ოსკარი. ქანდაკება

საქართველო „ოსკარისთვის“ რბოლას გამოეთიშა

84
(განახლებულია 15:18 17.12.2019)
წლევანდელი „ოსკარისთვის“ ნომინაციაში „საუკეთესო უცხოური მხატვრული ფილმი“ წარდგენილი იყო დიტო ცინცაძის სამხედრო დრამა „შინდისი“. კიდევ ერთი ფილმი „და ჩვენ ვიცეკვეთ“ კონკურსში შვედეთის სახელით მონაწილეობდა.

თბილისი, 17 დეკემბერი – Sputnik. ცნობილი გახდა აშშ-ის კინოაკადემიის პრემია „ოსკარის“ პრეტენდენტების მოკლე სია, საქართველო, სამწუხაროდ, შორტ-ლისტში არ არის წარდგენილი. ამის შესახებ აღნიშნულია ამერიკის კინემატოგრაფიული ხელოვნებისა და მეცნიერების აკადემიის ვებ-გვერდზე განთავსებულ განცხადებაში.

ქართული კინოს მორიგი გამარჯვება – „შინდისის" რეჟისორი ჰოლივუდში დააჯილდოეს>>

საქართველოდან წლევანდელი „ოსკარისთვის“ ნომინაციაში „საუკეთესო უცხოური მხატვრული ფილმი“ წარდგენილი იყო დიტო ცინცაძის სამხედრო დრამა „შინდისი“. კიდევ ერთი, ლევან აკინის ქართული ფილმი „და ჩვენ ვიცეკვეთ“ შერჩევაში შვედეთის სახელით მონაწილეობდა. ლონგ–ლისტში ასევე მოხვდა ლევან გაბრიაძის ანიმაციური სურათი „იცი, დედა, სად ვიყავი?“, რომელიც რეზო გაბრიაძის მოთხრობების მოტივებზეა გადაღებული.

„ოსკარის“ პრემიაზე პრეტენდენტების შორტ-ლისტში ნომინაციაში „საუკეთესო უცხოური მხატვრული ფილმი“ შევიდა რუსი რეჟისორის კატერინა ბალაგოვას Дылда, ჩეხი რეჟისორის ვაცლავ მარგოულის The Painted Bird, ესტონელი რეჟისორის ტანელ ტოომის Truth and Justice, ფრანგი რეჟისორის ლაჯა ლის Les Misérables, უნგრული ფილმი Those Who Remained, ჩრდილოეთ მაკედონიელი რეჟისორების ფილმი Honeyland, პოლონური Corpus Christi, სენეგალური სურათი Atlantics, სამხრეთ კორეელი რეჟისორის ფილმი Parasite, ასევე ესპანელი რეჟისორის პედრო ალმოდოვარის Pain and Glory.

აქამდე პრესტიჟულ კატეგორიას ეწოდებოდა „საუკეთესო უცხოენოვანი ფილმი“, ახლა კი მას „საუკეთესო უცხოური მხატვრული ფილმი ეწოდება“.

გრან-პრი! ქართული ფილმი „შინდისი“ ვარშავის კინოფესტივალის გამარჯვებულია>>

აშშ-ის კინოაკადემიის გრაფიკის მიხედვით, ნომინანტების სიას 13 იანვარს გამოაცხადებენ. დაჯილდოების ცერემონია (რიგით 92-ე) 9 თებერვალს ლოს-ანჯელესში გაიმართება.

84
თემები:
ქართული კინო (88)
ავტოკინოთეატრი

თბილისში 9 ივლისს პირველი ავტოკინოთეატრი გაიხსნება

67
(განახლებულია 19:33 06.07.2020)
კინოთეატრს 21:00 საათზე გახსნის ქართული დრამა რაგბიზე ციხეში. სურათმა საზღვარგარეთ უკვე არაერთი ჯილდო მოიპოვა

თბილისი, 6 ივლისი - Sputnik. ავტოკინოთეატრი Cavea Drive-in Lisi თბილისში პირველად ხუთშაბათს, 9 ივლისს გაიხსნება - ის ლისის ტბის ტერიტორიაზე, ახალ იპოდრომზე განთავსდება, აღნიშნავენ ორგანიზატორები Facebook-გვერდზე.

პირველ კინოსეანსზე აჩვენებენ უტა ბერიას ფილმს „უარყოფითი რიცხვები“. გახსნაზე ირაკლი დეისაძის ბენდი გამოვა.

ავტოკინოთეატრი არის კინოთეატრი ღია ცის ქვეშ, რომელიც გათვლილია ფილმების საყურებლად ავტომობილიდან. ინგლისურენოვან ქვეყნებში მას „დრაივ-ინს“ ეძახიან. ავტოკინოთეატრი წარმოადგენს ავტომობილების სადგომს ორგანიზებული შესასვლელებით და გასასვლელებით და დიდი ზომის ეკრანით.

„დრაივ-ინში“ ხმა გადმოიცემა აკუსტიკური სისტემების მეშვეობით, რომლებიც ავტოსადგომების ირგვლივაა დამონტაჟებული, ან სტანდარტული მცირესიმძლავრიანი რადიოსადგურით FM-დიაპაზონში.

Cavea-ს თეატრების ქსელი ახალი ფილმების პრემიერების პარალელურად მაყურებელს შესთავაზებს სხვა ღონისძიებებსაც, მაგალითად, კინომარათონებს.

მოსალოდნელია, რომ პირველ ეტაპზე კინოთეატრები გათვლილი იქნება მინიმუმ 200 ავტომობილზე. ასევე გამოყოფილი იქნება სპეციალური სივრცე ველოსიპედისტებისთვის, მოტოციკლისტებისა და უტრანსპორტო მაყურებლებისთვის. მათი რაოდენობა გაიზრდება მოთხოვნის შესაბამისად.

ტერიტორიას გააკონტროლებს დაცვა, რომელიც მაყურებელს განთავსებაში მიეხმარება და თვალყურს მიადევნებს წესრიგსა და დისტანციის დაცვას.

67
თემები:
საქართველო და კულტურა
სალომე ზურაბიშვილი

სალომე ზურაბიშვილი ისტორიულად მნიშვნელოვან სოფელ ლაილაშს ეწვია - ვიდეო

221
არქეოლოგიურად დასტურდება, რომ ლაილაში ძველი კოლხეთის ნაწილს წარმოადგენდა. სოფელში აღმოჩენილია ძვ. წ. მე-14-11 საუკუნეების ბრინჯაოს ცულების განძი

თბილისი, 5 ივლისი — Sputnik. საქართველოს პრეზიდენტმა სალომე ზურაბიშვილმა ცაგერის მუნიციპალიტეტში ორბელის გადმოსახედი და სოფელი ლაილაში დაათვალიერა, ნათქვამია საქართველოს პრეზიდენტის ოფიციალურ გვერდზე გავრცელებულ განცხადებაში.

პრეზიდენტი ცაგერის მუნიციპალიტეტში ისტორიულად მრავალეთნიკურ სოფელ ლაილაშს ეწვია, სადაც ქართველებთან ერთად, ბერძნები, ებრაელები და სომხები ცხოვრობდნენ.

ზურაბიშვილის თქმით,  ქვეყნის ისტორიისათვის ძალიან მნიშვნელოვანია ისეთი ადგილების არსებობა, როგორიცაა ლაილაში, სადაც ებრაელები, ქართველები, სომხები ერთად ცხოვრობდნენ.

„არამხოლოდ თბილისსა და ქუთაისში, არამედ აქაც ერთად ცხოვრობდნენ ებრაელები, ქართველები, სომხები - ეს ჩვენს კულტურაზე მეტყველებს!“, - განაცხადა პრეზიდენტმა.

 

Изображение святого Семеона. Фрагмент иконы Сретение из села Лаилаши.
© photo: Sputnik /
წმინდა სვიმონ კანანელის გამოსახულება. ხატის ფრაგმენტი სოფელ ლაილაშიდან

არქეოლოგიურად დასტურდება, რომ ლაილაში ძველი კოლხეთის ნაწილს წარმოადგენდა. სოფელში აღმოჩენილია ძვ. წ. მე-14-11 საუკუნეების ბრინჯაოს ცულების განძი. სოფელი მდიდარია ისტორიულ-არქიტექტურული ძეგლებით. სოფელი ასევე ცნობილია მისივე სახელწოდების ბიბლიით - „ლაილაშის ბიბლია“, რომელიც  X საუკუნის უნიკალური ებრაულენოვანი ხელნაწერია.

 

221
თემები:
საქართველოს პრეზიდენტი
ილო ბეროშვილი ანი ბებია

ანი ბებიას და ილო ბეროშვილს შვილი შეეძინათ - უსაყვარლესი ვიდეო სამშობიაროდან

0
(განახლებულია 12:27 07.07.2020)
მსახიობებმა ანი ბებიამ და ილო ბეროშვილმა სულ ცოტა ხნის წინ გაამჟღავნეს სასიხარულო ინფორმაცია. შვილს წყვილმა უცნაური სახელი დაარქვა

მსახიობებს ანი ბებიას და ილო ბეროშვილს ვაჟი შეეძინათ. პოპულარულმა მსახიობების წყვილმა შვილს უცნაური სახელი ჯერი დაარქვა. სიახლე საზოგადოებას ილომ ამცნო და ახალშობილისა და ახალნამშობიარევი ანის ფოტოები და ვიდეო გამოაქვეყნა. წყვილმა უამრავი მილოცვა მიიღო.

ანისთვის და ილოსთვის ჯერი პირველი საერთო შვილია. ანის პირველი ქორწინებიდან შვილი არ ჰყოლია. ილოს კი პირველ ქორწინებაში ჟურნალისტ ნელი აგირბასთან ორი გოგონა ჰყავს. აპრილის ბოლოს მესამე ქორწინებიდან ნელი აგირბასაც შეეძინა მესამე შვილი.

ცნობილ სახეებს ილო ბეროშვილს და ანი ბებიას რამდენიმეწლიანი ურთიერთობა აკავშირებთ. პოპულარული ცოლ-ქმარი ტელეეკრანებზე ერთობლივად „ჩემი ცოლის დაქალებში" გამოჩნდა. წარმოუდგენელი იყო, მაგრამ სერიალის გმირს შავლეგ მადლიანს ვაკეში არსებული აფთიაქის ფარმაცევტი შეუყვარდა. ფარმაცევტის როლს ანი ბებია ასრულებდა.

რეიტინგულ სერიალში მათი სასიყვარულო ისტორია არ განვითარდა. წყვილს შორის კი სასიყვარულო ქიმია, როგორც თავად ამბობენ, მანამდე დაიწყო. „ბავშვს სახელი დიდი ხნის წინ შევურჩიეთ. არ ჰქონდა მნიშვნელობა გოგო იქნებოდა თუ ბიჭი, მას მაინც ამ სახელს დავარქმევდით. ჩემი გადაწყვეტილებით მას დავარქმევთ ჯერის, არაქართული სახელია და მე ძალიან მომწონს“, – განაცხადა ბებიამ.

0
თემები:
სელებრითების ცხოვრება