კადრი ფილმიდან „იარ-არი-გიუმრი ვახტანგ კიკაბიძის მონაწილეობით

ფილმმა გიუმრის შესახებ კიკაბიძის მონაწილეობით მოსკოვის კინოფესტივალის ჯილდო დაიმსახურა

84
(განახლებულია 19:51 25.11.2019)
ფილმის მთავარი გმირები არიან – ქალაქი, ადამიანები და მეგობრობა, რომლის სიმბოლოებად იქცნენ ვახტანგ კიკაბიძე და ფრუნზიკ მკრტჩიანი.

თბილისი, 25 ნოემბერი — Sputnik. რეჟისორ ვიქტორია მაქსოევას დოკუმენტური ფილმი „იარ-არი-გიუმრი", რომელშიც ცნობილმა ქართველმა მსახიობმა ვახტანგ კიკაბიძემ ითამაშა, მოსკოვის საერთაშორისო კინოფესტივალის ლაურეატი გახდა. ამის შესახებ „Sputnik-საქართველოს" ფილმის ავტორმა აცნობა.

ფილმი ეძღვნება სომხურ ქალაქ გიუმრის და მოგვითხრობს მის კულტურაზე, ისტორიასა და საქართველოსთან ქალაქის კავშირზე.

ფილმ „იარ-არი-გიუმრის" პრემიერა 2019 წლის იანვარში ჯერ სომხეთსა და რუსეთში შედგა. ის სომხეთის საზოგადოებრივი ტელევიზიის ეთერით აჩვენეს, შემდეგ კი სანქტ-პეტერბურგისა და ლენინგრადის ოლქის ტელევიზიით გაუშვეს. საქართველოში ფილმის ჩვენება პირველად აპრილში თბილისში, პარლამენტის ეროვნული ბიბლიოთეკის საგამოფენო დარბაზში გაიმართა.

წელს რუსეთის საერთაშორისო კინოფესტივალში მონაწილეობა მიიღო 253-მა ფილმმა რუსეთიდან, უკრაინიდან, ბელარუსიდან, საქართველოდან, სომხეთიდან, მოლდავეთიდან, ბოსნია-ჰერცეგოვინიდან, ლატვიიდან, ლიეტუვადან, იტალიიდან, გერმანიიდან, ფინეთიდან, პოლონეთიდან, შვედეთიდან, ბრაზილიიდან, კუბიდან.

„იარ-არი-გიუმრიმ" ჯილდო დაიმსახურა ნომინაციაში „ერთად" კეთილმეზობლობისა და თანამშრომლობის იდეებისთვის.

ფილმის შესახებ

ფილმის ავტორია ვიქტორია მაქსოევა, რეჟისორი და საზოგადოებრივი ორგანიზაცია „აგორა-ჯორჯიას" (საქართველო) ხელმძღვანელი, რომლის მოღვაწეობაც მიმართულია რეგიონში პოლიტიკური, ეკონომიკური და კულტურული კავშირების განმტკიცებისკენ.

Виктория Максоева
© Sputnik / Alex Shlamov
ვიქტორია მაქსოევა

„ფილმის მთავარი გმირია ქალაქი გიუმრი. ჩვენ ვყვებით მის კულტურაზე, ისტორიაზე და იმაზე, თუ რითია დაკავშირებული ეს მშვენიერი ქალაქი საქართველოსთან. პირველ რიგში, ეს, რასაკვირველია, ადამიანები არიან. სიმბოლურია, რომ როდესაც 30 წლის წინ გიუმრიში მიწისძვრა მოხდა, საქართველო პირველი ქვეყანა იყო, რომელმაც მოძმე სომეხ ერს დახმარების ხელი გაუწოდა. თუმცა ფილმში ჩვენ არ ვსაუბრობთ ისტორიის ტრაგიკულ მომენტებზე, რადგან გიუმრი სომხეთის იუმორის დედაქალაქია. ჩვენ, უპირველეს ყოვლისა, ამ ქალაქს იუმორისტული კუთხით წარმოვაჩენთ. მით უმეტეს, რომ ფილმი ნახევრად დოკუმენტურია და მასში მხატვრული ხაზიც არის, რომელიც სავსეა იუმორითა და ფანტასტიკით", – ამბობს მაქსოევა ფილმზე.

რეჟისორის სიტყვებით, ფილმის ერთ-ერთი მთავარი სიუჟეტური ხაზია ვახტანგ კიკაბიძისა და მისი მეგობრისა და კოლეგის, გიუმრის მკვიდრის ფრუნზიკ მკრტჩიანის მეგობრობის ისტორია. სურათში ქართველი მსახიობი ფრუნზიკას სამშობლოდან მეგობრის ხსოვნის ნიშნად რამის მიღებას ნატრობს. ფინალში გიუმრის ფრუნზიკ მკრტიჩიანის მუზეუმიდან, თითქოს დროისა და სივრცის მიღმა, ორიგინალური შეტყობინება მოდის.

ვახტანგ კიკაბიძესთან ერთად ფილმში მონაწილეობენ მსახიობები ემილ გალსტიანი, ირინა და ქსენია ჩერნიაევები.

როგორც მაქსოევამ აღნიშნა, გადამღები ჯგუფი, რომელიც ფილმზე მუშაობდა, სომხურ-ქართულია (დამდგმელი ოპერატორი - გარიკ აბელიანი). ამ გუნდს უკვე გადაღებული აქვს ექვსი ფილმი, რომლებიც სხვადასხვა კინოპრემიით არიან დაჯილდოებული. მაგალითად, საბერძნეთში საერთაშორისო შემოქმედებით ფესტივალზე ჰომეროსის პრემიით „ვიზიტი მუზებთან" (2017) და რუსეთში „ოქროს რაინდით" (2018). მათ მონაწილეობა აქვთ მიღებული ასევე კინოფესტივალში „ჩრდილოეთის ხასიათი" (რუსეთი, მურმანსკი) და სხვ.

კიკაბიძე ახალ ფილმში გადაიღეს – თბილისში პრემიერა გაიმართება>>

აღსანიშნავია, რომ ფილმის ავტორები მოსკოვის კინოფესტივალს რუსეთის ფედერაციაში სომხეთის რესპუბლიკის საელჩოს მხარდაჭერით ესტუმრნენ.

84
თემები:
საქართველო და კულტურა (830)
სოსო პავლიაშვილი

„მამებო, მიბაძეთ!“ სოსო პავლიაშვილმა ქალიშვილს გულისამაჩუყებელი პოსტი მიუძღვნა

337
(განახლებულია 21:13 02.06.2020)
სოსო პავლიაშვილმა ქალიშვილს დაბადების დღე მიულოცა – სანდრასთვის უთბილესმა მილოცვამ გულგრილი არავინ დატოვა.

თბილისი, 2 ივნისი – Sputnik. ცნობილმა მომღერალმა სოსო პავლიაშვილმა თავის ქალიშვილ სანდრას დაბადების დღე მიულოცა. გოგონა 12 წლის გახდა.

იცოდით, რომ სოსო პავლიაშვილს უსიმპათიურესი ვაჟი ჰყავს? – ფოტოები >>

მუსიკოსმა ქალიშვილს Instagram-ზე გულისამაჩუყებელი პოსტი მიუძღვნა და ოჯახური ფოტოები გამოაქვეყნა.

„დაბადების დღეს გილოცავ, ჩემო ანგელოზო, სახელად სანდრა!!! საუკეთესო ქალიშვილი!!! საუკეთესო შვილიშვილი!!! საუკეთესო და!!! საუკეთესო დაქალი!!! შენ და ყველა ჩვენს შვილს, რომლებთან ერთადაც გაატარებ ამ მშვენიერ და საოცარ ცხოვრებას, გისურვებთ მარადიულ ახალგაზრდობას, ჯანმრთელობას, მშვიდობას და სიკეთეს!!! იყავი მუდამ უფალთან და უფალი სულ შენთან იქნება!!! მიყვარხარ უსაზღვროდ!!! მადლობა იროჩკას შენს გამო!!! მადლობა ღმერთს ჩვენი ოჯახისთვის!!!“ – დაწერა მომღერალმა.

ხელმომწერებმაც არ დაიშურეს მილოცვები და იუბილარს უამრავი კომენტარი დაუტოვეს.

სოსო პავლიაშვილი – მრავალშვილიანი მამაა. პირველი ქორწინებიდან მას 31 წლის ვაჟი ლევანი ჰყავს, ხოლო ირინა პატლახმა, მეორე მეუღლემ თავის საყვარელ მამაკაცს ორი ქალიშვილი გაუჩინა – ელიზავეტა და სანდრა.

337
თემები:
საქართველო და კულტურა (830)
გიორგი ნადიბაიძე – The Voice–ის გამარჯვებული

The Voice „პირველ არხზე“ გადადის

136
(განახლებულია 21:31 01.06.2020)
კონკურსზე რეგისტრაცია უკვე დაიწყო. ის ონლაინ–რეჟიმში მიმდინარეობს. შემდეგ გაიმართება კასტინგი და დასახელდება ჟიურის შემადგენლობა.

თბილისი, 1 ივნისი – Sputnik. საზოგადოებრივი მაუწყებლის „პირველი არხი“ სასიმღერო კონკურსის The Voice ახალ სეზონს ამზადებს. რეგისტრაცია უკვე დაიწყო.

როგორც ოგანიზატორები აცხადებენ, მსურველები ჯერ უნდა დარეგისტრირდნენ ინტერნეტ-გვერდზე, ხოლო შემდეგ სახლიდან გაუსვლელად გაიარონ კასტინგი.

ჯერჯერობით უცნობია, ვინ იქნება ჟიურიში. გასულ წელს მის შემადგენლობაში შედიოდნენ ქეთა თოფურია, ანრი ჯოხაძე, ნოდიკო ტატიშვილი და ნუცა შანშიაშვილი.

The Voice ვოკალური სატელევიზიო შოუა. ის 2012 წლიდან ტელეარხ „იმედზე“ გადიოდა, ახლა კი „პირველ არხზე“ გავა.

პროგრამას ადრე „ახალი ხმა“ ერქვა. პირველი ორი სეზონის გამარჯვებული არიან სალომე ქათამაძე და მარიამ ჩაჩხიანი. პროექტი The Voice-ის ორიგინალური ფორმატის ანალოგია, რომელიც პირველად ჰოლანდიურ ТВ RTL4-ზე გამოჩნდა, როგორც The Voice of Holland.

136
თემები:
საქართველო და კულტურა (830)
სავსე მთვარე

სავსემთვარეობა 5 ივნისს: თვის გარდამტეხი მომენტი და მისი გავლენა ზოდიაქოს ნიშნებზე

0
(განახლებულია 15:45 03.06.2020)
ასტროლოგები 5 ივნისს ამ თვეში გარდამტეხ მომენტს უწოდებენ. ამ დღეს ორი ძალზე მნიშვნელოვანი მოვლენა მოხდება – სავსემთვარეობა და მთვარის დაბნელება

სავსემთვარეობას ყოველთვის მოაქვს ცვლილებები და იმის განსაზღვრა, დადებითი იქნება ეს ცვლილებები თუ უარყოფითი, რთულია. ამასთან, 5 ივნისს გველოდება მთვარის დაბნელებაც. აქედან გამომდინარე, 5 ივნისს ასტროლოგები ივნისში გარდამტეხ მომენტს უწოდებენ.

ივნისის სავსემთვარეობა საკმაოდ უჩვეულო დღეა, რომელიც ცნობისმოყვარე მშვილდოსნის ეგიდით ჩაივლის. ასტროლოგები აღნიშნავენ, რომ ამ დღეს ბევრი აუხსნელი რამ მოხდება, ამიტომ, იმისთვის, რომ დღემ მხოლოდ დადებითი ემოციები მოიტანოს, აუცილებელია სავსე მთვარის ენერგიის სათავისოდ გამოყენება.

გაეცანით, როგორი იქნება ეს დღე ზოდიაქოს თითოეული ნიშნისთვის.

ვერძი

ივნისის სავსემთვარეობა ვერძებისთვის შანსია, რომ გადადგან მნიშვნელოვანი ნაბიჯი პირად ცხოვრებაში. საუბარია როგორც ახალი ურთიერთობების დაწყებაზე, ისე ძველის შეწყვეტაზე. მნიშვნელოვანია, რომ არ დაგავიწყდეთ საკუთარი ინტერესები, სხვაგვარად მოსალოდნელია, რომ უსიამოვნო და მრავალრიცხოვანი პრობლემების პროვოცირება მოხდეს.

კურო

სავსემთვარეობა კუროებისთვის ძალზე მნიშვნელოვანი დღეა. სწორედ ამ დღეს შეიძლება მოხდეს თქვენს ცხოვრებაში საბედისწერო მოვლენა, ან მიიღოთ გადაწყვეტილება, რომელიც რადიკალურად შეცვლის თქვენს მომავალ ბედს. ასტროლოგები გირჩევენ: იმოქმედეთ თამამად.

ტყუპი

ტყუპები სავსემთვარეობისგან მაქსიმალური სარგებლის მიღებას შეძლებთ. იღბალი თქვენი თანმდევი იქნება როგორც სასიყვარულო წამოწყებებში, ისე ყოველდღიურ საქმეებში. გამძაფრებული ინტუიცია გიკარნახებთ, რომელ საქმეებთან ღირს შეჭიდება და რომლის გადადება.

კირჩხიბი

კირჩხიბებისთვის ეს სავსემთვარეობა იღბლიანი იქნება შინაგანი ჰარმონიის მოპოვებისა დაპირადი ცხოვრების მოგვარების კუთხით. შეგიძლიათ გქონდეთ ბედის ბედნიერი შემობრუნების იმედი, რომელიც დაგეხმარებათ უთანხმოებების მოგვარებასა და კეთილდღეობისკენ მიმავალი საკუთარი გზის პოვნაში.

ლომი

მშვილდოსანი ცეცხლის ნიშნების ენერგეტიკას გააძლიერებს, განამტკიცებს, რაც ნიშნავს წარმატებებს საქმეებში და პირად ცხოვრებაში. მაგრამ, ამასთან, ექსპერტები გაფრთხილებენ, რომ მოსალოდნელია სტრესული ვითარებების გამწვავებასთან დაკავშირებული რისკები. გაუფრთხილდით თავს, საკუთარ ჯანმრთელობას.

სასწორი

ნებისმიერი უმნიშვნელო კამათი 5 ივნისს, რომელშიც სასწორი იქნება ჩართული, შესაძლოა, სერიოზულ კონფლიქტში გადაიზარდოს. ასტროლოგები გირჩევენ, არ დაივიწყოთ ტაქტი, კეთილმოსურნეობა და მანერები. გახსოვდეთ, უფრო მარტივია კონსტრუქციული დიალოგი, ვიდრე შემდეგ უამრავი პრობლემის მოგვარება.

მორიელი

ასტროლოგები გირჩევენ, ცოტა მოთოკოთ თქვენი სიჯიუტე, ჟინი და ყოველ წვრილმანზე გამოდევნების ჩვევა, რათა სავსემთვარეობამ კარგად ჩაიაროს, მტკიცე საძირკველი შეიქმნას თქვენი კარიერისა და პირადი ცხოვრების ნაყოფიერად განვითარებისთვის. თუ ასე არ მოიქცევით მთელი თვე შინაგანი ჰარმონიისა და საკუთარი რეპუტაციის აღდგენას მოანდომებთ.

მშვილდოსანი

სავსემთვარეობის დღე გაატარეთ სასიამოვნო საქმეში, საყვარელი ადამიანების გარემოცვაში. მოველენები, ფინანსური ოპერაციების გარდა, ყველა სფეროში ხელსაყრელად განვითარდება. კარგი დღეა ურთიერთობებისთვის – განამტკიცეთ არსებული კავშირები და გაიცანით ახალი ადამიანები.

თხის რქა

სავსე მთვარი თხის რქებისთვის კარგი საბაბი იქნება იმისთვისრომ გადახედოთ საკუთარ შესაძლებლობებს, პრიორიტეტებსა დასურვილებს. ღამის მანათობელი მინიშნებით დაგეხმარებათ გაიგოთ,კონკრეტულად რა გჭირდებათ ბედნიერებისთვის და როგორ მიაღწიოთ მას.

მერწყული

სავსემთვარეობა მშვილდოსნის ნიშანში მერწყულებს უამრავ ახალ მოვლენასა და ცვლილებას გპირდებათ. აქედან ზოგიერთი საბედისწეროც შეიძლება აღმოჩნდეს. აქედან გამომდინარე, ასტროლოგები გირჩევენ, ყურადღებით იყოთ თითოეული ნათქვამი სიტყვის, გადაწყვეტილებებისა და მომედებების მიმართ.სჯობს, არ გადაუხვიოთ გეგმას და მკაფიოდ მისდიოთ მას.

თევზები

ვარსკვლავები გირჩევენ, პარასკევი რაც შეიძლება მშვიდად გაატაროთ, ყურადღებით მოუსმინოთ საკუთარ ინტუიციას. არ არის გამორიცხული, რომ მალე თქვენი ცხოვრება კარდინალურად შეიცვალოს, ამიტომ, სჯობს, ამისთვის წინასწარ მოემზადოთ.

0