბოედოვი - Sputnik საქართველო
ალექსანდრე გრიბოედოვი: „იჩქარეთ ტფილისში, ვერ წარმოიდგენთ, ეს რა ფუფუნებაა!"

„შემოდგომაზე გრიბოედოვის იუბილესთან და გრიბოედოვის თეატრის 175 წლისთავთან დაკავშირებით წარმოდგენილი იქნება პრემიერა სპექტაკლისა „ვაი ჭკუისაგან", რომლის რეჟისორია ავთანდილ ვარსიმაშვილი", – აღნიშნეს თეატრში.

ალექსანდრე გრიბოედოვი 1795 წლის 15 იანვარს მოსკოვში დაიბადა. 1803 წლიდან ის მოსკოვის უნივერსიტეტის კეთილშობილთა პანსიონის აღსაზრდელი იყო, 11 წლისამ კი უკვე მოსკოვის უნივერსიტეტში დაიწყო სწავლა.

1828 წლის შემოდგომაზე გრიბოედოვი დაინიშნა თავისი მეგობრის ალექსანდრე ჭავჭავაძის ქალიშვილზე, 16 წლის ულამაზეს ნინოზე.

დაქორწინებიდან მალევე გრიბოედოვი სპარსეთში დიპლომატიურ სამსახურში დაბრუნდა. გრძნობდა რა მოახლოებულ სიკვდილს, ის თავის მეუღლეს სწერდა, რომ მისი ძვლები სპარსეთში არ დაეტოვებინათ. ნინომ აღასრულა მეუღლის თხოვნა და გრიბოედოვის ნეშტი მთაწმინდაზე დაკრძალა. სწორედ აქედან დაედო საფუძველი მთაწმინდის მწერალთა და საზოგადო მოღვაწეთა პანთეონს.

© photo : courtesy of Besik Pipiaალექსანდრე გრიბოედოვისა და ნინო ჭავჭავაძის საფლავი მთაწმინდაზე
თბილისში გრიბოედოვის დაბადების დღეს აღნიშნავენ - Sputnik საქართველო
ალექსანდრე გრიბოედოვისა და ნინო ჭავჭავაძის საფლავი მთაწმინდაზე

ალექსანდრე გრიბოედოვისა და ნინო ჭავჭავაძის სიყვარულზე დღემდე ლეგენდები დადის. საფლავზე სამხრეთის მხრიდან არის წარწერა: „გონება და საქმენი შენნი უკვდავია რუსეთის ხსოვნაში, მაგრამ მე რად მოვესწარ ამას, სიყვარულო ჩემო", ჩრდილოეთის მხრიდან სხვა წარწერაა: „დაუვიწყარს მისი ნინოსგან".

ყველა ახალი ამბავი
0