კადრი ლანა ღოღობერიძის ფილმიდან „ოქროს ძაფი

ლანა ღოღობერიძის „ოქროს ძაფი" დიდ ეკრანებზე გამოდის

240
(განახლებულია 16:48 10.12.2019)
ცნობილი მსახიობის გურანდა გაბუნიასთვის და გამოჩენილი კომპოზიტორის გია ყანჩელისთვის ეს ფილმი ბოლო აღმოჩნდა. ისინი პრემიერას ვერ მოესწრნენ.

თბილისი, 10 დეკემბერი — Sputnik. ცნობილი ქართველი რეჟისორის ლანა ღოღობერიძის ახალი დრამა „ოქროს ძაფი" საქართველოს კინოთეატრებში 12 დეკემბრიდან გამოდის, ნათქვამია საქართველოს ეროვნული კინოცენტრის Facebook-გვერდზე.

90 წლის ლანა ღოღობერიძის ფილმმა ერთ გადასაღებ მოედანზე შეკრიბა ქართული კინოს ისეთი ვარსკვლავები, როგორიც არიან გურანდა გაბუნია, ზურაბ ყიფშიძე, ნანა ჯორჯაძე.

მუსიკა ფილმისთვის გამოჩენილმა კომპოზიტორმა და რეჟისორის მეგობარმა გია ყანჩელმა დაწერა. ამ ფილმზე მუშაობა უკანასკნელი აღმოჩნდა ყანჩელისთვის და გურანდა გაბუნიასთვის, ორივე მოუთმენლად ელოდებოდა ფილმის პრემიერას, მაგრამ ამას ვერ მოესწრნენ. გაბუნია თებერვალში, ხოლო ყანჩელი ოქტომბერში გარდაიცვალა.

„შეიძლება ორი ადამიანი ცხოვრობდეს ერთად, ერთმანეთის გვერდით, მაგრამ იმის გამო, რომ რაღაც პრინციპები ამოძრავებთ, ერთმანეთს ვერ გაუგონ. და ერთი დაიღუპოს და მერე მიხვდეს მეორე, რომ თურმე შეიძლება სხვანაირად ყოფილიყო", – აღნიშნა რეჟისორმა თავისი ფილმის შესახებ.

ფილმის მთავარი გმირი 80 წლის მწერალი ელენეა, რომელიც ჯანმრთელობის პრობლემების გამო ოთხ კედელშია გამოკეტილი. მისი ცხოვრება შორეული ნათესავის მირანდას გამოჩენით იცვლება. მირანდას ალცჰაიმერის დაავადება აქვს. როგორც ირკვევა, ჯერ კიდევ საბჭოთა დროს მან შეუშალა ხელი ელენეს ერთ-ერთი წიგნის გამოსვლას. დაძაბულობა ურთიერთობებში პიკს ქალების ძველი მეგობრის არჩილის ზარის დროს აღწევს, რომლის მიმართ ისინი გულგრილი არ იყვნენ.

ლანა ღოღობერიძე: თუკი რაიმეთი საინტერესო ვართ მსოფლიოსთვის ეს ჩვენი ხასიათია>>

„ოქროს ძაფის" პრემიერა თბილისის მე-20 საერთაშორისო კინოფესტივალის ფარგლებში გაიმართა. როგორც კრიტიკოსებმა აღნიშნეს, რომლებმაც ფილმი დიდი აღფრთოვანებით მიიღეს, სურათში საუბარია ასაკოვანი ადამიანების პრობლემებზე – მნიშვნელოვან თემაზე, რომელზეც დღევანდელ ქართულ კინემატოგრაფიაში იშვიათად თუ საუბრობენ.

240
თემები:
ქართული კინო (88)
ავტოკინოთეატრი

თბილისში 9 ივლისს პირველი ავტოკინოთეატრი გაიხსნება

68
(განახლებულია 19:33 06.07.2020)
კინოთეატრს 21:00 საათზე გახსნის ქართული დრამა რაგბიზე ციხეში. სურათმა საზღვარგარეთ უკვე არაერთი ჯილდო მოიპოვა

თბილისი, 6 ივლისი - Sputnik. ავტოკინოთეატრი Cavea Drive-in Lisi თბილისში პირველად ხუთშაბათს, 9 ივლისს გაიხსნება - ის ლისის ტბის ტერიტორიაზე, ახალ იპოდრომზე განთავსდება, აღნიშნავენ ორგანიზატორები Facebook-გვერდზე.

პირველ კინოსეანსზე აჩვენებენ უტა ბერიას ფილმს „უარყოფითი რიცხვები“. გახსნაზე ირაკლი დეისაძის ბენდი გამოვა.

ავტოკინოთეატრი არის კინოთეატრი ღია ცის ქვეშ, რომელიც გათვლილია ფილმების საყურებლად ავტომობილიდან. ინგლისურენოვან ქვეყნებში მას „დრაივ-ინს“ ეძახიან. ავტოკინოთეატრი წარმოადგენს ავტომობილების სადგომს ორგანიზებული შესასვლელებით და გასასვლელებით და დიდი ზომის ეკრანით.

„დრაივ-ინში“ ხმა გადმოიცემა აკუსტიკური სისტემების მეშვეობით, რომლებიც ავტოსადგომების ირგვლივაა დამონტაჟებული, ან სტანდარტული მცირესიმძლავრიანი რადიოსადგურით FM-დიაპაზონში.

Cavea-ს თეატრების ქსელი ახალი ფილმების პრემიერების პარალელურად მაყურებელს შესთავაზებს სხვა ღონისძიებებსაც, მაგალითად, კინომარათონებს.

მოსალოდნელია, რომ პირველ ეტაპზე კინოთეატრები გათვლილი იქნება მინიმუმ 200 ავტომობილზე. ასევე გამოყოფილი იქნება სპეციალური სივრცე ველოსიპედისტებისთვის, მოტოციკლისტებისა და უტრანსპორტო მაყურებლებისთვის. მათი რაოდენობა გაიზრდება მოთხოვნის შესაბამისად.

ტერიტორიას გააკონტროლებს დაცვა, რომელიც მაყურებელს განთავსებაში მიეხმარება და თვალყურს მიადევნებს წესრიგსა და დისტანციის დაცვას.

68
თემები:
საქართველო და კულტურა
სალომე ზურაბიშვილი

სალომე ზურაბიშვილი ისტორიულად მნიშვნელოვან სოფელ ლაილაშს ეწვია - ვიდეო

225
არქეოლოგიურად დასტურდება, რომ ლაილაში ძველი კოლხეთის ნაწილს წარმოადგენდა. სოფელში აღმოჩენილია ძვ. წ. მე-14-11 საუკუნეების ბრინჯაოს ცულების განძი

თბილისი, 5 ივლისი — Sputnik. საქართველოს პრეზიდენტმა სალომე ზურაბიშვილმა ცაგერის მუნიციპალიტეტში ორბელის გადმოსახედი და სოფელი ლაილაში დაათვალიერა, ნათქვამია საქართველოს პრეზიდენტის ოფიციალურ გვერდზე გავრცელებულ განცხადებაში.

პრეზიდენტი ცაგერის მუნიციპალიტეტში ისტორიულად მრავალეთნიკურ სოფელ ლაილაშს ეწვია, სადაც ქართველებთან ერთად, ბერძნები, ებრაელები და სომხები ცხოვრობდნენ.

ზურაბიშვილის თქმით,  ქვეყნის ისტორიისათვის ძალიან მნიშვნელოვანია ისეთი ადგილების არსებობა, როგორიცაა ლაილაში, სადაც ებრაელები, ქართველები, სომხები ერთად ცხოვრობდნენ.

„არამხოლოდ თბილისსა და ქუთაისში, არამედ აქაც ერთად ცხოვრობდნენ ებრაელები, ქართველები, სომხები - ეს ჩვენს კულტურაზე მეტყველებს!“, - განაცხადა პრეზიდენტმა.

 

Изображение святого Семеона. Фрагмент иконы Сретение из села Лаилаши.
© photo: Sputnik /
წმინდა სვიმონ კანანელის გამოსახულება. ხატის ფრაგმენტი სოფელ ლაილაშიდან

არქეოლოგიურად დასტურდება, რომ ლაილაში ძველი კოლხეთის ნაწილს წარმოადგენდა. სოფელში აღმოჩენილია ძვ. წ. მე-14-11 საუკუნეების ბრინჯაოს ცულების განძი. სოფელი მდიდარია ისტორიულ-არქიტექტურული ძეგლებით. სოფელი ასევე ცნობილია მისივე სახელწოდების ბიბლიით - „ლაილაშის ბიბლია“, რომელიც  X საუკუნის უნიკალური ებრაულენოვანი ხელნაწერია.

 

225
თემები:
საქართველოს პრეზიდენტი
შაკიკისადმი მიდრეკილება განპირობებულია მემკვიდრეობით, სქესით, ცხოვრების არასწორი წესით, ფსიქოემოციური ფონით

შაკიკის მკურნალობა შესაძლებელია: გერმანიაში მოღვაწე ნევროლოგის რჩევები

0
(განახლებულია 13:20 07.07.2020)
მტანჯველი თავის, კეფისა და თვალის ტკივილი, წნევის დავარდნა, მომატებული მგრძნობელობა, ყნოსვითი აურა, გულისრევის შეგრძნება,  - ეს შაკიკია, მისი გამომწვევი ზუსტი მიზეზები კი დღემდე განსაზღვრული არ არის.

მსოფლიოში შაკიკი მოსახლეობის ათ პროცენტს აწუხებს. ის სამჯერ უფრო ხშირია ქალებში, ვიდრე მამაკაცებში. შეტევა შეიძლება გამოიწვიოს სხვადასხვა ხელისშემწყობმა ფაქტორმა. მაგალითად, შესაძლოა ადამიანს შეტევა დაეწყოს ძლიერ სინათლეზე, ხმაურზე, სტრესული მდგომარეობისას, შიმშილის გამო, ან იმ საკვების ჭარბი დოზით მიღებისას, რომელიც ტკივილის მაპროვოცირებელია. მაგალითად ასეთი საკვებია ყველი, შოკოლადი, თხილი, ალკოჰოლი, განსაკუთრებით კი წითელი ღვინო.

შაკიკი არ იკურნება, თუმცა ის მართვადი დაავადებაა. ხშირად ისმის კითხვა, როგორ მკურნალობენ შაკიკს? ამის შესახებ გერმანიაში მოღვაწე ნევროლოგმა, ევროპის თავის ტკივილის ასოციაციის პრეზიდენტმა, გერმანიის ქალაქ ესენის უნივერსიტეტის პროფესორმა და ქალაქ უნას ევანგელური საავადმყოფოს ნევროლოგიური დეპარტამენტის ხელმძღვანელმა, პროფესორმა ზაზა ქაცარავამ ტელეკომპანია „იმედის“ ეთერში ისუბრა.

- რამდენი ფორმა არსებობს თავის ტკივილის?

- არსებობს საერთაშორისო კლასიფიკაცია, რომელიც ძალიან მაღალ დონეზეა შესრულებული და ის თავის ტკივილის 230 ფორმას განარჩევს. რეალურად ყოველდღიური მკურნალობისთვის საჭიროა ვიცოდეთ სამი სახის თავის ტკივილი, ესენია შაკიკი, დაძაბული თავის ტკივილი და ე.წ. ქლასტერული თავის ტკივილი. ეს სამი არის ყველაზე ხშირი თავის ტკივილის ფორმა.

- როგორ უნდა ვუმკურნალოთ შაკიკს?

- უნდა აღვნიშნო, რომ შაკიკი ყველაზე გავრცელებული თავის ტკივილია. საქართველოში შაკიკი ქალების 18 პროცენტს, ხოლო კაცების რვა პროცენტს აწუხებს. ამ პაციენტების დიდ უმრავლესობას შაკიკის შეტევები იშვიათად აქვს. მას, ვისაც შაკიკი აწუხებს, უნდა ისწავლოს, როგორ უნდა ჩაიტაროს მკურნალობა, რა უნდა მიიღოს მწვავე შეტევის დროს. თუ ადამიანს შაკიკის შეტევები აქვს ყოველ მეორე დღეს, ან უფრო ხშირად, სწორედ ეს ადამიანია სამკურნალო. მართალია შაკიკი არ კლავს, მაგრამ ძალიან ტანჯავს ადამიანს. შაკიკის განკურნება შეუძლებელია, მაგრამ მკურნალობა არსებობს და საკმაოდ ეფექტურიცაა. ჩვენ 10 წლის წინ გავაკეთეთ სპეციალური ეპიდემიოლოგიური გამოკვლევა საქართველოში, სადაც ვაჩვენეთ, რომ შაკიკის ეპიზოდური ფორმის სიხშირე ისეთივეა, როგორც მთელს მსოფლიოში, მაგრამ ქრონიკული ფორმის სიხშირე ორჯერ უფრო მაღალია, ვიდრე ევროპაში და ამერიკაში. იმ ქვეყნებში, სადაც მკურნალობის ეფექტური სისტემა არსებობს, იქ ეპიზოდური შაკიკი არ გადაიზრდება ქრონიკულში. საჭიროა კომპლექსური მკურნალობა. ოჯახის ექიმი, ნევროლოგი, ტკივილის სპეციალისტი, ფსიქოლოგი, ესენი ყველა მუშაობენ იმისთვის, რომ ეპიზოდური ფორმა დარჩეს ეპიზოდურ ფორმად და არ გადაიზარდოს ქრონიკულში.

- არსებობს მედიკამენტები, რომელიც ძალიან ძვირი ღირს და არ იყიდება საქართველოში. ხშირად უწევთ უცხოეთიდან ჩამოტანა, გამოგზავნა. რატომ ვხარჯავთ ამ წამლებში ბევრ ფულს, თუ არსებობს მკურნალობის შესაძლებლობა?

- ძალიან სწორი შეკითხვაა. ეპიდემიოლოგიური კვლევის  შემდეგ მე საკმაოდ დიდი გრანტი ჩამოვიტანე, დაახლოებით 100 ათასი დოლარის ფარგლებში იყო ეს გრანტი. ეს იყო ექიმის ხელფასი, ექთნის ხელფასი, სამი თვის განმავლობაში უფასო წამლები და  ეს ყველაფერი შევთავაზეთ პაციენტებს. თან დავიწყეთ იმის დათვლაც, ეკონომიურად როგორ არის ეს ამბავი აგებული. დაახლოებით 1000 ავადმყოფი გამოვიკვლიეთ და გამოდგა, რომ ერთი მოსახლე თბილისში დაახლოებით  30 ლარს ხარჯავს ამ პრობლემისთვის. ნუ, ზოგი 150 ლარს, ზოგი 5 ლარს, მაგრამ საშუალოდ იხარჯება 30 ლარი. აქ მთავარია რაში იხარჯება ეს 30 ლარი. განუწყვეტლივ მეორდება თავის ტვინის ტომოგრაფია, აინტერესებთ სიმსივნე ხომ არ აქვთ და ასე გრძელდება განუწყვეტლივ... არ არის ეს საჭირო. ეს 30 ლარი იხარჯება არასწორ დიაგნოსტიკაში და იხარჯება უაზროდ დანიშნულ წამლებში. უნდა არსებობდეს სტანდარტი, რომელსაც უნდა მიყვებოდეს ექიმი. აქვე მინდა ვთქვა, რომ საქართველოში ასე ცუდად არ არის საქმე. არსებობს რამოდენიმე ძალიან მაღალკვალიფიციური სპეციალისტი. არის ძალიან მაღალი დონის ექიმი ხატია გვანცელაძე, რომელიც არის ჩემი მოსწავლე. ის ძალიან მაღალ დონეზე მიიღებს და გამოიკვლევს ყველა ავადმყოფს. არიან არაჩვეულებრივი სპეციალისტები, ანუკა ძაგნიძე, მაკა კუკავა, გოგიტა გეგელაშვილი, გუგა ჩახავა, გვანცა გიორგაძე, რომლებიც სწორი მიმართულებით მკურნალობენ ავადმყოფს. დიაგნოსტიკის შემდეგ, პაციენტს დაენიშნება მკურნალობა, რომელიც ექვემდებარება მსოფლიო სტანდარტს.

ყველანაირად მინდა, რაც მე გერმანიაში ვისწავლე და რასაც მე გერმანიაში მივაღწიე ჩემს ქვეყანას მოვახმარო.

 

0